صحت من النوم من ازعاج صوت جوالها فتحت نص عين ومدت يدها ترد وتحطه على اذنها بصوتها المبحوح من النوم : هاه مريم هاه!
مريم : وهواء ! عسى مو يمك زوجك وانتِ بهالوضع!
ماسه عقدت حواجبها ولفت تشوفه نايم على بطنه وعدلت نفسه على السرير وبهمس : شفيك!
ضحكت مريم بسخريه : نايم صح!
ماسه تأففت وعلى نفس همسها : وربي لاقفل بوجهك اخلصي!
مريم : والكوبه اختك الكبيره انا ! المهم لاتنسين اليوم صباحيتك عند ام زوجك وارسلت لك الفستان انا مع اغراضك
ماسه بملل : طيب مشكوره!
مريم بجديه : ماسه! هالمره لازم تكشخين عدل وتنتبهين لكل تفصيل في كشختك سمعتيني!
ماسه هزت راسها بايه: ايه سمعت
مريم : ايه ياختك تعرفين الناس بيقعدون يسوون مقارنات بينك وبينها مع انك احلى بمليون مره
ماسه تأففت : اخر همي كلام الناس مريم خلاص مع السلامه
قفلت وقامت من مكانها بعد مالقت نظره عليه متوجهه لدورة المياه تاخذ لها شور تحت انظاره الي شاف كل حركة تسويها وسمع كل كلمه قالتها وعدل جلسته واخذ جواله يفتحه ويشوف الرسايل..وبعد دقايق انتبه انها طولت وقام متوجه لباب دورة المياه وضرب الباب بخفيف: ماسه
سمع صوت الماء وقف وكمل : اطلعي
توترت وبتردد ماسه نطقت : ليه؟
سلطان : وراي شغل بمشي
وماهي الا ثواني وفتحت الباب وهي لابسه الروب وشعرها المبلل منثور عليها وعيونها تناظر فيه : طيب مافهمت وش تبغى ؟
سلطان تنهد يناظر ملامح وجهها الطبيعية..بشرتها الصافية ورموشها الكثيفه وفيها مويه وشفايفها الورديه والي كل ماينزل نظره لها يلاحظ انها ترجف ورفع نظره لعيونها : ابغى دورة المياه بعد اذنك!
شتت نظرها بتوتر من قربه الشديد منها وكونه محاصر المكان ومو عارفه تطلع وهمست : طيب ابعد!
تعوذ سلطان من الشيطان الي يوسوس له بأشياء ممكن تكرهها فيه وابتعد يسمح لها بالخروج ويدخل لدورة المياه واما هي توجهت تلبس فستانها الابيض الناعم ووقفت عند المرايا تعطر نفسها وتدهن جسمها بكريمات وتمشط شعرها على طلعته من دورة المياه وهو لاف المنشفه على خصره وبيده منشفه صغيره لشعره
تلاقت عيونهم ببعض هي تناظر صدره العاري والي فيه اثار كثيره منها الصغيره ومنها الكبيره وهو يناظر شكلها وفستانها الناعم والي لونه يبرزها بشكل تحبه عينه..شتت نظرها عنه بتوتر تعدل شكلها واخذت جوالها وطلعت من الغرفة وسط تنهيدته الي تقدم يلبس ثوبة الابيض وطاقيته وحط الشماغ على كتفه وبيده العقال يتعطر من عطره ولبس ساعته وكبكه وطلع يدورها
شافها جالسه بالصالة وعيونها في جوالها..تقدم وجلس جمبها ومن انتبهت له قفلت جوالها ولفت جسدها تناظره من نطق
سلطان وعيونه بعيونها : ادري ماكان عندنا وقت نتكلم فيه وان فيه اشياء كثيره ماوضحتها لك..كل الي بقوله الحين الماضي في حياتي وفي حياتك لايهمني ولايهمك الي جاي هو المهم..ولاتهتمين لكلام ايّ احد غيري! ولاتاخذين العلم الا مني..فهمتيني !
ماسه هزت راسها بايه وناظرت لعيونه الي تناظر كل توزيع بملامحها وهز راسه يكمل كلامه : قالت الوالده اليوم فيه عزيمه..وانا عندي شغل الحين تبين اوديك عند اهلك ولا بتجلسن هنا؟
ماسه تذكرت رساله ميان الي وضحت فيها كل شي صار لها بعد ماودعتها وتذكرت اختها وحلطمتها وقررت : لا بجلس هنا اجهز
سلطان هز راسه بايه : توصين بشي ؟
ماسه هزت راسها بالنفي: سلامتك
سلطان : الله يسلمك..وقام من مكان يرد على الاتصال وسرعان ماتغيرت نبرته للحده : انطق!، جاي انا جاي،
قفل يلف عليها : لو يصير الي يصير ياماسه هذا الباب ماينفتح
هزت ماسه راسها ب ايه : ابشر
سلطان لف وابتسم على جمب من كلمتها الي مااعتادها على مسامعه من بنت وتوجهه للباب يطلع ويقفل الباب وراه..زفرت نفسها براحه وبهمس : يخوف يخوف!
أنت تقرأ
يـامـيان عـيوني ويـاثرى قـلبي
Romanceالعهد 🇸🇦 انه ماضي ليس الا, مخاوفنا تشكلت من ماضينا..من حكاية خُطت على اقدارنا حين ولِدنا, اخطائُنا..افعالنا..ردودنا..واخيرا! نهايتنا..رُسِمت من قبل ان تخرج رؤوسنا من الارحام!، Insta; rwayh_119
