أخذه قوي تركه ضعيف

part 3

بارت 3

خلص هو قبلي وضل يگلب بالفون
- كملي اكلج
خلصت كمت من الجرباية كام هو هم راح للكنتور فكرت انو راح يبدل كدامي جاب ملابس واتوجه الية كل ميتقدم اني ارجع ليورة الى ان وكعت على الجرباية ابتسم وحط الملابس بصفي وقرب وجهة مني
- اسبحي وبدلي ملابسج
وطلع من الغرفة
ضليت ابلع بريكي ميصير ابين اني ضعيفة اني مو ضعيفة اني راح اطلع منا رحت للحمام واخذت الملابس وياية
الملابس ريحتها نفس الريحة الي شميتها من اجة اول مرة
اندك الباب
ركضت ورة الباب
- ش ش شنو م منو (معقولة يريد يسويلي شي)
- اخذي هذا
فتحت الباب واخذت الچيس  وراح
فتحت الچيس
- هاي شنو ملابس داخلية (بهمس)
دخلت جوة الشاور المي دافي احس صفة عقلي ضليت لفترة وبعدين بدلت الاحساس حلو احس مثل الطفل الي اشترولة ملاعيب غطيت شعري بالكبوس وطلعت البجامة طويلة والسويتر چبير 
الغرفة فارغة رحت للشباك
- هذا مسدود على شنو جان يباوع
شفت الفراش دافي رحت علي اتغطيت ونمت

الله اني نظيفة وملابس دافية والفراش مريح اني رجعت للبيت واذا فتحت عيني راح اشوف شباك غرفتي
فتحت عيني رجعت غمضت
لا لا لا هذا كابوس لا لا
فتحت عيني  فزيت رجعت للحايط راسا
- انت شدسوي هنا ل ليش نايم هنا ليش ي يمي ليش
- كتلج هاي غرفتي وكتلج اوديج باليل انتي عجبج تبقين الليل وياية شسويلج
- ب بس بس ميصير اني نمت بدون ما ادري م مسويلتي شي مو ؟؟
- اذا كلت مسويت راح اتصدكين ؟
- كولها بس
- هه مسويت شي بس زين منمت لو نايم جان ما اعرف شنو سويت
يباوعلي بعيني ويبتسم
- وديني لذيج الغرفة هسة تكوم( بصيحة )
محسيت الة هو فوكاية حاولت اوخرة بس هو لازم ايدي ثنيهن وثبت رجلي برجلة
- صوتج صوتج ميعلة علية سامعة ؟
- دا اسالج سامعة ؟(بصوت عالي )
- اي اي اي
وخر عني واني ضليت على وضعي متحركت
- مو اتخافين من الظلمة
- ها
باوعلي ورافع حاجبة
- شلون شلون عرفت
كلبي جان مثل الطبل وتنفسي ثكيل ومعدتي تمغصني واحس اطرافي ترجف وهذا يريدني اجاوبة
- جنتيى مرعوبة بسبب الوصلة السودة ودائما اتروحين يم الضوة ويم الشباك
حركت ظهري كمت وابتعدت
- اذا تعرفني لهل درجة ليش متعرف اني اريد احجي وية اهلي ها ليش؟
كام ومشة وطلع من الغرفة وقفل الباب
كمت من الجرباية ورحت للحمام غسلت ونشفت وجهي وطلعت من الحمام انتبهت على ايدي اثار اصابعة حمرة شفت الساعة ب٤ اعتقد الفجر رحت للحمام اتوضيت وصليت
عدة اليوم الرابع والخامس والسادس هو ميجي والاكل بالموعد يتغير   اكل كفايتي واعوف الباقي عقلي التفكير اكلة سمعت الباب
ركضت
- دقيقة دقيقة لسدة صيحوا  لرئيسكم كلولة اريد اشوفة اريد اشوفة  بس احجي ويا
بعد فترة
طب للغرفة واستمر يمشي للكنتور
- الى متى راح اتبقوني هنا
- مو دا احجي وياك ليش مترد علية ها رد علية
-اريد احجي وية اهلي
- دا اكلك اريد احجي وياهم متسمع اطرش انت ( بعياط)
محسيت غير بايدة على فكي ولزكني بالحايط بقوة حسيت فكي راح ينكسر وبدة يهمس
- صوتج ميعلة والسانج اكصة ما عندي مشكلة افتهمتي؟
يباوع بعيني
- هدني
- افتهمتيي؟
- افتهمت هدني
تركني بقوة التف وجهي للجهة الثانية وهو اتوجه للحمام وسد الباب بقوة
- اني ميصير ابقى هنا خلي انشوف منو الاقوى
بديت ادور على تلفون اي شي بغراضة ماكو شي طبكت البجامة حتى اكدر امشي رحت للباب
- بسم الله
فتحتها انفتحت انفتحت مديت راسي من الباب ماكو احد طلعت بهدوء خارج الغرفة جان ممر اظلم وغرف هواية على الجانبين ضليت امشي وصلت للنهاية الممر شفت مساحة جبيرة على الجهة اليسرة درج جبير كلش ومقابيلي ممر يشبه الي طلعت منة وعلى الجهة اليمنى باب جبيرة مفتوحة واكو ضوة الشمس اتوقع هذا المخرج قررت اروح للباب شفت حديقة جبيرة وكراج بوجهي اجة واحد هو شكلة مصدوم استغليت الفرصة ضربتة على منطقتة الحساسة  وركضت بكل قوتي هو التفت جان على الكاع يتلوى ويعيط
- هربت هربت
من كل مكان طلعوا رياجيل من كل زاوية ضليت اركض بدون ما افكر بس اهرب منهم الى ان اتحاصرت حسيت براسي انقسم نصين  وكعت بالكاع وحسيت عيني اتغوشت وصارت الدنيا سودة

- شو هاي مالها حس حطيت المنشفة على ركبتي وطلعت
انفتحت الباب بقوة
- سيدي هاي هربت
- شنو !!
- لتخاف سيدي لزمنها
- وينها هسة
- بذيج الغرفة
- شلون كدرت ؟
- ما اعرف سيدي بس الظاهر الحارس راح لان شافك طبيت للغرفة
- هذا حسابة بعدين
- سيدي هسة هي غائبة عن الوعي ضربوها براسها
- اني مو كلت محد ينطخ بيها
- سيدي
- اني شكلت (بعيطة ) جان تكدرون اتلزموها بدون ضرب لو متكدرون على طفلة
- اسف سيدي

طبيت للغرفة مشمورة بالكاع  ركبتها دم من الضربة طلعت رحت لغرفة المراقبة
فتحت عيني
- اخ  راسي
اتذكرت الي صار ضليت على وضعي ما اريدهم يحسون اني كاعدة  خايفة من العواقب كلش اطرافي ترجف وتنفسي عالي احس كلبي مثل الطبل شنو راح يسوي بية اليوم  سمعت خطوات وانفتحت الباب غمضت عيني متحركت شعراية حتى تنفس كطعتة سمعت صوتة
- ادري بيج كاعدة

🖤🖤🖤