مايروس النجوم الا سهيل ولا يقود الظبا غير العنود

البارت الرابع والثلاثين

~جناح العنود وسهيل ~
مرت الشهور بسرعة والعنود وسهيل يدورون الملفات الاصلية
العنود رايحة راجعه بصالة:وين وين حاطهم
سهيل جالس على الكنب ويمسح شنبه بتفكير
العنود دق جوالها وشافته ماجد:لقيتها؟
ماجد:لا والله دورت بغرفة امي والبنات مافيها شي
العنود عصبت ورمت الجوال وتكسر وقام سهيل:العنود
العنود مسحت وجها واخذت شهيق وزفير:اسفه
سهيل هز راسه ووقف قدامها يمسح على كتفها:لا تعتذرين حقك تعصبين تزعلين تكسرين تسوين كل شي تبينه بس لاتفقدين الامل بنلاقي الاوراق
العنود ابتسمت وحاوطت خصره وحضنته وحطت راسها على صدره
سهيل ابتسم وشد عليها
العنود بعدت عنه:بشوف ادم وين اختفاء وراحت تدوره ولقته بالمكتب وابتسمت وش تسوي هنا يامامي وراحت له
ادم شافها وصار يركض بالمشايه والعنود تلحقه وتضحك وضرب الطاوله ووقف بخوف
العنود ابتسمت له:لا تخاف طاوله عادي يامامي وراحت له وشالت الاغراض الي طاحت وطاحت ورقه من الملف واخذتها تدخلها بالملف ونصدمة وفتحت الملف كله وصارت تدور فيه وكل شوي تزيد صدمتها واخذته وطلعت من المكتب
العنود وقفت ورا سهيل:سهيل
سهيل جالس على جواله:عيونه؟؟
العنود رمت الملف جنبه وسهيل شافه وغمض:اسمعيني بس
العنود ضحكة بصدمه:كنت جايه اقولك حاط الملف عندنا بس طلعت مخبيه ليش ليش يا سهيل
سهيل وقف وكان بيمسك ذراعها وصدته وبعدته:لا تلمسني لاتفكر تقرب
سهيل مسح وجهه:بس اسمعيني سويت كل هذا عشاننا
العنود عقدت حواجبها:عشاننا وش تقول انت لي شهور هنا عشان الاقي الملف زعلت اخواني عشان هذا الملف وانت مخبيه وتقول عشاننا
سهيل هز راسه:ايه لو ما خبيته ماكان صرنا كذا ماكنا بنرجع لبعض العنود انا احبك افهميني مو جدي الي زوجني اياك انا قلت له اني ابيك وكان رافض انا الي كنت ابيك مو جدي عشان فلوسكم
العنود هزت راسها بنفي:لا لا لاتخلط المواضيع بس سؤال انت خبيت الملف قبل ولا بعد مارجعنا؟
سهيل ناظرها
العنود لفت عينها عنه وهزت راسها:انت مقرف ومقزز لدرجة ما اقدر حتى احط عيني بعينك ومشت تدخل الغرفة بعد ما شالت ادم وقفلت الباب الفاصل والباب الاصلي
سهيل يدق الباب:العنود بس أسمعيني وراح تفهمين ليش سويت كذا
العنود:وش بتقول تحبني ماتقدر تعيش بدوني انا بقولك عش لاني معد راجعه
سهيل يدق الباب بقوه لدرجة الكل طلع من غرفته
سعود وماجد ركضو للجناح يدقون الباب خافو والبنات وراهم
سعود:سهيل افتح
سهيل:سعود رح غرفتك
ماجد يدق بقوه:افتح تفاهم معانا وش فيكم؟؟
اشجان بصوت عالي:العنود فيها شي طمنا بس
سهيل بدا يعصب:روحو غرفكم
العنود فتحت الباب وطلعت مع شنطها وشنط ادم واخذت الملف حطته بشنطتها
سهيل وقف قدامها:العنود بس عطيني نص ساعه اسمعيني بعدها سوي الي تبين لو تبين روحي عطيتك اياها والله
العنود ناظرته:معد فيه شي ينحكى انت كذبت وخنت عشان بس كم شهر كنت تشوفني اتعب وادور ماقلت بعطيها الملف يمكن ترتاح من التفكير وتبدا تفكر فينا سهيل -بعدت اصابعها السبابه والابهام عن بعض شوي- كان باقي لك قد كذا بس و انسى كل شي صار لنا بالماضي ونبدا صفحة جديدة
سهيل هز راسه:لا كنتي بتخليني كنتي بتروحين لخالد العنود كنتي بتخليني وعدتي محب ويوسف انك تلاقين الملف وترجعين لهم
العنود ضحكة:ليش محب ويوسف مايكلموني ليش مايجوني ماسالت نفسك لاني قلت لهم اني ابي ابدا معاه صفحة جديدة كسرت وعدي لهم عشان اكون معاك وانت وش سويت علمني طعنتني بظهري وكسرت قلبي للمره الثانية سهيل ومشت من جنبه
سهيل:العنود اذا فتحتي الباب بقولهم انه ادم ولد ماجد ومراح تشوفينه لانك حتى انتي كذبتي عليهم
العنود ناظرته وشدت على مسكت الباب:مع السلامة سهيل وفتحت باب الجناح
البنات تجمعو على العنود وماجد وسعود راحت لسهيل
العنود لفت تدور ماجد:ماجد
ماجد ناظرها وتقدمت له وعطته ادم:اسفة يا مامي هذي اخر مره تشوفني فيها وناظرت ماجد انتبه له وسحبت شنطتها ونزلت
البنات مشو وراها بخوف
العنود وقفت:لا تلحقوني الله يخليكم
لين:بس ادم يبكي
اشجان:وين بتروحين طيب؟
العنود سحبت شنطها بدون ماتجاوب وطلعت حطتها بسيارتها باهمال وركبتها وحركتها بعيد عن القصر للمره الثانيه بس هل مره ماطلعت بحريه نفس المره الاولى هل مره طلعت وقلبها يتكسر لمليون مره وكل شوي عيونها تغبش من كثر ما تمتلي بدموع وصوت بكي ادم براسها
~القصر~
ماجد عطى البنات ادم ودخل الجناح وسكر الباب:سهيل وش صار وش فيكم؟
سهيل:لقت الملف خلاص
سعود هز راسه بنفي:اكيد ماتركتك عشان ملف
سهيل ناظره:كنت مخبيه من اول
ماجد بقس سهيل:ياخسيس
سعود بعد ماجد عن سهيل:ماجد
ماجد بعصبية:ماتسمعه البنت شاب راسها شاب وهي تدوره بنهايه مخبيه
سهيل:كنت مابيها تتركني ليش ماتفهمون انا احبها احبها
سعود بهدوء :الي سويته غلط
سهيل ناظره:تحسبني ما ادري؟؟
ماجد:مافيه سبب يبرر الي سويته مافيه وطلع جواله
لتين وشلونك
لتين خافت:تمام الحمدالله وشلونك انت؟
ماجد حك حاجبه:الحمدلله يوسف عندك؟
لتين:ايه نايم وش فيك؟؟
ماجد:صحيه ابيه بموضوع يخص الشركة
لتين ارتاحت:تمام
لتين تهز يوسف:يوسف يوسف
يوسف عقد حواجبه:وش فيك يابوي؟
لتين مدت له الجوال:ماجد يبيك
يوسف جلس:العنود فيها شي؟؟
لتين هزت راسها بنفي:يقول موضوع عن الشركة
يوسف اخذ الجوال:السلام عليكم
ماجد:وعليكم السلام يوسف العنود طلعت من عندنا
يوسف فز:وين طلعت وين بتروح؟؟
ماجد:ادم عندنا وهي طلعت ماجتكم؟؟
يوسف:اصبر اشيك غرفتها يمكن دخلت ومحد انتبه عليها وطلع من غرفته لغرفة العنود الفاضية وتافف مو موجوده بطلع ادورها وبعلمك وقل للي عندك بنت معد عندنا له وقفل ورجع لغرفته
سهيل ناظر ماجد:راحت لهم؟؟
ماجد هز راسه:لا
سعود اخذ جواله يكلم اصدقاء بشعل يساعدونه اذا لقوها وقفل
سهيل جلس على الكنب:وين بتروح؟
سعود رد يوم دق جواله :اسلم ،ايه ،تمام، مشكور فهد ،الحين بجي ،مع السلامة وقفل وناظر سهيل تعال معاي وناظر ماجد رح لمحب ويوسف وتعال للموقع الي برسلك وطلع
ماجد اخذ مفاتيحه وطلع لفلة عبدالله ووقف عند الباب ونزل يدقه
يوسف قابله:ماجد وش فيه رجعت العنود؟
ماجد هز راسه بنفي:سعود قالي اخذكم انت ومحب
محب جاي بسرعه:لقيتوها؟
يوسف:بنروح مع ماجد
محب :وين لقيتوها يعني؟
يوسف ناظره:لاتسال كثير اركب
ماجد شغل الموقع ومشى عليه لين الموقع
يوسف غمض عيونه
سعود شاف سيارة ماجد توقف وتقدم لهم
محب نزل وحط يده على راسه وطاح على ركبه
ماجد نزل لمحب:محب اذكر الله اذكر الله
محب هز راسه:قل انها موب بسيارة الله يخليك قل انها طلعت
كانت سيارة العنود صادمه بالعامود ومحترقه مافيها شي باقي غير الدخان لانه توه طفوها
يوسف نزل وتقدم له سعود وناظر سعود:ليش؟
سعود تنهد:اعتذر بس مايقدرون يطلعون الجثة ويبون تاكيد انها جثة العن
يوسف حط يده على كتف سعود عشان يسكت وتقدم بثقل ووقف جهه السايق كانت محترقه لدرجة تعور القلب ومحد يقدر يتحمل المنظر وطاح يوسف وركضو رجال يرفعونه ويساندونه وبكى:العنود العنود
الرجال يهدونه:اذكر الله ياخوي، راحت للي ارحم مننا، لاتسوي كذا ادع ادع ، لاحول ولاقوة الا بالله ،الله يرحمها
محب يحس انه موب بعقله ركض ليوسف:وينها قلت العنود وينها هنا هي اكيد وصار يتلفت يدورها
سعود تقدم له:محب اذكر الله ياخوي
محب هز راسه بنفي وحط يده على صدر سعود وربت عليها:لا ماعندي اخو الا واحد -واشر على يوسف الي يناظر الجثه بدون ما يرمش -هذا هو وبيدفن اخته الي عطاكم اياها تحافظون عليها بس مادرى انها هذي نهايتها وراح يسند يوسف الي رجله ماتشيله يبعده عن السيارة عشان يحاولون يطلعون العنود من السيارة
يوسف رفع راسه لمحب الي حاضنه:اخذت ماتشا
محب خاف على يوسف:يوسف بسم الله عليك
يوسف ابتسم:اخذت ماتشا اكيد انها لذيذه لانه قالت اذا لقت ماتشا لذيذه معد تبي شي بالحياة
محب طاحت دمعته وسند راسه على السيارة ويناظر سيارتها
ماجد وقف جنب سعود:سهيل وين؟
سعود يتلفت واشر عليه:هناك
سهيل حاط يده على راسه وجالس بعيد حالته نفس حاله يوسف ومحب
ماجد وقف عند سهيل:سهيل
سهيل يناظر الارض ويده على راسه
ماجد جلس جنبه:يوسف ومحب هنا
سهيل على نفس وضعه وكمل ماجد:يوسف شافها يقول انها هي
سهيل بدا يضرب راسه بخفيف
ماجد ناظره:سهيل لاتسوي كذا
سهيل صار يزيد ويزيد بضرب لين ما مسكه ماجد وانهار بكي وحضنه ماجد
سهيل ببكي:انا السبب انا الي قتلتها ماكنت ابيها تطلع من عندي انا السبب
ماجد خنقته العبره:اوشش لاتقول كذا يومها يومها ذا لاتقول كذا
سهيل:لو عطيتها الملف من اول كان هي عند اخوانها اعرف انها حيه اننا نتنفس نفس الهواء ماجد راحت وروحتها مالها رجعه
سعود وقف معاهم:مشينا اخذوها بكره بنصلي عليها الظهر ماجد خذ سهيل وانا بودي محب ويوسف وقل لجدي هو بيعلم امي وعماتي ومشى راح ليوسف ومحب
ماجد رفع سهيل وراكبه بسيارة وتوجه للقصر ودخل وشاف البنات عند الباب ومايقدر ينزل سهيل وهو بهاذي الحالة وتنهد
ماجد نزل:وش تسوين عند الباب انتي وياها ادخلو
البنات دخلو بخوف لانه كان معصب
ماجد كلم جده يجيه بالمجلس لانه امن مكان يقول له
الجد ساهر دخل المجلس:وش فيك ياماجد؟
ماجد جلس هو والجد ساهر:جدي هذا شي ومكتوب وطريق كلنا ماشينه العنود عطتك عمرها حادث
الجد ساهر:لاحول ولاقوة الابالله وحط يده على راسه يامثبت العقل ودين استغفرالله
ماجد حط يده على يد الجد ساهر:جدي اذكر الله لاتسوي كذا بنفسك سهيل بسياره وسعود مع يوسف ومحب ابي ادخل سهيل البيت وامي وخالاتي والبنات عند الباب لازم نقول لهم ووقف بدخل سهيل من الباب الي ورا
الجد ساهر هز راسه:بستناك ندخل مع بعض ما اقدر لامك وام سعود
ماجد ربت على كتفه وطلع لسيارته الي سهيل سرحان فيها ولا ينتمي لارض الواقع الا جسده وفتح الباب ماجد وهزه:سهيل
سهيل نزل وشده ماجد:بسم الله ودخل القصر ورقى للجناح حق سهيل ودخل وحطه على الكنب:خلك هنا شوي واجيك
سهيل هز راسه وصار يناظر السقف
ماجد طلع للجد ساهر ودخلو مع بعض لصاله الي الكل فز يوم شافهم
ام ماجد بخوف:يبه وش فيه؟
ام سهيل تدور سهيل:ولدي وين طلع مع سعود؟
ماجد تنحنح:فوق بغرفته يرتاح
ام سهيل حطت يدها على صدرها:يمه ولدي ووقفت بتروح بس وقفها الجد ساهر
الجد ساهر:اجلسي يام سهيل اجلسي بخير هو
ام ماجد:يبه علمنا وش صاير؟
الجد ساهر جلس:ابوي نوره اجلسي
الكبار جلسو الا البنات
الجد ساهر حك حاجبه:كلنا مأمنين صابرين وطريق كلنا ماشينه
ام سعود بضعف:من هو الي مات؟
البنات شهقو
الجد ساهر تنهد:العنود
لين تقدمت:وش فيها؟
عشق مسكتها:لين حبيبتي
لين ناظرتها:يقول العنود وش فيها؟
ام ماجد وقفت وراحت للين:امي لين
لين ناظرت امها ببتسامه:سمي يمه
توق جلست بزاوية وحاطه يدها على فمها تكتم شهقاتها
ام ماجد هزتها:لين
لين نزلت دمعتها وناظرت اشجان ببتسامه:صرنا مثل امي وامك راحت خالتي منى عنهم وراحت العنود عننا
اشجان بكت:بس ماجبنا بنات يكونون مثلنا العنود راحت
لين حضنت اشجان:راحت وبكت هي واشجان يوم بدو يستوعبون
ام سعود وقفت:بروح للعيال اكيد مايعرفون وش يسون لتين اكيد مصدومه بكره العزاء وطاحت من طولها
ماجد حمى راسها وصار يهزها:خاله حصه ورفعها وناظر اريج خاله اريج كلمي سعود يقابلنا بالمستشفى وركض فيها لسيارة لأقرب مستشفى
اشجان ركضت معاه:ماجد بروح معاك
ماجد:بسرعه
عشق رمت عليها العبايه واخذتها اشجان وركضت لسيارة ماجد وصل باسرع ماعنده ودخلوها الغرفة وطلعو ماجد واشجان
اشجان ناظرت ماجد:ماجد
ماجد لف عليها:سمي؟
اشجان امتلت عيونها دموع:امي مافيها شي صح؟
ماجد هز راسه:اكيد بس ضغطها يمكن انخفض الحين يطلعونها لاتخافين
أشجان تدور جوالها:جوالي وين بكلم العنود تجي اكيد تبي تشوفها اذا طلعت
ماجد مسح على وجهه:اشجان
أشجان رفعت راسها وتذكرت وجلست على الكرسي:صح جوالي بالبيت
طلع الدكتور وراح له ماجد:دكتور طمني
الدكتور:تفضل معاي المكتب لو سمحت
ماجد لف على اشجان الي جالسه ورجع ناظر الدكتور:قلي يادكتور هنا
الدكتور تنهد:الوالده جتها جلطة بس الحمدلله خفيفه بتخليها عندنا اليوم تحت المراقبة ونشوف وضعها بعد ٢٤ ساعه بس الحين خلوها ترتاح اهم شي لا تضغطون عليها
ماجد تنهد ومسح وجهه:يعطيك العافية دكتور الدكتور ربت على كتف ماجد ومشى وماجد راح لاشجان
اشجان وقفت:وش قال؟
ماجد ابتسم يطمنها:قلت لك ضغطها انخفض وبيخلونها اليوم ترتاح عندهم
اشجان جلست براحه:الحمدلله ورجعت ناظرته سعود وابوي ماجو للحين بجلس عندها اجل عادي؟
ماجد هز راسه:ادخلي اذا بغيتي شي انا هنا مانب رايح مكان
أشجان وقفت تدخل لغرفة امها وماجد جلس مكانها بالكرسي وتنهد مرت نص ساعة ودخل سعود وابوه يركضون
سعود راح لماجد:امي امي وين؟؟
ماجد فز:بالغرفة معاها اشجان ارتاح
سعود كان بيمشي ومسك يده ماجد:سعود
ابو سعود ناظر ماجد:وش قال الدكتور
ماجد:قال جلطه بس الحمدلله خفيفه و بخلونها اليوم عندهم تحت المراقبة بس لتاكيد وقال لازم ترتاح
ابو سعود مسح وجهه:الحمدلله
ماجد:قلت لاشجان انه انخفض ضغطها عشان ماتخاف
ابو سعود ربت على كتفه:زين ماسويت يابوي رح ارتاح احنا عندها اكيد انك تعبان
ماجد هز راسه:لاتعب ولا شي حسبت الوالده
ابو سعود:الله يرضى عليك ودخل الغرفة
ماجد ناظر سعود:يوسف ومحب وشلونهم؟
سعود رفع اكتافه:والله وش اقول وش اخلي روحتها كسرت شي ما يتصلح لو بعد مليون سنه
ماجد هز راسه وتنهد:الله يرحمها والله احس قاعد احلم مدري هي كانت حاسه انه يومها ولا شي لانها عطتني ادم وقالت هذي اخر مره اشوفك فيها احس ودي اقوم من ذا الحلم مابي اكمله
< في مكان كلنا نحبه >
:سيدي لقينا محمد الفيصل( ابو ودق) بمطار الملك خالد توه سجل دخوله لرياض
وقف ومشى بسرعة:يلا يلا وش نستنى ركبو بسيارات الشرطة كلهم و توجهو للمطار بوقت قياسي جدا
نزل بسرعة يعطي العساكر تعليمات وكلهم تفرقو يدورون محمد الفيصل
وقفت جنبه حرمه ببتسامة:سيد بدر
بدر ابتسم:سيده هيام
هيام ابتسمت:شغلنا اليوم مع بعض
بدر بتوتر انهم يخوفون الناس:محمد الفيصل سنتين ندوره
هيام هزت راسها وهي تترقب الجميع:اليوم بنمسكه ان شاء الله
بدر هز راسه:ان شاء الله ومشو كل واحد بتجاه معاكس كانهم مايعرفون بعض
هيام شافته وراحت وقفت جنب ابو ودق:لو سمحت تعرف وين هذا المكان؟
ابو ودق ابتسم لانها بنت وواضح اجنبية:ايه تعالي اوديك له انا رايح لنفس المكان
هيام ابتسمت وسحبت شنطتها الكذبية:شكراً وطلعو من المطار
ابو ودق يدور تكسي
هيام شافت انه خفو الناس و كلبشت يده:محمد الفيصل انت رهن الاعتقال بتهمة تزوير و الفساد وتدمير ممتلكات خاصه لك الحق بانك تصمت وتوكل محامي او احنا نوكل من عندنا وسحبته لسيارة الشرطة وركبته
ابو ودق دب الخوف بقلبه انه قربت نهايته
بدر راح لها وزفر براحه:اوف الحمدلله
هيام هزت راسها وتناظر السيارة تمشي بعيد:الحمدلله
بدر ناظرها:هيام يلا وراحت تركب معاه ويروحون للقسم
مر الوقت بتحقيقات بس ابو ودق ساكت
ابو ودق نادا الشرطي:لو سمحت بدق على المحامي يوسف ال ملهم وطلع الشرطي
الشرطي راح لمكتب بدر:سيدي بيكلم المحامي
بدر عصب:يعني ماتكلم من اليوم والحين يبي محامي
هيام جلسه على الكنب:بدر اهدا وناظرت الشرطي كلم المحامي مدامه يبيه
الشرطي طلع واخذ رقم يوسف من جوال ابو ودق وكلمه
الشرطي:السلام عليكم معاي يوسف ال ملهم؟؟
يوسف بتعب:وعليكم السلام ايه نعم تفضل معاك يوسف من معي؟؟
الشرطي:معاك عايض من قسم الشرطة ابيك تتفضل عندنا لانه موكلك يبيك
يوسف ضغط عيونه:معليش اخوي عايض بس مافهمت انا ماخذ اجازة ماعندي قضايا
الشرطي عايض:محمد الفيصل تعرفه؟
يوسف وقف:ايه وش فيه؟؟
الشرطي عايض:انت محاميه وهو عندنا بالقسم تفضل عندنا
يوسف وقف:الحين جاي وقفل
لتين دخلت الغرفة بدموع:يوسف
يوسف حب راسها:لتين قلبي مشغول الحين اذا رجعت تمام؟ وطلع بدون مايسمعها
يوسف وصل القسم ونزل:لو سمحت محمد الفيصل هنا؟
بدر سمعه وطلع من مكتبه:يوسف ال ملهم؟
يوسف لف على بدر وصافحه وشاف اسمه المعلق:وصلت دقو على يقولون محمد الفيصل مسكوه قل انه موجود قطعه وحده لسى ما مات
بدر عقد حواجبه:انتبه انت بالقسم
يوسف ابتسم وهز راسه:هذا الي مانعني
بدر اشر له يدخل المكتب:تفضل المكتب ودخل هو ويوسف
بدر جلس واشر له يجلس:تفضل
يوسف ناظر هيام وصد وجلس:محمد الفيصل حي للحين صح؟
بدر هز راسه:ايه مسكناه بالمطار حي يرزق وطلبك كمحامي
يوسف ضحك بسخرية:شكله يبي يعفن بسجن يوم انه طلبني
هيام استغربت:استاذ يوسف متاكد انك تبي تكون المحامي حقه؟
يوسف هز راسه بنفي:متى قلت بصير محاميه هو طلبني بس انا ما وفقت اكون محاميه انا جاي اشوفه
بدر ابتسم:يعني انت بتساعدنا؟
يوسف:بالي تبونه اهم شي مايطلع من السجن
بدر هز راسه ووقف:تفضل معاي وبقولك الخطه
يوسف وقف معاه وراحو لغرفة التحقيق الي موجود فيها ابو ودق ودخل يوسف
ابو ودق رفع راسه وابتسم:ولدي يوسف كنت عارف انك منتب مخليني بسجن
يوسف جلس قدامه:محمد وش مسوي؟
ابو ودق بكذب:مظلوم مدري ماقالو لي شي كنت مسافر شغل ورجعت اليوم وجابوني هنا قالو فساد وتزوير مدري انا كل شغلي نظامي و بالمسطره
يوسف حك حاجبه:انت مختفي من سنتين وقريت الاوراق وفيه شهود يامحمد اذا ما صارحتني ما اتوقع تقدر تطلع منها
ابو ودق بخوف هز راسه:لا لا وقرب منه يوسف ولدي مظلوم انا لاتصدق الاوراق وهذول الناس اكيد انهم اخذو فلوس؟
يوسف رفع ظهره:من الي عطاهم فلوس؟
ابو ودق هز راسه:مدري
يوسف وقف:اذا ماقلت لي مقدر اساعدك
ابو ودق بسرعة:لا لا وقف لاتروح بقولك
يوسف ابتسم على خفيف ورجع جلس:تكلم؟
ابو ودق قصر صوته:ساهر اكيد انه يبي بيورطني لاني اعرف اسراره
يوسف رفع حاجبه:ساهر ال نافل؟
ابو ودق هز راسه:ايه هو كان ينصب على عبدالله ابوك كان يبيه يعطيه كل شي مقصوم بنص بينهم كان يبي يخلي ابوك يفلس ساهر كان يحب امك الي كبر بنته
هيام دخلت بسرعه:استاذ يوسف
يوسف رفع راسه لها وهي اشرت له يطلع وطلع بسرعة
بدر طلع من غرفه القزازه:هيام وش ذا
هيام :اذا ما طلعته كانت بيكون عندنا قضيه فساد غير محلوله وقضيه قتل شف جبينه بتنفجر عروقه
يوسف مسح وجهه يحاول يخفي غضبه
بدر وقف جنبه:يوسف اذا تبينا نوقف عادي
يوسف هز راسه بنفي:انا جيت عشان اعرف الحقيقة بدخل ثاني مره
بدر هز راسه ودخل يوسف على ابو ودق وهيام وبدر دخلو غرفه القزازه
يوسف جلس:لقو شاهد جديد يامحمد علمني كل شي عشان اقدر اساعدك
ابو ودق زاد خوفه:هذي الحقيقة ساهر هو الي زور كل شي انا بس كنت اعرف اسراره
يوسف هز راسه:بقول لهم انه مالك دخل بس ترا بتكون بسجن كم يوم لين ما يتاكدون
ابو ودق:يعني مايمديك تطلعني الحين
يوسف:هذا نظام القسم وبدر ال هامي ماتوقع بخليك تطلع كذا هو يستناك سنتين
ابو ودق حك راسه:طيب طيب
يوسف طلع وراحو مكتب بدر
بدر:بنروح نجيب ساهر ال نافل
يوسف حك حاجبه:خله كم يوم اليوم توفت زوجه حفيده وبكرة العزاء خله يخلص العزاء بعدها هو لكم
بدر:بس يمكن احد يعلمه وينحاش
يوسف هز راسه:لا بيكون تحت عيوني لاتخاف
بدر هز راسه:مانب متاكد
هيام كانت هاديه:بنرسل رجال متخفين ويكون تحت عيوننا
بدر هز راسه:تمام
يوسف وقف وصافح بدر:استاذن انا زوجتي بالبيت لحالها وطلعت بسرعه اكيد انها خايفه على
بدر ابتسم:تشرفت فيك اخوي يوسف
يوسف شد على يده:الشرف لي اخوي بدر وترك يد بدر وناظر هيام وهز راسه وهي هزت راسها له وطلع من المكتب
بدر تنهد وجلس:مانب مرتاح اني اخليه كم يوم
هيام عطته جوالها:اخته الصغيره زوجة حفيد ساهر
بدر مسح وجهه:يالله كنت بخرب عزاء اخته
هيام وقفت جنبه ومسحت على كتفه:ماكنا نعرف زين بحثنا قبل
بدر باس يدها وابتسم
~ الظهر ،المسجد ~
سعود رفض انه البنات يشوفون العنود لانه كانت تعور القلب و مايبي تلصق صورتها بهاذا الشكل بعقولهم
ام ماجد دخلت تسلم عليها بس ماشالت عنها الغطى:امي حبيبتي العنود اشتقتي لامك قلتي تروحين لها طيب واحنا ليش تركتينا بدون وداع وادم ماوقف بكي يبيك عطيناه كل شي مافاد الا يوم حطيناه على سريرك نام مشتاق لك يايمه ومسحت على الغطى ومسحت دمعتها وطلعت
ودخلو يصلون الظهر ويصلون عليها وخلصو وجلسو برا
عشق بدموع وهي حاضنه توق:خلونا نروح لبيت عمي عبدالله العزاء هناك

تفاعلو 😢😢