أخذه قوي تركه ضعيف

part 29

بارت   29
١:٠٠ م
-الو
- هلو شلونج
-الحمدلله وانت
-بخير مو كتلج دكي علية
- خفت خاف مشغول
- اني كتلج فخلص مشغول ما مشغول ميهمج بعد
-تمام  شلونة يومك
- ماشي دراستج اشلونها
- هم ماشية 
صارت ب١٠ ورحت لغرفتي عساس انام ضليت احاول انام ماكو كمت فتحت الضوة كلت بلكت ما اخاف وانام طبيعي هم مكدرت لزمت التلفون كلت اخابر علي بس هم مكدرت استحيت وبنفس الوقت كلت خاف مشغول او ملتهي اني كلش تعبانة دوام ودراسة وتوتر وخوف وكلة النوم صعب  فزيت على رنة التلفون بايدي
باوعت شفتة هو
- صوتج تعبان ونعسانة مو
-اي كلش اليوم كلش تعبت بالمدرسة
-اي الله يعينج
- لتستهزء والله تعبت
-ههههه تمام تمام خلص

- انت هم تعبان
-لا طبيعي
- خالة يوسف شلونهم
- مو هناك اني
- انت ابغداد ؟ شعدك
- ايفين
ضليت ساكتة بس احوص اريد اعرف ديسوي هنا من احجي ويا ما افكر بذكريات سيئة ولا اخاف احس بامان واطمئنان وبالي صافي
ضلينا نسمع انفاس بعضنا
- يلى اتمددي حتى انام
- ماشي
نمت وغمضت عيني
- سامعة بقصة العصفور الخسران
- لا
- غمضي عينج واسمعي
اكو عصفور حلو كلش عندة مكان خاص بي على الغصن فديوم اجة لهل غصن لكة عصفورة حلوة كلش هو اسغرب لان ماكو احد يجي لهنا قليل كلش محجة شي وراح لمكانة وضل ينتظرها اتروح هي مراحت انزعج وطار رجع ثاني يوم لكاها بنفس المكان كلش ضاج هلمرة طول اكثر على الغصن هم ضاج وطار بدون ميحجي شي رجع ورة اسبوع كال اكيد راحت ماكو احد كال الحمدلله وراح للمكان مالتة ورة دقايق شافها اجت محجة شي بس اصر يريد يعرف شوكت اطير ضل يراقبها الى ان يتعب ويطير ويروح لعشة وهي بعدها موجودة ضل كليومية يراقبها الى ان اختفت بيوم كلش ضاج وخاف وميعرف ليش حس بهيج مشاعر وهو جان يضوج منها
انقهر وقرر ينتظرها اليوم كلة وهي ما اجتي كال باجر تجي وهم ما اجتي لاسبوع وهي ماكو ورة اسبوع اجتي من شافها كلش فرح اتقربلها وبدوا يحجون صاروا اصدقاء بس هو كلش يتحاشها ويحاول يبين انو ممهتم الها ورة فترة طويلة  هو عرف انو يحبها وقرر يعترفلها  من اجتي فرح وجان متلهف ومتحمس لان راح يعترفلها فجاءة ظهر وراها عصفور واجتي هي ويا كلش احبط وضاج عرفتة علي وكالتلة هذا صديقها واتعرفوا وصاروا اصدقاء بس ذاك دائما يضحك ويتشاقة وياها وقريب عليها ضاج عصفورنا وضل يباوعلهم من بعيد والقهر بكلبة كل يوم ياجل الاعتراف يخاف لا اترفضة وبيوم اجتي كالتلة اني راح اتزوج ضاج عصفورنا وعرف انو هي راح تزوج صديقة صل يباوعلهم من بعيد انقهر وطار وعافلهم المكان عصفورنا خسر المكان وخسر كلبة وخسر عصفورتة بسبب الخوف
لو معترفلها جان صارت الة
لهذا سموا القصة العصفور الخسران الي لوما حبها جان هسة هو بمكانة مرتاح وحياتة طبيعية
سمعت صوت انفاسها عرفتها نامت
- بقصتنا الخوف عليج هو الي راح يخسرنياج
غمضت ونمت

-سيف سيف
اني دا احلم شو صوتها باذني
-سيف
اذكرت هي على الخط
-ها
-صباح الخير
-صباح النور كعدتني حتى اتكليلي هيج الساعة ابيش
- ب٦:٥٧
- بربج ايفين
-اسفة بس ردت اصبح عليك قبل ما اطلع للدوام
- هههه تمام صباح العسل
- يلى تصبح على خير راح اروح بيباي
- صبحنة على خير بيباي
احلى صباح والله ايفين اتسوين فد شغلات غريبة
سديت التلفون منها ورجعت احاول انام بس مكدرت التفكير بيها وبكلامها وصوتها هواية شغلات مخلتني انام ولا اشوف النوم
- لا عفية
- والله ايفين اسمعي كلامي
- زين شوكت اسوي هاي
- من اليوم
سمعت كلامها وحطيتة ابالي
ضلينا فترة نحجي باليل وانام على صوتة  واكعد علي

- الشحنة وصلت ؟
- اي وصلت
- حسن اشرف عليها انت اني تعبان راح اروح للمكتبي
- امرك سيدي

ما اعرف ليش اني مختنك شنو السبب الي دا اسوي صح لو غلط هذا اسبوع واني هلكد اتعلقت احس هسة اريد احجي وياها  اه

حاولت اركز اكثر وبديت اكلب بالملفات الي بايدي كلها ادلة على ابوية  وعلى الي ويا بس شنو هلعبة الي مدخلني بيها شنو يريد بالضبط
رجعت للشقة احسب ساعة ساعة على وقتنا  طبيت للحمام

عيطت بعلو صوتي
- اه
راسي اخذت نفس جبير وطلعت من الحمام
باوعت لتلفوني ايدك رحت علي
ايفين !!
- الو سيف
- الو
- شبي صوتك
- مابي
- دحجي سيف
- شوية صداع شلونج
-الحمدلله
-شبيج بيج شي
- لان دكيت عليك هسة
- يعني
- لا بس هيج دكيت بدون سبب
- اها
-شدسوي
- هستوني سبحت وطلعت من الحمام
- نعيما
-انتي شدسوين
- كاعدة
-اتغديتي ؟
-ممشتهية

سولفنا  هواية واكثر الاوقات انضل ساكتين لفترة سولفت عن مدرستي وعن دراستي وكلشي
هو يسمع واذا اوكف يكول كملي
  ضلينا كومة نحجي سالتة بيا جامعة وسالتة عن دراستة كومة شغالات جان عندي فضول اتجاهن
- سيف
-هممم
- كم بنية بشعبتك ؟
- ههههههه شنو هلسوال ؟
- اهو دجاوب انت سالت عن كلشي بحياتي وجاوبتك
- ههههههه تمام اكو هواية 
-مممممم حلوات ؟
-اكو هيج واكو هيج حسب
- اها
-عدك صور الهن
-لا طبعا
-قصدي جماعية
- اكو
-دزلي دزلي
-لا والله ميصير هاي امانة
- سيف قابل حنشرهم ددزلي
- ليش ؟
-فضول
- دزيتلج وحدة 
باوعت بكل تركيز لكل وحدة خرب شو ذني كلهن حلوات هاي شنو شنو يكول اكو محلوات
-يعععع محلوات
- ايفين عيب هاي خلقة الله
باع اني عود داصلحها لصتها هسة شحجي
-لا مو قصدي سيف بس هيج طلعت
- ميخالف
- هاي ام شعر اصفر اني احلى لو هي
- ايفين شبيج

- هيج دا اسولف شبيك
- عوفي هلسوالف 
هم سكتنا فترة طويلة 
- تدرين الساعة ابيش الساعة ب١٠:٣٠
- عزة شبسرعة اكول نعست
- اي هسة حنام
- سيف
- نعم
ما اريد اكول ما اريد اكولها يا ربي ساعدني
- اني اكدر انام وحدي
-ها
-كمت ما اخاف
مجاوب يمكن ضاج 
- الحمدلله يعني خلصت مهمتي
- شكرا تعبتك
- تصبحين على خير
- دقيقة
بهل سرعة
- بعد وكت
- انتي مو كلتي اكدر انام
- اي
- اي؟
- بس اليوم