أخذه قوي تركه ضعيف

Part 46

- استفزي للولد
- يووه يارا شبيج انتي الخ الولد باوربا وجاية اتكلي استفزي
- ومنو يكول باوربا صدك
- ميجذب
- يجوز حتى ليخليج تتاملين على الفاضي
- انتي متعرفين سيف
- وهاي انتي للي تعرفي حتى متندلينة وين ولا حتى رقمة
كلامها  صدك بس بنفس الوقت اني متاكدة هو مثل مكال 
- هوفففف زين اكلج لنفرض هو برة شلون نكدر نجيبة
- اول شي نتاكد هو برة لو بالعراق
- وشلون
- بسيطة شوفي تذكرين الفستان الاحمر مالج
- شبي
- البسي وحطي مكياج والبسي كعب وسوي شعرج تمام ؟ ومن اي احد يتقربلج شوية اضحكي ابتسمي يعني شوية بادلي
- اي!
- اي وهو محياذيج ولا يحجي وياج حتى ليبين انو مهتم بس حيدز احد ياذي الولد ويحذرة ميتقربلج وانتي شوفي الولد ثاني يوم اذا مضروب واذا يتفاداج وسوي فلم علي وكليلة ليش تتجاهلني وليش متحجي وهيج يعني واعرفي
- انتي اتباوعين افلام هواية
- لا ايفين والله على الاقل تعرفين صدك هو يراقبج يريدج موجود لا انتي كلشي متعرفين على فجاءة يجي وفجاءة يروح وانتي الوحيدة الي دتتاذين شوفي روحج بالمراية شلون ذبلانة شلون وجهج ما بي حياة حتى ملابسج
- كالي كالي ليش الوردة ذبلانة
- اوي اسم الله  عساس ميعرف هو السبب
- هو هم يتاذة بس هلمرة صدك ما اعرف ليش خلاني يارا احنا اتفقنا على الزواج وجنا محددين شوكت يحجي وية بابا  بس صار الحادث وكلشي اتغير نمت كعدت لكيت روحي بكابوس بدون سيف
نزلت ادموعي وية كلامي
- ايفين من شوكت دمعتج تتزل بسرعة 
- شكد حاولت اتصل بي اوصل الة بس مكدرت وملكيتة  ومن ذاك اليوم لهل يوم مسامعة صوتة ممطمنة علي حي ميت والله مرات افز من الحلم اشوفة ميت افكر مليون تفكير انو كتلوا وراية وارجع واكول لا هو دزلي مع السلامة زين ليش شنو سويت اني شنو سويت ليش هيج حظي اني

ضليت اضرب على رجلي نار وشبت بكلبي ضلت يارا تلزمني بس مكدرت حظنتها وضليت ابجي بحظنها
- شلون يارا شلون تنحل الله يخليج تعبت اني
- الله كريم يعمري الله كريم شو باوعيلي اهدئي وخلي انفكر صح خابري اوصليلة باي طريقة واحجي ويا مرة ومرتين الى ان تفهمين منة  حتى تعرفين شنو النهاية
- ما اريد نهاية اريدة هو تعرفين شنو معنى اريد
- ايفين اذا مو من نصيبج كافي لتعذبين روحج ريحي نفسج شوية
سكتت شوية وهدأت ضليت بحضنها
- تدرين شنو احس وهو يمي الامان الراحة السعادة من اكون بحظنة ريحتة  اتخليني بغير عالم
- زين ايفين انتي مو اتكولين اعترفلج وحاجين على زواج ليش جان يهدج وليش هدج هسة
- عافني لان ميريدني اتاذة بسبب ابو ومن قبل ابو
ما ادري شنو صار ومنو دعمني واني متاكدة هلمرة عافني لنفس السبب
- والحل ايفين والحل
- ما ادري والله
- زين عوفي يجوز ما مقسوملج وجديات ايفين كل ما يتقربلج تتاذين شسوين بي
كلامها هذا ميهني الي يهمني

اطمن علي واعرف وين هو وشلونة والاهم نصير سوة
خلص الدوام ورجعت للبيت
- شلونج يمة
- الحمدلله
دا اصعد
- تعاي اريد احجي وياج
رحت وكعدت يمها
- ها يمة كولي
- انتي شبيج والله كليلي ماما شنو يوجعج ليش هيج ذبلانة ليش وجهج اصفر وينها الابنية الي بس تضحك وكالبة البيت بالبداية كلنا لان طلعتي من حالة بس الله يعلم بيها وتحتاج وقت ورجعتي الحمدلله تضحكين واتلبسين ومهتمة بروحج بالجامعة كلنا الحمدلله رجعت ايفين بس من طلعتي من الحادث ليهسة انتي متغيرة ليش كليلي
- ماما
- انتي اذا عبالج احنا ممنتبهين انتي غلطانة منتبهين كليللنا واذا اكلج الصدك اني افكر اكو رجال بالموضوع انتي حابة احد ؟
استحيت منها وبنفس الوقت اتمنى اكللها بس ما اكدر
- هههههه لا ماما بس تعبانة اتراكمت علية الدراسة واحس حرسب هاي السنة
- مو مشكلة ارسبي اهم شي اشوف ضحكتج بهل بيت والله اني ما عندي غيركم انتي واخوج والي صار مو قليل ما اريد اتاذة اكثر
كمت حظنتها وطبطبت عليها رغم اني الي محتاجة احد يطبطب علية
- لتخافين علية اني زينة والله واذا صارلي شي اني اجي اكلجيا صدكيني
عفتها وصعدت للغرفة ذبيت روحي على الجرباية  غمضت عيوني
- يا ربي شنو اسوي اسمع كلام يارا واعوفة لو شنو اسوي كلبي ياذيني ياربي ريحني
اذكرت سجلت رقمة رحت جبت التلفون ورجعت كعدت كلش مترددة ادك علي شلون اذا ما رد شلون شلون اذا عرفني وغير رقمة بعد ما اكدر اوصلة شسوي 
دكيت صوت الرنة احسة يدك بكلبي يارب يجاوب يارب يجاوب 
ماكو محد رد رجعت دكيت مرة ثانية هم محد جاوب
ضليت الوب ادور داير مداير نفسي رجعت ورة ساعة دكيت مرتين وانفتح الخط
- الو
- منو
جان صوت ابنية اتخربطت كل مشاعري كل مشاعري صارت غضب
- منو انتي ؟
- عيني احجي بسرعة شتريدين
- هذا تلفون سيف
- تلفونة بس هو ما موجود ميكدر يرد هسة
- شوفي اذا هو متفق وياج تحجين وياية ابدالة فخلي يبطل هلشغلات محتاثر
- ايفين ؟
- منين تعرفيني ؟
- ايفين مو اني نور بنت خالتة لسيف هسة اني ما عندي وقت احجي بس حاخذ رقمج  واحجي وياج
- سيف وينة
- حالتة كلش مو زينة وهو بالمستشفى هسة