أخذه قوي تركه ضعيف

Part 51

#❤🤩
،اخذه_قوي_تركه_ضعيف

part 51
ورة مخلصت تحقيق وية امي صعدت للغرفة وقفلت الباب
دكيت على سيف
- هلو
-ها شصار
-اول شي هلو شلونج شبيك
-ايفين للتخيبثين وياية ترة اتخيبث وياج وخباثتي ابد محلوة
-لتهدد لتهدد بابا تقريبا قبل بس كال كاب اتاكد من كم شغلة اعتقد فلوس وهيج
- ذني بسيطات لعد الي يشوفة من حجة وياية راد ياكلني
- ههههههههه طبعا لعد شعبالك ياكلك اذا اذبتني
- السانج اكصة ديري بالج
-اي وشلون احجي وياك
-هو حتى لتحجين
-ها
- الحمدلله
-اي الف الحمدلله
-شلون الوضع بالبيت
-على كل واحد جذبة شكل بس بابا يعرف احسن من امي
- اسف لان خليتج اتجذبين عليهم
-حبيبي اني ميهمني شي غيرك انت وحدك ميهمني اي احد
-اني هم ميهمني احد  غيرج
- سيف اذا اتزوجنا انعيش بالشقة
- بالدوام بالشقة وبالعطلة يم خالتي
-والله  ! حلوو  اني كلش احب خالة وكلش مشتاقتلها بس سيف
- ها
- اريد اغير اثاث الشقة ترة من هسة اكلك
- اي وبعد
- واريد كلشي اني اختارة
- اي وبعد
- شبيك  شنو ميعجبك
- لا ست ايفين ليش ميعجبني طلباتج اوامر
- ههههههه اوكي وبعد اريد فستان فدشي كلمن يكول شنو هلفستان واريد سيارتك اتزفنا لان اتجنن ها صحيح علمني سياقة حتى اسوقها
- هاي من شوكت عينج عليها
- من زمااااان اتجنن اموت على السيارات السودة ها نسيت اريد انسافر شهر عسل شهر كامللل
- من عيوني وبعد
- يمة ةةة فدوة لعيونك  صدكت انت اني كل الي اريدة انت انتتتتت بس
اندكت الباب
- دقيقة سيف...... منو
- بابا يريدج جوة
- سيف بعدين احجي وياك
سديتة ونزلت جوة
-ها بابا
-اكعدي بالبداية سلمي
- السلام عليكم
كعدت
- خلي يجي هو واهلة باجر
- سيف ؟؟
- لعد
- بس بابا سيف ما عندة اهل
- نعمممم!!
- ماما على كيفج اسمعي هو عندة اخت بالخارج بالمانيا مريضة وعندة خالتة وابن خالتة وبنت خالتة هم بالمانيا  يعني ما عندة يس خالتة وابنها يجون ويا
- ليش وين امة وين ابو
- متوفين
- الله يرحمهم بس ابو علي احنا ممجبورين انتي مو كلتي ما عندج علاقة بي  يعني متحبي عادي ارفضي وهذا المهندس الي كلت علي
- شنو !! لا يمة
- ايفين اكعدي بابا وانتي عيني ترة سالفة المهندس جذب بس ردت اشوف ردت فعلها بوكتها   
امي وجهة ميتفسر وكلش ضاجت ابوية خلاها كدام الامر الواقع
- بابا ما بيها عيب ترة واذا ما عندة احد المهم هو شنو من ولد 
- اني وياج بابا بس اني ردت عمامج موجودين بس اذا هيج ما احرجة للولد خلي يجي  هو واهلة والله كريم
- هو رجال يملي العين اذا كدام عمامي او غيرهم
- شوف السانها
- اني وياج بنتي هو رجال والنعم منة بس الناس الها الظاهر وام علاوي لتزعلين ولا اتضوجين بس انتي لان مشايفتة حقها ادافعلة خوش ولد وامبين يريدها 
كمت وبست راسة
- الله يحفظك بابا ويخليك النا وربي لايحرمني منك
رحت اركض على الغرفة فتحت الباب وطبيت لبست السماعة ودكيت علي سيف سيف رد بسرعة
- سيوفففففييييييي باجر جيب خالة وتعال
- ههههههه شبيج
- بابا كال خلي يجي هو واهلة باجر دقيقة دقيقة شنو باجر باجر اني ما عندي شي البسة خلي انزل اكول لبابا ياجلها
- اصبري ايفين اهدئي
-ها
- باجر اني وياج نطلع من الكلية نشتري ملابس الج والي يعجبج تمام بس خليها باجر اريد اخلص من هلشغلة
- بس
- بدون بس قابل باجر حفلة مو حفلة باجر وعساس خالتي مشايفتج
-صح صح هي شايفتني بس
- بدون بس قفلي على هلموضوع وباجر اني يمكم
- ان شاء الله   حبيبي اتنور
- يلى حبيبتي اني رايح بيباي
- باي يعمري