أخذه قوي تركه ضعيف

part 11

اخذه قوي تركه ضعيف -
#بارت  11 -
                                   
                                         

- اني كتلك ما بيني وبينها شي
- الشغلة مو يمك ولا يمي هاي اوامر وراح انفذها
ابتسمت بوجهة وكمت طلعت سلاحي وحطيتة على راسي
- ابقى وحدك طول عمرك ماطول اتحب الاوامر هلكد
وكف
- نزل السلاح دا اكلك نزلة
نزلتة سحبت اقسام ورجعتة
سحب تلفونة
- عوفوا ياخذها  (سد التلفون) لا عبالك فزت علية
عفتة وطلعت رحت للغرفة فتحت الباب شفتها كاعدة من شافتني ركضت حضنتني
- راح يكتلوني مو مو راح يبيعوني مو لتخليهم سيف سيف حباب اه
- اشش ماكو ميصير شي تعاي وياية تعاي
جريت ايدها وطلعت من المكان وصعدتها بالسيارة
- شنو صار ليش خلوني اطلع
- حجيت ويا وحليتها
- شنو حجيت بحيث طلعني
- عوفي الموضوع
وديتها للشقة وصعدنا كعدنا بالصالة
- ليش موديتني لاهلي
- عبالج هاهية كلشي انتهى بعد ورانا هواية
التفت علية ولزمت ايدية
- راح تحميني مو راح تبقى وياية ؟ مراح اتهدني مراح ياذوني
جانت تبجي
حضنتها
- معرفتج ضعيفة وجبانة هيج
- تعبت سيف تعبت
- لتخافين اني وياج ومراح اهدج للنهاية لحد ما توصلين لاهلج
كامت من حضني
- تزوجني ؟
- شنو
- اعرف طلب غريب بس اتزوجني هيج محد راح ياذيني
- ايفين
- ميحتاج ترفض هسة فكر بالموضوع فكر انو راح تكدر تحميني بس بهل طريقة

                     

كمت وعفتة اعرف سطرتة بهل شي بس من اخذوني هناك كلت اذا ضليت حية راح اكلة هلشي لان اني كعدتي ويا حرام كلشي ديصير واذا صرت مرتة محد منهم يتقربلي اني الموت عادي بس ذولة يريدون يتاجرون بية اعرف هلشي اناني ودا افكر بنفسي بس اريد اعيش اريد ارجع للبيت لاهلي

                     

الي كالتة اذا فكرت بي صح من ناحية اكيد محد يتقربلها اذا صارت مرتي وابوية مراح يكدر يبيعها او يسويلها شي
بس 
ضلينا هذا اليوم هي بغرفتها واني بالصالة اجاني اتصال مهم وطلعت من الشقة

                     

كعدت من الحلم خايفة طلعت من الغرفة اريد اروح يمة
رحت للصالة ما موجود دورتة بالشقة ماكو حاولت ارجع انام بس مكدرت شغلت الاضوية والتلفزيون وكعدت انتظرة
كعدت الصبح دورتة ما موجود
- اتوقع عرفت قرارك وهسة الدور علية اقرر
كمت اكلت وبدلت وطلعت من الشقة حاولت اتختل بالشارع وانتبه حتى محد يراقبني
قررت انو ما اروح لاهلي ولا للشرطة عرفت المنطقة الي اني بيها ما عندي فلوس اخذ تكسي شفت مرة اتسوق هستوها طالعة من السوبر ماركت
- السلام عليكم
باوعتلي من فوك ليجوة
- وعليكم السلام اتفضلي
- عفية اني مضيعة جزلاني وما عدي فلوس اخذ تكسي  اريدج بدربج اذبيني
- اسفة لا

                     

عفتها ورحت انتضرت مرة لخ شفتها كلت بلكت
رحت نفس الحجي بس هاي مرة جبيرة بالعمر صعدت وياها وذبتني بدربها
ضليت امشي الى ان وصلت لبيت صديقتي دكيت الباب
- ايفييين
- يارا
حضنتها وبدت تبجي
- ولج شصاروياج
- دخليني وبعدين
دخلت وكعدت واجت امها سلمت علية وبعيونهم مليون علامة استفهام
- يارا اني هربت منهم بالكوة
- حبيبتي الف الحمدلله خلي انروح لاهلج لعد انطمنهم
- لا لا
- ليش
- لا ما اكدر اهلي هسة مراقبين وبس اوصل لهناك راح يلزموني
- الله لا ينطيهم شراح اتسوين
- ارتاح هليوم ومن باجر اخطط  للي اسوي بس ما عدي غيركم
- لتخافين ماما احنا وياج حبيبتي كومي يارا خليها ترتاح
- لا خالة خليها يمي
- زين متتصلين باهلج
- لا ذولة ما استبعد  حتى التلفونات مراقبيها
عافتنا وبقيت اني بحضن يارا هي تلعب بشعري واتسولفلي شصار بغيابي وشكد صديقات يسالون علية
- جان اكو ولد حلو
- ياااا سولفيلي ولج ضامة علية
- ههههههه اي فد واحد حلو كلش و هو حماني منهم فترة
- الله مثل المسلسلات
- اي بالضبط امداج حياتي صايرة فلم هندي
- ايفين شراح اتسوين هسة
- عندي فد فكرة براسي بس خلي تضبط وانفذها
- الله كريم