مايروس النجوم الا سهيل ولا يقود الظبا غير العنود

البارت السادس عشر

<الفندق>
دخل سيل ومعاه غداء لانه تذكر انه ودق مافطرت ويوم شافها بالكافي ماكان معاها شي يعني ما اكلت
بحده:وينك فيه تارك حرمتك لحالها بالفندق وانا قلت لك عندكم رحله الصباح
سيل سكر الباب وتوجه له:وعليكم السلام يبه وشلونك وحب راسه
الجد ساهر:لا تقعد تضيع الموضوع وين رح ولا تكذب؟
سيل تنهد:رحت ليوسف كان تعبان وجبت غداء ورجعت
فزت ودق من طاريه
الجد ساهر حط يده على دقنه:وش فيه يوسف امس بالعرس كان هادي مو عادته؟؟
سيل رفع اكتافه:مدري شكله تغير الجو كان اصفر واتوقع مانام
الجد ساهر وقف:بروح اشوفه يمكن يحتاج مستشفى ولا شي
سيل ارتاح انه بيمشي:تغدا معنا
الجد ساهر هز راسه:بروح اشوف يوسف بعدها عندي شغل بالعافيه وابتسم لودق مبروك مره ثانيه يابنتي
ودق ابتسمت وهي واقفه مع الجد ساهر:الله يبارك فيك ومشو معاه لين طلع من الغرفة
سيل طلع وجبته وصار ياكل ودف الكيس لودق عشان تاكل واخذت الاكل وجلست هي ماتبي تاكل بس تبي تعرف وش فيه يوسف
ودق تنحنحت:احم عمي ما اكل معانا
سيل هز راسه بدون مايتكلم
ودق:ان شاء الله مايكون شي خطير
سيل عقد حواجبه:لمين؟؟
ودق تسوي نفسها مو متذكره:انت قلت صديقك تعبان اقول ان شاء الله مو خطير تعبه
سيل:اها يوسف لا مافيه الا العافية بس ابوي يخاف عليهم لانه اخوي برضاعه واخته متزوجه سهيل وتوه توفو اهلهم الله يرحمهم فيحتاجون احد معاهم
ودق هزت راسها:اهاا الله يرحمهم اخته العنود صح لانه كانت امس موجوده
سيل هز راسه:ايه كلهم كانو موجودين يوسف ومحب والعنود يوسف هو الي شهد على العرس
ودق حست بطعنه بقلبها انه كيف يشهد على عرسها وهزت راسها وحطت الاكل بالكيس:بالعافية وقامت للغرفة
سيل طنشها وكمل اكله
<الكافي>
:انتظرتيني كثير؟؟
العنود ابتسمت:لا توني جيت تفضل
جلس:قلتي عندك موضوع امري؟؟
العنود استحت شوي:معليش سعود جبتك كذا بس ابيك تساعدني بشي وما اتوقع احد يساعدني فيه الا انت
سعود عقد حواجبه:امري ؟؟
العنود:هو مو موضوع خطير لا عادي بس يعني لي
سعود:وش فيك خوفتيني
العنود هزت راسها بنفي وابتسمت:لا مافيه شي يخوف بس ابيك تعرف اذا سهيل قال شي عن ادويتي ليوسف او اي شي يخص الفلوس
سعود عقد حواجبه:ما اتوقع انه قاله شي بس امس يوسف دق على جدي واخذه للمجلس بس ولا سهيل ماقابل يوسف
العنود تنهدت براحه:طيب تعرف وش صار بالمجلس؟؟
سعود هز راسه:لا والله ياخيتي اصلا ماطولو يمكن قضيه ولا شي لانه طلع يوسف معاه اوراق هذا الي شفته قبل ما ادخل انام
العنود ابتسمت:اذا دريت عن شي ممكن تقولي لانه يوسف منقلب حاله شوي وابي اعرف وش صار
سعود هز راسه ببتسامة:ابشري
:تبشر بوش؟؟؟
العنود ببتسامة:ولا شي
سعود وقف:سهيل وش تسوي هنا ماعندك دوام؟؟
سهيل ناظرهم بشك:الا بس جيت اخذ قهوه العنود انتي قلتي رايحه البيت وش تسوين هنا؟؟
العنود عقدت حواجبها:وش حرام اخذ قهوه مثلك؟؟
سهيل هز راسه:لا بالعافية بس انتي وسعود؟؟
سعود كان بيتكلم وقاطعته العنود:شفته صدفه عند الكاشير ودفع قهوتي لانه ماعندي كاش وناظرت سعود شكرًا سعود على القهوة بمشي الحين اشوفك بالبيت وابتسمت لسهيل ومشت
سهيل ناظر سعود بحده
سعود ابتسم:وش؟
سهيل اشرله يجلس وجلس:وش تسوي معاك؟؟؟
سعود عقد حواجبه:منهي؟
سهيل بدا يعصب:العنود العنود وش تسوون مع بعض؟
سعود :اهااا مانسوي شي شفتها بالكوفي وانا احسب ودفعت عنها بس
سهيل مو مصدق:الله عليك ياكريم سعود قل الحقيقة
سعود عقد حواجبه:شف بتصدق صدق منتب مصدق بطقاق ترا مو كل العيال سهيل ولا كل البنات اسيا ركز ووقف اخذ قهوته ومشى
سهيل يناظر الكرسي
الي يشتغل توجه له وعطاه بطاقه:لو سمحت هذي بطاقة الاخت الي كانت معاكم هنا حاسبت ونست بطاقتها
سهيل اخذ البطاقة وهو معصب:شكرًا وطلع من الكوفي توجه لبيت ابو يوسف عشان ياخذ العنود
العنود دخلت البيت وتوجهت على طول لغرفة يوسف عشان تشوف وش بالملف الي قال عنه سعود
العنود طقت الباب بخفيف وفتحته:يوسف ودخلت راسها تتاكد وتنهدت براحة ودخلت الغرفة تدور بمكتبه والملفات بستعجال
يوسف يناظرها:علميني وش تدورين وعطيك اياه يابوي
العنود تنهدت:الملف
يوسف عقد حواجبه:اي ملف؟
العنود ناظرته:الملف الي اخذته من جدي ساهر سعود شافك تدخل المجلس مامعك شي وتطلع معاك ملف ابي الملف
يوسف تقدم لها ببتسامة:وش تبين فيه؟
العنود:بتاكد من شي فيه
يوسف راح للخزانه حقته وفتحها بالكود حقه وطلع ملف ومده للعنود:هذا هو يابوي وش هو الشي الي بتتاكدين منه؟
العنود اخذت الملف وفتحته تقراه كان محتواه عن الشركة الي عطاها الجد ساهر ماجد وانها اتفاقيه اذا ماطلعت من الشركات بالحفل الي راح يقام بعد كم شهر راح ترجع الشركة للجد ساهر وكانت الاوراق اثباتات وصلاحيات تخص الشركة وقفلت الملف العنود براحه انه مو موضوع ادويتها
يوسف ابتسم لها:ارتحتي الحين؟
العنود هزت راسها ببتسامة:ايه
يوسف تقدم لها وحضنها:وش فيك قلقانه من اليوم اشوفك صاير لك شي؟؟
العنود شدت عليه:لا قلقانه عليك بس انت الي فيك شي
يوسف ببتسامة باهته:مافيني شي ولا تقلقين على انتي ارتاحي خذي ادويتك ولا تفكرين بشي غير دراستك ومستقبلك بس واذا احتجتي اي شي علميني ولا علمي محب ترا مراح نقصر ياحبيبتي
محب طق الباب:يوسف شفت العنود ودخل وتخصر ماشاء الله عليكم يعني جيتي من برا على غرفه يوسف حتى ماقلتي بشوف محب اول
يوسف ضحك بخفيف:وش فيك غيران ياخي جت تطمن علي
محب:طيب طيب يالعنود تعديتي غرفتي وجايه لغرفته تطمنين انا اوريك بس الحين سهيل تحت تبين اقول له انك نايمه بكره يجي؟؟
العنود ضحكة:لا بروح البيت ماعندي ملابس
يوسف وهو حاضنها من الجنب:ترا عندنا غساله يعني
العنود ضحكة:ادري بس والله اشتقت للين واشجان
يوسف شد عليها:بنخليك تروحين هذي المره بس المره الجايه بتجلسين عندنا شهر هذاني قلت لك
العنود اشرت على عيونها وبابتسامه:ابشر من العين هاذي قبل هاذي
محب راح بعدها عن يوسف وحضنها من الجنب:بس دوري دوري
العنود ضحكة:يلا ننزل ونزلت هي ومحب ويوسف وكان سهيل جالس وشاد على اعصابه حتى عرق جبينه طالع العنود استغربت منه
سهيل شافها ورفع حاجبه
محب شافه وهمس للعنود:هذا رافع حاجبه لك؟؟؟؟
العنود ابتسمت وهزت راسها:لا يمكن مصدع
محب رفع حاجبه وناظر سهيل بكره
العنود تناظرهم:بروح اجيب اغراضي
يوسف ناظرها:سيارتك اجيبها؟؟
العنود كانت بتتكلم وسبقها سهيل ببتسامة:لا سعود بيجيبها
العنود ابتسمت وناظرت سهيل:لا انا بسوقها الحين محد بيجيبها
سهيل:كان قلتي لي عشان ما اتعب نفسي
العنود رفعت حاجبها:ماقلت لك تعال انت الي قلت بتاخذني
محب ناظر يوسف ويوسف هز راسه بنفي كانه يقول خلهم مالنا دخل ومحب غمض بعصبية
محب زفر:جيبي اغراضك العنود انا بوديك بسيارتك وبرجع مع واحد من اخوياي قريب بيتهم من بيت عمي ساهر
العنود ابتسمت وسهيل اخذ اغراضه وطلع من البيت
العنود لفت على محب:بروح لحالي ياحبيبي لاتتعب نفسك ومشت لغرفتها تنزل اغراضها وحطها محب بسيارتها ورجع البيت
محب حضنها:اكيد ماتبين اخذك؟؟
العنود شدت عليه:اكيد وبعدت وحضنت يوسف
يوسف ابتسم وشد عليها:اذا احتجتي شي علمينا لا تسكتين حبيبتي
العنود هزت راسها وبعدت:ابشر وانتم انتبهو لنفسكم واي وقت تعالو لي لا تقطعوني
محب مسح على راسها:ابشري ويوسف حب جبينها وابتسمت لهم وودعتهم وراحت لسيارتها تتوجه لبيت ساهر
<قصر ساهر>
البنات كانو بركن يسولفون والحريم الكبار بركن يتقهون ويسولفون
ام ماجد:يمه لين كلمتي العنود متى قالت بتجي طولت واشتقت لها و لحسها بالبيت
لين ابتسمت:قالت هل يومين ياماما بس ما حددت
ام سعود هزت راسها:بروح اكلمها اقولها ترجع الحين والله وحشتني هل بنيه صح انها هاديه ومالها حس بس لها وحشة
العنود دخلت:ماتوحشين غالي يالغاليه
ام سعود وام ماجد اتسعت ابتسامتهم يوم شافو العنود
ام ماجد راحت لها وحضنتها:هلا يمه هلا بريحة الغاليه وشلونك؟؟
العنود ردت الحضن وحبت راسها:هلا فيك الحمدالله
ام سعود حضنتها:والله غبتي كم يوم احسها سنه يايمه
العنود حبت راس ام سعود:والله لكم وحشه حتى انتو لو ماقلت لمحب ويوسف اني اشتقت لكم ماتركوني
ام ماجد ابتسمت:ايه يايمه صارو لحالهم ويبون حس بالبيت
ام سعود ابتسمت:الا يوسف متى عرسه اتذكر قلتي انه خطبو له
العنود:ماكتب نصيب ياخالتي وفصخو الخطبة
ام ماجد حطت يدها على فمها:ياحبيبي ان شاء الله يلاقي الي احسن منها
ام سعود:انا عندي بنيه تصلح ليوسف بس هو يقول تم اروح اخطبها له
ولفو على صوت القزاز
سيل مسك يد ودق:بسم لله صار شي لك؟؟
ودق تناظر العنود
العنود ابتسمت:الله يكتب الي فيه الخير بساله واشوف معليش بروح ابدل وانزل وناظرت ودق ويدينهم وابتسمت ومشت
سيل نادا الخدم يلمون قزاز العطر الي طاح من يد ودق
ام ماجد سلمت على ودق:تسلم يدينك يوم طيحتي العطر وانكسر عشان تحطين لمستك بالبيت ويصير فيه من ريحتك
ودق ابتسمت وهي ماسكه العبره وسلمت عليهم ووصلت لام سعود وسلمت بكره عليها وجلسو
سيل ناظر ام ماجد:ابوي وين؟؟
ام ماجد رفعت اكتافها:والله ماشفته غير الصبح وحنا نفطر بعدها طلع ومارجع للحين
سيل ناظر الساعه وكانت قريب المغرب:غريبه
سهيل قام من عندهم يوم شاف سيارة سعود توقف ومشى له
سعود نزل ونزل اغراضه:اكيد منتب منتظر عشان تستقبلني
سهيل رفع بطاقة العنود:قلت لي انك شفتها صدفه وماعندها كاش ودفعت عنها القهوة ؟؟ بس غريبه يوم طلعت جاء الكاشير لي وقال البنت الي كانت معاكم نست بطاقتها بعد ماحاسبت ايه كيف تبرر استاذ سعود ولا صح مو كل العيال سهيل وكل البنات اسيا هذا يستثنيكم انت وسكت حس انها ثقيلة كيف يربط اسماهم ببعض
سعود ابتسم:كمل انا ومين؟؟
سهيل عصب:الحين تقولي ليش كذبتو انه شفتو بعض صدفه
سعود ببرود:انا ماكذبت
سهيل عصب زياده:الا قلت انه شفتها ودفعت عنها
سعود هز راسه:طيب هاذي مو كذبه
سهيل تقدم وحس بيد تمسك ذراعه وناظرها كانت العنود ماسكة ذراعه:تعال معاي
سهيل مشى معاها وعينه على يدها حس انه شي يسحبه بدون ارادته يبي سعود يقول الحقيقة بس يدها بيده وتسحبه معاها معد يبي الحقيقة الا منها ودخلو الغرفه
العنود تنهدت:انا دقيت على سعود لانه هو الوحيد الي كان بالبيت امس
سهيل طلع بطاقتها:يعني كانت كذبه انه دفع عنك؟؟
العنود هزت راسها:انا محد يدفع عني يا انا ادفع الشي حقي يا ادفع للكل بس ما احب اصير مديونه لاحد
سهيل:بس ليش ماقلتي لي يوم شفتك ليش كذبتي
العنود تكتفت:لاني احسب انك قلت شي ليوسف عن ادويتي ولازم اتاكد منه قبل اسوي اي شي
سهيل عقد حواجبه:بس امس ماشفت يوسف غير بالملكه بعدها ماشفته حتى يوم جيتك كان محب بس لحاله
العنود هزت راسها:ايه عرفت يوم تاكدت انه مالك دخل
سهيل مايدري وش يقول:انا اسف
العنود عقدت حواجبها:على؟؟
سهيل تنهد:وسوس لي الشيطان ودخل فكره انه انتي ويعني سعود بينكم شي وشكيت فيك وفيه
العنود:استغفرالله واتوب اليه انا بنزل وانت خلك مع افكارك الغريبة ونزلت لصاله ونزل وراها سهيل
سيل شاف العنود وابتسم:محب العنود وعنيدة يوسف وش تسوين هنا توني طالع من عندكم
العنود ابتسمت:تراني اسكن هنا بعد نسيت
سيل:كيف انساه وكل شوي واحد من اخوانك يذكرني
العنود ناظرت ودق:موب اخواني لحالي حتى اخوانك بعد
سيل ابتسم:ياختي خليني انساه الا كيفه يوسف الحين
ودق ناظرت العنود بنصات
العنود ابتسمت:مافيه الا العافية احسن بكثير من الصباح
سيل ابتسم:قالك وش فيه؟؟
العنود هزت راسها:اكيد اجل فيه شي يتخبى عن العنود؟؟
ودق بدون ماتحس:وش فيه؟؟
سيل عقد حواجبه وناظرها
ودق حست بنفسها وتنحنحت:قصدي انه كلكم خايفين عليه حتى عمي ساهر الصباح طلع من عندنا عشان يروح له يعني احسب شي خطير وقلت اسال
لتين ضحك بسخرية على خفيف:صدقت
ودق ناظرت لتين وتذكرتها انها هي نفسها الي كانت ببيت اهل يوسف يوم توفوا
العنود ابتسمت تضيع الموضوع:لا الحمدالله ضغط الشغل مافيه شي خطير
اشجان نزلت:انا قلت سمعت صوت العنود
العنود حضنتها:وحشتيني ادق عليك ماتردين وينك؟؟
اشجان ناظرت اسيا وسهيل ورجعت ناظرت العنود ببتسامة:لقيت مسلسل جديد وصرت اسهر وانام متاخر
العنود ابتسمت:حلو علميني عليه توني خلصت حقي
اشجان ابتسمت بمكر:اقولك ياخيتي هذا واحد متزوج ويخون زوجته مع قريبته ومسكينه زوجته تحسبه يحبها طول المسلسل وانا ادعي عليهم مقرفين لا وقريبته صديقته زوجته صدق منافقين حسبي
لين مسكت يده اشجان:اشجان تعالي ابيك شوي بالمطبخ وسحبتها
سهيل ناظر آسيا الي كانت مبتسمه على جنب وعصب وقام يتسحب على خفيف لحق اشجان ولين
اشجان كانت معصبة:ليش سحبتيني كن بطلعهم على حقيقتهم الكلاب
لين تهديها:قصري صوتك سحبتك عشان تعلمها لحالها مو قدام العايله والحين فيه ودق اصبري
اشجان:ودي والله ودق تدري وتعلم يوسف عليهم المقرفين
سهيل دخل:اشجان تراك فاهمه غلط كل الي قالته اسيا كذب
اشجان عصبت زياده:الله عليك يارجال بتحط كل شي على ظهر اسيا ماتوقعتك مقرف وخسيس لذي الدرجة ولعلمك بس انا شفتك تدخلها الغرفه بعد ماحضنتها بس بعطيك فرصة تقول للعنود كل شي مو عشانك لا عشان اختي وصديقتي الي برا تحسب زوجها النزيه والشريف والي للحين يحبها عايش معاها ماتدري انه يلعب بذيله الي راح يقطعونه له محب ويوسف وسيل وسعود وماجد اذا كنت تتوقع ماوراها احد وابوها مات لا عندك الي عددتهم واول اثنين يكفون مليون رجال انهم يخفونك عن الارض ومشت هي ولين كان سهيل اكثر واحد يخافون منه لانه مايحتك فيهم ودايم رسمي معاهم بس الحين طاح من عيونهم واكثر اسيا الي من قدام مسويه انها صديقة العنود ومن ورا تلعب مع زوج العنود
العنود شافت اشجان ولين طالعين من المطبخ وكان واضح بوجيهم العصبية والكره وكانت بتقوم بس مسكتها ودق
ودق وهي شاده على يد العنود:لو سمحتي ممكن تدليني على الحمام؟؟
العنود ابتسمت ووقفت مع ودق ومشت هي وياها للحمام
ودق مسكت يد العنود بقوه:حلفتك تخليني اكلمه
العنود سحبت يدها:ودق صاحيه انتي؟؟؟؟
ودق رجعت تترجالها:الله يخليك بس بساله عن حاله دقيت عليه بس مايرد علي الله يخليك بس بسمع صوته وبسال وشلونه بعدها مانب مكلمته
العنود هزت راسها:ودق طلعيه من راسك خلاص انتي متزوجة احترمي زوجك واهل زوجك
ودق شدت على يد العنود:معد بكلمه بس هل مره العنود  الله يخليك الله يخليك
العنود حزنت عليها وتنهدت وطلعت جوالها:احلفي معد تكلمينه وبتخلينه بحاله بعد ذي المكالمة
ودق اخذت الجواله:والله معد اكلمه بس ذي المره
العنود دقت على يوسف والجوال بيد ودق وحطته على اذنها العنود بعدت شوي عنها عشان تخلي ودق تكلم يوسف
ودق حاطه الجوال على اذنها وجاها صوت يوسف النعسان:العنود فيك شي؟؟
ودق ساكته
يوسف خاف:العنود ردي علي فيك شي؟؟
ودق تكلمت وهي ماسكة الدمعه:ودق انا
يوسف بعد الجوال وكان اسم العنود ورجعه:ودق العنود فيها شي؟؟
ودق:لا مافيها شي بس ابي اكلمك ماترد على دقيت عليك كثير ولا رديت ليش ليش يوسف تسوي كذا فيني وخانها صوتها وغصتها الي وضحت اكثر لمسامع يوسف
يوسف عوره قلبه على صوتها بس شد على نفسه:ودق معد بيننا شي انتي الحين تحرمين على ومايجوز الي تسوينه انتي متزوجه الحين مع السلامه
ودق ببكي:لا لا وبعدت الجوال الا انه قفل وكانت بترجع تدق
العنود سحبت الجوال منها:انتي حلفتي معد تكلمينه بعد ذي المره خليك قد كلامك وحلفك ومشت العنود وخلت ودق تبكي
سيل جاء ورا ودق:تاخرتي فيك شي؟؟
ودق مسحت دموعها بسرعه وهزت راسها وهي صاده:عادي نمشي احس اني تعبانه 
سيل هز راسه:تمام نسلم على اهلي ونمشي
ودق توهقت لانه وجها واضح باكيه:لا سلم عليهم عني واعتذر لهم عني لانه عندي حساسية وعيوني صارت حمراء مابيهم يخافون علي
سيل لفها له:خليني اشوف
ودق ناظرته:مدري وش جاها تعورني
سيل هز راسه:بسيطه يمكن الكحل ولا المسكرة ماناسبتك كانت صبا كذ وسكت يوم تذكرها ولف يدخل البيت يودع اهله وقال لهم انه مشغول وطلع وركب السياره هو و ودق الي سرحت على طول بطريق وماحست الا على صوت سيل يقولها انهم وصلو ونزلت الفندق ودخلو غرفتهم
<قصر ساهر>
سهيل طلع من المطبخ وعينه على مكان العنود بس مو موجوده لا هي ولا اشجان ولين وخاف صار يدورها بعينه لف على صوتها بالمجلس

تفاعلو🤍