يـامـيان عـيوني ويـاثرى قـلبي

Part : 11

لا يكاد يختلف اثنان على اعتبار أن اللون الأسود هو ملك الألوان وذلك اليقين يرجع الى أن اللون الأسود حاد ولا يقبل التمازج بأي لون ويبقى منفصلاً بذاته بخلاف الألوان الأخرى
ففي علم نفس الألوان، أن أولئك الذين يرتدون اللون الأسود يتميزون باليقين والثقة أكثر من غيرهم ومن غيرها ؟ ميان الشخصية القويه اختارت هذا اللون في هذه المناسبة والي مازادها الا قوه فوق قوتها وبروز

ولما نجي نتكلم عن الابيض الزاهي ف هو اللون الذي يعاكس اللون الأسود، وغالباً ما يرتبط اللون الأبيض بالخير، والنقاء، والصفاء وهذا ماتتميز به بطلتنا " ماسه " الي اختارت فستانها الابيض بالتصميم الفريد من نوعه والخاص فيها والطرحة الي زينتها وناسبة احمرار شعرها، بالميك اب الخفيف والناعم الدال على شخصية ناعمه مثلها

اللون الذي يتميز بأنه يتوسط اللونين الأحمر والبنفسجي يرتبط أحيانًا بجنون العظمة هو اللون الفيروزي الي تميزت بارتدائه بطلتنا " مسك " بتصميم بارز وهادئ وبالرغم من انها شخصية انفعاليه واندفاعية ف اختيارها للون هذا يعاكس جزء بسيط من شخصيتها

ذات الرداء الأسود وبين تنقلاتها من ماسه الى القاعة وخطواتها الي بين الطاولات ماخُفي عن مسامعها الهمسات الي كانت تُذكر :
" ماخذها صغيره يبي يربيها "
" الي سمعته انها جميله جميله"
"ماتوقعت يتزوج بعد زواجه الاول "
" توقعته ياخذ وحده كبره على الاقل "
نظراتها لهم كانت كافيه انها تسكتهم وترجمهم بالسكوت!
وقررت انها ماتتكلم لماسه بشي من الي سمعته لانها عارفه صاحبتها ماتهتم لكلام الناس لكن توترها الحين ممكن انه يخذلها وجلست معها تحاول تهديها وتخفف عنها توترها وقد ماتقدر تضحكها وفعلا ماسه طول وقتها مبتسمه وتضحك والسبب بعد الله هو ميان الي تحاول وتحاول قد ماتقدر ودخلت ام سلطان بابتسامه وتمتمات بذكر الله : بسم الله عليك..اللهم صلي على النبي..وتوجهت لها تضمها وتسلم عليها وماكان من ماسه الا انها تبتسم بخجل وتحب راسها
ابتسمت ام سلطان تناظر فيها بفرح : سلطان جا منزمان بس مالحق يقول لي انشغل مع المعازيم والقاعه
حست ماسه بتوتر من ذكر اسمه ومن ان صار لها ثلاث شهور بالضبط ماشافته ولا كلمته ومن انها ماتدري جوالها وين عشان تشوف وش ارسل لها وهزت راسها بايه بابتسامه
كملت ام سلطان كلامها : عاد انتِ يبنتي اجهزي الحين عشان الزفه وترى سلطان مارح يدخل معك مايحب الله يهديه
تنهدت ماسه هزت راسها بالنفي: عادي خالتي عادي
ابتسمت ام سلطان براحه وهزت راسها بايه ومشت وبداخلها اطمئنان كبير بحكم ان زواجه الاول مامر مرور الكرام وماكانت العروس الاولى بهذي الهداوه والتفاهم وبعد خروجها
ماسه لفت لميان الواقفه تناظرها : كيف شكلي ؟
ميان ابتسمت : تهبلين تهبليين!! اهم شي حصنتي نفسك ويلا
ماسه رفعت حواجبها بعجب : وين!!
ميان ضحكت بسخريه : الفندق
طلعت ماسه عيونها وبرجى : ميااان!!
ضحكت ميان وقالت : الزفه حبيبتي يلا
وسرعان مادخلت عليهم مسك بخطوات عجوله ترغمهم على الوقوف، اخذت نفس : اصبروا خلونا نصور قبل!
مشت ميان جمب ماسه ونطقت : ياحبك للتصوير! ماتشوفين اختك شوي وتروح ملح من التوتر!
لفت ماسه لميان الي الواضح عليها تتشمت بتوترها وابتسمت تهز راسها بيأس ونطقت مسك بعد ماصورت الصوره سلفي : خلصت يلا
اخذت ماسه نفس عميق تهدي نفسها فيه ومدت يدها لمسكة الورد تطلع من غرفة العروس مع مساعدة ميان ومسك باتجاه بداية الدرج، عدلوا العاملات فستانها وطفت الاضواء موجهه لها واشتغلت الاغنية الخاصة بأسمها بصوت عبدالمجيد الي تحبه ونزلت من الدرج بخطوات هاديه وناعمه نفس نعومة شكلها وهيئتها الي كل مامرت من عند طاولة او كنبة يسمون ويذكرون الله ويصلون على النبي واعتلت ابتسامتها من شافت ميان اعلى القاعة تنتظرها وتناظرها وهي مبتسمه عشان تخفف توترها الواضح من مسكة يدينها لمسكة الورد..انتهت هالمهمه بالنسبه لها وجلست على الكنبة الي بأعلى القاعة وجمبها ميان الي همست لها : شوفي عيونهم كيف منبهرين منك !
ماسه بنفس همسها : ميان انطمي لاتوتريني
ميان ضحكت بخفيف : الاخلاق الزينه وقت التوتر تطلع
ماسه لفت عليها وابتسمت ثم ضحكت بخفيف : وخري عني بس ..وقامت للنساء والبنات الي توجهوا لها يسلمون عليها ويباركون لها ويعرّفون بنفسهم عليها لكن مانتبهت على ولا اسم ولا شكل ولا قدرت تحفظ ايّ وحده فيهم غير الي جات سلمت عليها بنظرات غريبه وبدون ماتقول اسمها ولا ايّ كلمه غير
" مبروك " وكأنها مجبوره تقولها وهذي الي حفظت وجهها وميان ناظرتها برفعة حاجب لانها انتبهت وفهمت وحطت احتمالات من تكون