مايروس النجوم الا سهيل ولا يقود الظبا غير العنود

البارت الواحد وثلاثين

~ فلة عبدالله ~
لتين قامت ولبست وتكشخت ولبست عبايتها ونزلت على دخلت يوسف
يوسف وقف قدامها:على وين؟
لتين سكرت جوالها ودخلته بشنطة:قلت الصبح بطلع مع وحده من البنات السوق نسيت؟
يوسف رفع حاجبه:لا مانسيت بس ماقلت طيب يمديك تروحين انا قلت بنروح نتغدى برا
لتين هزت راسها:ماتذكر معليش تاخرت على البنت وكانت بتمشي وسحبها يوسف على الجدار وشد على اسنانه:لتين اعقلي لاتخليني اسوي شي مايعجبنا كلنا
لتين تناظره ببرود بدون اي عاطفة بعيونها:سو الي تبي اصلا مو ناقص الا الي بتسويه
يوسف عوره قلبه لانه عيون لتين قالت كل شي هو خايف منه وصرخ وضرب الجدار بقوة وبعد عنها
لتين رفعت طرحتها وطلعت من البيت وركبت سيارتها ودقت على محب
محب استغرب:لتين فيك شي؟؟
لتين مسحت دمعتها:يوسف شكله كسر يده ومو راضي يروح المستشفى كلمه لو سمحت
محب:تمام لاتخافين الحين اكلمه يجي عندي
لتين:شكرا مع السلامة
محب قفل ودق على يوسف مرتين مارد ورد على الثالثة:وينك ياخوي ابيك تجيني
يوسف كان يحاول يحرك اصابعه بس مايقدر:طيب يلا
محب قفل يستنى يوسف ربع ساعة ودخل يوسف عليه:وش فيك؟
محب ناظر يده:وش فيها يدك؟؟
يوسف ببرود:تسكر عليها باب السيارة يوم قبل ماتدق علي
محب وقف:تعال نسوي لها اشاعه نتاكد اذا مافيها كسر
يوسف مشى معاه لانه واثق انها كسر وسوى اشاعه وطلعت مكسوره وجبروها له
يوسف مستسلم لكل شي وكان تفكيره بلتين بس
محب استغرب:يوسف
يوسف فز من سرحانه وناظره:وش؟؟
محب:خلصنا قم خلنا نروح البيت وبقول لواحد من اخوياي يجيب سيارتك لاتشيل هم
يوسف قام معاه وراح سيارة محب وسند راسه على المرتبة
محب ناظره:وش فيك متهاوش مع لتين؟؟
يوسف ناظره:ودق حامل
محب عقد حواجبه:الله يتمم لها ولف عليه بصدمة لاتقول انك للحين تحبها؟؟
يوسف ناظر قدام وغمض
محب بدا يستوعب:عشان كذا لتين متضايقه ياخي عيب عليك البنت ماقصرت بشي معاك ليش تسوي كذا فيها
يوسف تنهد:وش اسوي طيب ماخلتني حتى اقول شي من اليوم صادتني قلت لها نروح نتغدى قالت بتطلع
محب ناظره ببتسامة:بس تخاف عليك دقت علي تقولي شكلك كسرت يدك
يوسف لف عليه:صادق هي الي دقت؟؟
محب هز راسه:ايه والله
يوسف ابتسم براحه انها ما قطعت الامل فيهم
محب حرك للبيت ونزل هو ويوسف يدخلون وكانت لتين موجوده
لتين شافتهم بس سوت نفسها مشغوله
يوسف جلس وسوى نفسه يتالم عشان تنتبه له:اخخ
محب كاتم ضحكته ووقف:بروح انسدح شوي عندي مناوبه وراح غرفته
يوسف يناظر جبيرته:وشلون بغير ملابسي الحين اخخ
لتين تسوي ماتسمع ويوسف مكمل:حتى مايمديني اتروش ولا اسوي شي ولا اقدر احرك اصابعي مدري وش اسوي الحين الله يعين بس لايصير كسر مضاعف اذا شلت ملابسي ووقف يروح الغرفة حقته هو ولتين
لتين تأففت ووقفت تلحقه للغرفة
يوسف كان متاكد ميه بالميه انها بتجي بس يسوي نفسه يبي يشيل ملابسه عشان تساعده وسمع الباب يتسكر يعني دخلت ووقفت عنده تساعده وابتسم ومد يده المجبره لها عشان تساعده
لتين تسحب كم ثوبه بخفيف وتحس انها هي الي تتوجع:شوي شوي
يوسف كان هادي يشوف تعابيرها كيف تتغير مع كل سحبه وخايفه عليه:انا اسف
لتين سحبت الكم وطلعت يده وبعدت:خلصت كمل تغير وجت بتطلع بس مسك يدها يوسف
يوسف شد عليها:انا اسف والله ادري الي سويته ماينغفر بكلمة اسف بس الله يخليك اسمعيني اول بعدها احكمي علي
لتين تكتفت:يوسف كنت بتضربني تحت
يوسف هز راسه بنفي:لا والله تنكسر يدي قبل ماتنمد عليك وهذي هي انكسرت وجلسها بس اغير اصبري هنا لاتروحين وراح يغير ورجع وزفر براحه انها للحين موجوده وجلس قدامها
لتين لفت نظرها عنه وهو مسك يدها:لتين جدك قال انه انتي الي قلتي ودق تصلح لسيل بس سيل قال انه جدك وابو ودق شركاء عشان كذا فكر يزوجهم لبعض
لتين ناظرته بستغراب:ليش قال اني اعرف ودق
يوسف تنهد:هذا الي ابي اعرفه يوم قالي هذا الكلام انا فار دمي انك انتي الي فرقتيني عن ودق وصرت ابي انتقم منك وطلبت يدك لزواج وسويت نفسي احبك بالملكه عشان تتعلقين فيني اكثر ويبدا انتقامي بس والله بديتي تدخلين قلبي وبدا غلي يخف لين صرت اخاف عليك مني اخاف تحملين واحرمك من ولدك بدافع الانتقام عشان كذا بديت اعطيك مانع حمل بس والله تاكدت من الدكتوره ميه مره انه مافيه خطر بحياتك واذا وقفتيها تقدرين تحملين انا ماسويت هذا كله الا عشاني خايف عليك مني
لتين هزت راسها:مو عذر يوسف الي سويته فيني عشمتني انك تحبني وانت تبي تنتقم مني لسبب مالي اي ذنب فيه لو انك جاي بس سالني انا اعرف ودق كان قلت لك ايه اعرفها من بيتكم من عزاء خالتي منى وعمي عبدالله بس معرفه طويله لا والله وجدي ما اعرف ليش سوا كذا بس معد صرت اشره عليه بعد الي سواه بماجد والعنود
يوسف وقف:وش سوا بماجد والعنود؟؟!!!
لتين وقفت معاه:اسال العنود وطلعت من الغرفة بعد ما تكدت انه بخير صح انها زعلانه منه ومقهوره بس قلبها وعقلها يحبونه
~ مكتب ملهم ~
سهيل ناظرها:جربيني
العنود ابتسمت على جنب ورجعت تجلس:جدك وابوي دخلو شراكة مع رجال نصاب
سهيل هز راسه:اعرفها الي خلت ابوك يدفع لجدي وجدي يدفع ادويتك
العنود ناظرت ماجد وشرار يطلع من عيونها وماجد يهديها ورجعت تناظر سهيل:ايه جدك يكون النصاب جدك وابو ودق حطو ابوي بوجه المدفع رسل جدك لابوي ناس يهددونه عشان يتدين من جدك وجدك هذا الي يبيه من اول صار ابوي يدفع له مبالغ كبيره لين بين مرضي وعشان يسوي نفسه جدك الملاك قال انا بدفع الادوية بس بالحقيقه ابوي يدفع فلوس ماله ذنب فيها
سهيل عقد حواجبه:مافهمت كيف يعني جدي يسرق من ابوك جدي ساهر ال نافل ركزي
ماجد قدّم ظهره:شركة ساهر الي انت تشتغل فيها النص لعمي عبدالله تدري؟ وغير كذا شركات كثيرة لعمي عبدالله اخذهم جدي والارض الي عليها القصر نصها لعمي عبدالله كان يبي جدي ياخذ كل شي باسمه ودبر الشراكة مع ابو ودق عشان ياخذ كل شي بس عمي عبدالله قال بدفع لك من راتبي مانب بايع لك شي مما خلى جدي يزيد عليه ومرض العنود اتفق مع دكتور يعطونها ادويه ماتحتاجها وزوجك اياها وجاب ليلي تعطيها الادوية على انها تحتاجها وهي تضرها
سهيل بحاله صدمه:اصبرو ووقف وصار يروح ويرجع يحاول يستوعب ورجع جلس يعني انتم تقولون جدي ساهر كل شي له مو له؟؟!
العنود هزت رأسها:ايه هم شركاء بكل شي بس جدك الوجهة وابوي العمل والارض اصلا كانو بيبنون فيها شركة بس جدك بناء فيها القصر الي يسرح ويمرح فيه
سهيل ناظرهم:عندكم دليل
العنود ابتسمت:ماقلت جربيني؟؟؟
سهيل هز راسه:ماكذبتك انا ابي دليل عشان اعرف انا وين لانك تقولين كلام كبير ومحد بيصدق الي تقولينه
العنود وقفت ووقف ماجد معاها وسهيل يناظرهم
العنود مشت مع ماجد وناظرت سهيل:ماتبي الدليل امش معاي
سهيل وقف معاهم وطلعو من الشركة وماجد ركب سيارته والعنود وكبت وفتحت الدريشه:تستنى عزيمه اركب
سهيل ركب مع العنود:ماجد وين رايح واحنا وين رايحين؟
العنود حركة السيارة لين بيت عبدالله وجلست بسيارة لين ماوقف ماجد جنبها ونزلو مع بعض
ماجد ناظر العنود بتاكيد:متاكده تبين تقولين لهم بهذا الشكل؟؟
العنود هزت راسها:مردهم يعرفون ودخلو البيت
لتين بصاله مع يوسف
لتين ابتسمت للعنود:جيتي تبين تاكلين؟؟
العنود ردت الابتسامة:لا حبيبتي وناظرت يوسف معاي احد
يوسف وقف:بدخل اجل الغرفة خذو راحتكم
العنود هزت راسها:لا معاي ماجد
لتين وقفت بخوف:وش فيه صاير شي؟؟
العنود تطمنها:مافيه شي بس جاين ليوسف ومحب
يوسف عقد حواجبه:جاين من هم؟؟
ماجد وسهيل دخلو البيت
يوسف عصب:هذا وش جابه واشر على سهيل
العنود تهديه:انا جبته اجلس يوسف واسمعني
محب طلع على صوت يوسف:وش فيكم؟؟ وانتبه لسهيل وضحك هذا شكله يبي يصلون عليه وتقدم بس العنود وقفت قدامه
العنود تاففت:اجلس انت وياه ياخي وناظرت ماجد بروح وارجع
ماجد هز راسه وهدا محب وجلسو ومحب ويوسف كارهين سهيل
لتين مسكت يد يوسف وتهديه لين رجع ظهره على الكنب بهدو ورتاحت لتين
العنود نزلت وجلست معاهم وناظرت اخوانها:انا وماجد عندنا شركة
محب رفع حاجبه:شركة!!
ماجد هز راسه:ايه عطاني اياها جدي والعنود شريك معاي وفازت شركتنا قبل كم يوم كذا
يوسف قدم ظهره وشدت لتين على يده وشد على يدها يطمنها:العنود قلت لك مانبي نتعامل معاه ثاني مره انتي وماجد تمام بس ابي شرح مفصل بهاذي الشركة وشراكة
العنود هزت راسها:ابشر بس الحين عندنا موضوع اكبر من الشركة عمي ساهر وقالت لهم كل شي الا عن الادوية الكذبية وماجد جاب الملفات الي العنود حاطه نصها عنده والنص الثاني عندها وعطتهم اياها
محب يقرا الملف مو فاهم:مافهمت اشرحيلي المكتوب
يوسف عصب:مكتوب انه شركة ساهر بنص بين ساهر ال نافل و عبدالله ال ملهم و اغلب الممتلكات بنص بيننا وبينه
محب:ليش ماقال لنا ابوي طيب؟؟
العنود:لانه بنظر ابوي انه مديون لساهر ويخاف يقول لنا ونطالب فيها ونعرف انه مديون و مايبينا ندري عنها
يوسف حط يده على عيونه وضغط عليها:ادري بدين انا وكنت اسدد له طول السنه الي راحت
العنود رفعت راسها لفوق وتنهدت:يوسف
يوسف ناظرها:ماكنت ابي تدرين وتصيرين تشتغلين وتدرسين كنت ابيك لين تتخرجين واقولك ونوقف مع بعض
محب عقد حواجبه:وانا وين رحت عندي وظيفتي وراتبي زين كان قلت لي اقل شي
يوسف:كنت بقولك بس انت قلت بتتكفل بالادوية ومابي اضغط عليك زيادة
محب ناظر:اخخ يايوسف اخ
سهيل هادي ويقلب بالملفات ولفت عليه العنود ورفع راسه يوم حس انها تناظره وتلاقت عيونهم لوقت قصير وصدت العنود وتنهد سهيل
لتين ناظرت العنود:مايمديكم طيب ترفعون قضية عليه يرجع حقكم؟؟
العنود هزت راسها بنفي:مانقدر لانه الي بالملف صور مو النسخ الاصلية ونحتاج النسخة الاصلية
محب:مهي موجوده بمكتب ابوي؟؟
العنود:لا دورتها بكل مكان مو موجوده
لتين جتها لحضه ادراك:جدي زوج سهيل العنود مو عشان الادوية لا عشان ولد سهيل بياخذ من ورث عمي عبدالله الربع وعيال يوسف النص عشان كذا كذب انه انا الي فرقتك عن ودق عشان عارف انك بتتزوجني اذا سمعت هذا الكلام
العنود:طلع لاعبها صح
سهيل ناظرهم:طيب خلنا نلعب احنا بعد
كلهم ناظروه بوش يقصد
سهيل:نسوي نفسنا ماندري عن هذا كله يوسف زوج لتين هذا خالصين منه وانا والعنود نرجع لبعض
محب وقف:وش رايك تورينا عرض اكتافك وتنقلع
العنود وقفت ومسكت يد محب:آجلس محب خلنا نفهم
سهيل:اذا قلت له ابي العنود ثاني مره بيوافق بعد ماعرف بشركة حقت ماجد والعنود واذا تزوجنا ثاني مره نقدر نرجع للقصر ومنها ندور على الأوراق الاصليه اكيد انها عنده
العنود ناظرت اخوانها تستنى الرد
يوسف ناظر العنود:وش رايك؟؟
محب لف عليه بصدمه:وش وش رايك ذي اكيد لا وبنلاقي طريقة غير انها تروح معاه
يوسف للحين يناظر العنود
محب لف على العنود ومسك يدها:العنود بنلاقي خطه ثانيه لاتروحين هناك مره ثانية
العنود عينها بعينه:يمكن ابوي وداني لبيته عشان اكشفه على حقيقته خلني هذي المره اكشفه وبرجع
محب ناظر سهيل ورجع حط عينه بعينها:وخالد؟؟
سهيل لف لماجد ورجع ناظر العنود
العنود ابتسمت:للحين عند وعدي له
محب ناظر يوسف:منتب مغير قرارها؟؟
يوسف هز راسه:العنود عارفه وش تسوي معد صارت صغيره
لتين ابتسمت له بخفيف ويوسف لاحظ وشد على يد لتين
وقف ماجد وسهيل:بنمشي احنا
لتين قامت معاهم وطلعو
ماجد لف على سهيل يعطيه المفتاح ووقف مع لتين بالحوش:محتاجه شي تبين شي علميني؟؟
لتين ابتسمت بحب له:لا ياحبيبي مابي شي تسلم
ماجد ناظرها بتاكيد:اذا احتجتي اي شي علميني وموضوع يوسف وودق هذا لازم نتكلم فيه
لتين مسكت يده وشدتها:مافيه موضوع ولا شي سالفة قديمة واحنا عيال اليوم
ماجد حب راسها وابتسم:مع السلامة وطلع بعد ما ودعته  لتين ولفت تدخل البيت وشافت يوسف واقف وراها
يوسف ابتسم لها ودخلت معاه البيت
يوسف جلس ويناظر العنود:شركة ياعنود شركة مره وحده
العنود شالت حجابها وحررت شعرها القصير الي قصته:لو قلت لك كنت بتخليني اشترك مع ماجد؟؟
يوسف ناظر لتين ورجع ناظر العنود بدون رد
لتين تكتفت ورفعت حاجبها :وش قصدك اخوي وش فيه عشان ماتشترك معاه بشركة
العنود كتمت ضحكتها ومحب يناظرها وابتسم ووقف:بروح انا عندي مناوبه وطلع من البيت بعد ما ودعوه
العنود وقفت:وانا بروح ارتاح شوي تصبحون على خير وراحت غرفتها مع ادم وباسته لانه نايم وغطته زين ودخلت تغير ودق جوالها وابتسمت وردت بدون ماتشوف:خالد ما امدا محب يطلع وعلمك
~ قصر ساهر ~
سهيل راح لمكتب ساهر وهو متاكد انه فيه ودق الباب
الجد ساهر شال نظارته:ادخل
سهيل دخل:السلام عليكم
الجد ساهر بحده:وعليكم السلام والرحمه شرفت وينك عن الشركة اليوم دق علي السكرتير يقول لا انت ولا سيل موجودين سيل قال عنده اجازه طلبها بس انت وش عندك
سهيل ابتسم:كنت عند يوسف ومحب
الجد ساهر خفت حدته:وش تسوي؟؟
سهيل اتسعت إبتسامته اكثر:علمتهم عن اختهم وشركة وانها سرقت ماجد كانو مشعللين غضب وزدتهم حطب وانا حفيد ساهر
الجد ساهر ابتسم على خفيف ولعب بلحيته:ايه وش قالو بيمسكون اختهم وترجع الشركة؟؟؟
سهيل زاد كرهه لجده بس يحاول يبين العكس وهز راسه:افاا عليك حتى محب قال اول من بيتقدم لها بقوله خذها بعبايتها وانا استغليت الفرصة وقلت باخذها مدامي زوجها السابق وارد كرامتنا بعد الي سوته اخر مره
الجد ساهر هز راسه:كفو عليك هذا ولدي بكره نروح انا وانت ونملك
سهيل وقف:ابشر يلا استاذن بروح البيت الم اغراضي عشان نجي نسكن عندك
الجد ساهر:اذنك معاك وطلع من القصر وهو حاس انه مخنوق لانه ما اكتشف جده من اول انه بهاذا الخبث
وطلب من السواق يوديه فلته وقاله يجي الصباح ويوديه شركة ملهم عشان سيارته هناك ورفع جواله يكلم

تفاعلو 🫶🏽🫶🏽