مايروس النجوم الا سهيل ولا يقود الظبا غير العنود

البارت الثامن

<بيت ابو يوسف>
محب شاف البنات طلعو وقرر يدخل يكلم العنود مره ثانيه:العنود
العنود لفت عليه:لبيه؟
محب ابتسم وجلس:العنود اسمعيني مره
العنود تنهدت:محب اذا كان الموضوع الي كلمتني عنه انساه انا احبه ومابي اتركة
محب حط يده على يدها وشد عليها:العنود فكري بس اجلسي عندنا وفكري مانب ضغط عليك بس فكري زين
العنود مسكت يده:محب فكرت والله العظيم اني فكرت وش اسوي اكثر علمني
محب انفعل:لا مافكرتي يالعنود مافكرتي لو فكرتي ما اخترتيه علينا احنا اخوانك
العنود تناظره بصدمة:محب انت ماخيرتني انت قلت فكري وانا فكرت ماقلت اختاري بيننا وبينه
محب ناظرها بهدوء:اجل اختاري
العنود هزت راسها بنفي والدموع تجمعت بعيونها:الله يخليك لا لاتسويها محب
محب صد عنها لانه يفكر انه ذي الطريقة الي بترجع العنود لهم
يوسف دخل:سهيل برا
محب ناظر العنود يستنى جوابها
العنود اخذت شنطتها وعبايتها ووقفت تمشي للباب
محب وقف:العنود
العنود طلعت من الباب
محب عصب ودف الطاوله:الله يلعنه
يوسف مستغرب:وش فيه؟
محب ناظره بعصبيه:اختارته اختارته علينا احنا اخوانها من لحمها ودمها اختارته علينا
يوسف يحاول يستوعب:محب لا تقولها لاتقول انك خيرتها
محب ضحك بعصبيه:واختارته
يوسف سحب محب من ياقته:محب صاحي انت صاحي تخيرها بيننا قلت لك انتهى الموضوع قالت انها تحبه خلاص ليش سويت كذا ليش؟؟
محب استوعب انها تقول احبه بس ماتقول احب سهيل ولا قالت مابي اترك سهيل وبعد يد يوسف وركض للباب ولحقه يوسف
محب وقف قدام سيارة سهيل وراح ينزل العنود ونزل سهيل معاهم:العنود تحبين مين؟ انتي قلتي احبه بس من هو؟؟
العنود غمضت عيونها لانها دايم تنكشف عند محب بس لازم ذي المره ماتنكشف لمصلحتهم كلهم:محب وش فيك احب زوجي ومسكت يد سهيل
محب ابتسم لانها ماتقول اسمه:ادري انه زوجك مايحتاج تقولين صلة القرابه ابي انتي تحبين مين؟
العنود اخذت نفس وبهدوء:محب وش تبي؟
محب هز راسه:ابي اسمعها
العنود شدت على يد سهيل باقوى ماعندها لانه ثقيله الكلمه عليها:احب سهيل
سهيل لف عليها ومحب ابتسم بخفيف وهز راسه:تمام ومشى من قدام العنود ودخل البيت ودخل وراه يوسف وخبط بالباب محب والعنود دخلت السياره وركب معاها سهيل وكانت كلمتها تتردد باذونه ليش يحس انها لخبطته كلمتها
العنود كانت لافه راسها لدريشة وكان كل شوي سهيل يلف يناظرها ويرجع يكمل الطريق لين ما وصل للبيت ونزلت العنود وسهيل ودخلو البيت
ام ماجد شافت العنود:هلا يمه قالو البنات انك بتجلسين مع اخوانك شوي ليش رجعتي بسرعة
العنود بتعب لانها كانت تحاول ماتنفجر عند اخوانها وسهيل:خالتي تعبانه بروح الغرفة معليش
ام ماجد متفهمة:ايه يمه روحي ارتاحي
العنود راحت الجناح بدون ماتشوف احد ولحقها سهيل
العنود وقفت بدون ماتلف:شف لنا حل نطلع من ذا البيت لاني تعبت امثل ومشت غرفتها وسكرتها بالمفتاح
سهيل تنهد وجلس بصالة
< بيت ابو يوسف >
يوسف كان يحاول يهدي محب الي من دخل البيت قالبه:محب اهجد واركد قالت لك بصريح العباره احب سهيل وش تبي اكثر خلها تعيش حياتها
محب يلف ويدور بصاله:يوسف ماشفتها كيف تغيرت يوم قالت احب سهيل انا متاكد مليون بالمية انه قايل لها شي بس مارده ينفضح وانا الي بطلع روحه لو دريت انه قايل لها شي
يوسف تنهد:اجلس اجلس ياخي دوختني معاك
محب جلس وحط يده على وجهه يفكر بتعب كان الاسبوع متعب لهم والحين ذا الموضوع صار مرهق جدا لهم
اليل بقصر ساهر
دقو البنات باب جناح العنود وسهيل
سهيل طلعلهم وسكر الباب وراه:وش فيكم؟
اشجان بخوف:العنود مارجعت للحين كلمتها لاني ادق عليها ماترد
سهيل هز راسه:ايه نايمه داخل
لين تنهدت براحه:اوف اشوا
سهيل عقد حواجبه:ليش وش فيه؟؟
لين:سمعنا طرطشت كلام بين يوسف ومحب انه يبون العنود ترجع لهم احسبها جلست هناك
سهيل:لا موجوده هنا مراح تروح مكان
اشجان ابتسمت:الله يخليكم لبعض يلا اجل نروح احنا وبنشوفها الصباح ان شاء الله
سهيل هز راسه:تمام بقول لها البنات راحو وباقي اسيا تناظره
اسيا ابتسمت بسخرية:اختك انا اختك يا سهيل
سهيل شد على اسنانه:اسيا امشي من هنا بعدين نتفاهم
اسيا هزت راسها:تمام بالمطعم الي نروح له بكره لا تتاخر
سهيل هز راسه:ما اقدر
اسيا رفعت اصبعها بتهديد:والله ياسهيل لو ماشفتك لارجع واعلم جدي بكل شي عننا ويصير الي يصير ومشت
سهيل زفر بعصبيه انه كيف تهدده كذا ودخل الجناح وشاف العنود جالسه على الكنب وجلس معاها
العنود بدون ما تناظره:كلمت دكتور وقال بيسوي لي عمليه عشان اخلص من الصرع
سهيل:لا
العنود ابتسمت بسخرية:ومن قال لك اني استشيرك وابي رايك انا اقولك لاني بقول لجدك هذا الكلام وتكون عارفه اذا جيت اطلب الفلوس منه
سهيل ابتسم نفسها:مافيه عمليات انا اسمعك الرد الي بيقوله جدي لك
العنود حطت علب الادويه على الطاولة:اجل خذ ادويتك معد احتاجها
سهيل تنهد:العنود لازم تاخذينهم اذا ما اخذيتهم بطيحين
العنود ناظرته:يعني خايف علي الحين ترا محد موجود معانا لاتمثل ترا مايليق
سهيل عصب وخبط الطاولة:مو كل شي تمثيل مو كل شي تمثيل ركزي اطلعي من الاتفاق وشوفي حياتنا نفس ما انا ابي اشوفها عمليه مافيه وبتاكلين الادويه وترجعين العنود الي اعرفها
العنود ببرود وقفت ومشت لغرفتها
سهيل عصب زياده انه يحاول فيها انه يصححون علاقتهم ويبدون حياة جديده وهي تصده بكل الطرق وراح يدق الباب عليها:العنود افتحي لاتمشين كذا ويدق اقوى
العنود فتحت وكانت عيونها حمراء من البكي وانفها بعد بس تحاول ماتبين قدامه:نعم مافيه تفاهم بيننا افهم ياخي
سهيل رفع حاجبه:خلصتي؟؟
العنود هزت راسها:ايه
سهيل ناظرها:بتطلعين ولا ادخل؟
العنود هزت راسها:لا انا بطلع ولا انت بتدخل قل الي عندك هنا اذا كان اصلا عندك شي
سهيل:العنود
العنود عقدت حواجبها بنزعاج:ياخي لاتقول اسمي انساه انساااهه
سهيل ابتسم:كيف انساه؟؟
العنود دخلت الغرفه:انت الحكي معاك ضايع وجت بتسكر الباب
حط يده سهيل ببتسامه تافهه:عادي ندوره ودخل الغرفة ونسدح على سريرها
العنود بحالة صدمه كيف يدخل كذا:اطلع برا
سهيل حط يدينه خلف راسه:مابي هذا بيت جدي وهذا جناحي
العنود:اطلع برا
سهيل تغطى:انا بنام تصبحين على خير
العنود راحت له تشيل الغطى وسحبها وطاحت عليه سهيل صار يتامل عيونها كيف رموشها كثيفة وعيونها شبيه بالظلام الدامس من سوادها ولمعتها بعد البكي
سهيل بهدوء نطق: ذاتَ العينينِ السوداوين
ذاتَ العينين الصاحيتينْ الممطرتينْ
لا أطلبُ أبداً من ربي إلا شيئينْ
أن يحفظ هاتين العينين
ويزيدَ بأيامي يومين
كي أكتبَ شعراً
في هاتين اللؤلؤتينْ
العنود عقدت حواجبها وهي تسمع كلامه ورفع سهيل الكتاب الي جنب السرير:نزار قباني وبعدها وناظر الكتاب يخفف ربكته ماكنت ادري انك تقرين له احسبك من الي مايعرفونه
العنود بهدوء:كل الناس تعرفه بس قليل الي يحفظون اشعاره
سهيل هز راسه:صحيح
العنود اخذت الكتاب من يده وحطته على الطاولة:تفضل لو سمحت يعني
سهيل ابتسم وهز راسه:تمام بس لازم نتكلم بكرة
العنود هزت راسها:يصير خير
سهيل طلع وسكرت الباب بالمفتاح وراح غرفته سهيل ينام بس بدون مايحس على نفسه صار يفكر بعيون العنود وقربها منه وغلبه النوم ونام وكل تفكيره بالعنود
<<٩:٣٠ الصباح بالقصر >>
صحى الكل ونزلو يفطرون
سعود دخل البيت:صباح الخير
الجد ساهر ناظره:صباح النور وين كنت؟
سعود ببتسامة:كنت بمكان ورجعت
ماجد:بيسافر
شهقت ام سعود:لا والله مايسافر
سعود ابتسم وحب راسها:لا يمه مانب مسافر
ام سعود براحه:ايه اشوا
ماجد عقد حواجبه:اجل ليش داخل بسعاده مو عادتك
سعود ناظره بروقان:لقيت وظيفة احلامي
سيل:وش طيار؟؟
سعود هز راسه بنفي:لا صاحي انت انا احب اركب الطيارة بس مو اسوقها
سيل يفكر:وش اجل؟؟
سعود رفع اكتافه:الي يلاقيها له جائزه كل واحد له محاوله وحده
سيل:مضيف طيران صرت يعني
سعود رفع اكتافه بمدري:سيل راحت محاولته
ماجد:هذاك الي يخلي الطيارة توقف معاه كشاف احمر
لين هزت راسها :ايه صح كنت بقولها
سعود ابتسم:لين ماجد راحت محاولتهم
سهيل ابتسم:معد فيه الا الي يقص تذاكر اكيد صح
سعود ضحك:سهيل راحت محاولتك فكرو خارج المطار ياخي
عشق ضحكة:مانقدر هذاك بيتك
توق:يلا علمنا تحمست
سعود ناظر العنود:ماتبين تجربين؟
العنود ابتسمت:محقق جنائي
سعود صفق:انا احبك
الجد ساهر:ولد
العنود قلب وجها احمر
سعود استوعب:اسف اسف طلعت بدون قصد والله العنود معليش
اشجان ناظرت العنود :وشلون جبتيها انا كنت بقول هذاك الي يوقف السيارات بالمطار
العنود ضحكة:من كنا صغار كان يقول يبي يصير محقق والحين تذكرت يوم قال وظيفة احلامه
ماجد ناظرها:وانا ماتذكرين وش كان حلمي؟؟
العنود هزت راسها:اكيد بس حلمك بعيد ماتطوله
ماجد ابتسم انها فهمت:مدام سعود طاله موب بعيد علي
العنود ابتسمت مثله:سعود سعى ووصل للي له بس انت وشلون تسعى لشي موب لك
لتين ناظرتها:وش يدريك انه موب له ولا تبين تبينين انك حكيمة وعاقلة وانتي من جنبها
العنود وقفت:والله ماجد فاهم ومايحتاج تدخلين بشي مايخصك وناظرت الجد ساهر وقالت صحة وهنا دايمه ان شاء الله وراحت لام ماجد حبت يدها تسلم يدينك على الفطور الذيذ وحبت راس ام سعود مبروك لسعود وان شاء الله تشوفينه بالمراتب العالية وتفتخرين فيهم يارب
العنود ناظرت سعود:ابي اشوف المحقق سعود بن محمد بن ساهر ال نافل يحل اصعب القضايا ويحقق بكل الجرايم بكل حرص وامانه ابي اشوف اسمك عنوان لكل قضية نفخر فيها وتساعد الدولة
سعود ابتسم:ابشري ماطلبتي شي كم العنود عندنا
العنود تلون وجها:يلا عن اذنكم بروح ارتاح
سهيل قام وناظر سعود بحده:مبروك ومشى يلحق العنود
عشق ضحكة:ياويلك ياسعود خليته يغار
اشجان ضحكة:مرهه اذا كنت تبي تسلم هج من البيت
سعود ابتسم بخفيف وهمس:احسن خله يحس شوي وشاف الجد ساهر يبتسم له
نروح لجناح سهيل والعنود
كانت بالمطبخ تطلع لها مويه عشان الادويه الي مجبوره تاخذهم لانه كلمتها ليلي وهاوشتها بعد اتصال سهيل الصبح ب ليلي وعلمها
سهيل سند ظهره على الجدار وتكتف:ما شاء لله ذاكرتك قويه
العنود مطنشته
سهيل تقدم لها ببرود بس داخله يحترق:انا وش كان حلمي؟
العنود رفعت اكتافها:وش يدريني
سهيل هز راسه:امم يعني سعود تعرفين حلمه وماجد بعد تعرفين انه صعب يوصله وانا ماتعرفين اوه زين
العنود ابتسمت:وش صرت تغار الحين علي؟؟
سهيل هز راسه ببرود:لا بس اسال يمكن احد يسالك وش حلم سهيل وماتعرفين تجاوبين
العنود هزت راسها:لا اعرف اجاوب حلمك وحلم ماجد سوا وصعب عليكم الوصول بس عشان الي بيسال بقول انك وصلت
سهيل عقد حواجبه:ماجد وش دخله بحلمي؟
العنود مشت:اساله
سهيل كان بيتكلم بس جته رساله من اسيا انها بتستناه بالمطعم وتنهد وطلع للمطعم
اسيا تستناه وطلبت
سهيل دخل:وش تبين؟
اسيا بدلع:بيبي كذا تدخل بدون سلام او تسال عن اخباري مره زعلت عليك
سهيل تنهد:اسيا اخلصي وتكلمي زين
اسيا بحقد:وش غيرتك العنود كنت دايم مطنشها وش جاك لايكون ساحرتك بس
سهيل تكتف:محد سحرني بس الي نسويه غلط انتي بنت عمتي وانا رجال متزوج ماينفع نسوي كذا
اسيا ضحكة بسخرية:الله الحين تذكرت انك متزوج كم لنا مع بعض من قبل ماتتزوج ولا نسيت حتى يوم تزوجت ماقلت هذا الكلام وش غيرك؟
سهيل ابتسم:اول ماكنت اشوف العنود الحين بشوفها ومعد بشوفك
اسيا حطت يدها على يده:سهيل انا احبك لاتسوي فيني كذا
سهيل بيتكلم بس رفع راسه للي وقف عند الطاولة وسحب يده سهيل من يد اسيا
محب ابتسم:النسيب اشوف طلعت اختك اسيا مطعم عشان تراضيها
سهيل توتر بس مابين:لا اسيا تستنى صديقتها وقلت اجلس معاها شوي كيف اخليها لحالها كذا
محب هز راسه:ايه زين ومشى وهو معصب لاقصى درجه ورفع جواله يكلم
:شفتهم؟؟
محب بعصبيه:ايه من متى وانت تدري بالموضوع؟
ماجد ابتسم:من قبل مايتزوج العنود بس احسب انه تركها بس للحين يتقابلون
محب غمض هو اصلا مايحب سهيل والحين زاد كرهه له انه كيف يستغل اخته ويلعب بمشاعرها كذا:شكرًا ماجد انك علمتني عنهم
ماجد ابتسم بخبث:ولو احنا اخوان والعنود غالية علي ماتدري وش كثر غلاها بقلبي
محب:مشكور ماتقصر والله انك رجال وماقلت لا ولد خالي بستر عليه
ماجد بملل:لا انا ما احب الخيانة من القريب ولا البعيد يلا محب عندي شغل بخلصه
محب هز راسه:تمام مع السلامة وقفل
سهيل عصب على اسيا:عاجبك الحين بيروح يعلم العنود
اسيا بخوف:لا لا اكيد مراح يعلمها
سهيل رفع اصبعه بتهديد:والله لو اخذ العنود لادمرك وانسى من انتي ووش تقربين لي ووقف يطلع من المطعم ومخلي اسيا المرعوبة خلفه
سهيل دق على العنود بس كان مشغول جوالها وصفق الدركسون بعصبيه انها تكلم محب اكيد
عند اسيا كانت ترتب اغراضها بتوتر وجلس قدامها محب:موب كنتي تستنين صديقتك ولا
اسيا ارتعبت زياده:ايه اتصلت قالت مهي جايه
محب ابتسم وهز راسه:اووك وناظرها بحده خلي الكذب عنك
اسيا عقدت حواجبها وتخفي خوفها:ليش اعرفك عشان اكذب عليك؟؟
محب:لا تعارفيني ولا ابي اعرفك ولا اقولك انا اعرفك بس بمنظورين منظور العنود كيف عادتك صديقتها واختها مع لين واشجان ومنظور ناظرها بقرف واشر عليها هذا المنظور المقرف الخاينه للي عدتها صديقتها بس ماعلينا وش نقول عن وحده لا تربيه ولا مراقبة هذي النتيجة للي يخلفون ويرمون
اسيا كانت كل كلمه تطلع من محب سكينه بقلبها كيف يناظرها بقرف ويقول هذا الكلام وصرخت فيه:احترم نفسك
محب ناظرها بحده:اقصري حسك احنا بمكان عام
اسيا ضحكة بسخرية:ما شاء لله عليك الحين تذكرت اننا بمكان عام يوم انك تجلس مع وحده ماتعرفها
محب تكتف:الي يسمعك الحين كنتي جالسه مع محرم لك
اسيا بعصبيه:لو ماتدخل ابوك كان صار لي
محب ابتسم:رجعي العنود لي وخذيه لك
اسيا عقدت حواجبها:كيف؟؟
محب ابتسم لانها بتسوي اي شي عشان تاخذ سهيل:انتي تساعديني ارجع العنود وانا بساعدك تاخذين ذا الي اسمه سهيل
اسيا بنصات:كيف؟؟و وش يخليني اثق انك بتخلي سهيل لي مو لعبه تاخذ العنود ومعد تساعدني
محب:مدامي اخذت العنود ف سهيل بيجيك بدون ماتسوين شي
اسيا هزت راسها:تمام وش اسوي؟
محب ابتسم:كذا تعجبيني ابيك تعرفين كيف علاقتهم بالبيت
اسيا:هذي معروفة سهيل يحب العنود والعنود تحبه عشان كذا تقدم لها
محب:اذا كان يحب العنود كيف هو معاك مافكرتي؟؟
اسيا صارت تفكر بطريقة غير:اوووكك قصدك تبي تعرف علاقتهم الزوجية
محب ابتسم:ايوا
اسيا هزت راسها:مافيها شي يعني كانو كل ما جو شكلهم بيرفكت لدرجة تقهر متناسقين
محب حط يده على دقنه:ماقد تهاوشو ولا حتى طلعت كلمه منهم او مناقشة حاده
اسيا تفكر:لا مافيه
محب تنهد انه كل الابواب تتقفل:اوف
اسيا تذكرت:الا مره سمعتهم توق تقول انهم يتهاوشون بس مدري وش كان السبب
محب ابتسم بامل:ايوا ابيك تدورين ورا ذا الموضوع ليش تهاوشو
اسيا هزت راسها:تمام
جاء النادل وناظر اسيا:بتطلبون شي ثاني؟
اسيا هزت راسها:لا بس الحساب
النادل هز راسه
محب وقف:يلا نتلاقى عن قريب
اسيا بكره:طيب
محب مشى واسيا راحت للكاشير تحاسب
النادل ابتسم:اندفع حسابك السيد الي كان معاك دفعه
اسيا ابتسمت:اوه سهيل ماخليتني ادفع مدري كيف تحب العنود
النادل ابتسم:الرجال الثاني مو الاول
اسيا عقدت حواجبها وشافت ظهر محب يفتح سيارته ويركب وهزت راسها لنادل:شكرا ومشت لسيارتها

تفاعلو 🥹