اول مرة اكون بصف سيف ومتوترة هلكد اول مرة احس بمشاعر مخربطة خوف توتر سعادة حب هوسة هوسة انتبهت على الناس اتباركلي كرايبي وصلوا وبدوا يسلمون علية شفتة كام مكدرت احجي ويا او اكلة وين رايح
التهيت وية الناس صديقاتي اهلي
- يارا عفية بس انطيني تلفون
اخذت تلفونها ودكيت رقمة
- الو
- سيف وين رحت
- ايفين شبيج حبيبتي كلها نسوان شلون ابقى خلي كلها تجي وتبدي الحفلة اطب عمود البسج الحلقة
- ماشي حبيبي
سديت الخط وكعدت كلها اتسولف واني وحدي بدت الحفلة وطب سيف كعد بصفي
- شنو هذا العرك بس لا مستحي
- اشششش
- ههههههه
.
.
.- رجلي
- نعم
-وين حتعشيني
- مرتي وين اتريد تتعشى
-اتريد الصراحة اني ميتة جوع اليوم بالحفلة كلش ما اكلت
- وانوبة ركصتي
- اوه كتلك لتذكر هلموضوع بعد
- انو ركصتي
- سيف طبعا هما اخليهن وحدهن يركصن كبالك اركص اني احسن
- هههههههههه
- اي فدوة لضحكتك شنو هلضحكة
اخذ ايدي وقربها لحلكة
-احبك
- شكد
- اوووووه
- هههههههههه يلى خلي ننزل ناكل لان حموت جوع
- سيف الجوعان سيف الجوعان تدري شنو اكل هواية حتى يصير عدك خدود
- شتسوين بالخدود
- حتى اكلهن
نزلنا من السيارة طبينا لمطعم كلش حلو سيف جان محاوط جتفي بايدة احب هذا الشعور من يكون محاوطني المطعم ازدحام وناس طالعة وناس طابة وجنت اتحرك يمنى ويسرى اكيد بفضل ايد سيف
كعدنا بمكان بعيد كعدت مقابيل سيف
شوية وكمت كعدت يمة
- شعدج هنا
- اكعد يم رجلي
- تعاي هنا تعاي
دخلت بحظنة
-هههههههه
- ها عاجبج المكان
- شلون ميعجبني
اجة النادل حطلنا المنيو وراح
- سيف تدري اختك كلش لطيفة
- اذا اتعرفتي عليها اكثر حتحبيها بس عدها شغلة وحدة
- شنو
- اذا اتحبج متبين هلشي ابد ممكن تحاول تخبث عليج ممكن اتضوجج بس هي اتحبج واتحاول تتحارش بيج حتى تحجين وياها
- ليش هيج
- هي انحرمت من الام والاب والاخ والبيت المستقر متنقلة من مكان لمكان لهذا معاشت بحنية وانوبة اتمرضت ضلت اتقاوم المرض يوم تغلبة وعشرة يغلبها تعبت هواية واني مجنت موجود حتى اساعدها
- حبيبتي
- فلهذا اغلب مشاعر الحب متعرفها تحتاج هواية يلى تتصرف بطبيعية اكثر
- تعرف شنو اني هواية حضل وياها اعلمها على المكياج والملابس واساعدها بالدراسة وكلشي
- راسا مكياج شبيج انتي مو خوش معلمة مالج علاقة باختي
- سيف انت بنية ؟ لا لهذا متعرف شنو البنات الي يحبوا اني حونسها واخذها للكلية هم حتى اتشوفها واحاول اخل عدها صديقات كومة ونشتري ملابس سوة اوووي كومة شغلات انسويها سوة
- ههههههههه مخبلة
- اني ما عندي اخت جنت هواية اتمنى اخت حتى اسوي وياها كلشي ... شبيك تبتسم
- لا ضمنت سعادة اختي وتعاستي
- ليش تعاستك
- لان كل الي تحجين علي يرادلة فلوس وكلهن مني
- ههههههههههه
اجة الاكل ما اخذت ملعقتي ضليت
- ايفين جوعان والله اكلي انتي
- نو نو
- لعد لتاكلين
- متاكد
بدة يوكلني
- والله سيف مدا ابالغ الاكل من ايدك اطيب
- ها اوكي اوكي
أنت تقرأ
أخذه قوي تركه ضعيف
غموض / إثارةهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
