أخذه قوي تركه ضعيف

part 21

بارت 21

من كعدت ملكيتة يمي
يا ترى شوكت اكعد الكة روحي بالبيت وانزل الكة امي مسويتلي ريوكي وكوبي مليان من چايهة كمت على كيفي ونزلت من الجرباية عدلت شعري وطلعت من الغرفة
المطبخ فارغ ماكو احد بالبيت وصلت للباب مال المطبخ الي يطل على الحديقة هم ماكو طلعت برة سمعت اصوات ضحك شفتهم من بعيد سيف ويوسف وهاي الوكحة يلعبون طوبة وخالة كاعدة يم الاكل
شكلهم عائلة سعيدة كلش رحت من شافني اجة علية
- ايفين اني مو كتلج لتتحركين هواية
- مو شفتك ماكو
- تعاي خلي ادخلج
- ما ما ما اريد
- لعد تعاي اكعدي هنا
كعدني
- تعال يمعود عوفها هي تكعد
حجت الخبيثة هو مهتم وما رد عليها كعدني وسندني على شجرة وخلة مخدة وراية وراح
- اتريدين جاي ماما
- لا تسلمين
ضليت فترة اشوفهم وهاية عبالك بيها صمغ لازكة بي حتى متلحك الطوبة كلة ورة سيف شفتها لزمت ايدة عود تاخذ الطوبة منة
هنا متحملتها كمت ورحت اتاذيت من كومتي بس مهتميت رحت اجتي الطوبة يمي واني ضربتها
- ايفين
صوتة جان عالي بحيث فزيت
اجة يمي عصبي ويخوف
- اني شكلت اني مو كتلج متتحركين انتي ليش متسمعين كلام ها
- ر ردت العب شوية
دنك وشالني ومشة دخلني للبيت ودخلني للغرفة من نزلتي
- ماكو حتى حديقة حتى اتسمعين كلام مرة ثانية
-ها اظاهر عاجبك تبقى وية هاي وتتلمس بيها
التفت علية
- شنو
- شنو الشنو عساس متشوفها اتلزم بيك ولا عبالك بنية
- وانتي شعليج
- شنو شعلية هنا اني مرتك يعني عيب
- مصدكة الدور اتغارين علية ؟ لهذا ضجتي
- اغار لا ما اغار على شنو اغار بس اني الي احترامي هي تدري انت متزوج شلون هيج اتسوي
- احترام كلتيلي بس الي مبين غيرة وواضحة كلش
جان يحجي ويتقدم ومبتسم
- ما ما اغار تتوهم
- انتي مصدكة دور زوجتي خليني اني هم اصدك
اتقرب على وجهي كلش
- سيف
احس جسمي كلة يرجف من قربة
حط ايدة على وجهي
- سيف
وخر ايدة ووداها على الدكم من ورة يباوعلي بعيني ويفتح دكمة دكمة
اني ملتهية بعيونة احس غركت بيهن ابتسم ووخر صار وراية اخذ ظفيرتي وخلاها على جتفي كزبر جلدي من لمسة ايدة على ظهري 
- مو كتلج لتتحركين هواية رجع نازف جرحج بس الحمدلله قليل
معقولة جان قبلت لو سوة اكثر ليش ما مانعت ليش ما رفضت ليش مدفعتة شعور الندم والرخص ملة كلبي وعقلي احسة ديباوعلي بنظرة رخيصة  جريت روحي
- اطلع اريد انام
- ايفين هستوج كعدتي
- دا اكلك اطلع ما اريد اشوف احد اطلع
-ايفين
- اطلع اطلع اطلع متحس انت
ما اعرف جنت ما اريد يطلع ما اريدة يعوفني اريدة يكلي مدا اشوفج بهل نظرة ومصار شي ما ادري من شوكت اني ابجي حسيت الدفو ملاني من حظني ضليت اشهك بحضنة اريد ارتاح تعبت من كلشي تعبت من التفكير
لافني وصار راسي يم ركبتة
ضلينا هيج الى اني وخرت عدلت روحي انطيتة ظهري
- سدها
سدهن كلهن محطيت وجهي بوجهة ابد رجعت على ظهر الجرباية وهو كام طلع من الغرفة وسد الباب  مالي وجه احجي ويا عبالك اني المذنبة

من شفتها كامت وضربت الطوبة كلش ضجت يعني اني اريدها اتصير زينة حتى اكدر ارتب الوضع وهي ولا جنهة 
طببتها جوة بس كلامها استفزني ردت اشاقة وياها مثل كل مرة بس الي صدمني انو ما رفضت ولا بعدتني نظرة عينها اتحسسني غركانة او صافنة احسها بغير عالم اني  هم دخت بعيونها وبنظرتها هاي ردت اتاكد من شي من اتقربت اكثر وبديت افتح الدكم حسيتها مسلمة نفسها الي ما اعرف شسوي بس الي اعرفة انو هسة الي راح اسوي راح يكسرها ويوعيها اكثر

من شفتها بجت عرفت شنو الي فكرت بي وشنو شعورها هسة بالبداية جنت مخطط اطلع واعوفها بس مكدرت ما اريدها اتضوج او تبجي حضنتها واني ما اعرف ليش هيج سويت من شفتها هدات وارتاحت عفتها وطلعت
شفت خالتي كاعدة احسها منتظرتني
- تعال اكعد
كعدت
-احجي الي بداخلك دا اسمعك
-ما عدي شي
- متاكد ؟!
- شنو الحل
- شغلة وحدة اني اكدر اجزمها من ناحيتك هاي الابنية مو عادية عدك وانت اعرف
- يجوز
-بدون تشبيه ذيج شي وهاي شي حتى شكلها ميتشابهون الشي الوحيد الي كالي يوسف علي شجاعتها وقوتها وهذا الشي اختفى باخر فترة بس انت شنو الي دسوي يعني الشي الوحيد الي يذكرك بيها اختفى وانت بعدك اتساعدها ووياها وبقوة شنو اتفسر هذا الحجي
ضوجني كلامها عفتها وطلعت
لا مامعقولة ابيش دا اورط روحي نهائيا لا 
-سيف شبيك واكف هنا
- ما بية

- ها يمة
-هلو يويو
- يويو ؟! بسم الله شبيج سعيدة
- فترة وراح تعرف ليش 
- جنج وصلتي للي اتريدي
- ان شاء الله والجاي اقوة 
- الله يستر منج

🖤🖤🖤