مايروس النجوم الا سهيل ولا يقود الظبا غير العنود

البارت العاشر🤍

<قصر ساهر بالحديقه>
العنود كانت تشوف مشاحنات محب واسيا ومستغربة منهم و همست:محب وش فيك خف شوي عليها
محب ابتسم:ابشري
يوسف ناظر سهيل:وشلونك وشلون الشغل ان شاء الله تمام؟؟
سهيل ابتسم وهز راسه:الحمدالله والله كل شي تمام وعالي العال
يوسف ابتسم:الحمدالله زين
الجد ساهر بنظرات فخر:اشوف اسم شركتنا ارتفع بالاسهم وعلى المنافسين كله بفضل ربي ثم فضلك يا سهيل
سهيل ابتسم:وموظفينا بعد ماقصرو يشتغلون ليل نهار عشان نكون بالقمه وماينزل اسمنا ابد
ماجد ناظر امه الي هزت راسها كانه تقول لاتقول شي
لتين عصبت:جدي حتى ماجد يتعب مع سهيل ولا عشان ماجد ولد بنتك وسهيل ولد ولدك ماتوقعت اننا لهدرجه تعاملنا اغراب عشان بس اسم عايلتنا
الجد ساهر عقد حواجبه:وش ذا الكلام يابنت؟ متى قلت انه انتم اغراب
لتين:اجل مارفع اسم الشركه الا سهيل وماجد وين راح يطلع من صباح ربي ومايرجع الا اليل ويكمل شغل حتى بالبيت ماشوف قلت مارفع الشركة الا بفضل ربي ثم سهيل وماجد
الجد ساهر:اشوف لسانك طايل ي لتين
لتين ضحكة بسخرية:وش مدام قلت الحق صار لساني طايل انت ترفع واحد وتظلم الثاني
الجد ساهر هز راسه:انا ماظلمت احد سهيل قال حتى الموظفين ماقصرو
ام ماجد حزت بخاطرها:مشكور يبه الحين صار ولدي موظف عند سهيل
ام سهيل بغرور:اكيد موظف عند ولدي لانه وريث ال نوفل والحفيد الاول بعد
الجد ساهر بحده:بس بس انتي وياها
ماجد طلع من صمته:مو بس ياجدي لازم الحين تحدد انا موظف عند سهيل ولا لا عشان اعرف وش اسوي لانه انا اتعب وسهيل ياخذ الفضل هنا غلط ولا عشانه ولد العايله وانا ولد الغريب تقول كذا
الجد ساهر تنهد:يا ماجد محد قال انك ولد الغريب وابوك الله يرحمه كان عزيز وغالي علي واعده اخو لي
ام ماجد:بس مو اخوك الحقيقي صح يبه؟
سهيل هز راسه:ياعمه لا انا ولا جدي نقصد انه ماجد موظف عندي ماجد صاحب الشركة مثلي ومثل سعود وحتى مثل البنات كلنا ورثى بس يمكن جدي سهى ولا نسى من معاي بشركه جل من لا يسهو لاتشيلين بخاطرك ياعمه ولا انت يا ماجد
ام ماجد ابتسمت وهزت راسها والضيق واضح عليها بس وش تسوي ماتقدر تسوي شي لانه هي البنت بالعايله وعيالها عيال الغريب لانه يحملون اسم غير اسم عايلتها
لتين ولين وماجد يناظرون امهم بحقد وكره من ضعفها  انه ليش مادافعت عن ماجد اقوى وسكتت كذا و ستسلمة وبينت ضعفها قدام الجميع
ماجد قام وطلع من البيت كله معد يقدر يستحمل ضعف امه واستنقاصه قدام العايله
ام ماجد تنهدت وابتسمت:يلا يمه خلنا نشوي
لتين ناظرتها واخذت اغراضها:اشوي انتي انسدت نفسي بدخل انام ابرك ومشت تدخل البيت وتروح لغرفتها
كان يوسف ومحب بموقف لا ينحسدون عليه كانو مايدرون وش يسون يروحون ولا يجلسون بس مايبون يتركون العنود بهذا الجو لانه ياثر عليها
يوسف ابتسم بهدوء:معليش عمي ساهر بس احنا بنمشي وبناخذ العنود يومين كذا ولا ثلاث
الجد ساهر ابتسم:ايه زين
العنود ابتسمت:بروح اجيب اغراضي واجي ووقفت تروح غرفتها ولحقها سهيل للجناح حقهم
سهيل وقفها:العنود
العنود لفت عليه:هلا؟
سهيل:بتروحين معاهم؟
العنود هزت راسها:ايه اجل ليش اجيب اغراضي
سهيل تنهد:بس ماقلتي لي انك بتروحين
العنود عقدت حواجبها:سمعت يوسف تحت ليش اقولك؟؟
سهيل:بس احنا اتفقنا نكون اصدقاء
العنود هزت راسها:طيب؟؟
سهيل ابتسم:يعني لازم تقولين لي اول واقول لك اول مو كذا تاخذين اغراضك وتمشين
العنود هزت راسها:اووك طيب بروح مع يوسف ومحب مع السلامة ومشت لغرفتها تاخذ اغراضها
سهيل تنهد وهمس:عادي تحمل سهيل هذي البدايه
العنود مرت من جنبه ومسك معصمها وناظرته
سهيل طلع بطاقته وحطها بيدها:اذا احتجتي شي
العنود هزت راسها:لا معاي شكرًا
سهيل بصرار:خليها معاك احتياط واذا بغيتي شي دقي على اجيك
العنود ابتسمت:تمام وحطت البطاقة بشنطتها وانت اذا بغيت شي كلمني
سهيل هز راسه وابتسم:تمام انتبهي لك
العنود:ان شاء الله يلا ننزل عشان ما اتاخر عليهم ونزلو
يوسف ناظر الجد ساهر:عمي ساهر لقيت ورقة بغرفه ابوي وكان مديون منك كم المبلغ عشان احطه مع الديانه
محب رفع ظهره بنصات
الجد ساهر ابتسم:خلاص يابوي مسامحه انا مابيننا ديون ولا شي الله يرحمه
يوسف هز راسه:لا عمي قل المبلغ واعطيك اياه اذا جيت اطلع الفلوس
الجد ساهر هز راسه بصرار :لا خلاص مسامحه انا يا يوسف
محب:عمي مايصير علمنا المبلغ
الجد ساهر رفع راسه وشاف العنود جايه:خلاص تعالو بكره المكتب وتنفاهم
محب انظاره تحولت لجهة انظار الجد ساهر وشاف العنود وعرف انه فيه شي مخبيه ابوه والجد ساهر وهز راسه:ان شاء الله
العنود وقفت عندهم:يلا
يوسف ابتسم ووقف:يلا يابوي
محب ابتسم:اي سياره سيارتي ولا سيارة يوسف انا بسهل عليك الاختبار انا باخذ لك ماتشا بس يوسف بيوديك البيت على طول وانتي اختاري
يوسف ضحك:شف تعطيها اغرائة بعدين تقول انتي اختاري
العنود بتتكلم وتكلمت اشجان:لاتاخذ بها ماتشا اليوم شفتها تشرب ثلاث مرات
العنود ضربتها:كذابه هي مره بنفس الكاس
محب ابتسم:وكم ملعقة سويتي فيها؟؟
العنود بصوت واطي:ثلاث
محب ابتسم:اجل مافيه ماتشا
العنود بزعل:لا محب انت قلت اذا جيت معاك بتاخذ لي ماتشا
محب هز راسه:ايه هذا قبل ما اعرف انك اخذتي دبل الكمية الي حطيناها انا وانتي قلنا باليوم مره وحده وانتي كم اخذتي ثلاث مرات يعني من الغلطان؟
العنود ناظرت يوسف:يوسف بروح معاك وتشتري لي صح؟؟
يوسف هز راسه:ودي بس اسف اخذتي كميه كبيره اليوم
العنود زعلت:خلاص مابي اروح معاكم
محب ابتسم:كيفك مع السلامة ومشى هو ويوسف ووقفو يوم سمعو صوتها تقول استنوني وراحت لهم
يوسف ابتسم:مو كنتي ماتبيننا؟؟
العنود حضنت يده:الا ابيكم
محب ناظرهم:بتروحين مع يوسف؟؟
العنود هزت راسها:ايه خلك لحالك
محب ابتسم:احسن وفرتي باخذ هوت شوكلت واسمع ذكرى طول الطريق
العنود يوم سمعت اسم ذكرى تركت يد يوسف وراحت لمحب:لا بروح معاك
اشجان ضحكة:العنود وذكرى قصة حب لا تنتهي
العنود هزت راسها:اكيد هذي ذكرى صوت الشتاء والصيف وربيع والخريف وكل الفصول بس الشتاء غير صوتها يختلف
سهيل طلع جواله وكتب شي وقفله وابتسم للعنود
العنود ودعت الكل وراحت مع محب ويوسف راح لسيارته
محب وقف عند دانكن:تبين وسط ولا كبير؟؟
العنود ناظرته:اكيد الكبير
محب هز راسه:تمام يعني الصغير ونزل بسرعة قبل ماتقول شي
العنود ضحكة وصارت تصور سنابات وهي تغني وتصور محب داخل دانكن وهو جايب الهوت شوكلت
محب دخل السيارة ومد للعنود:هذا حقك
العنود ناظرته بمزح:ليش حاط لي سم؟؟
محب هز راسه بايه:ايه اشربيه
العنود ضحكة:حطيت قهوه بحقتك صح؟؟
محب ابتسم:ايه تعرفين ما اقدر على القهوة نفس ما انتي ماتقدرين عن الماتشا
العنود:ااخخخ يالماتشا
محب ضحك:الله كل ذا عشان ماتشا
ولفو على السيارة الي وقفت جنبهم ودق الدريشة ولفو كلهم لدريشة العنود
محب ضحك:وش ماصبرت نجي للبيت؟
يوسف ضحك:لا شفتكم طولتو وجيت
العنود:تخيل طيب غيرنا الوجهه ليش تجي كذا بدون ماتعلم
يوسف ابتسم:محب قالي انكم واقفين هنا وجيت وناظر العنود يلا انزلي اركبي معاي خلاص محب جابلك هوت شوكلت وانا تكملة الطريق
العنود اخذت شنطتها
محب مصدوم:وش والله انك مصلجحيه اخذتي الهوت شوكلت وشلتي قشك وبتروحين معاه
العنود ضحكة:ياخي نص الطريق انت ونص هو وقالت بغرور انا العنود الكل يبيني ويبي يوصلني
محب ناظرها:انزلي انزلي بس
العنود:ادري بروح مع يوسفي
محب بسخافه:يوسفي ولا برتقال
العنود رمقته انه سخيف:استغفرالله بس ونزلت
محب يضحك:اصبري والله حلوه
يوسف ضحك:لا ياخوي والله مو حلوه
محب:انتم نفسيه يلا بسبقكم لا تتاخرون
يوسف والعنود راحو لسيارة يوسف بعد ما مشى محب
يوسف كان يدندن مع الاغاني الي تحطها العنود
يوسف وقف عند الحديقة وطفى السيارة وناظر العنود
العنود استغربت:وش فيه ليش وقفنا هنا؟
يوسف ابتسم:مافيه شي بس ابي اجلس معاك بالحديقه عشان خرب الشوي الي انتي عازمتنا عليه
العنود هزت راسها بس هي عارفه انه يوسف فيه شي:تمام
يوسف تنهد:عمي ابو ودق
العنود ناظرته:وش فيه؟؟
يوسف بضيق:كلمني قال مافيه نصيب
العنود شهقت:لييش وش صاير؟؟
يوسف ابتسم بضيق:مدري بس نصيب خلاص راحت بحالها وانا بروح بحالي
العنود هزت راسها بنفي:ليش طيب كذا قال مافيه نصيب هي تحبك وانت تحبها ليش تخليتو عن بعض كذا بسرعه؟
يوسف سند راسه على ورا:هو قال نصيب وماعندنا بنات حاولت اكلمها افهم منها بس جوالها مقفل شكله اخذه
العنود طلعت جوالها:تبي اكلمها؟؟
يوسف ناظرها:تتوقعين ترد؟
العنود تدور رقم ودق:مدري نشوف وتصلت وردت ودق
ودق بصوت باكي:هلا من معاي؟
العنود بحزن:ودق انا العنود
ودق بكت:العنود كلمي يوسف قولي له مالي ذنب ابوي مدري من كلمه وهو قال ليوسف مافيه نصيب قوليله الله يخليك لايحسب اني تركته
يوسف بالم:ليش ماعلمك ليش يدق علي يقولي مافيه نصيب وماعندنا بنات
ودق ببكي زياده:مدري والله العظيم مدري جاني وهاوشني وسحب جوالي وتوه يرجعه لي اليوم مافهمت شي منه ولا وش كان يقول
العنود بحزن:تمام حبيبتي هدي لاتبكين بتهون بتهون لاتخافين وانا ويوسف بنكلم ابوك مره ثانيه ونكلم امك بعد
ودق هدت شوي:ايه الله يخليكم كلموهم وافهمو منهم تعبت اقول لهم وش صاير مايعطوني رد
يوسف تنهد:تمام بنكلمهم ونشوف
العنود بحنيه:حبيبتي خلاص بنكلمهم ونفهم منهم ونقولك بس انتي هدي ولا تبكين ان شاء الله خير
ودق:ان شاء الله
العنود:مع السلامة حبيبتي وقفلت بعد ماردت عليها ودق
يوسف تنهد:يعني ليش غير قراره وش صاير؟
العنود تمسح على ذراعه:اكيد سو تفاهم ولا ضغط الشغل وخربط
يوسف ابتسم بخفوت:الله لو احنا عند البحر بدال الحديقة
العنود ناظرته:نروح الخبر؟؟
يوسف ناظرها بجديه:قدام
العنود دقت على محب:محب بنروح الخبر تخاوي؟؟
محب مصدوم:ليش وش فيه؟؟
العنود:بنروح للبحر بتجي معانا ولا لا
محب ابتسم:اكيد يلا استناكم
العنود ابتسمت:يلا ١٠ دقايق واحنا عندك
محب:يلا
يوسف حرك السياره للبيت عشان ياخذ محب:قلتي لسهيل
العنود ابتسمت:لا
يوسف وقف عند البيت:بدق عليه
العنود هزت راسها:طيب
يوسف دق على سهيل:السلام عليكم
سهيل بستغراب:وعليكم السلام يوسف فيكم شي العنود فيها شي؟؟
يوسف ناظر العنود:لا مافينا شي بس بنروح الخبر يومين كذا ولا ثلاث ونرجع والعنود معانا لا تقلق
سهيل:ايه زين توصلون بالسلامة
يوسف:الله يسلمك يلا بس حبيت اعلمك قبل مانروح
سهيل ابتسم بسخرية:زين والله يلا مع السلامة وقفل بدون مايسمع رد يوسف
يوسف ناظر العنود:هذا وش فيه؟؟
العنود رفعت اكتافها:مدري وضحكة يوم شافت محب يفتح الباب ويسحب شنط رتب اغراضهم معاه
يوسف فتح الدريشة:وين رايح انت ثلاث شنط ليش؟؟
محب رمقه:بدال ماتجي تساعدني تضحك هذي اغراضك انت والي جنبك جهزتهم معاي قلت يمكن مامعاكم شي تلبسونه هناك بس الشرهة علي
العنود هزت راسها:والله انك كفو
محب ابتسم:من بيسوق؟؟
العنود ابتسمت:نص الطريق انا والنص الثاني انت يوسف تعبان شكله خله يرتاح ورا
محب فتح باب السايق وناظر يوسف:يلا تفضل ورا
يوسف نزل وركب ورا:الله احلى شي اني الاخو الكبير
العنود ببتسامة وغرور :لا مافيه احلى من اخر العنقود الي هي انا ماما تقول وتلاشت ابتسامته لانها تذكرت امها وابوها
محب شافها وابتسم:صحيح الله يرحمها كانت صادقه
يوسف ابتسم:خلاص فزتي علي
العنود ضحكة:اكيد بفوز عليك انا العنود محد يهزمني
يوسف ضحك ونسدح:ياشينك ياشيخه بنام انا احسن
العنود:بنشغل اغاني ترا بنزعجك
يوسف غمض:شغلو ما اسمع اصلا وحط يده على عيونه وتفكيره ب ودق وحياته كيف بتكون اذا ما اقنع ابوها انه ياخذها
العنود ومحب يسولفون شوي ويغنون ويصورون
< قصر ساهر >
كانو جالسين البنات مع بعض ويسولفون عن السالفة الي صارت
لين بحزن:والله حرام ماجد يتعب مع سهيل  وجدي يقول يقول بس سهيل مره ما حبيت
لتين بكره:من اول مايعتبرنا من العايله عشان ابوي وامي اخخ بس امي لو تبطل ضعف وانكسار وترد عليه نفس حنانوه كان حط لنا قيمه اجل تقول ماجد يشتغل عند ولدها هين بس خلني اشوفها
اشجان:اكيد جدي مو قصده كذا ماجد وسهيل كلهم واحد عند جدي لاتاخذون كلامه وتزعلون وتزعلون عمتي نوره والله حرام
اسيا هزت راسها:ايه والله خلاص انسو السالفة حرام خالتي نوره جالسه عند الباب تستنى ماجد يرجع
لين ناظرت لتين:كلمتي ماجد شفتي وين راح؟؟
لتين هزت راسها:ايه راح الشقه يقول مايبي يشوف احد
لين هزت راسها:زين
عشق:بنات خلونا من الكابة صدق بنات محب ويوسف فيهم شي غير
اشجان لفت يوم سمعت محب:وش فيهم؟؟
عشق رفعت اكتافها:مدري صايرين غريبين من بعد الي صار لهم
اشجان:اكيد حزينين هذول امهم وابوهم
عشق هزت راسها:لا قصدي انهم صارو جميلين كذا وجنتل عرفتوهم ذولين الرجال الي حلوين بثوب
توق صفقة:والله كنت بقول يوم محب يتناقش مع اسيا وكيف يبتسم على الجنب شلع قلبي اخخ ويوسف كيف يحرك حواجبه ياربيه كنت ادعي الثبات
لين ضحكة:مانتبهت خسارة
اسيا بكره لمحب:اي جمال الا جمل يدوسه الشين كرييه ماينبلع اجل يقول الفلوس مالها فايدة
اشجان ضربتها:بسم لله عليه لاتقولين كذا
توق ابتسمت:ست اشجان وش عندك تخافين عليه
اشجان بتوتر:لا اكيد بس مايصلح تدعي على احد
لين ضحكة لانه تعرف انه اشجان تحب محب:ايه صدقتك
اشجان قرصتها عشان تسكت
اسيا:العنود موب راجعه ؟؟
اشجان هزت راسها:لا شفت سنابتها ماسكين خط بيروحون الخبر هي ومحب ويوسف
لين هزت راسها:احسن خلهم يغيرون جو تعبو والله
اسيا وقفت:بروح غرفتي بنام من الصباح صاحية ومشت لداخل البيت
اشجان وقفت:بروح اجيب السماعه نسمع اغاني عند النار 
البنات هزو روسهم:زين
اشجان دخلت البيت
نروح لاسيا دخلت غرفتها وغيرت ملابسها ولبست فستان قصير وعدلت مكياجها وشعرها وطلعت من الغرفه لغرفة سهيل
سهيل كان معصب من فكرت انه محب ويوسف يحاولون يبعدون العنود بذي السفره وقام يفتح الباب يوم دق:العنود
اسيا ناظرته بزعل:انا العنود يابيبي؟؟
سهيل تنهد:اسيا وش تبين؟
اسيا حاوطت رقبته وبدلع:الحين بدال ماتناديني انت تقول وش تبين زعلتني مره سومي
سهيل ضعف عندها وحاوط خصرها:كل ماناديتك نروح مكان ماتجين ليش اتعب نفسي
اسيا ابتسمت وبدلع:ايه يابيبي بس الحين بروح كل مكان معاك بيبي وصارت تدفعه لداخل الجناح ودخلو الجناح وسكرت الباب ومانتبهو للي مصدومة تناظرهم من بعيد وحاطه يدها على فمها
سعود تقدم لها:اشجان ؟؟
اشجان لفت عليه وصدمه تعتلي وجها
سعود خاف عليها:اشجان ابوي وش فيك وحط يده على خدها
اشجان هزت راسها:مافيه شي مافيه شي بروح انام وراحت ركض لغرفتها
سعود ناظر الجهة الي كانت تناظرها اشجان ومشى متجاهل الموضوع
اشجان دخلت غرفتها وحياتها انقلبت فوق تحت وش الي شافته؟ وش الكلام الي سمعته؟ العنود تدري عنهم؟ كيف اسيا تسوي بالعنود كذا ولا كيف سهيل يفكر ببنت غير زوجته؟ كانت بعقلها اساله مالقت لها اجوبه غير انه سهيل واسيا قاعدين يخنون العنود العنود تعتبر اسيا اختها وصديقتها وسهيل زوجها كيف كذا من اول ماطلعت ماستحو ولا فكرو بالجرح الي بيسونه بالعنود
اشجان صارت تدور بالغرفة ولا تدري وش تسوي تكلم العنود تعلمها ولا تسكت بس ذي صديقتها كيف تسكت عن غلط شافته بيضر بصديقتها واشجان عارفه حالة العنود ماتسمح تتحمل صدمات واكيد بتتعب وجلست على السرير ورفعت راسها لدقت الباب ودخول سعود
سعود ببتسامة:شفتك شارده و ماهان على ما اسال وش فيك وش صاير؟
اشجان:مافيه شي
سعود دخل وجلس جنبها:اشجان وش فيك تكلمي احد مضايقك مزعلك؟؟
اشجان ابتسمت بتسليك:لا والله محد مزعلني ومضايقني بس عندي صديقه كنت اكلمها وقالت لي مشكلتها وتضايقت بس
سعود ابتسم:لا تتضايقين اكيد بتنحل مشاكلهم ماعليك منهم
اشجان هزت راسها:سعود بقولك الحين لو عندك صديق وقالك شاف زوجة اخوه تخونه مع ولد عمها او شخص يقربلهم الاثنين بيعلم اخوه ولا يسكت لانه يخاف على اخوه ماينجرح؟
سعود عقد حواجبه:اشجان وش ذا السؤال من وين طلع؟
اشجان ابتسمت:خلاص لا تفكر
سعود يناظرها بشك:من وين طلع لك ذا السؤال؟؟
اشجان:هذي الي قالته لي صديقتي وجلست افكر فيه لانه قالت عطيني رايك وش بتسوين
سعود ابتسم:مدري عندها بس من رايي تعلم اخوها انه زوجته تخونه
اشجان:حتى لو اخوها مريض وما يتحمل الصدمات؟؟
سعود يفكر:ايه اذا كذا تمهد الموضوع وتخليه يفتح مو تصدمه انه والله زوجتك تخونك مع ولد عمها لا تمهيد شوي شوي
اشجان هزت راسها:تمام
سعود ناظرها ببتسامة:لا تشغلين بالك فيهم ولا تفكرين وتعكرين مزاجك قوليلها مدري وخلاص
اشجان هزت راسها:ان شاء الله
سعود وقف:يلا بروح انام عندي دوام بكره تصبحين على خير
اشجان ابتسمت:وانت من اهله
سعود طلع من غرفه اشجان وراح لغرفة سهيل لانه وقفت اشجان بجهة غرفة سهيل والعنود وما سالته هذا السؤال الا انها شافت شي ويدعي انه ماشافت سهيل واسيا مع بعض
سعود دق الباب وفتح سهيل
سعود عينه بعين سهيل:عندك احد؟؟
سهيل بتوتر:لا ليش؟
سعود بشك:قالو انه العنود راحت مع محب ويوسف قلت اشوفك اذا عندك احد ولا ادخل
سهيل حك اذنه:لا جالس اشتغل وحايس الصالة معليش
سعود ابتسم:عادي مابيننا انت دايم تدخل غرفتي وهي حوسه
سهيل توتر زيادة:ايه عارف بس بنام الحين تعبان
سعود ابتسم وشد سهيل من ياقته وقربه وهمس:طلعها لا انزل الحين افضحكم وخلني اشوف وشلون بيكون شكلك قدامهم وقدام العنود ومحب ويوسف عاد سمعت انهم يبون الغلطه وانا بعطيهم اياها على طبق من ذهب وش رايك؟؟ ودفه على ورا
سهيل هز راسه:فاهم غلط انت
سعود رفع يده بالهواء يسكته:مابي اسمع ولا افهم شي انا بمشي من هنا وان ماشفتها تحت قبلي بفضحكم وهذا الكلام اكيد انها تسمعه الحين وعطاه ظهره ومشى بدون مايسمع وش بيقول سهيل
اسيا بخوف طلعت لغرفتها ولبست بلوفر وبنطلون ونزلت لصاله تجلس مع الكبار والخوف ماكلها وتستنى تشوف بس سعود عشان مايفضحها

تفاعلو 🥹