دخلت الغرفة ترتعش من برودتها وتقدمت تشغل الانوار بعلو صوتها تناديها عشان تصحى وماكان منها رد..توجهت تطفي المكيف وتقدمت لها تهزها : مااسه قومي بسرعه!
ماسه تأففت وبدون نفس تنطق: هااه!
مريم تكتفت بسخريه : والله وطلعتي مو هينه! كلمتني ام سلطان قبل شوي
فتحت عيونها ماسه وعقدت حواجبها تعدل جلستها على السرير وسندت ظهرها عليه : طيب؟
مريم جلست على طرف السرير واردفت: قالت لي أجلناها لبعد ثلاث شهور تقول سلطان عنده مهمه مدري شغل وقال لها تأجله
ماسه ابتسمت بخفيفه ونزلت راسها تلعب بأصابع يدينها وماخفي على اختها خجلها وحركتها : انتِ الي قلتي له؟
ماسه هزت راسها ب ايه
مريم ابتسمت بحب : ووافق على طول ؟ بدون اصرار ؟
ماسه هزت راسها ب ايه ورفعت نظرها لاختها: بس سأل ليه وقلت له مايمديني
مريم مسحت على راسها : الحمدلله يااختي طلع حنون عليك! والله صدقوا لما قالوا انه رجال والنعم منه
شتت نظرها ماسه وهمست : الحمدلله
مريم : ماصار شي ثاني ؟
ماسه هزت راسها بالنفي : بس مريم احس بشي داخلي دايما اذا تكلم او ناظرني اخاف منه دايماً!
مريم عقدت حواجبها : يكلمك بحده؟
ماسه هزت راسها بالنفي : لا بالعكس يكلمني بهدوء بس حتى هدوءه يوترني
مريم ابتسمت وحطت يدها على خد اختها : شي طبيعي لما تتعودين عليه بعدين! ولاتنسين انه عسكري ف اسلوبه شوي غير
ماسه اخذت نفس عميق وابتسمت بخجل ممزوجه بفرحه: قال اذا تبين تحولين مجال صحي ماعندي مانع
مريم تغيرت ملامح وجهها : صدق ؟ غريب! وسكتت لثواني تفكر والي توقعته ماسه انها تفرح معه بس ملامح وجهها خلاها تسأل : وش تفكرين فيه؟
مريم : ماودي اقولك هذا الشي بس الي كانوا يقولونه من طرف اهل البنت ان سبب طلاقه كان انه حارمها من كل شي طلعات وروحات وجيات ماعدا الاهل واهل سلطان يقولون ان سبب طلاقه ان هي ماتحشم احد وكلام ماينقال والحين لما قلتي لي انه وافق استغربت شكله فيه سبب غير عن هذا كله
ماسه سكتت لثواني تفكر وتذكرت وقت الي ماخلاها تنزل للكوفي ونزل يجيب طلبهم ووقت الي وقف سيارته بعيد عن الناس وانظارهم مع ان السياره كانت مظلله ووقت الي تغيرت نبرته مع اتصال جواله وهنا تشوش عقلها وصارت تلوم نفسها لو انها سألته عن كل الي براسها الحين ماكان دخل براسها كلام اختها المنقول من الناس لكنها كانت حاطه شي واحد براسها
" كلام الناس لايودي ولا يجيب " وقامت عنها اختها الي طلعت من الغرفه وتوجهت هي لدورة المياه تغسل يدينها ووجهها تتوضأ وتصلي المغرب وبعد ماخلصت جلست على كنبة غرفتها تمسك جوالها وتشوف قروبات صحباتها الي قرروا انهم يطلعون اليوم بعد ساعة وفتحت المكالمات تتصل على اخوها
تركي : هاه هلا
ماسه : تركي بطلع مع البنات اليوم
تركي : السواق عند عمتي تبيه
ماسه : طيب ودني انت او بخلي وحده تمرني
تركي : استأذني من زوجك انا مالي دخل..وقفل تتأفف ومسحت على وجهها، بعد تردد كبير تشجعت وارسلت له " فاضي ؟ " وشافت صحين بمعنى انه وصله انتظرت لثواني لكن ماكان منه رد..راحت تطلع لها ملابس واخذت روبها وحطت جوالها بمكان قريب عشان تسمعه وتوجهت لدورة المياه تاخذ شاور سريع، طلعت وهي لافه الروب واللفه على شعرها المبلول تتوجه لصوت جوالها المتصل باسمه واسرعت ردت وحطته باذنها: الو
سلطان : سمي
ماسه بتردد : بطلع مع صديقاتي اليوم وقال تركي استأذن منك
سلطان تنهد : وين
ماسه توترت من صوت تنهيدته ونطقت : كوفي جديد افتتاحه اليوم
سلطان ناظر في ساعة يده وكملت كلامها بتوتر واضح من صوتها : السواق مشغول مع عمتي ف بخلي وحده منهم تمرني
سلطان بهدوء : لا
ماسه اخذت نفس وزفرته بنفس هدوء هالكلمة وماكان منها الا السكوت
سلطان : ماسه
ماسه : هلا
سلطان : تآمرين على شي ثاني؟
ماسه بنفس هدوءه وعلى نفس نبرة نطقه : لا
سلطان رفع حاجبه وابتسم على جمب : في امان الله..وقفل ترمي الجوال على السرير ونطقت بغصه : يوترنيي!!!
أنت تقرأ
يـامـيان عـيوني ويـاثرى قـلبي
Romanceالعهد 🇸🇦 انه ماضي ليس الا, مخاوفنا تشكلت من ماضينا..من حكاية خُطت على اقدارنا حين ولِدنا, اخطائُنا..افعالنا..ردودنا..واخيرا! نهايتنا..رُسِمت من قبل ان تخرج رؤوسنا من الارحام!، Insta; rwayh_119
