أخذه قوي تركه ضعيف

part 1

(اخذه_قوي_تركه_ضعيف)

الكاتبة
المجهولة

     بسم الله الرحمن الرحيم
طالبة عادية مثل الكل انام ادرس اكعد من وكت روتين معتاد لكن
بيوم عادي مثل باقي الايام نفس شروق الشمس الي متعودة اشوفة من نفس الشباك لسنين وسنين ونفس الوجوه الي مثل كل يوم يتسابقون وية الوكت صحيت من صفنتي على صيحة امي اتنبهني للوقت وانو راح اتاخر على المدرسة طلعت وكلي نشاط اليوم خميس امشي واباوع على الناس الاطفال والسيارات مريت على نفس المخبز  الي كليومة اسمع صوت فيروز منة وكفت ثواني اسمع واتامل الدنيا الي عايشتها اخذت نفس طلبي المعتاد معجنات بالجبن سلمت على ابو المحل وكملت طريقي وصلت لبيت صديقتي واختي لكيتها منتضرتني بالباب والابتسامة مالية وجهة اخذتها وكملنا طريقنا مثل كليوم دخلنا لساحة المعركة مثل ما اسميها كمل هليوم ومحسيت بالوقت اتمنيت ابقى كم ساعة بعد اضحك بيها اتشاقة وية الي يفهموني لزمت ايد صديقتي ورجعنا لنفس الطريق  سولفنا على كل الي صار بالمدرسة من احداث وقصص بما انو هي بغير صف جان عدنا هواية حجي لازم نحجي   كل هذا شي متعودة علي واعرفة بس الي يختلف اليوم عن باقي الايام هو
انو اشوف سيارات جيب سودة مقابيلنا حسيت بايد يارا الي ضغطت على ايدي بقوة التفت شفت سيارة ثانية من نفس النوع التفت مرة ثانية الي نزلوا من السيارة مسلحين وملثمين حاولت اتحرك للجهة اليسرة بس مكدرت حاوطوني من كل اتجاه انتبهت للمكان اني قريبة على اهلي ردت اصرخ اسمعهم صوتي متاكدة امي وابوية راح يسمعوني راح ينقذوني مثل كل مرة لان هم ابطالي لكن مكدرت
- اخذوها
محسيت الة بضربة قوية انهارت قواية الرؤية مو واضحة شفت صديقة عمري اتعيط ولازميها بقوة حسيت انشال جسمي وكلشي صار اسود
فتحت عيني بس مشفت شي كلشي اسود كل الي داير مدايري اسود معقولة فقدت البصر معقولة اني ميتة هسة  بس اني دا احس بجسمي احس ببرودة الكاع الي اعرفة الميت ميحس بشي  بديت اوعى عرفت اني مربوطة ايدية من ورة وكذالك رجلي وعيني ملفوفة بشي ميخليني اشوف حركت جسمي من الكاع وحاولت اكعد اشتميت ريحة مقرفة على الاغلب غريبة اكثر من مقرفة  عقلي انترس افكار من كل الاشكال الحبال الي مربطة ايدي جانت نفسها مربطة عقلي المفروض اني هسة بالبيت اتغدة الي صار كسر روتيني
الغرفة جانت هادئة لدرجة  خبلتني جنت اسمع صفير اذني بس

اكيد امي هسة درت شنو احساسها شنو دا اتفكر بي قريت مرة انو ممكن الابن يتخاطر مع امة عن بعد  حولت واتمنيت انجح اريد اطمنها علية اريد اكللها لتخافين اني بخير 
خطرت على بالي ذكرى بسيطة من طفولتي من ابوية جان يعلمني ادافع عن نفسي اتذكرت حركة اتساعدني اليوم حاولت اسويها اتاذيت هواية بس صارت  حولت ايدي المربوطة من ورة ليكدام نزلت هذا الشي الاسود الي مغطي عيني مكدرت اشوف بالبداية اي شي بديت شوية شوية اركز انتبهت للغرفة جانت مظلمة شوية واكو شباك صغير يدلل على انو الدنيا عصر  فتحت حبال رجلي سندت ظهري على الحايط الالم جان فضيع براسي الضربة جانت قوية 
ركزت على الغرفة اكثر لاحظت نقطة حمرة
- هاي هاي كامرة
جانوا يشوفوني واني افك نفسي ومسووا شي شنو يريدون ذولة منو ذولة
صح خايفة بس فضولي اكثر من خوفي اشرت للكامرة مرة واثنين انو يجون مسمعت ومصار شي  بعد فترة سمعت اصوات خطوات جانت هواية وهوسة اكو تركض بس ميزت صوت واحد هادئ من بين الهوسة جانت خطواتة واثقة كانت خطوات رجل  سمعت صوت الاقفالة انفتحت الباب
محسيت غير باحد لزم راسي بقوة وغطوا اعيوني وكعدوني على ركبي سمعت احد حط كرسي 
الريحة الريحة جانت مميزة
- اتفضل سيدي
الريحة صارت اقرب عرفت هو كعد مقابيلي بكل قوتي جريت ايدي ونزعت الوصلة السودة بس مكدرت اشوف شي الرؤية مشوشة حسيت بضربة قوية ورجعوا غطوا عيوني جان تنفسي ثكيل والخوف متملكني  جنت مصدومة
- هلو يا حلوة 
جان صوتة خشن جدا يدلل على رجل  واثق جان تقريبا مبتسم بس شنو هذا شديكول
- شنو اسمها
- ايفين
مجان السؤال موجه الي
- شكد عمرها
-١٨
- حلو هذا العمر كلة مغامرات
شنو حلو ؟ مغامرات ؟ حياتي جانت هادئة قبل مطب بيها انت
-هي هاي الي اني مسؤول عنها ؟
- اي نعم سيدي
- عوفوها خلي تكعد براحتها
تركوني راسا نزعت الوصلة ورفعت راسي ملحكت بس شفت حذاءة رجعوا غطوا عيني بسرعة 
- لطيفة
وتركوني وراحوا محد بقة
انتبهت انو اني مسالت على الشغلات الي اريد اسال عنها منو ذولة ليش اني  بالذات شنو الي ديصير
رجعت اشرت للكامرة ضليت ااشر فترة بس مسمعت شي ورة ساعة او اكثر انفتحت الباب حطوا اكل وطلعوا
عقلي راح ينقسم من التفكير تعبت غمضت عيني ونمت

- ماما ماما  ما مااااا
فزيت اني وين وين اني تنفسي جان سريع رفعت راسي شفت الشباك كمت رحت هناك الشمس استوها طلعت اليوم هم شفت الشروق بس من عالم ثاني
عالم مجهول ما اعرف شي بي  ما اعرف شنو مصيري
سمعت صوت الباب انفتح التفت شفت حطوا الاكل وطلعوا
هه هيج مهتمين بلاكل
لعد خلي نستفزهم شوية ما اكلت شي وقررت ما اكل اي شي التوتر والقلق والتفكير بامي وعائلتي نساني كلشي
اتغير الاكل مرة ثانية
الوقت بالكوة يمشي اعصابي تلفت كمت بكل علو صوتي
- منو انتواااااا شتريدون مني تعالوا اريد اعرف انتوا منووو رجعونييي لاهلي وينكممممممم عبالكم خايفة منكم لا مخايفة اني مخايفة منكم
ضليت اضرب الباب بكل قوتي بس ماكو اي رد فعل انتجيت على الحايط غمضت عيني ورحت بعالم ثاني  فتحت عيني جانت الدنيا ظلمة وضوة بسيط مفتوح شفت الاكل امبدلي يعني هسة دنيا ليل بديت ادوخ وافقد قوتي رجعت نمت واتمنيت من اكعد الكة كل هذا كابوس
ورة فترة كعدت شفت الدنيا صبح والاكل متغير التفكير حطمني وجسمي تعب وفقدت اغلب قوتي اتمددت بالكاع وضليت اتذكر طفولتي واهلي وضحكي وية صديقاتي  كمت شفت غرفة صغيرة بداخل هاي الغرفة فتحت الباب جان حمام غسلت وجهي وطلعت
مر هذا اليوم بالكوة خلص اليوم الثاني
واليوم الثالث فقدت اعصابي رجعت اعيط واضرب بالباب الى ان دخت ووكعت بالكاع مكدرت مجان عدي قوة بعد سمعت اصوات نفس اصواتهم ذيج المرة من اجوا دخلوا علية وغطوا عيني وكعدوني على ركبي
- ها جميلتي شنو جان اسمج ها صح ......  سمعت مدا تاكلين ليش هيج اتسوين ترى الاكل طيب هنا ثقِ بية
شنو اثق بي
- بس عدي فضول ليش متاكلين ؟
-حتى اكدر اشوفك
- شنو
نزعت القطعة وانضربت عيطت بكل قوتي
- خليني انزعهااااا
- عوفها على راحتها
نزعتة شوية شوية كمت اشوف زين
رفعت راسي علي انصدمت بي شكلة مثل العارضين بالمجلات والتلفون
- هاي الطريقة الوحيدة الي اكدر اجذبك وتجي بما انو اتغيرون الاكل هلكد يعني مهتمين بية وبصحتي 
شفتة ابتسم ورجع ظهرة ليورة شوية
- كولي شنو ردتي مني
- منو انتوا وليش اني هنا
- منو احنا صعب تعرفين ليش انتي هنا لان ابوج رفض مشروع معين واحنا دنلوي اذراعة بيج
- ابوية بابا ابوية اني ؟؟ زين خلوني اخابرة اكللهم اني حية حتى يسون الي تريدوا ويطلعني
- هذا شغلي وهاي اني احددها
- ها واذا الشغلة مو بيدك
- شنو !!!
- مو بيدك حياتي بيدي اني واذا نهيتها مراح اتحصل الي اتريدة وابوية مو غبي حتى يسويلكم شي بدون ميتاكد اني حية لو ميتة
- ها صدك اي انهي حياتج براحتج وخلي ابوج يعرف انو هو السبب بموت بنتة الحلوة والذكية
هنا مجان عدي شي احجي كلامة صح اذا صار بية شي اهلي راح يدمرون راح يحسون انو هم السبب شلون يا ربي شنو اسوي
- اذا اتريدين نصيحتي اهتمي بصحتج ولتخلين ابوج سبب موتج ومراح يدوم وجودج هنا
طلع  واني التفكير اكلني اكل محسيت بشي غير انو احد شالني

كُل الحُبب الهاي القُصة 🖤🖤🖤