أخذه قوي تركه ضعيف

Part 43

احبابي القراء هذا البارت راح يكون مجرد كيف يذكرون الماضي لان راح نعيش وياهم الحدث الصار وهمه يبدون يسولفون شلون صار وياهم هالشي
اتمنالكم متابعه وقراءة شيقه
احبكم 😘😘😘

،اخذه_قوي_تركه_ضعيف

part 43
النداء الاخير على المسافرين عليهم التوجه الى البوابة رقم ٥
النداء الاخير .........

شاب ذو بنية جسدية قوية مرتديا الاسود حامل حزنه وكل علامات العزاء على مظهره متوجها لعالم اخر قد يتمناه الجميع لكن هو لم يتمناه يوما
- عفوا
-نعم
-وصلنا لالمانية
-ها اسف
اخذت غراضي ونزلت استلمت جنطتي وطلعت لكيت السيارة منتظرتني
- سيف شلونك
-هلو شلونج
-ماشية الحمدلله على السلامة
-الله يسلمج 
صعدت بالسيارة
- شلونها هسة
- والله وضعها مو زين ادعيلها
وصلنا المستشفى نزلت من السيارة دخلنا للمستشفى صعدنا بالمصعد اتوجهنا للعناية المركزة اتقربت من الشباك الي هو الحدود بيني وبينها وجها تعبان الاجهزة من كل جهة دگات كلبها ضعيفة
- شكد وقتها
- الاكثر شهر بس
-بس شنو
- خلي ندعي انو بهاي الفترة يجي شخص يطابق وية دمها
-طول هاي السنين محصلتوا هسة اتحصلون ؟
- سيف حكمة ربك بلكت الله يجي هلانسان الي يتوالم وية اختك
- اصلا بعد متفرق عندي
دك التلفون

- الو هلو ماما
- ها ماما شلونج شلونة سيف طمنيني
مشت ابتعدت عنة
- يمة شنو اكلج حالتة كلش مو زينة اظلم
- وينة هو
- ديباوع على اختة من الشباك
- ابقي ويا لتهدي ابقي هو محتاج احد ويا
- يوسف ليش ما اجة ويا
- اخوج اوف يكول سيف امنة امانة ميكدر يخلفها
- الله كريم لتخافين اني ويا واسامة هم هسة حيجي وسيف يحبة اكيد حيسمع منة
- كلبي يتكطع علي وعلى اختة خالتج امنتني عليهم واني مصنت الامانة
- يمة الي صار اكبر منج ومن اي احد محد يكدر يوكف بوجهة
- اخ يا يمة ديري بالج على نفسج وعلى سيف
- ماشي يمة مع السلامة

- نور
- اسامة همزين اجيت
- شلونة سيف ؟
- ما اكدر اتقرب منة مو سيف الي اعرفة نظراتة جامدة ما بيها اي مشاعر
- ماشي  روحي للبيت عمود ايفين 
- ماشي بيباي

حطيت ايدي على جتفة
- سيف
- ها اسامة شلونك
حضنتة
- تعال تعال وياية
- لا اسامة خليني هنا على الاقل اشوفها من بعيد
- سيف تعال وياية نشرب شي الوكفة محتسوي شي
اخذتة وياية ونزلنا للكافتريا رحت طلبت كهوة ورجعت
- شلونك
باوعلي ومجاوب
- سيف خلي املك بالله جبير كل امورك تنحل  لتخاف
- هههههههه اسامة ههه لتضحكني ما اريد شي بعد كل الي اريدة اختي اتكوم بالسلامة وهاهية
- باجر حتجي النتائج ان شاء الله خير
- ان شاء الله
ضلينا كاعدين الى ان اتصلوا بينا
- كوم سيف كعدت
- يلى
كمنا صعدنا للعناية  المركزة لبسوا سيف ملابس ودخلوه عليها
لبسوني شغلات كومة حتى بس اشوفها هيج هي ضعيفة ومتتحمل طبيت وصلت يمها
- حبيبتي بنتي
- سيف شو شوكت اجيت
- اشش لتعبين روحج عمري باجر ان شاء الله تطلع النتائج وتنحل كل الامور واطلعين منا على رجلج
- سيف ما اريد شي .... تعبت طلعني منا .....اريد اطلع اتنفس الله يخليك
تضغط على ايدي وكلماتها مثل الاسهام بكلبي
- اطلعين اطلعين واتشوفين وتحبين وانزوجج واشوف جهالج لتخافين
- سيف لتعوفني لتعوفني حباب لتخليني اموت وحدي هنا
- اشش متموتين لتكولين هيج
- اني مدا اتنفس صح شلون ما اموت
- اتهديني وحدي ؟ اتعوفيني وحدي  هنا مالي احد اني بس انتي لتموتين انتي هم حبابة
- محعوفك ابقى اجيك بالاحلام واشوفك من فوك
- لا لا اش لتكولين هيج خلي انعيش اني وياج وحدنا  هنا نطلع ونتسوك واوديج للمدرسة وكلشي اتريدي
- اريد...... اروح ...للمدرسة
صوتها يتكطع ونفسها يروح  وخوروني الاطباء طلعوني حاولت ابقى بس مقبلوا ركضت على الشباك
- لا لااا متهديني لتموتين لتموتين 
- سيف اهدئ سيف
- متموت متموت اسامة متموت
- ميصير بيها شي سيف
طلعوا الاطباء اجوي حجوا
- شكالوا اسامة شكالوا
- حالتها خطرة وهسة نامت منتضرين النتائج باجر وعليها نعرف شحيصير 
مسحت ادموعي
- اذا ماتت اني هم اموت
- سيف لتتخبل
- اني اصلا مخبل اني اصلا غلط عايش المفروض ميت من زمان كل الي داير مدايري يموتون كلهم يتاذون بسببي كلهم اني ليش عايش ها ليش عايش هم يموتون واني اعيش ليش
- انت مو السبب انت مو سبب موت احد افهم هلحجي
- لا اني اني لو ما موجود جان كلشي بخير وكلهم سعيدين اريد اروح يم امي اريد احضنها اسامة اريدها  مشتاقلها اريد اعتذر لمنى اكللها اسف اني اريد اموت
ضربني راشدي
- سيف انت سيف اصحة على نفسك اختك محتاجتك وهواية ناس محتاجتك   اصحة تتوقع امك ترضة بالي اتكولة انت هسة تتوقع منى تقبل بحالتك هاي وايفين اتعوفها اتعوفها ؟ اتعوفهم ينهشون بلحمها