أخذه قوي تركه ضعيف

Part54

-اوووه
كمت طفيت المنبه اكثر شي يخبلني صوتة
وكفت كدام الكنتور المصيبة الثانية البارحة ملحكت احضر ملابس
- شراح البس  يووه هذا وصخ هذا لا هذا ذاك اليوم لبستة وين ملابسي هذا لونة حلو بس .... يلى خلي البسة
لبست ملابسي وكفت كدام المراية كعدت احط مكياج بس اليوم صدك مالي خلك مدري شبية احس مزاجي ابد محلو ومعاجبني شي 
باوعت على المراية للمرة الاخير
- اوكي لاباس بي

اخذت جنطتي ونزلت
- صباح الخير
- صباح النور شبيج
- ما ادري ضايجة
- هاي شلابسة
- ماما يعني اكلها ضايجة تكلي شلابسة
- كصيرة التنورة كلش
- ما بيها شي اجة الخط حروح باي
- باي

صعدت بالسيارة
- صباح الخير
- صباح النور هلة
خبصني التلفون
- صباح الخير
- صباح النور
- وين انتي

- بعدني بالطريق
- ماشي من توصلين دكيلي
- اكيد
اول موصلت القسم طبيت للكافتريا اخذت نستلة وثنين كهوة وطلعت شفت مسطبة فارغة رحت كعدت عليها
طلعت التلفون دكيت على سيف بس مشالة
- هلو ايفين
- ها هلو عيني
بنات وولد من قسمي ووياهم مصعب يبوه سيف شلون يحبة كعدوا يمي
مصعب - عادي اخذ الكهوة الثانية مو زين هلكد اتشربين
قبل ما اجاوب اخذها
- هههههه شبيك مصعب
- يول مو الها هاي للي شفناها ويا البارحة سيف الطويل الحلو مو ايفين
- وين اتريدين توصلين ؟
- ها شبيج مو قصدي شي بس دا اكلة المن الكهوة شبيج اتحسستي
اختنكت منهم اريد اكوم بدون شي اني ضايجة
- اكلج سيف سيف الي نعرفة ليش مو خاطب شيرين شلون يطلع وياج
- انتو ليش دسالون اسئلة خاصة يجوز هي متريد اتجاوب
ضليت ساكتة ما اعرف شنو ارد على هيج ناس
- اني مستعجلة حروح انتو كملوا الكعدة الحلوة
كمت اخذت جنطتي
- شنو زعلتي شبيج ايفين
- ايفين تعاي شبيج
عفتهم ومشيت سمعت التلفون يدك مشفتة منو اصلا مشيت بسرعة
- ايفين
من شفت سيف كبالي اجتني البجية ما اعرف ليش هيج احساسي وليش ضايجة رحت يمة
-انت ليش متجاوب ها ليش متجاوب
- شبيج حبيبتي
- لتحجي وياية
مشيت وعفتة اجة لزم ايدي وجرني كعدني على مسطبة
- شبيج باوعيلي شنو دتبجين
- لا بس ضايجة حيل من الصبح وانوبة ذولة طلعولي صفح وانت مترد كلش ضجت
- ههههههههه شو باوعيلي حبيبي
- وخر لتحجي وياي
- ههههههههه فدوة للعنفوصي شو ولج
ضل يرفع وجهي علي باوعتلة
- روح احجي وياهم هسة روح رزلهم يكلولي هو مو خاطب شيرين شلون يمشي وياج ويكولون اي منتضرة سيف الطويل الحلو اتخيل يتغزلون بيك كدامي فوك القهر يعني شكد مكروهين وانوبة هذا المزعج شرب الكهوة الي اني اشتريتها عمودك بدون ما اسمحلة اتخيل ومن ضوجتي عفت النستلة الي مشتهيتها والي احبها هناك واجيت شنو هايييي
حجيت كلشي بسرعة بسرعة
- اخذي نفس على كيفج خلي يولون اني هسة اروح اطيح حظهم شتريدين بعد والنستلة هسة اني اشتريلج اطيب نستلة وكهوة ونشربها سوة اما سالفة شيرين اني احلها ها حبيبتي شنو مضوجج بعد الة اذا شغلة ما اكدر احلها
- شنو شغلة متكدر اتحلها
- يعني دا احسج بالاسبوع الي يجي مرة بالشهر
- شلون عرفت ها لا شنو
- هههههههههه
اني شبية ثولة درت وجهي عنة مصدومة يعني هو مسواها الة من اني ضايجة واريد احجي ويا
- هي باوعيلي بابا انتي مرتي هلامور حتصير زلاطة
- سيف اكرهك
- ميخالف جيبي ايدج
اخذ ايدي ولزمتة
- سيف اريد النستلة
- يا نوعية هسة اشتريلج وحدة
- اريد كلكسي اتكون سادة بدون اي شي واريد كهوة ها واريد
- اي
- لا بطلت اني وراية حفلة لازم رجيم دقيقة احنا محجينا بالحفلة مدري شنو الهوسة الي مسويها انت