أخذه قوي تركه ضعيف

part 28

بارت 28
**** 💓
-اه اه
تنفسي عالي وكل وجهي عرك 
-اه وينك وينك
مثل كل يوم افز باليل وحدي وخايفة واضل فترة طويلة ابجي بدون محد يحس علية  ما اعرف ليش هيج ديصير وياية  بس الي اعرفة انو كلش محتاجتة يمي بالكوة انام والحك باهلي من مكان لمكان  ما اكدر اكعد بوحدي  حتى اذا هم يمي هم ما احس بامان كل افكاري  عبارة عن راح يجون راح ياخذوني لدرجة حتى نوم ما انام
بس مكلت لاحد
شلت تلفوني وفتحت رقمة كل يوم اتردد مليون مرة انو ادزلة شي اخر شي ما ادز
الغرفة ظلمة لو هو يمي جان لزمت ايدة وراح الخوف من كلبي 
شفتة متصل بالنت باوعت على الساعة الساعة ب٤:٠٠ الفجر شعندة كاعد اكيد ديحجي وية احد بس منو هو ماكو احد بحياتة وخابصنا بمنى لو صدك يفكر بيها مثل ما وصفلي جان ما باسني مو
اي اي اكيد معناه ديحجي وية وحدة هسة
متحملت على روحي دكيت علي
ماكو ثواني ورد
-الو
- ا الو
- ايفين
- همم
- شلونج شذكرج
- الحمدلله شنو شذكرني هو اني اكدر انام من وراك
- يعني قصدي من الخوف من ورة ما رجعت ليهسة ما اكدر انام من الخوف
- ها من الخوف
- شلونك شمكعدك ليهسة
- هيج كاعد
- اها 
-ممصدكة
-لا يعني شوية  انت اتنام بهيج وكت
- حافظة وكتي
-  انتي شنو الي مكعدج ليهسة
- نمت بس
استعجلت وكلت هيج او هسة عبالة اني كعدت وراسا فكرت بي 
-بعدج اتفزين
-اي
- شلون يعني اجي احضنج واوخر  الخوفة مالتج
انصدمت منة ومعرفت شجاوب
-   احم شعجب متنامين يم اهلج
- ممبينة خوفتي الهم ابد
- كل يومية خابريني قبل متنامين 
- انت كليومية كاعد هيج وكت
- - ليش انتي اتنامين هيج وكت ؟؟
- لا بس قصدي
- انتي اتريدين توصلين لشي 
-لا
-متعودت عليج جبانة احجي
- ويامن جنت تحجي اون لاين
- بلة قبل كم يوم اتكولين احترمني لان يعروفون مرتك وميصير هسة شنو حجتج احجي وية الي اريدها
- تمام اسفة ازعجتك
ضلينا ساكتين 
- شلون كاعدة؟
- شلون يعني
- شلون كعدتج هسة
- منتجية على الجرباية
- نزلي جسمج واتمددي وعدلي المخدة بحيث اتريحج
- تمام
- وهسة اتغطي زين
- تمام 
-غمضي عينج هسة
**** شغلوا الاغنية
انصدمت من بدة يغني  صوتة  حلو كلش ضل يغني واني اسمعله  حسيت بهدوء وامان غمضت عيني واتخيلت روحي يمة وبحضنة وريحتة ماليتني 
اسمعوها وبعدين كملوا
-نمتي
- بعدني
-اني نعست وانتي بعدج
- متنام الة انام
محست الة الصبح وعياط امي
-ايفين 
- كعدت كعدت
- وكعدتني اني هم
-بعدك على الخط
- نمت محسيت بروحي
- صباح الخير
-صباح النور
- ايفين
- اجيت اجيت
- يلى روحي بيباي
- بيباي
كمت مرتاحة اول مرة انام من رجعت ليهسة
بعد ما وصلت لشقتي اول مسديت الباب
- نورت العمارة
- شبسرعة عرفت
- اول مخطت رجلك بغداد اني عرفت اني بكل مكان حاط عيون عليك
- فديوم افكسهن
- ااشتاقيتلك وحشي معقولة باقسى الظروف متكون موجود
- اني مو وحش
- انت راح تكبر واتصير اكبر وحش بالعراق ميمشي شي بدون امر منك
- هه 
- المهم مدريت بالي صارلي ؟
- وشنو صارلك ؟
- شفت شلون وحدة بت ما اريد اوصخ اللساني خلتك متعرف بظروف ابوك
- اظاهر الشغلة جبيرة
- هواية كلاب تركوني عبالهم وكعت وانتهيت بس يخسون الة اخلي روسهم جوة رجلية وادوسهم واحد واحد
- شفت من انكسر جناح واحد كلها تركتك لعد اذا وكعت انت شراح يسون
- اني ما اوكع واذا وكعت فانت واكف
- يجوز اني اول واحد اتركك
- انت وحشي الي اني ربيتة حتى ياكل الناس حتى محد يكدر يذلك يباوع بعينك تذكر من يعصة علية واحد شلون تجي انت وبقوتك اتطلع الحجي منهم بدقايق
- ميحتاج اتذكرني بذني الايام ولتنسى اني جنت مجبور
- (بصيحة وعصبية ) لااا انت مجنت مجبور انت الوحش الي بداخلك جان يطلع   بارادتك جنت تضرب واتعذب
من سمعت الحجي المواقف مرت على عيني مثل فلم كامل  الغضب اتملكني اني مو هيج اني مو وحش
كمت وبعلو صوتي
- مجبور مجبور اني جنت مجبور اني مو وحش
- اني مكلتلك اضربهم بعودة ولا كلت خليهم يموتون جوع ولا كلت اضربهم اني كلت خليهم يعترفون بس انت شنو اختاريت انت اختاريت الضرب والتعذيب والاهانة
حسيت كلامة بكلبي حسيتة ديذبحني اقرب شي الية الميز كزاز شلتة وشمرتة  وكمت اكسر بالغراض
- انت جبرتني انت خليتني اعذب واضرب انت اني مو وحشش
- دشوف نفسك هسة هذا وحشك طلع اني جنت بس اخليلك اشخاص اتفرغ بيهم عصبيتك
- شتريد مني  كول وريحني اعتقني اعتقني
- ارجع وياية ارجع لشغلك اني هسة محتاج شخص اوثق بي وما عندي غيرك انت ابني انت وحشي انت وريث الوحش
- ما ارجع اني متفق وياك وخلص الاتفاق
- نعم ؟ خلص وين خلص
طلع تلفونة
- انتو وين
- اباب بيتهم سيدي  منتضرين امر منك
سيف - انت شدسوي
الوحش - مثل مسمعت بكلمة مني  هسة يدخلوها ويدزولنا فديو موتها
كلبي احس احد جعصة بايدة كل الالم حسيت بي بثانية اذكرتها من ودعتني ومن شكرتني من بستها من حظنتها اذكرت منى من شلت جثتها  ومنظر التعذيب والدماية وشفت فاتحتها من بعيد واني السبب بموتها  لا لا مراح يتكرر صوتها صار باذني من اتكلي سيف  لا لا ايفين مراح اتموت لا
- لا لا وكف اني تحت امرك 
سد التلفون
- اي هيج اريدك  هذا وحشي هذا ابني هذا الي راح يورثني
مر بصفي وطبطب على جتفي و طلع من الشقة
كعدت احس حيلي انهد كلة 
- ههههه اني رجعت سلمت ركبتي الة  مرة ثانية بس هلمرة السبب ايفين

رجعت للشغل مرت ايام واني ما اكدر احك راسي دخلت بعالم عمري مطاب بي حتى من جنت اشتغل ويا جنت احقق بس هسة صفقات وشغلات جبيرة استغربت انو كلشي جوة ايدي ابوية عمرة ميوثق باحذ شمعنا هسة وثق بية وسلمني كلشي شنو الي يريد يوصلة 
فتحت الباب ودخلت للشقة شمرت غراضي ونزعت ورحت بوجهي للحمام سبحت 

كعدت  على الجرباية باوعت بصفي شفت المخدة الي نامت عليها ايفين اه ياربي مرة ثانية بنفس الوضع لشوكت تبقى اتعذب بية
من اول انسان حبيتة امي اول انسانة وعيت عليها وعلى حبها ومن عوضت فقدانها بمنى اناخذت من ايدي بكل بساطة راحت راحت ولا كانوا جانت موجودة راحت واني مكدرت حتى ادفنها
وبمجرد فكرت يكون بحياتي شخص ثاني انمنعت منة وما اكدر حتى اشوفة
بس اتذكرتها ابتسمت تلقائيا اشتاقيتلها اشتاقيت لعنادها واللسانها
اذكرت عدي صور الها فتحت التلفون صح الصور بوضع محلو جان يدزليها حسن من اعوفها بالمقر بس على الاقل اشوف شكلها
فجاءة التلفون دك باوعت الساعة ب٤:٣٠ منو هذا الي يدك علية فتحت الخط
صوتها  حرك بية شي اني اتوقعت بعدها بخوفتها بس بقوة ايفين مراح تتصل وتكول اني خايفة ورة كم كلمة عرفت ليش دكت عبالها احجي وية وحدة هههههههه بس ليش معقولة اتحبني واتريدني ما اتوقع
غنيتلها اغنية احس كلماتها اتمسني وتوصف حالي نيمتها وضليت اسمع انفاسها الهادئة اني اسمعها وغمضت عيني اتخيلت شكلها من جانت اتنام يمي غفيت براحة وهدوء نمت كعدت على صوت عالي افتهمت هاي ايفين باوعت الساعة ب١٢ الله صالي شكد منايم
شكلي صدك حبيت ووكعت
حجيت وياها وسديتة منها
💓