مايروس النجوم الا سهيل ولا يقود الظبا غير العنود

البارت الرابع والعشرين

~ عند العنود ~
كانت تزين عبايتها وطرحتها وتحس الحياة رجعت فيها خلاص بتطلع من حياتهم وبتطلع من دوامة التمثيل والكذب
لين وقفت جنبها والدموع بعيونها:بتروحين؟
العنود لفت عليها ببتسامة:ايه لانه هذا البيت مايناسبني  كله منافقين وخونه وكذابين الا من رحم ربي وهذول اربعه بس واكيد انتي مو منهم وشالت شنطتها وجت بتمشي ووقفت ولفت عليها مره ثانيه صح الفستان والمجوهرات فوق بغرفة ولد خالك لاتحسبيني سرقتهم بكره تجيبين لي الشرطه واختك بعد كم يوم بتجي بيتي وانتي اذا حبيتي تشوفينها علميها عشان تعلمني و مانجلس بمكان واحد ومشت تاركة لين خلفها مع القصر كله
العنود توجهت لسيارتها ووقف جنبها خالد ومحب
محب:انا بجيب سيارتك اركبي مع خالد ويوسف
العنود هزت راسها بنفي وبابتسامة:انا بسوق أنتم الحقوني
محب مد يده:العنود
العنود فتحت شنطتها وتأففت:يووه نسيته داخل بجيبه
خالد:خلاص بعدين نجيبه خلينا نروح بس
العنود :لا هذي سيارتي بابا جابها لي بجيبه بسرعة وارجع محد بينتبه لي
خالد هز راسه:خلاص بسرعه بستناك بسيارة
العنود ابتسمت ومشت وانتبهت انهم بعدو عن السيارة ورجعت شغلتها ومشت بسيارة وشافتهم يركضون لسيارة يوسف عشان يلحقونها بس اختفت عن نظرهم
العنود شغلة اغنية
يوم ليك ويوم عليك..مش كل يوم معاك
يوم ليك ويوم عليك..والليله ضاع هواك

يووم دنتا جالك يووم.. تنسا فيه النووم..
لو تقول مظلوم حاقولك يوم داجالك يوم..

‎يوم ليك ويوم عليك..مش كل يوم معاك
‎يوم ليك ويوم عليك..والليله ضاع هواك
‎
انت فاكر اني حابل انجرح
والا فاكرانت تفرح واندبح
والا فاكر ان ظلمك راح يدووم..
وضحكت باعلى صوتها ووقفت عند مكان كانت تتمنى انها ماتجيه مهما يصير
~سياره يوسف~
محب ضرب الدركسون بقوة وعصبيه:وينك وينك؟؟؟
يوسف ماكلة الخوف وناظر خالد:ردت عليك؟
خالد يهز راسه بنفي ويحاول يتصل عليها:مقفل قفلته
محب صرخ:اخخ يالعنود اخخخ
يوسف:خلاص ياخي اهجد بنلاقيها كلنا خايفين عليها
محب وقف على جنب ونزل وطاح على الارض ودمع
يوسف نزل له وحضنه:محب تماسك بنلاقيها ان شاءالله
محب شد عليه:يوسف خايف خايف يسون فيها شي هي واجهة ساهر تعرف من ساهر الي كان ابوي صديقه ويخاف منه خايف يوسف
يوسف يمسح عليه:اذا كان هو ساهر فهي العنود بنت واخت رجال قم قم شكلنا غريب اجلس جنبي بسوق انا
محب هز راسه وجلس مكان الراكب ويوسف يسوق
~ القصر ~
المجلس خلى من الرجال بعد ما اعتذر الجد ساهر ونهى الليله وباقي عياله وأحفاده
الجد ساهر وقف قدام سهيل:تعرف وش صار هنا؟
ابو سهيل تقدم:يبه
الجد ساهر:ولا كلمه مابي اسمع الا سهيل
سهيل رافع راسه:ماصار شي مانب مرتاح معاها ولا هي مرتاحه معاي وانفصلنا صارت مع عمتي نوف وعمتي اريج موب اول ولا اخر واحد ينفصل بعايلتنا
الجد ساهر هز راسه بتفكير:صح مو اول ولا اخر واحد صح بس راح تكون اول واخر واحد يخلي ساهر يعتذر لضيوفه ويطلعهم قبل القمه انت اول واخر واحد يا سهيل فاهم؟؟
سهيل هز راسه:فاهم
الجد ساهر ناظرهم:فاهمين؟؟
الكل هز راسه وجاوب فاهمين
سهيل خبط على الارض من ظهر كف الجد ساهر
الجد ساهر ناظره وهو على الارض:هذا نفس الكف الي عطيته العنود وعشانها ومشى يطلع من المجلس
سعود تقدم لسهيل الي لسى على الارض:سهيل
سهيل دفه وقام يطلع لجناحه وصفق بالباب وجاب شنطه حط ملابسه واخذ جوازه وطلع من القصر كله
داخل القصر خلص الحفل ورقص والبنات لبسو بجايمهم ونزلو للحديقة يكملون سهرتهم
لين تحاول تكلم اشجان بس مطنشتها:اسمعيني اشجان الله يخليك قلت الي قلته من زعلي على اختي كيف بتعيش مع يوسف وهو يدري انه العنود ماتبيها وكلنا عارفين انه العنود كلمتها عند يوسف ومحب ماتطيح
اشجان اشرت على لوحة مكتوب يوسف ولتين:كلمة العنود اليوم طاحت وهذي الوحه تثبت بس انتي شايلة كثير بقلبك عليها ولقيتيها فرصة بس انا اشكرك من كل قلبي انه بينتي انه مافيه احد بعايلتنا كفو لها و طيحتينا كلنا من عينها احنا متربين يا لين مع بعض كان ماتدخل لقمه ولا نلعب لعبه الا العنود تكون معانا العنود الي عاشت طول عمرها حولنا واحنا حولها كل الناس كانو يحسدون امهاتنا على صداقتهم وجينا احنا نكمل مسيرتهم بس شكله حتى احنا حسدونا على صداقتنا وضعفنا للحسد وما قرينا اذكارنا المهم ماعلينا الحين العنود مو بيننا وانتي بنت عمتي لا اقل ولا اكثر ومشت تجلس مع البنات
عشق تلفتت:بنات اسيا ماشفتها من زمان وين راحت؟
لتين هزت راسها:صح اتذكر كانت رايحة المطبخ ومعد شفتها انا قلت يمكن اكلت وراحت تعدل الميك اب
اشجان تذكرت خروجها السريع من المطبخ ومحب موجود داخله ومتوتر وجلست تفكر وكل فكره اسوا من الثانية
توق ناظرت اشجان:بنت اظافرك دمت لاتاكلينها
اشجان انتبهت ونزلتها وابتسمت:بروح اشوفها واجيب السماعة نسمع شي وقامت لغرفة اسيا
~غرفة اسيا ~
نرجع لخروج اسيا من المطبخ وبدون ماتحس وبخوف صدمت احد وفزت بخوف اكبر
سعود عقد حواجبه:اسيا وش فيك؟
اسيا ارتمت بحضنه وبكت بخوف
سعود شدها ورجع يدخل هو وياها المجلس قبل مايقابل امه:بسم الله عليك وش فيك احد قالك شي احد زعلك؟
آسيا تبكي وترجف بخوف وسعود متوهق مايعرف وش يسوي وصار يمسح على ظهرها ويهديها
اسيا تبكي:سعود خايفه كان بيقتلني بيذبحني خايفه
سعود يحاول يستوعب:من هو سهيل؟؟؟
اسيا هزت راسها بنفي:لا
سعود يحاول يبعدها سوي عنه عشان يفهم:من اجل اسيا علميني
اسيا بعدت شوي عنه:محب
سعود تنهد:درا عنك انتي وسهيل صح؟؟
اسيا هزت راسها بايه:بس والله انا نكرت ماقلت له بس هو شاك من اول
سعود شاف رقبتها وشال شعرها:هذا منه؟؟
اسيا هزت راسها وتبكي
سعود عصب يحسب بس هددها كلام:الخسيس
اسيا سحبته قبل يمشي:لا سعود الله يخليك لاتروح خايفه يرجع وحضنته
سعود شدها يهديها:بس خلاص اهدي مراح يسوي فيك شي اصلا انقلع بعد ماطلق سهيل العنود
اسيا بعدت:سهيل طلق العنود؟!!
سعود تذكر امه:ايه ايه اسيا روحي غرفتك غيري وانزلي للبنات لاتجلسين لحالك امي تبيني الحين واذا بغيتي شي اتصلي علي وتركها
اسيا اتسعت ابتسامتها واخذت خصله من شعرها وصارت تلعب فيها:الله عليك يا اسيا جاء وقتك وبدت لعبتك الحين العنود باح وسهيل وفلوس ساهر كلها لك وطلعت من المجلس لغرفتها
الوقت الحالي اشجان دقت الباب عليها:اسيا
اسيا قلبت عيونها وقامت تفتح:نعم؟؟؟
اشجان رجعت على فتحت بابها:نعامه ترفس هذا جزاتي جايه اشوفك لتين قالت انها ماشافتك من زمان وتكرمت انا وجيت بس شكلي غلطانه
اسيا ناظرتها من فوق لتحت:وش خفتي اذا تزوجت سهيل اقوله يطردك من قصرنا قلتي خلني اسوي عودة العلاقات تو تو ياحبيبتي انا مايمشي معاي شغل المصلحة
أشجان طاحت من الضحك:استغفرالله موتيني ضحك والله قال اقول اذا تزوجت سهيل حبيبتي سهيل مكان مو موجوده فيه العنود مايكون موجود سهيل وسوت بيدها حركة الطياره سافر ياحبي اخذ شنطه وراح من زمان
اسيا بصدمة:كيف ماعلمني
اشجان مكمله ضحك:تاكدي بس انه ما بلكك عشانك كنتي تسليه عنده وتضيع وقت ياحبيبتي ماتوقعتك مخفه كذا اللهم لا شماته بس اسمعي احنا تحت اذا خصلتي دقدقه عليه وتعبتي وفقدتي الامل انزلي ولو سمحتي خلي طاقتك حلوه عشان فينا الي مكفينا ونبي نكمل وناسة لتين يلا تشااو ونزلت بعد ما اخذت سماعتها
اسيا ضربت رجلها بالارض واخذت جوالها تدق علي سهيل بالبدايه كان يدق لين يفصل بعدين جاها مغلق ورمت الجوال بعصبية:النذل انا كذا يسوي فيني انا اسيا
~المطبخ ~
كانت ام سعود وام ماجد يشرفون على العاملات بترتيب ولم الاغراض
ام سعود كانت سرحانه ومهمومة وواضح من وجها
ام ماجد أنتبهت عليها:وش فيك ياخيتي ماشفت وجهك هذا الا يوم وفاة منى الله يرحمها علميني وش فيك؟؟
ام سعود ماقدرت تتحمل:سهيل طلق العنود
ام ماجد حطت يدها على فمها:ياويلي متى وليش؟؟
ام سعود:قبل كم ساعة يوم سلمت علينا العنود هو كان توه مطلقها وليش هاذي عاد للحين ما ادري ياخيتي
ام ماجد:يارب وش الي جاء هل ولد البنت ماعمرها اشتكت من شي وكانت حياتهم وش حلوها وش جاهم بسم الله
ام سعود رفعت اكتافها:والله مادري ياخيتي مادري بس اكيد انها خيرة
ام ماجد جلست على الكرسي وحطت يدها على راسها:وش بنقول لمنى اذا قابلناها بجناته وشلون بنشرح وشلون بنبرر
ام سعود جلست قدامها ومسكت يدها الثانية:لاتفكرين كذا يانوره ان شاءالله يرد له عقله ويرجعها
ام ماجد هزت راسها:ان شاء الله ان شاء الله
~ بالحديقة ~
سعود راح للبنات:السلام عليكم
البنات:وعليكم السلام
أشجان ابتسمت:وعليكم السلام ياحب وش تسوي هنا؟
سعود ابتسم لها وحط يده على راسها:البق بوس يبيني قلت اشوفكم قبل ما اروح له واشوف وشلونكم بعد العنود
لتين ابتسمت:زينين احنا وفاقدين العنود والله الله يهديه سهيل بس
سعود هز راسه:امين وناظرهم وعقد حواجبه اسيا مو معاكم؟
لين:لا سمعت انه سهيل سافر وصارت تدق عليه و ماشفناها
سعود ابتسم بوهقة:ايه هم مقربين عشان كذا تدق عليه
اشجان ضحكة:ترا عارفين انه سهيل واسيا مع بعض من ورا العنود مايحتاج تجيب اعذار
سعود حك اذنه:انا بروح لجدي مع السلامة ومشى يدخل
سعود راح لمكتب الجد ساهر ودق الباب
الجد ساهر فصخ نظارته:ادخل
سعود دخل:السلام عليكم
الجد ساهر بحده:وعليكم السلام اجلس ياسعود اجلس
سعود جلس:سم طلبتني بغيت شي؟
الجد ساهر بعصبية خفيفه:وينه الي فاضحنا وين ذلف؟
سعود :والله علمي علمك مادري عن شي اخذ الشنط وطلع قلت له انا اوديك بس طلب سيارة وراح
الجد ساهر هز راسه:زين زين نشوف اخرتها معاه وماجد وينه فيه؟؟
سعود:مدري جدي اخر مره شفته كان معانا بالمجلس ومعد شفته
الجد ساهر ضرب الطاولة:انت بس ماتدري ماتدري قل شي تدري عنه
سعود ابتسم:ابشر الا ادري انك دمرت حياة طفلة عشان حفيدك يسوي الي انت تبي بس طلع ماسوى شي لها والحين انت معصب ووقف تامر على شي بروح ارتاح عندي دوام
الجد ساهر حط يده على شنبه:رح رح
سعود طلع من المكتب
الجد ساهر صار يفكر:

تفاعلو ياحلوين