أخذه قوي تركه ضعيف

Part 49

- الساعة ابيش عمود اوديج ما اريد اهلج يحسون بشي
- دزيتلهم من زمان اني ابيت يارا
- شوكت
- من جنت تسبح
- تمام
ضل يمسح على شعري كمت من حظنة وصعدت يم راسة ومسحت على راسة
- ليش
- اني المفروض اهتم بيك مو انت
- تعاي خلي اشبع شوية
نزلت صرت بحظنة 
- تعبانة اني
- ماشي
اتمددنا على الكرويتة حظنتة وغمضت عيني شوية ونمت
كعدت باوعت ماكو  بصفي وين راح  كمت طبيت بصف امراية عدلت شعري وطبيت للغرفة نايم بالجرباية ليش نام هنا كلش انزعجت صعدت على الجرباية وحاولت اطب يمة بحظنة
- خليني  نايم
- ليش هنا نمت
- المكان ضيك ميكفينا
- سيييف وخر خلي اصير بحضنك
التفت للجهة الثانية ولا كانو رحت للجهة الي هو بيها وضليت العب بي لزم ايدي ديوخرني عنة
- كوم خلي انسوي فدشي
جرني وصرت فوكا جسمي على جسمة باوعتلة عيونة مبتسمة
- شكلتي انسوي ؟
دا اكوم هو مجلب بية
- هد
لزمني اكثر وصرت اقرب الة
قرب وجهة اني راسا لفت راسي
-هد سيف
- باوعيلي واهدج
- ما هدني
- كيفج اني اكيف ابقى هيج
لفت علي راسا صارت شفتي على شفتة
- لتعانديني
يحجي وشفتة على شفتي ما اعرف شنو حسيت بس عبالك معدتي حطك تنغزني وكلبي معصور عصر ما اجة على بالي شي غير انو استغل الفرصة

وخرت عنة  وحضنتة

ضل يمسح على على ظهري 
- الله عليك شلون اتحملت كل هلفترة بدوني اني ردت اموت وانت بعيد 
- ايفين  مرات من كثر متحب البشر ابدك ميتاذة ولو شعراية
- بس
- اششش خليني اكمل من كلتيلي كلامج انو اناني وانو افكر بس بنفسي وبشعور الذنب انتي غلطانة اني انجبرت اسافر بوكتها مكدرت اهدج بالمستشفى لاخر ثانية بس اختي جانت على حافة الموت وبالمختصر رادوني اشوفها قبل متموت كلبي انقسم بين اثنين معرفت شنو اسوي سافرت واني عقلي هنا خليت داير مدايرج عيون حتى اعرف كلشي عنج
العذاب الي شفتة وانتي مو يمي صعب بس مو بصعوبة انو انتي ميتة منى من ماتت جنت اموت باليوم ستين موتة لان هي مو بحياتي لا ضحكتها ولا صوتها واذا اشتاقتيلها ما اكدر احضنها او اتقرب منها   شعور الذنب جان ربع عذابي بس الاكبر جان فراقها كلش صعب ومكدرت اعبرة الة وياج
- انت بعدك اتحبها
- اني مكلت هلحجي حتى اتغارين واتضوجين او اتفكرين اني بعدني احبها اني مجرد اريد افهمج الي كلتي
غلط وماكو شي منة صحيح  ومنى شي جان بالماضي وراح حتضل ذكرها الطيبة بس حبها راح واجة حب ابدالها والي هو حبج
- تحبني ؟
- احبج 
- اني هم احبك هواية انت الاول وانت الاخير
- يلى كومي 
كمنا اني ويا سبقتة ورحت للهول شغلت التلفزيون   وكعدت اول ما اجة قبل ليكعد
-سيف سيف انزل جيبلي حبشكلات
- لا والله
-حباب جوعانة
باوعلي بنظرة وبعدين التفت راح للباب
-شغلات طيبة عود ههههههههه
فرفرت بالتلفزيون  ماكو شي بقيتة على مسلسة وضليت اباوع حسيت انو طول كمت رحت للشباك ادور علي ماكو حتى سيارتة ماكو
رحت للغرفة للتلفون دكيت محد يجاوب ادك وامشي وصلت للهول سمعت هزة لكيت امبقي التلفون  بالبيت قلقلت بس ضليت اهدئ نفسي
اول مفتح الباب وشفتة ركضت حضنتة
- شبيج 
-  وين رحت وحتى تلفون ما عندك
-شوية وخري خلي اطبب الغراض واحجي
وخرت بس ضليت امجلبة بتشيرتة حط الغراض
- هههههه وخري ايدج شنو حطير
- اي حطير
-شو تعاي
شالني حطني على الكاونتر 
-انت شنو انت ها شسوي وياك انت جنك نونو مجلب بامة
يحجي وكرص باخدودي
- وخر هدني عوف
- هههه رحت جبتلج غدة طيب لان جوعانة واني جوعان وكلنا جوعانين خلي ناكل حتى كلمن يروح لبيتة
- ما ما اروح لبيتي
- ليش ما
- اخاف  اتروح
- وين اروح
- شمدريني
- ابقى وياج على الخط
- اذا هيج اوكي
طلع الاكل من العلاليك
- تعال نزلني
- انزلي انتي
- تعال نزلني
مديت ايدي مثل الجهال دائما استخدم هذا الاسلوب وينجح ويا
اجة شالني ونزلني اني جلبت بخصرة ضليت حاضنتة هو يتحرك واني اتحرك ويا وين ميروح اني ويا
كعدنا اني ويا اول ما يريد ياكل لزمت ايدة وبالايد الثانية اشرت على حلكي
غمض عينة مثل الي ديكبح غضبة
ووكلني
- امممم طيب
اخذ مرة لخ هم لزمت ايدة
- دخلصي الي بحلكج اول شي
- وشدعواك انت هلكد منزعج
لفت وجهي عنة اريد اضوجة
- ممنزعج شو تعاي شنو زعلتي
- لتحجي وياية
- شو باوعيلي ولج
التفت وابتسمت بوجهة
- ضلي هيج
- يلى اااا
وكلني وخليتة ياكل هو هم  ضليت اباوعلة احس صفنت بي
- مو كلتي جوعانة
- اي
- دكلي
- ها اي اي 
اكلنا ورة شوية
- يلى ايفين
- وين ؟!
- ايفين
- شوية بعد
- ماكو يلى
كمت حضنتة
- عفية  عوفني شوية هنا
- ايفين وخري ..... يلى
وخرت عنة ورحت بضوجة اخذت جنطتي وغراضي وفتحت الباب ضليت ادوس قوي على الكاع اريدة يحس صعدنا بالسيارة واني مغندبة علي ضليت الطريق كلة بداخلي حجي هواية خوف من اختفائة وخوف من تغيرة باوعتلة
والله خبلتني ما اكدر اضمن باجر  رجعت التفت على الشباك كل ما اقترب من البيت كلبي يدك اسرع اول موصلت باوعتلة زين كانو دا احفظ شكلة ونزلت وهو حرك اني دا افتح بالباب وتلفوني دك
- يوه مو وكتك
طلعتة رقم غريب فتحت الخط
- الو ؟
- مو كتلج انضل سوة الى باجر
- هههههه منسيت
- لا طبعا اني وعدتج
-راحت ضوجتج ؟
-دقيقة حلي افوت

-هلو ماما
-هلو عيني هاي شنو صايرة اتروحين وبس رسالة يمةةة اني ابيت يارة
لا بالله شفاتحين احنا هنا فندق
-يمة يمة على كيفج
- ماكو بعدد هلسوالف اذا رايدة اتروحيلها اتكليلي قبلها وبعدين هي ليش متجي ها ليش بس انتي
-مو اني عدي اخ هي ما عدها
-هااا خوش حجة روحي اصعدي لغرفتج ومتتكرر هاي
-يمة فوديتج حياتي لتزعلين
-يووه بدت اللواكة روحي اصعدي حاليا اني منزعجة منج
-هههه تمام
صعدت فوك بس شنو فشلانة  اكيد سمع كلشي سديت الباب وكعدت على الجرباية
- سيف
- هههههههه والله ضحكتني امج تستاهلين والله
- اووه كافي
- اشش خلي اضحك احسن يعني بعد متجين اوف شلون حخلص
- سيفف
- عيونة
- لتكول عيونة والله اذوب

- شكول كلبة عقلة نفسة
- كااافي ... وين انت
- دا اسوق
- وين حتروح
- للشقة
- اكلك صحيح لتروح لخالة بدوني
- بصفتج طليقتي
ضجت من حجايتة كلش
- اشاقة وياج حبيبي لتضوجين
- اوك اوك دمك خفيف
- فدوة للضايج .. وها اها وصلت لمنطقتي وهسة للعمارة .... وحاليا دا اطبك السيارة نزلت من السيارة صعدت بالمصعد
- ههههههه
- هسة بالشقة وراح اروح للغرفة اتمددت على الجرباية
- محتبدل
- افتح كامرة ؟
- سيف
- تمام تمام
ضلينا انسولف سوة هواية شسوة بالمانيا جنت متوقعة متونس او شي اثاري مكضيها بالشقة والمستشفى وسولفتلة على الكلية وشصار وياية
- سيف
- همم
- نعست؟
- يعني
- اغنيلك ؟
- ماشي
غنيتلة نفس الي غناليا 
- بصوتك احلى مو .... سيف سيوف سيفو
نام وضليت اسمع انفاسة هدوئة اتمنى اسجلها ما اعرف شلون بس اسجلها نمت اني هم وعلى وجهي اكبر ابتسامة
كعدت لكيت الخط مسدود دكيت علي
- صباح الخير
- صباح العافية يلى كومي بدلي حتى اشوفج بالكلية
- اوكي

من كعدت شفت التفلون مخلص شحن حطيتة على الشحن وطبيت سبحت وبدلت دكت علية مثل متوقعت
ركبت سيارتي وصلت لبيتهم شفتها طلعت مم البيت وصعدت الخط صحتها احسن واحسها فرحانة حركت سيارتهم
شفت ابوها طلع وصعد بالسيارة نزلت من السيارة دكيت الشباك علي
- السلام عليكم
-

سيف !!!
-
شلونك عمو
جانت كل علامات الصدمة على وجهة
- عمو اريد شوية من وقتك نشرب بي كهوة
- ليش
- هسة تعرف الموضوع
رحت لسيارتي صعدت وحركت شفتة هو وراية رحت للكرادة لمقهى اعرفه كلش هادئ
نزلت من السيارة ورحت علي طبينا سوة كعدنا
- نعم ؟ اتفضل ابني
- الحمدلله انت كلت ابني يعني خير ان شاء الله
- ان شاء الله
- عمو اني ما احب اللف والدوران حطب بالموضوع
- يكون احسن
- انت تعرفني اني منو وسويت كل الي وعدتكم بي خوش كلام ؟
- خوش
- اني هسة جاي اخطب ايفين منك
- تخطب !
- اي اخطب انت الي متعرفة اني ابن الوحش اكيد تعرفة
- ابنة ؟!
- اسمعني للنهاية اني ابنة وانت تعرف اني عكسة تماما اني جنت مجبور اشتغل ويا ومن شفت ايفين ساعدتها بكل الطرق بدون ما افكر باي مصلحة او اي شي عدي وياها بس بالفترة الي هي وياية هواية امور اثرت بيها علية محسيت بكل ذني الة من اختفت من حياتي حسيت بمكانها الفارغ بحياتي
- لنفرض حجيك صح انتي وين جنت بالسنة ونص
- اني عدي اخت بالخارج مريضة والحمدلله صارت احسن واتعالجت مجان عدي مجال لنفسي
- وتتوقعني اقبل انطي بنتي للوحش او ابنة !
- الوحش مات واني اخذت حريتي وحياتي
- من كدرت تبقى بدون ايفين سنة ونص تكدر اتكمل حياتك بدونها

👄👄👄