مايروس النجوم الا سهيل ولا يقود الظبا غير العنود

البارت الثالث عشر

البارت ١٣
~سيارة سيل~
سعود كان يسوق وسيل جنبه وسهيل ورا كان يمسح الدم الي بشفايفه
سيل بعصبية:تضرب العنود يا سهيل ماتوقعتها منك
سهيل مارد كل تفكيره ب ليش العنود قالت اني اضربها لهدرجه ماتبيني انها تتبلى علي وناظر جواله الي جته رساله منها فويس وحطه على اذنه عشان يسمع
سعود رفع عينه للمرايه يشوف سهيل:يعورك شي تبي المستشفى؟
سهيل هز راسه وسند راسه وغمض عيونه
سيل بعصبية اكبر:لا موب تنوم مع ذي المصيبة انت عارف وش بيسون بك لو قربت من العنود ثاني مره حتى ابوي مايقدر يرجعها الحين بعد مصيبتك
سهيل تنهد:ماضربتها ياعالم انت قلت ماتوقعتها يعني مستحيل اجيها وش شايفني انت عشان اضرب حرمه
سيل لف عليه:اجل وش الي بيدها هذي مو شدت يدك؟؟؟؟
سهيل هز راسه:شدت يدي ماكذبت بس كانت سيارة بتصدمها وسحبتها وعلمت يدي عليها محب لو سامعها ماكان وصلنا لهنا الحين انتهى الموضوع واذا رجعنا ومنتب مصدقني كلمها يمكن تصدقني بعدها
سعود شاك بكل كلمه يقولها سهيل لانه شاف العنود ترجع قبل سهيل وكانت واضح انها متضايقة
سيل عدل ظهره:خير ان شاء الله خير
~قصر ساهر~
غرفة لين دخلت ام ماجد عليهم والدموع بعيونها
لين فزت:ماما وش فيك؟؟
ام ماجد بضيق:مديت يدي على اخوكم مديتها وليتها انقطعت قبل ما امدها
لتين هزت راسها:بسم لله عليك لاتقولين كذا ماما انتي سويتي الي تشوفينه صح
ام ماجد هزت راسها:لا والله مو صح الي سويته مو صح يا يمه اكيد اخوكم زعلان مني اكيد اني عورته
لين:لا ماما مو زعلان منك هو اذا كان زعلان فمن جدي مو منك لانه يحرمه حقه بس عشانه ولد بنته ويحمل اسم غير اسمه
ام ماجد:لا يمه جدكم ماحرمكم من شي عيشنا احلى عيشه بعد ما مات ابوكم الله يرحمه ومانقص علينا بشي ولا حسسنا بشي ولا بدا احد على احد سهيل من قبل ماجد بشركة من تخرج من الثانوي وهو يداوم مع ابوه و خوالكم بس ماجد ماله حتى خمس سنين كيف تبونه يسلمه الشركة وهو ماوقف على رجوله زين انه مسكة قسم لو احد غيره كان بدا من الصفر وسهيل بدا من الصفر ماحطه مسوؤل قسم ولا حتى مشرف لا كان حاله حال الموظفين يروح من صباح ربي ومايرجع الا على طلوع الموظفين ماقال هذي شركة جدي بروح متى ما ابي واطلع متى ما ابي لاتظلمون ولد خالكم وجدكم يا يمه ولا تحسبوني ساكته خوف من ابوي لا انا ساكته خوفًا على اخوكم يسوي شي يندم عليه نفس الحين بيطلعكم من البيت وبيطلع من الشركة عشان الشيطان لعب بعقله عقلوه يمه وكلموه ترا جدكم نيته طيبه مو نفس ما انتم متوقعين
لين حضنة امها ولتين حضنتها من الجهة الثانية وام ماجد صارت تمسح على شعورهم
~العصر ببيت عبدالله~
كانو جالسين بصالة بعد رجوعهم من السفر
محب كان يطالع سهيل بكره حتى يوم شرحو لهم وش صار للمره العاشر لانه محب موب مصدقهم
ويوسف يحاول يخفف الشحنات الي بالجو بسبب سهيل ومحب
العنود تنهدت:بروح اسوي شعري والميك اب ورانا عرس وانتو اجهزو
محب هز راسه:بوديك وبترجعين معاي لاتنسين
العنود هزت راسها:تمام
محب ابتسم
يوسف ناظر سيل الي اسود وجهه من الهم و يستنى انه يصحى من ذا الكابوس
يوسف ربت على سيل:مشينا للحلاق
سيل وقف ووقف معاهم سعود باقي محب وسهيل
سعود يكلم سهيل:يلا نمشي
سهيل هز راسه:روحو انتم بستنى زوجتي
محب شد على يده وكان بيتكلم وقاطعه سعود:سهيل امش عندنا شغل كثير ماعندنا وقت لسخافتك
سهيل ناظر سعود الي ناظره بحده ووقف يروح مع سعود ويوسف وسيل للحلاق
محب راح غرفته
~قصر ساهر~
كلهم جالسين بصالة وجاهزين عشان باقي قليل على المغرب والجد ساهر وعد الناس الملكة العشاء ويستنون سيل الي لسى مابين ومتوترين
اشجان بهمس للين:تتوقعين لو رحت المطبخ الحين بصير عايشه لين ما اوصل؟؟
لين مسكت ضحكتها:ما اتوقع لانه شوفي عروق جبهته طلعت يعني كحه وحده بشب فينا
اشجان عدلت جلستها:لا اجل خلنا جالسين ابرك
ولفو كلهم على فتحت الباب ودخول سيل وسعود وسهيل
الحريم والبنات كلهم تنهدو براحه
الجد ساهر وقف:يلا مشينا ووقفو عياله وحريم عياله واحفاده كلهم
كانو سيل وسعود وسهيل كلهم لابسين وجاهزين حتى العنود معطرتهم ومبخرتهم لانه عارفه انهم تاخرو بالحلاق
وطلعو كلهم ركبو سياراتهم وتوجهو لبيت العروس عشان الملكه حوالي الاربعين دقيقة وهو واقفين قدام قصر مشابه لقصر ساهر بفخامة والزينه الي تدل على انه عندهم مناسبة ونزلو كلهم من سياراتهم
ووقفت وراهم سيارة يوسف ومحب
ونزول يوسف الصادم
دخلو البنات من بوابة ثانيه والرجال دخلو المجلس الي يرحب فيهم ابو العروس
:اسفرت وانورت تفضلو تفضلو
العنود ناظرت يوسف الي اختلفت ملامحه:يوسف حبيبي فيك شي؟؟؟
يوسف يناظر القصر:ودق
العنود بخوف:وش فيها تكلم؟؟
يوسف اشر على القصر:هذا بيت ودق
العنود هزت راسها بصدمة:لا لا حبيبي اكيد انه يشبه له
يوسف هز راسه:لا انا اعرف بيتهم من مليون بيت هذا البيت الي جينا انا وابوي وامي نخطبها فيه انا متاكد العنود لا يسونها ويزوجونها اخوي الله يخليك لا يسونها
العنود تحاول تستجمع قواها بعد كلام اخوها
محب استغرب وقوف العنود ويوسف وراح لهم:وش فيكم نسيتو شي؟؟
العنود هزت راسها:هذا بيت ودق
محب لسى ماستوعب:ودق مي وناظر يوسف بصدمه ودق ماغيرها؟؟
يوسف هز راسه:هي
محب:بس انتو مخطوبين
يوسف هز راسه:كنا عرفت الحين ليش قال مابيننا نصيب لقى من هو بمستواه
محب بدا يعصب:يعني عشاننا موب بمستوى الغنى حقه كذا يسوي فيك انا اوريه وكان بيمشي ومسكه يوسف
يوسف:محب اهجد هذا عرس اخونا وهي الله يستر عليها بتصير تحل لاحد غيري لانسوي شي نندم عليه
العنود عصبت:بس وهز راسه يوسف وتصنع الابتسامة
يوسف:لا بس ولا شي انا نصيبي مع غيرها يلا ادخلي وحنا بنروح لسيل
العنود مسحت خده وشدت على يده ومشت تدخل لجهة الحريم
محب ويوسف دخلو وتلون وجه ابو ودق يوم شاف يوسف داخل بهيبه ووراه محب الي واضح الغضب بوجهه
الجد ساهر ابتسم:تعالو سلمو هذول عيالي
ابو ودق انصدم: عيالك احسب بس الكبار وسيل ماتوقعت انه عندك غيرهم
الجد ساهر ابتسم:لا هذول عيال اخوي وصديقي عبدالله الله يرحمه انا وياه من كنا بالمدرسة مع بعض وعيالنا كبرو مع بعض وسيل ويوسف راضعين مع بعض
ابو ودق سلم عليهم
محب شد على يد ابو ودق بس رخاها يوم حط يوسف يده فوق كتف محب انه يتركه
ابو ودق:حياكم الله تفضلو
وجلس يوسف جنب سيل الي ناداه ومحب جنب ماجد وكانت عيون ابو ودق على يوسف الي كان هادي عكس العواصف الي داخله
جهة الحريم
كانت ام ودق ترحب فيهم وتخلي الصبابات والعاملات يقدمون الحلى والقهوة
ام ودق ببتسامة راقية:شرفتونا والله هذي الساعة المباركة الي خلتنا نشوف عايلة ال نوفل جميع والله حبيتكم من كثر ما ابو ودق يتكلم عن ابو فيصل
لين لفت على اشجان:هي قالت ابو ودق؟؟؟؟
اشجان هزت راسها:ايه
عشق:اسم على اسم وش فيكم عادي
اشجان:صح يمكن
ام ودق ابتسمت للبنات:تفضلو يابنات كلو حلى وشفيكم مستحين؟؟
البنات ابتسمو
ام ماجد ناظرت البنات:العنود جت؟؟
اشجان بتتكلم الا دخلت العنود:هذي هي
ولفت انظار الكل على العنود كانت لابسه فستان اسود ماسك وله زي الشال الطويل بالون الابيض ونهايته فيه لون كحلي وعقد الماس كان خفيف بس يبهر العين ورافعه شعرها مما خلى عنقها يتحرر
ام ودق انبهرت بالعنود:ما شاء لله تبارك الله
العنود سلمت عليها برقه وفخامة:انا العنود
ام ماجد ابتسمت:هذي كنتنا العنود زوجة سهيل
ام ودق ابتسمت:تشرفت فيك من بنته؟؟
العنود ببتسامة:بنت عبدالله ال ملهم واخت يوسف ومحب
ام ودق اختفت ابتسامتها تدريجًا ودب الخوف بداخلها مما خلى العنود تزيد من ابتسامتها وتركت يدها ومشت تجلس
توق ناظرت البنات:ودق ماغيرها خطيبة يوسف صدقوني
اسيا هزت راسها:والله شكله شوفي كيف تغير وجها يوم قالت بنت عبدالله واخت يوسف
لين حطت يدها على فمها:ياويلي عليك يا يوسف
ام سعود ببتسامة:وينها عروستنا
ام ودق:الحين بتجي انتو تفضلو وقالت للعامله تقدم الحلى ثاني مره ووقفت بروح اشوف ودق واجيكم واستعجلها وطلعت لغرفة ودق الي كانت مقفله وطلعت المفتاح تفتح الباب
ودق كان عندها الميك اب ارتس الي تعبت كل شوي تعدل لها من كثر ماتبكي ودق
الميك اب ارتس تتافف:خلاص ياختي هذا نصيبك
ودق لفت عليها الا سمعت صوت قفل الباب ينفتح وراحت له ودخلت امها وقفلته وراها
ام ودق بحده:اخلصي الناس جو وانتي للحين بالمكياج
ودق ببكي:ماما الله يخليك مابيه ما احبه ما ابيه ليش تزوجوني غصب
ام ودق مسكت يدها بقوه:من تبين من تبين بين الفقير الي يتسمى يوسف انسيه هذاك مو من مستوانا ال نوفل هم الي من مستوانا
ودق نزلت عليها الصدمة:ال نوفل هذول اهل زوج العنود
ام ودق هزت راسها:ايه بنت الفقر تحت مع بنات الاكابر ومسويه انها مننا وشدت يدها اخلصي يا ودق ولا تفشلين ابوك مع الناس ودفتها وطاحت على الارض بصدمة وطلعت امها ونزلت
الميك اب ارتس استغلت الفرصه انها سكتت وعدلت الميك اب وطلعت وسلمت المفتاح للعامله الي عند الباب وطلعت من البيت
ودق صارت تفكر انها تكلم العنود ومافيه طريقة الا انها تنزل وقامت تلبس وطقت الباب عشان العامله تفتح لها
مجلس الرجال
كانو يسولفون وياخذون اخبار بعض الا يوسف وسيل الي هادين
ودخل المملك وصار يرحب فيه ابو ودق ولقاها فرصه عشان يبعد سيل عن يوسف قبل مايقول له شي
ابو ودق ابتسم:سيل تعال هنا يابوك جاء المملك
سيل وقف وناظر يوسف يجي معاه بس يوسف هز راسه بنفي سيل شد يده ووقفه:انت الشاهد
يوسف حس بطعنه بقلبه انه كيف يكون شاهد على عرس حبيبته بس قال انه ذا عرس اخوه مو حبيبته ووقف مع سيل
ابو ودق ضحك:وش ياسيل لايكون يوسف السكرتير حقك
محب شد على يده بعصبيه
سيل هز راسه:لا يوسف اخوي واذا قال مايتم العرس يعني مو تام وناظر يوسف الي انصدم هو وابو ودق
ابو ودق ضحك بخوف:سيل يابوك نمزح مع يو
سيل رفع يده يسكته وهو يناظر يوسف:مدامك قلتها مزح انا اقول كلامي حقيقه يوسف وش قولك؟؟؟
ابو ودق ناظر الجد ساهر:وش ذا يابو فيصل يرضيك ذا الكلام؟؟
الجد ساهر هز راسه:لا يابو ودق بس انت الي قلت يوسف سكرتير سيل وسيل يعلمك انه موب سكرتير الا هو الرئيس ولا تخاف يوسف مراح يدمر سعادة اخوه على مزحه
يوسف ببتسامة باهته مشى هو وسيل وجلس سيل جنب المملك وجلس جنبه:بسم الله
سيل تنهد انه انقطع الامل الاخير له وناظر يوسف بنظرات عتاب ويوسف ابتسم له
وابو ودق تنهد براحه
المملك بدا مراسم العقد من كلام وكتابه وشروط
سيل وقف المملك:عندي شرط وناظر ابوه الي كانت ملامحه انه متوقع هذا الشي
المملك:قل ياولدي وش هو؟؟
محب ابتسم ببرود:اعقد عليها الحين وتروح معاي بنفس الدقيقة
ابو ودق كان يبيها من الله:تم
سيل اختفت ابتسامته ورجع تسكره كل البيبان
ورجع المملك يكمل وخلص كتابه ورفع راسه:كلم البنت عشان موافقتها
ابو ودق هز راسه ودق على ام ودق عشان تقول انها موافقة بدال بنتها
ام ودق ردت وغيرت صوتها
المملك:يابنتي انتي موافقة على سيل ولد ساهر على المهر المقدم بينكم
ام ودق بصوت خافت:موافقه
يوسف رفع راسه على الصوت هذا مو صوت ودق ولا حتى يقرب له
المملك صافح ابو ودق:مبروك وصافح سيل بارك الله لكما وبارك عليكما وجمع بينكما في خير
وصارو يسلمون على سيل ويباركون له
بجهه ثانيه بسيب طويل لفت ام ودق براحه انه تم العرس ونصدمت من واقف وراها
:ماتوقعتكم توصلون لذي الوساخة
ام ودق مسكت خدها:يمه سوينا ذي الطريقة لمصلحتك
ودق هزت راسها:هذي مو لمصلحتي هذي لمصلحتكم بشغلكم بس صدقيني راح تندمون على كل شي ومشت وهي كارهه امها وابوها
ام ودق مسحت دمعتها ولفت على صوت:كفو انتو الحين سويتو الي ابي الحين انا بسوي الي تبون بس تذكري انه هذا الاتفاق بيننا لاحد يدري لا ودق ولا يوسف وصدقيني اذا درو بتكون نهاية عايلتك وفلوسكم مشت
اشجان:العنود وش تسوين هنا؟؟
العنود وقفت وابتسمت ولفت عليها:هلا وحشتيني
اشجان حضنتها:وانتي اكثر بس الحين هذي ودق خطيبة يوسف؟؟
العنود هزت راسها:ايه
اشجان بحزن:يوه يوسف عرف؟؟
العنود:ايه برا مع سيل
اشجان حطت يدها على فمها:ياحبيبي
العنود ابتسمت:لا انت حبيبك مو يوسف الي اصغر منه
اشجان استحت وضربتها:انقلعي ومشت ووجها احمر
العنود زفرت براحه وناظرت السيب ومشت ترجع لعند البنات
كانو الحريم يسلمون ويباركون ل ودق الي كل همها تكلم العنود على انفراد
ام ماجد عقدت حواجبها:وجهك مالوف يابنتي وين شفتك فيه؟؟
ام سعود هزت راسها:ايه صح انا اقول احس شايفتها بس مدري وين
ودق تبي تمشي وبس:يمكن عرس او مناسبه بس انا ما تذكركم معليش ومشت
ام ماجد ناظرت ام سعود:شكلها مستعجله
ام سعود هزت راسها وجلسو يتقهون
او ودق شافت ودق تقرب من العنود وراحت تسحبها:امشي ابوك يقول زوجك بياخذك
ودق انصدمت:وين ياخذني؟؟
ام ودق:بتروحين معاه قال ملكه وعرس هذا شرطه وابوك وافق
ودق:بس يمه
ام ودق هزت راسها:لا بس ولا يحزنون شنطتك جاهزه قلت للعاملات يرتبونها وزوجك يستناك برا وصارت تسحبها على خفيف بدون مايحسون عايلة ال نوفل
والعنود تناظرها ببتسامة خفيفة ودق جوالها وردت
محب ضايق:مشينا حبيبتي
العنود:تمام حبيبي
العنود اخذت عبايتها وشنطتها
لين سحبتها:سهيل؟؟
العنود هزت راسها:لا محب قال بياخذني وبيرجعني بروح اشوف يوسف
لين هزت راسها:تمام حبيبتي كلمينا اذا وصلتي
العنود رسلت لهم بوسات للين واشجان
لين ناظرت اشجان:متى تتوقعين نقول لها؟؟
اشجان:مدري والله بس مو الحين الحين يوسف ومشكلته خليها تهدا ونعلمها على خفيف
لتين قربت منهم:وش تتساسرون فيه انتم؟؟
لين:بخطيبه يوسف وزوجة سيل
لتين:خلاص لاتقولون ذا الكلام عيب هي زوجة سيل الحين
اشجان:ندري بس سيل يدري انها خطيبة يوسف قبل ماتصير زوجته؟؟
عشق قربت:يمه صدق تتوقعون يدري؟؟
توق هزت راسها:ما توقع
نوف ام عشق وتوق وقفت عنهم:زوجة سيل هي خطيبة يوسف؟؟؟
عشق شهقت بخوف:ماما خوفتينا
ام عشق وتوق قربت:صدق هي خطيبة يوسف؟؟
لتين هزت راسها:ايه خالتي اتذكرها بعزاء خالتي منى وعمي عبدالله كانت تجي كل يوم عشان يوسف بس قلت لكم انه مستحيل تاخذ احد اقل من مستواها المعيشي فصخت الخطبة من هنا واعرست من هنا حاطه المعرس بالجيب
ام عشق وتوق:يمه انتي فطينه والله ينخاف منك
عشق مسكت يد امها:ماما لاتعلمين احد الله يخليك مدامهم ماجابو سيره يعني مايبون احد يدري
ام عشق هزت راسها:خلاص ومشت تجلس جنب اختها ام ماجد
سيارة محب العنود ركبت معاه:وش صار؟؟
محب ابتسم:الواحد يسلم مو يدخل بالموضوع على طول
العنود ابتسمت:السلام عليكم محب خلاص يلا وش صار؟
محب هز راسه وهو يسوق:كان هادي تعرفين يوسف كتوم من دخلنا لين طلعنا ما قال غير السلام عليكم وبسم الله ومبروك بس
العنود ناظرته:ياحبيبي طيب وينه الحين؟؟؟
محب رفع اكتافه:والله علمي علمك من طلع سيل ولحقه واختفى حتى ماقال لي شي
العنود خافت على يوسف:كلمته طيب؟؟
محب هز راسه:لا خليته يهدا واذا هدا رجع البيت لاتخافين يوسف عاقل حتى لو الموضوع فيه قلبه
العنود سندت راسها:ياربيه هذي السنه واضحه من بدايتها
محب ناظرها:مايجوز تقولين كذا كل شي خيره ويمكن ودق ما تتاقلم على عيشتنا وتطلب الطلاق
العنود هزت راسها:صادق
محب يتثاوب:اوف ابي انام
العنود تثاوبت معاه:حتى انا خلاص احس احتاج انام اسبوع
محب ابتسم:غرفتك موجوده وقفلي جوالك او حطيه للاتصالات المهمه حقتي انا ويوسف
العنود هزت راسها:شكله
مر الوقت ووقفو قدام بيتهم ووقفت جنبهم سيارة سهيل مما خلى محب يتافف
العنود حطت يدها على يد محب:بكلمه ادخل
محب هز راسه:بتكلمينه داخل البيت وتحت عيني ما اثق فيه ياخذك بسيارة ويمشي يحسبك تروحين معاه
العنود ابتسمت:ابشر ونزلت هي ومحب وسهيل نزل من سيارته وقال:العنود بكلمك
العنود هزت راسها:تمام ادخل
سهيل ابتسم ودخل

تفااعلوو🥺🤌🏽