أخذه قوي تركه ضعيف

Part 33

,اخذه_قوي_تركه_ضعيف

بارت 33

- الو
- وين انتي
- بالكافتريا
- متتحركين من مكانج جايتج
وين اتحرك ما اكدر حتى اتنفس عدل  حطيت راسي على الميز وغمضت
- شصار
رفعت عيني عليها
- لتختفين فجاءة هيج والله كلبي راد يوكف طز بي شبيج انتي شكو دتاذين نفسج ترة المفروض هو يتوسل حتى اتسامحي انتي نسيتي ترة هو اذاج هواية وهسة شنو اتحبي ؟ مخبلة انتي  بابا شوفي انتي وين انتي بجامعة زينة وبقسم زين وحياتج ماشية محد سالج شنو صار ذيج السنة خلص انسي انسي وابدي من جديد مثل مكلج هو
مجنت اكدر ارد عليها احس الساني مربط ما اكدر احجي
ضلينا ساكتين  الى رجعت للبيت
- اي شي يصير كليلي
اشرتلها بماشي
طببت لغرفتي ما بية حيل حتى ابدل راسا كعدت

اني شديصير وياية معناه سيف حتى ممفكر بية حتى ممشتاقلي حتى ميحبني ابد وبادي حياتة وحدة ولاكي وحدة ومنتهي كلشي واني حياتي غيرتها كلها عمودة وين حوصل من جنت يمة بس اريد اطلع وارجع لحياتي وهسة كلبي كلبي ما ادري شبي حيموتني  يريدة احس شي جبير وانفقد مني
اي هسة انتي اتفكرين هيج وهو بالعسل كاعد وية السعلوة مالتة  والله ولا ابجي اصلا شحب منة ما عندة حتى اخلاق بالجذب سلم علية بالجذب 
مر علية اليوم ساعة قوية والف ساعة اموت من الوجع والقهر
  كعدت الصبح احس روحي ثكليلة ما اريد اداوم اصلا
- تستاهلين احد كالج تختارين نفس كليتة حل وزايد
اباب القسم واكفة ما اكدر اطب  اتشجعت وطبيت اكو مسطبة كعدت بيها
- صباح الخير
كعد بصفي هسة شجابك
- صباح ااا النور
- ردت اعتذر على البارحة يمكن ازعجتج
- ها لا بس جنت مستعجلة
طبعا رجفة جسمي رجعت رحت على طرف المسطبة
- اها تمام الحمدلله اذا مو اني السبب اني بس ردت تمليلي هلورقة تعرفين اني الممثل وكلش سابيني على هاي المعلومات
- تمام اسفة
اخذتها منة
- لا على شنو
كعدت املي بالورقة وهو بصفي  طولت لان كلش متوترة 
انطيتة الورقة
- شكرا واستاذن اخذي راحتج
كلش انقهرت لان حسيتة حس بية كارهتة او هيج شي

رحت للمحاظرة الاولى بعدين رحت للكافتريا القسم كلش راسي يوجعني اريد اشرب جاي كعدت على الميز بالكوة حصلت واحد كلش ازدحام
- هاي ايفين الحمدلله لكينا واحد نعرفة عادي نكعد مو
-اي اكيد اتفضلوا
-شبيج شو مو على بعضج
-راسي شوية
-اي والله استاذ محمد اكثر استاذ مزعج
ضلوا يحجون واني مغمضة اريد ارتاح حطيت سماعات باذني وضليت اسمع فتحت عيني هو وجماعتة كاعدين مقابيلي هذا شجابة باوعتلة وهو هم حاط سماعتة ومغمض شكد شكلة حلو باوعتلة وجهة اصفر ليش خاف هم راسة يوجعة لو محترمني ومسلم جان عرفت شبي ضليت اباوعلة كانو شايفتة اول مرة الاغنية هم حطتني بعالم ثاني مخلتني اذكر اني وين وشدا اسوي من خلصت الاغنية سمعت البنات
- ولج خطب
- لا جذب ما معقولة
- والله
- اوف منو سعيدة الحظ
مهتميت على سوالف البنات مالتهم
ضليت اباوع على الدنيا كل واحد عدة هم محد يعرف بي غيرة باوعت على حالي اختاريت قسم حتى ما مفكرة بي بس عمود احد وحاليا اني مطلقة بدون زواج وحتى الشخص الوحيد الي حبيتة ميحبني وين حياتي حتوصل
رفعت عيني شفتة يباوعلي وكف كلبي وعقلي وكفت الدنيا بنظرتة ما اشوف غير ايد جرت وجهة انتبهت هاي هي نفسها شفتها كامت واجتي علية واكفة فوك راسي
- انتي شنو متستحين شكو اتباوعين على رجلي
نعم
-اوه هاي انتي نفسج مو مال ذيج المرة انتي شعندج ويا ها
اجة هو ولزمها
باوعتلة خنزر عليها
- اششش
رجع باوعلي
-اعتذرلج بس هاي خطيبتي وتغار علية كلش عبالها دتباوعين علية كلش اعتذر
ما ادري ليش بس ماكو اي ردة فعل مني
- انتي شبيج اصلا الابنية راسها يوجعها وجانت صافنة شنو ماكو بالدنيا بس رجلج شبيج خبلة
صديقتي من يمها حجت وذيج اترد وهاي اترد واني اباوع على سيف وسيف يباوعلي بعدين جر ايدها وراح طلع من الكافتريا كلها
-عزة مريض هاي شبيها العالم صدك جذب ايفين حبيبتي لتضوجين هي هاي ساق** فرحانة لكت رجال يزوجها ام الوصخ والله حرام هيج وردة يروح لهاي الجربة
-تعرفيها ؟
-اي هو منو ميعرفها يمعودة وحدة بت مسؤول مدري شنو اداوم على راحتها ومتنفصل ولوكية بشكل واخر شي اجتي اتكول اني خطيبة سيف طبعا محد صدكها بس طلع صدك ما اعرف شلون صار هلحجي 
-يا مرحلة هي
- ٢
-صالها شكد مخطوبة
-ليش
-لا دا اشوف شبيها ممصدكة
- اها لا صارلها شهر او شهرين ما ادري بس داومت هاي السنة  وهي مخطوبة عوفيها ختولي
- شكرا حبيبتي
خاطب طلعت اضحك من الكافتريا خاطب خاطب ههههههههههه خاطب
- واووووو
شدعوة هلكد مستعجل هستوك طلكت
مرت ايام اني ما اداوم اخذت استراحة لتفسي ردت ارتاح واريح عقلي وامسح كلشي اريد ابدي من جديد

بالمحاضرة
كافي لتفكرين بي خلص هو خطب وانتهى هاهية عيشي حياتج انتي هم هاهية
ضليت اكرر هلكلامات بس من شفتة حسيت كلشي انمحى كلة راح واختفي كل قوتي حسيتها انهدت انتبهت هي ماكو يعني اكدر اباوع علي
- لا لا
كعدت عكسهم تماما هم بظهري
- الو
- فيفو وين انتي
- بالحديقة على المسطبة مقابيل الكافتريا
- ها تمام نص ساعة وجاية لتتحركين
وين اروح قابل
اجتي وسولفتلها كلشي
- اوف باعي عيني هذا يا اما يحبج ويريد ينساج بوحدة ويا اما هو يحبها واصلا سوة كم حركة وياج ونسة وحماج لان يحس بالذنب ويا اما ابو جبرة
- سيف ينجبر على انو يخطب وحدة لا ما اتوقع ومال يحس بالذنب لا لان جنت احس من كل كلبة يريد يحميني مو عمود ذنب
-اتريدين تكولين يحبج ويريد ينساج بيها
-لا لا مو هيج
- ههههههههه شبيج يجوز صح
-وشكو ناسيني هياتني ميجي
- بابا منو يتوقع انو وحدة اتحب الي خطفها شنو فلم عدنا
-هو مخطفني
-لا بس كم راشدي وحزام ومرتين محاولة اعتداء
- اصلا اكيد شكلة مال سجن شعندة يداوم
- انجبي اشوفج شكلة ؟
- ليش هو وين
- التفتي اكو مجموعة ولد هو الي بالنص لابس قميص اسود ورافع شعرة
- دقيقة
- يبوووو ولج هذا شنو ناااار
- هههههه
- امداج هاي لو اني جان خليتة يعتدي علية عادي
- امداج ههههههههههه
- ولج والله شكلة مو مال قصتة عزة شهل رجولة
- لعد لو سامعة صوتة او شامة ريحتة جان شكلتي
- عمي حقج جلبي بي جلبي هذا يحسن نسلكم
- امداج يارا ههههههههههه
- اي فدوة لضحكتج يمعودة والله تنحل لتخافين وهاي السعلوة انموتها وتاخذينة والله
- هههههههههه اي والله سعلوة لا حلوة وحسب ما سمعت حتى اخلاق ماكو
- اي ولج هسة كلها سحر اكلج صدك تعرفين اسم امة دنسويلة احنا هم
- هههههههه تندلين
-لا طبعا يس الي يسال ميتيه ومو حرام لان دنجمع راسين بالحلال
- ههههههههه كافي يمعودة
- والله تنحل لتخافين
- ان شاء الله 

🖤🖤