مايروس النجوم الا سهيل ولا يقود الظبا غير العنود

البارت السادس

البنات جالسين بالمجلس حقهم الي مسويه الجد لهم خاص
توق دخلت تركض:بنات العنود وسهيل يتهاوشون
لتين فزت:كذابه وش يتهاوشون عليه؟؟
توق رفعت كتفها:مدري بس سمعته يقول كيف تطلعين بدون ماتقولين لي بعدين هدو
عشق:يمكن نست تقول له بس سمعتوه بسياره قال انه مانتبه لها انه قالت له
لتين ابتسمت بخبث:تتوقعين طلعت كذا ويوم دق قالت اسمه انه يسكت احنا نسمع
عشق هزت راسها:شكله تصدقين لانه تغير اسلوبه فجاة
لين ناظرت اشجان
اشجان:لا وين ما اتوقع
لتين رفعت كتفها:انا اقول الي شفته وسمعته
لين هزت راسها:لا وين سهيل يموت على العنود والعنود تحبه يمكن نسى انه قالت له
توق:اذا كان كذا ف سهيل يحتاج الدكتور يكشف على مخه لانه صوته كان عالي والعنود ردت عليه
اسيا ناظرتها:سمعتي وش قالت؟؟
توق هزت راسها بلا:لا كانت تتكلم بهدوء
لتين ابتسمت:كذا المهانين يصرخ عليها ترد عليه بخفيف
اشجان ناظرتها:كذا الناس الراقيه والعاقله وانتي الصادقه
دخل عليهم سيل
سيل يناظر البنات:العنود هنا؟؟
اشجان هزت راسها:لا
سيل هز راسه وطلع راح للجناح حق العنود ودق الباب
سهيل ناظر العنود وراح يفتح:سيل وش فيك؟
سيل ابتسم بخفيف:عادي ادخل؟
العنود خبت الورقه ووقفت:وش فيك؟
دخل سيل لها:العنود حبيبتي اجلسي شوي
العنود ناظرته بشك:سيل وش فيه يوسف فيه شي؟؟
سيل هز راسه:لا مافيه شي الحمدالله
العنود دب الخوف بداخلها:من قل بسرعه؟؟
سيل مسك يدها:امي يقول يوسف زلقت بالحمام ونكسر حوضها بس هي تمام لاتخافين بيسون لها عمليه ويرجعونه
العنود اخذت عبايتها ومفتاحها وطلعت ومسكها سيل:العنود وين وين؟؟
العنود ناظرته:سيل امي بالمستشفى
سيل هز راسه:مافيها شي اصبري يكلمنا يوسف ويقول لنا وضعها
العنود عينها بعينه:سيل امي بالمستشفى
سيل لف عينه عنها
العنود عرفت انه امها مو بخير وتركت سيل وركضت للباب بتطلع بس وقف قدامها سهيل
العنود هزت راسها له:لا تسويها
سهيل ناظر سيل الي يهز راسه بنفي يعني لاتخليها تطلع
العنود ناظرت سهيل:سهيل
سهيل حط عينه بعينها هذي اول مره يسمع اسمه منها كذا بضعف ومد يده لها:انا باخذك عطيني المفتاح حطت العنود المفتاح بدون مجادل بيده
سيل غمض بضعف:العنود لاتروحين
العنود ناظرته:امنا يا سيل امنا
سيل نزلت دمعته:العنود لا تروحين
العنود فهمت وطاحت بالارض وطلعت صرخه منها بالم:يييممممهههههههه
سيل راح لها يحضنها:العنود العنود لاتسوين كذا ادعي لهم برحمه
العنود بعدت عنه:من هم
سيل حضنها اكثر
العنود هزت راسها:لا الله يخليك لاتقولها لاتقولها وصارت تضرب سيل عشان يبعد عنها
سيل يشدها:خليك قويه مع يوسف ومحب العنود لاتسوين كذا لاتسوين كذا
ام ماجد وام سعود دخلو على العنود بعد ماعلمهم الجد ساهر بالخبر
ام ماجد راحت للعنود:لا يمه لا
العنود ناظرت ام ماجد:خالتي راحو وخلوني راحو راحت اختكم
ام سعود بكت يوم قالت راحت اختكم
العنود ناظرت سيل:كيف؟
سيل هز راسه
العنود وقفت ودفت سهيل عن الباب وطلعت تنزل للجد ساهر:كيف؟؟
الجد ساهر ناظر العيال الي صدو عن العنود لانه نزلت بدون طرحه وشعرها طالع:العنود هذا يومهم ومكتوب
العنود هزت راسها:ادري بس كيف؟ ولفت على يوسف ومحب الي دخلو
العنود يوم شافتهم كان شكلهم غريب مو يوسف الي تعرفه و محب الي تعودت على بسمته:يوسف
محب على طول صد مايبي يشوفها وهو بذا الضعف ولف على ارتطام العنود بالارض
محب راح لها:لا لا العنود صحصحي لا
العنود تناظر محب ويوسف وتبكي بصمت بس مو قادره تتحرك
يوسف:العنود حبيبتي اذا تسمعينا غمضي لاتسوين شي بس غمضي وفتحي
العنود غمضت وفتحت
يوسف تنهد براحه:تنفسي تنفسي
العنود تبكي زياده
محب يهز راسه:لا لا
ماجد جاب مويه ليوسف:رشها
اخذ يوسف المويه ورش العنود
العنود تبكي:ماما وبابا
محب حضنها:عند الي ارحم مننا ادعيلهم ادعيلهم
العنود شدت عليه:كيف ليش محد يعلمني كيف راحو؟
محب ناظر يوسف:جوالك مقفل وقالت بتجي تشوفك ومراهقين كانو يسوقون بسرعة وصار الي صار
العنود بكت اكثر:يعني انا السبب انا السبب لو فتحت جوالي كان ماراحو
يوسف ناظر محب بحده:لا لا هذا يومهم يومهم لاتقولين كذا
سهيل يناظرها من بعيد مع البنات الي كانو يبكون بصمت كان كلهم حرفيا حزينين ويبكون محد شمتان مع انه مايحبون العنود بس امها وابوها راحو بوقت واحد هذي كبيره
عشق وتوق حضنو بعض ودخلو للمجلس يكلمون امهم
عشق دقت على امهم
ام عشق:هلا
عشق تنهدت براحه:ماما وينك؟؟
ام عشق:بدوام تبين شي؟؟
توق:لا ماما بس نسال عنك
ام عشق استغربت:توق وش فيكم؟؟
توق بكت بصوت عالي:ماما خالتي منى وعمي عبدالله توفو
ام عشق شهقت:الله يرحمهم كيف العنود
عشق تبكي:تعور القلب ماما تحزن
ام عشق:صيرو معاها لا تتركونها لحالها الله يرحمهم اذا خلصت شغل جيت اشوفها
عشق ودعت امها وقفلت وطلعو من المجلس
اسيا تراسل امها ورتاحت انها جاوبتها
لين ولتين حضنو امهم لانه قد عاشو الي عاشته العنود بابوهم 
اشجان حضنت امها الي حتى هي مو فقدت صديقه لا فقدت لها اخت وعشرة عمر
العنود ناظرت اخوانها:ابي اشوفهم
يوسف هز راسه:لا يالعنود
العنود بكت:الله يخليك طلبتك والله معد اطلب منك شي ابي اشوفهم
يوسف لف راسه يمسح دمعته الي نزلت:بنروح نصلي عليهم مع العصر
العنود:بعد شوي بيذن العصر بدري ماشفتهم
يوسف هز راسه:ايه بنروح الحين جينا ناخذك
العنود فزت:يلا نروح لهم
محب:يلا اشجان مدت له طرحه للعنود وحطها على راسها وضمها له
العنود تمشي معاه جثة هامده
الجد ساهر راح معاهم ولحقوه العيال بسيارتهم مع البنات وامهاتهم عشان يصلون عليهم
سهيل رقى للغرفة ودخل غرفة العنود وحط شنطه صغيره لها لانه يعرف انه اكيد مراح ترجع معاه وحط شوي من اغراضها ودخل غرفته وحط كم غرض له معاها وطلع وقفل باب الجناح حقه ولحقهم للجامع
نروح للجامع
العنود دخلت للغسيل بعد رفض اخوانها لها بس دخلت
حرمه ناظرتها:سلمي عليها وهي مغطيه لا تفتشينها
العنود حبت راس امها من فوق الغطى لانه تعرف اذا شالت الغطى بتشوف منظر بحياتها مراح تنساه تبي اخر ذكرى لامها تكون بسمتها حقت امس يوم يسون الكوكيز والقهوه وجلستهم مع بعض
سلمو عليها البنات وطلعو مع العنود لانه مايقدرون يتحملون اكثر
ام ماجد مسكت يد ام سعود:لا تفتشينها
ام سعود ببكي:ابي اشوفها كنا متفقين اليوم تجي وانشوفها وراحت ماشفتها
ام ماجد تركت يد ام سعود ولفت وجها ماتبي تشوف
ام سعود فتشت وشهقت هذيك الشهقه الي كل من سمعها قالو بيوقف قلبها
ام ماجد غطت اذونها ماتبي تسمع شي
ام سعود بكت بصوت عالي:اهه ياخيتي اخخخ حسبي الله على من رسلك لربي بذا الشكل حسبي الله ونعم الوكيل
حرمه تهديها:استغفري استغفري هذا يومها والله انها من الناس القليله الي وانا اغسلها احس براحه وسهولة ولو ركزتي بوجها تلاقينها مبتسمه هذا شي زين الله يرحمها ويرحمنا لا تتحسبين على احد ياخيتي لا تتحسبين
ام سعود استغفرت وطلعت مع ام ماجد لانهم بيصلون
العنود كانت منهاره لانه رفضو تشوف ابوها لانه كانت حالته اسوء من حال امها:خالتي ماخلوني اشوف ابوي ماشفته ماسلمت عليه
ام ماجد حضنتها:يمه ممنوع قالك يوسف ومحب حتى هم منعوهم
ام ماجد تقومها:يلا نصلي يمه
خلصو صلاة والرجال راحو يدفنون ام وابو يوسف والحريم توجهو لبيت ابو يوسف عشان العزاء ببيتهم
العنود وقفت عند الباب:ماقدر ادخل وهم مو موجودين ماقدر
اسيا مسكت يدها:العنود ترحمي لهم لاتسوين كذا بنفسك مايجوز
العنود ببكي:ماقدر اسيا افهميني ماقدر امس انا داخله من ذا الباب كانت ضحكاتهم بالبيت وطلعت منه حتى ماشفت ابوي لانه راح يصلي العصر لو اني جالسه وشفته
اسيا حضنتها:طيب بس ادخلي الحوش ماينفع تقعدين بشارع ادخلي الحوش بعدها فكري تبين تدخلين البيت ولا لا
اشجان هزت راسها:صح العنود ادخلي وبعدها فكري
لتين ناظرت لين:خلينا ندخل نساعد امي لانه بكره بيبدا العزاء
لين هزت راسها ودخلو البيت والعنود جلست بالحوش حق البيت معاها اسيا واشجان جلسو بالحوش لين بعد المغرب كانت العنود تبكي بصمت بحضن اسيا
ونفتح الباب ودخل منه سيل ويوسف ومحب وسهيل
العنود رفعت راسها وهزت بنفي انه لاحد يجبرها تدخل البيت
محب طلع من البيت ولحقه يوسف العنود وقفت بتلحقهم بس سحبها سيل لحضنه
سيل بحزن:العنود خليهم
العنود ببكي:مايبون يشوفوني انا السبب الي يتمنا يا سيل انا السبب وقاعدين يلوموني
سهيل ناظرها:العنود لاتقولين كذا هم مايبون يضعفون قدامك عشان كذا يصدون مو معناه انه مايبون يشوفونك
العنود ناظرته:نادهم طيب
سهيل هز راسه:ابشري
محب ببكي:ما اقدر اشوفها ما اقدر
يوسف بضعف:محب لاتقول كذا العنود مالها ذنب
محب ناظره بصدمة:مو قصدي انه هي السبب لا والله ما اقدر اشوفها لانها تذكرني بامي اتذكر امس كيف كانت سعيده بيننا واليوم عيونها ما جفت ماعاشت مع امي وابوي نفسنا لسى صغيره على مفارقهم لسى ماعاشت معاهم ليش راحو وتركوها ليش صارت يتيمة الحين مو اذا كبرت وعجزت وعرفت معنى الفراق الحين ماتعرف شي
يوسف حضنه:لا تقول كذا انا موجود وانت موجود وسيل موجود كلنا حولها صح مانعوض مكان امي وابوي بس نسد شوي عنهم
محب ناظره:العنود مراح تطلع من بيتنا ابوي زوجها وانا الي برجعها
يوسف كان بيتكلم بس تنحنح سهيل:العنود تبيكم
يوسف ومحب هزو راسهم ودخلو البيت للعنود
سهيل طلع دخانه وجلس يفكر بكلام محب انه يبي يرجع العنود لبيتهم طلعت له اسيا
اسيا مسكت يده:سهيل
سهيل ناظرها
اسيا حطت يدها على الدخان الي بفمه وسحبته:لا تدخن مو زين
سهيل هز راسه وجاء بيمشي بس وقف يوم شاف محب يناظرهم مع الباب وعاقد حواجبه ولف محب يدخل البيت مما خلى سهيل يرتعب من فكره انه يخلي العنود عندهم صدق ويطلقها منه سهيل دخل بسرعة وكانت العنود بحضن محب الي يمسح على راسها
محب بحنيه:نودي يلا ندخل البيت ماينفع تجلسين هنا كثير برد الوقت وانتي مو لابسه بتمرضين
العنود بكت زياده:صح مو موجوده ماما تسوي لي ليمون مشوي
محب حضنها زياده:انا اسوي لك بس لا تبكين
العنود تحاول تهدا شوي بس ترجع ازود وتبكي:محب ابي ماما
محب يمسح على راسها:الله يرحمهم وحس بثقل على كتفه وغمض العنود العنود صحصحي
يوسف دخل يجيب لها مويه من المطبخ وتجاهل الي موجوده بالمطبخ وفتح الثلاجة يطلع مويه ورجع طلع
آم ماجد دخلت المطبخ وكانت لتين مصنمه:يمه لتين وش فيك؟؟
لتين ناظرت امها وهزت راسها:لا لا مافيني شي
ام ماجد بتعب:اذا تعبتي روحي ارتاحي انا اكمل عنك
لتين بحنيه:ماما شوفي وجهك كيف تعبان روحي البيت ارتاحي وخوذي خالتي حصه معاك احنا فيه ارتاحي وتعالي الصباح مراح نخلي العنود
ام ماجد مسحت على شعرها:الله يرضالي عليكم يمه لاتخلونها لحالها اختكم هي
لتين ابتسمت:ابشري تبين اوديكم وارجع؟
ام ماجد هزت راسها:ايه يمه
لتين اخذت عبايتها وطلعت هي وامها وام سعود
سيل شافهم:وين رايحين
ام ماجد بتعب:بنروح البيت نرتاح شوي و بنجي الصباح ولتين بترجع عند البنات بتودينا وترجع
سيل ناظر لتين:انا اوديهم انتي خليك هنا بدال الروحه والرجعه انا بروح خلاص وبرجع الصبح اخذ يوسف ومحب
لتين هزت راسها ورجعت تدخل البيت ووقفت يوم شافت العنود كيف حالها كانت ضعيفة وواضح عليها التعب والالم وناظرت محب ويوسف الي كانت اشكالهم مهيبه ومخيفة كيف الحين صارو كانو مكسورين بس يحاولون يسنادون بعض عشان العنود ومايضعفون تقدمت لهم:العنود خلينا ندخل برد الحين
العنود ناظرتها بتعب:تمام ووقفت مع محب ودخلو محب واشجان اسيا والعنود وسهيل
يوسف صاد عن لتين:شكرًا
لتين ابتسمت:ماسويت شي بروح اجيب اكل لازم تاكلون فيه شي ماتاكلونه ولا عادي اي شي
يوسف هز راسه:خليك انا بروح اجيب بس ممكن تسالين احد من البنات وين ادويه العنود واذا اكلتها واذا ما اكلتها اسالي اشجان وخليها ترسل لي وش اسم الدواء عشان اجيبه
لتين ناظرت وهزت راسها:تمام ومشت بتدخل بس وقفها صوت جواله وصوته الي تغير يوم رد
يوسف تنهد بحزن:سمي يا ودق يوسف
ودق بحزن على حاله:عظم الله اجرك والله يرحمهم
يوسف رفع راسه لسماء:اجرنا واجرك امين امين
ودق بحنيه:وش تبي وش اسوي لك؟
يوسف غمض:ابيك تكونين لي واحضنك لانه ظهري انكسر انهد حيلي يا ودق راح سندي راحت حنان البيت وجنتي بالارض ابيك عكازي الي استند عليه تقدرين؟
ودق سكتت
يوسف تنهد لانه عارف مابيدها شي تسويه هي حبيبته بس لسى ماصارت زوجته:ودق حبيبتي بروح اجيب اكل للعنود والبنات وارجع اكلمك تمام
ودق:تمام حبيبي
يوسف:احبك
ودق ابتسمت:وانا اموت فيك
يوسف قفل ومشى لسيارته
لتين سمعت كلامه كله مع ودق ومشت تدخل البيت
لتين راحت لاشجان:اشجان يوسف يسال يقول العنود اخذت ادويتها؟؟
اشجان :مدري بسال سهيل وراحت لسهيل سهيل
سهيل ناظرها أشجان كملت:يوسف يسال العنود اخذت ادويتها؟؟
سهيل طلع علبه من جيبه:لا هذي الادويه ما اخذتها
اشجان اخذت العلبه وراحت للعنود:العنود خذي الادويه ياحبيبتي
العنود حاطه راسها بحضن محب وهزت بنفي
محب بعدها شوي:وش لا لازم تاخذينهم ومد يده لاشجان
اشجان طلعت الحبوب وحطتها بباطن يد محب ومدها للعنود
محب ابتسم لها:يلا
العنود اخذت الحبوب واكلتها ورجعت لحضنه
محب يمسح على راسها:بكره بنروح انا ويوسف لبيت عمي ساهر عشان العزاء حق الرجال هناك وانتي عندك البنات وخالتي حصه وخالتي نوره اذا تبيني ولا تبين يوسف اتصلي علينا اي وقت و بنجيك وبنرجع بليل
العنود هزت راسها
محب شد عليها:العنود قولي شي لا تسكتين كذا
العنود بعدت عنه ووقفت:بروح انام ومشت ترقى للغرفه وفتحت غرفة امها وابوها ودخلت وسكرته بالمفتاح
محب مسح على وجهه وتنهد ووقف ومسك كتفه سهيل:خلها
محب ناظره وناظر اسيا ومشى يرقى للعنود
اسيا ناظرت سهيل بخوف وسهيل هز راسه
اشجان جلست على الكنب وسندت راسها:اوف الله يعينها ويصبرها
لتين جلست وجلست جنبها لين وشدتها لتين لها وحضنتها:مره الله يصبرهم
اسيا جلست:يمه ما اتخيل اني افقد امي ولا ابوي صح اهلي منفصلين بس انهم يموتون يمهه
لتين ولين تذكرو ابوهم:الله يرحمهم ويرحم ابوي
عشق كانت جالسه وتوق حاطه راسها على رجل عشق:يمه اول ماعرفنا كلمت امي مره يخوف الموضوع
اشجان هزت راسها:ايه امي وخالتي نوره بصدمة للحين شفتهم يلهون نفسهم بترتيب وتنظيف البيت عشان ما ينهارون قدام العنود
لين ناظرت سهيل:سهيل رح للعنود اذا تبي اكيد بتفتح لك
سهيل هز راسه وهو عارف مليون بالميه مراح تفتح له ورقى كان محب جالس عند الباب ومسند راسه على الباب
سهيل ناظره:اقدر اكلمها؟
محب بعد عن الباب بس لسى جالس:اذا ردت عليك كلمها
سهيل دق الباب:العنود انفتح الباب وكانت العنود وجها احمر من البكي بس تتصنع القوه قدامه
سهيل ناظر محب الي وقف وابتسم لها:انا بنزل اذا تبين شي ناديني والعنود هزت راسها له ونزل محب
سهيل ناظرها:اقدر ادخل العنود هزت راسها بنفي وطلعت من الغرفة وراحت غرفتها ولحقها سهيل ودخلت ودخل وراها
العنود جلست على السرير حقها:وش بتقول؟
سهيل اخذ كرسي التسريحة حقتها وجلس عليه:اول شي عظم الله اجرك والله يرحمهم
العنود لفت راسها عنه
سهيل:العنود لا تلفين وجهك عني ادري انه الي قاعده تعيشينه الحين صعب بس ادعيلهم ولا تخلين اخوانك شايلين همك حتى البنات تحت قلقانين عليك خليك قويه خليك العنود
العنود كانت عيونها تمتلي دموع بس تحاول ماتنزل قدامه تحاول ما تضعف قدامه:وش تبي اسوي تبي ابتسم واسولف عادي كانه مو صاير شي هذول امي وابوي كانو جاين يشوفوني كانو جاين لي لو رفضت هزواج المزيف كان انا وسطهم الحين كانو هم حولي بس كله منك ومن جدك كله منك ومن جدك الي بحياتي كلها مراح اسامحكم ولا اسامح نفسي تقدر تتفضل برا
سهيل وقف وطلع من الغرفة ونزل يطلع من البيت وسمع
محب تنهد:يوسف اقولك جلست ادق على الباب لين ما تعبت مافتحت لي يوم جاء وقال لها العنود فتحت على طول كانها تستناه
يوسف:محب زوجها اكيد بتفتح له تحتاج له نفس ما تحتاج لنا
محب هز راسه:لا مو المفروض انها تحتاج له انا وانت بس الي تحتاج لنا هو غريب عننا مو مننا لازم نطلعها من عنده لازم ترجع لنا
يوسف بصدمة:وش بطلقها من رجلها صاحي انت صح ما اواطنه بس فكر بالعنود كيف بتكون انت بنفسك قلتها يوم قال اسمها فتحت له
محب:العنود صغيره ماتفهم شي يمكن انضحك عليها انه زوجها والي تحس فيه حب بس مايطلع شي لانه الرجال الوحيد الغريب عنها بنرجعها عندنا بس يخلص العزاء نكلمها بالموضوع ونقول احنا نعرف مصلحتها وهذي الحقيقة
يوسف يفكر بكلام محب:تمام بس نكلمها ونشوف قرارها اذا قالت تبيه مانضغط عليها واذا قالت ماتبيه نبدا بالاجراءات
محب هز راسه وابتسم:تمام
سهيل طلع من البيت وهو يفكر بكلام العنود وكلام محب الي شغله اكثر صح مايحب العنود بس ليش يبون ياخذونها منه ليش الحين بالوقت الي يبي يفتح صفحة جديدة معاها ليش العنود قاعده تجتاح تفكيره بذا الوقت بذات اكيد مو شفقه لانه عايلته كلهم منفصلين ومتفرقين يعني اذا كان يشفق عليها بيشفق على كل عيال عماته وعلى نفسه العنود فيها شي يشده لها بس مو عارف وش واخذ سيارته وتوجه لقصر ساهر ودخل المجلس الي جالس فيه الجد ساهر

تفاعلو حبايبي 😢❤️‍🩹❤️‍🩹