أخذه قوي تركه ضعيف

Part 35

بارت 35

اي هي هاي شعدها هنا لفت وجهي عنها ما اريدها اتشوفني بس انتبهت عليها شايفتني حاولت شكد ما اكدر احارب كلبي وعقلي وما اباوعلها
رفعت راسي شفتها ماكو هاي وين راحت ضليت ادور ماكو
- حبيبي شبيك عليمن ادور
- لا بس عبالي شفت ولد رايد منة شغلك اني
- اكلك اني جوعانة امشي ناكل
- عدي شغل اكلي وية صديقاتج
دا اروح ولزمت ايدي
- يا شغل هذا قبل شوية كلشي
ما بيك منين طلعلك شغل
-هي لا عبالج تتحكمين بية
- اني خطيبتك طبعا اتحكم بيك ولتنخزر علية كومة طلاب كاعدة اتراقبنا
- مالج علاقة اذا معاجبج تتفشلين كدام الطلاب لتدخلين بية نهائيا
عفتها وطلعت بقت علية هاي صعدت بالسيارة
هاي شجابها معقولة اني غلطان لازشلون اغلط بيها هي نفسها ايفين بس شعدها شلون اجت
حركت السيارة بالطريق رجعت صورتها بعيني هاي شلون صايرة شنو الجمال شعرها ليش كاصتة اووف لو يمي بس لو اكدر اتقرب
- الو
- الو هلة بهل صوت وينك مختفي
- موجود اكلك عندي شغلة اتسويلياها
- ها اجازة
- لا راح انطيك اسم وتشوف انقبل بقسمنا لو لا
- ماشي عيني
- ايفين ....................
- دقيقة .. اي مقبولة مرحلة اولى شعبة a
- تمام تسلم

شلون حظ هذا صدك جذب معقولة متدري اني هنا لو شنو وضعها
داومت ثاني يوم اريد اشوفها
- هاي منو سيف لا ممعقولة البارحة واليوم اداوم لا
- هههههههههه ميصير
-لا عمي على راسنة
ضليت كاعد اراقب داير مدايري اريد اشوفها
اجتي تتمختر هي وملابسها ابتسمت على شكلها شكد متغيرة وشكد جميلة من شفتها اتقربت حتشوفوني حاولت اوخر عيوني عنها دقايق واني كلبي يدك بقوة واصارع رغبتي اريد اروح واحضنها بقوة  كلت اكيد راحت بس
- سيف اكلك تعرف هاي الابنية
- منو
رفعت راسي شفتها اتباوعلي بتركيز فضيع احسها مو بوعيها صافنة
- لا يمكن مخربطة راح اروح اشوفها
كمت وضليت اتقرب الها اكثر وكلبي يدك اخ لو اكدر اسوي الي ابالي هسة
وصلت يمها اشتميت ريحتها واحجي ويه نفسي
مشتاقلج كومة
شنو هذا الجمال ليش هلكد حليانة
ليش لابسة هيج واتخلين ذولة يباوعولج
شدعوة حمرتج هلكد طوخ
ليش عطرج حلو هلكد
ما اشتاقيتلي
- شكو اتباوعيلي 
- تعرفيني ؟  
-سيف
-روحي من وجهي
خطيبته تحجي
-سيف حبيبي شدسوي هنا
يبو انوبة اجتي هاي
- منو هاي 
- ابنية مخربطة عبالها واحد لاخ
- اها ديلى حب امشي
اعرف الي صار كلش صعب على ايفين منها نكرت معرفتي بيها ومنها هاي ما اريدها تتاذة بس الي صار  صار
- حبيبي وين شارد
- هيج
- بابا كلي اعزمك اليوم على العشة
- هممم
- شبيك ممهتم المفروض تفرح
- شتريدين اكمز
- على الاقل اتبين الفرحة بعينك 
- على العموم حتشوف حبيبتك بالبيت حلبس فستان يجنن احمر من دبي جبتة
- اي
بالكوة خلصت منها ضليت ادور بعيوني على ايفين ماكو اختفت بلكت اتكون بخير 
خلص الداوم واني مشفتها  رجعت للشقة سبحت رحت على الجرباية
اخذت نفس جبير 
- اخ
اذكرت شكله وابتسمت  شكد متغيرة
- اخ شكد ابدي اكسر الدنيا واخذج الي واضمج من عيون الناس
غمضت واني افكر بيها واتخيلها كبالي
كعدت ثاني يوم على رنة التلفون
-ها حسن
- سيدي متجي البضاعة حتشحن
- لا بس اريدك تنتبه على الكل اريد اعرف الجاسوس منو
- تامر
يا شحنة هاي اني عندي مصيبة لازم اشوفها
داومت   اول مطبيت شفتها كاعدة وياها ولد وتتبسملة هاي صدك تحجي
احس جسمي يفور بالكوة لزمت روحي ورحت بعيد  ضليت اراقبها عن بعد
همزين ماطول وكام
شفتها كامت راحت للقاعات الدراسية يمكن عدها محاضرة اني هم رحت لجماعتي   مر الوقت علية بالكوة منتضرها تتطلع اريد اشوفها شدسوي شنو يومها ويامن تمشي كلشي عنها
  شفتها طلعت وحدها وتمشي بطئ راحت للكافتريا
-   يلى للكافتريا نشرب شي
- ماشي
رحنا اول مطبينا ازدحام  شفتها كعدت  وحدها
هسة حعاقبج 
كعدت مقابيلها بس
-حبيبي ! شعدك هنا
كمت ورحت حجيت وياها
- شجابج
-ردت اتغدى وية البنات وشفتك اكيد اجي شبيك
-روحي جماعتي هنا
-سيف والله اذا مسكتت هسة اسوي شي ميعجبك
وكعدت وضلت اتسولف وية جماعتي
رجعت اباوع لايفين بس ماكو مغمضة مشترية بس جاي خاف بيها شي ضليت اباوعلها اجوي صديقاتها  
واخيرا التقت عيونا باوعتلها اتمنيت ابتسملها
-عليمن دتباوع
شفتها كامت
-يبو الله يصبرج يا روح
حجت حجيها ما اكدر ااذيها كدام ايفين ولا اكدر ابقى اسمع حجيها
جريتها بالكوة ورحت
-امشي كدامي
طلعنا برة الكافتريا
- انتي شنو والله لوما الناس جان دفنتج هنا
- متكدر
اتقربت عليها وعصرت جتفها
- لتتحدني والي خلقج ادفنج ومحد يسال عليج  افتهتي لو لا مو اني الي تعلين صوتج بوجهة ولا متسمعين كلامة
دفتهمين الي اكولة
- سيف هاي شبيك مو قصدي بس شفتها اتباوعلك وانت هم ردت اموت شنو ما اغار عليك اتريديني  وبعدين ما نسيت الي سويتة البارحة يعني اني متحضرتلك وخابصة روحي واكل ودنيا وابوية لغة مواعيدة عمودك بالكوة ضمضمت على ابوية
- روحي من كدامي بسرعة خلقتج ما اريد اشوفها  
- سيف
- اتحركي
رجعت لجماعتي شفتها ماكو اخذتهم وطلعت مالي نفس الدنيا مسدودة بوجهي هم يحجون وهوسة واني كل عقلي هي نظرتها سكوتها دموتني اكثر من موقف وهي مالها حس اتضل ساكتة هاي مو ايفين

من دفعني عنة حسيت بكمية غضب اريد انفجر
- انت شبيك مخبل بالبداية سويت روحك متعرفني وبعدين اذبولي حجي  واخر شي تجي هاي ال    تعيط وتصيح انتو منو شلك علاقة بية او بحياتي اروح وية الي يعجبني وية الي اريدة انت مالك دخل

بية مالك دخل 
باخر كلامي جنت اضغط على الحروف
اتغيرت عيونة وجهة ظلم بدة يتقدم علية
- اني مالي علاقة بيج اني ما ادخل
رجعت ليورة
- اي انت
- شنو رايج اني الي دخل بكل شي
- مالك حق ولا الك دخل اني مو مخربطة بيك اني مو ما اعرفك انت مو خاطب وحبيبتك اتغار عليك بعد شكو
- دسوي حركة هنا وشوفي شسوي بيج وربي
- مو بكيفك تفهم لو لا
- بكيفي لتكليلي مو بكيفك لا اكسرة لحلكج والله
شفتة قريب علية وايدة ضاغط عليها اذا افتح حلكي والله يضربني خفت منة وبنفس الوقت ريحتة سطرتني غمضت واشتميتها اجة ابالي كلامة
- شنو قصدك من كلت دست على كلبك شنو قصدك من كلت حطيت ركبتك بايدة عمودي
فجاءة حظني وصرت اسمع دكات كلبة
- مالج علاقة
صوتة هادئ  خدرت ما اكدر اتحرك بس ما اعرف ليش اجتي ابالي خطيبتة دفعتة عني وخرت شوية ضل لازمني
- انت مو خاطب وخر لو ناوي تلعب بية
- ليش كاصة شعرج
- شلك علاقة
لزم زندي حيل
- ايي وخر
- اني مو كلت الي دخل بكلشي
- هاهية وخر عوف
خفف ايدة
- انجبرت مثل منجبرت على كومة شغلات
- شنو يعني انتي متحبها ماكو شي بينكم
- ويهمج
حسيت ما اريد اضيع هلفرصة مني ابد 
- طبعا
- اتحبيني ؟
باوعتلة بعيونة كلبي يدك براسي وما اعرف ليش بس عيوني دمعت
- عيونج تحجي كلشي
مسحتها
- كلشي متحجي
- احبج ومشتاقلج واريدج واعشقج واغار عليج
- سيف
- والله حتخبل من وراج  كافي اتاذيني
- اني ااذيك
- اي انتي دمرتني لا ليلي ليل ولا نهاري نهار لا اكل ولا اشرب من شفتج ليهسة مصايب الدنيا على راسي كلها
- المفروض اني احجي هلحجي ليش طلكتني ليش اتخليت عني
- والله مو بيدي اخاف عليج من الهوى شلون اذا اني اكون سبب اذيتج او تموتين بسببي
وخر عني بسرعة وابتعد عبالك جان دايخ وصحة على نفسة 
- انسي الي كلتة انسي كلشي لتذكرين شي  ابد افتهمتي لو لا

👄👄🖤