أخذه قوي تركه ضعيف

part 31

بارت 31

- بعدهم
- اي
- حضر السيارات
- وبن سيدي
- للمقر
- امرك
اتوجهنا للمقر طبعا حماية هذا تارسة المكان وكفت السيارات التموا عليها ووجهوا الاسلحة علينا
-سيدي لتفتح الباب
فتحت الباب ونزلت وطبعا الحماية اجتي تركض
- اوكف عندك
-ابتسمت الظاهر ميعرف منو اني جماعتي رادت تهجم بس رفعت ايدي وكفوا
- خابر هذا الي جوة وكلة ابن الوحش هنا
خابرة ورة ثواني حسيت ملامحة اتغيرت
ابتسمت وطبيت للمقر وياية حمايتي صعدت لمكتب الوحش دفرت الباب وطبيت
- هلة هلة بابن الوحش هاي شنو غربة وادخل الحمايات واياك هما راح ااذيك اتفضل اتفضل
كعد هو بكرسي ابوية ضليت واكف
- ليش واكف اتفضل
- كوم بسرعة قبل ما افقد اعصابي
- هاي شبيك ليش ضايج
- ذهب كوم انت تعرفني زين اني ما اهدد راسا انفذ
- تمام تمام هو اصلا مقركم وهذا مكتب ابوك تفضل
يحجي ويمشي
رحت للمكتب وكعدت

- اي ابو ذهب سولفلي
- شسولفلك عيني مجرد ضجت وحبيت ابين للكل اني موجود مميت حتى يجي شخص ياخذ تعبي
- اها افتهمتك اي صح مميت كدامي حي ترزق ودا اسمع صوتك
بس اني اعرف الاحياء وخاصة الي حجمهم اصغير يخافون و صوتهم يصير ناصي
- اني صوتي دائما هادئ اصلا هذا طبعي بس مو معناتها اني مموجد والكل تاخذ حقي وتعبي
- هههههههه بس انت ما رفعت صوتك بس
- انت شاب وتعرف حماس شباب وحبيت اجي للجبير واشتكي على الي ديظلمني بس مع الاسف طلع الجبير هو الي ديبوك شغلي وتعبي
- اها افتهمت عليك اول شي من تحجي وياية اتكوم توكف متحط رجل على رجل
وهر رجلة وعدل نفسة
بصيحة
- كوم
- باوعلي زين وهذا الحجي محيتكرر مرتين اني لزمت الوحش عنك تدري جان انت بالكبر من البارحة تلعب وية الدود بس بما انو اني شاب واعرف حماس الشباب قررت اعطف عليك
من اتكول شغلي وتعبي لازم اتكون كد هاي الحجاية هسة راح اسالك كم سؤال وانت جاوبني
- اتفضل
- منو الي صدرلك المواد
- جماعة الوحش
- منو الي ديحمي طرق النقل
- انتو بس
- انجب من احجي تنجب ومتقاطعني
- اسف
- منو الي جابلك المشترين
- انتو
- شغلك ؟ تعبك ؟ من هلاسئلة شفتهمت
ضل ساكت
- الي تفتهمة انو انت مجرد جلب حراسة للمواد وحمار اتوصلهن لاصحابها من يصير عدك حماية واسلحة وكم فلس مو معناه تتطاول على اسيادك لا غلطان اتضل جوة رجلينا لو اتصير ملياردير
- مو بس منكم الموارد ولا المشترين اني هسة ثاني اكبر تاجر بعدكم الكل تحسبلي حساب اني ذهب القديم
شفتة فرد اجناحة
- ههههههههه انت بمزاجنا عايش بمزاجنا تشغل بمزاجنا هذا نكدر انموتك ونكدر انعيشك دتفتهم شدا احجي وهذا ابسط مثال
طلعت اسلاحي سحبتة وصوبت على رجلة
- اخ اه رجلي
- اششش لتبجي مثل النسوان وكوم اوكف على رجلك
(باعلى صوتي )كوم
دخلوا حمايتة باوعتلهم ورجعت نظري الة ورفعت حواجبي
- اطلعوا برة بسرعة
- عفية هسة افتهمت انو حتى حمايتك متحميك مني
هذا عقاب بسيط بس حتى تعرف مقامك لو عايفك للوحش جان وضعك غير وها شغلة لخ
شمرت علي جفية
- نظف دمك
نزل وبدة ينظفة باوعت لحسن بمعنى اشمروا برة
شالوا وطلعوا
-اذا كلمن صارت عندة كم فلس اطاول هيج جان الدنيا انتهت
كعدت على الكرسي
- سيدي شتامر
- بما انو اعرف ابوية مراح يهدة حي احرك ورقتة ووانطي للدولة على الاقل يبقى عايش

استمريت اتمرن واتعب روحي كلش بحيث ارجع انام راسا كل همي الهدف
كل بالي جان بسيف كلشي بي اذكر مواقفة وياية
دائما احاول ما افكر بي بس ما اكدر كل ما اصفن الكة روحي افكر بي كل ما احجي الكة اسمة على لساني وميفارقني لا بالنهار وبالليل شاغل اغلب احلامي

بعد اسبوعين
- يارا يارا
- ولج اهدي شبيج
- باجر الدوام شلون ولج
- شنو شلون ومنو يكول اتشوفي
- اني بنفس كليتة شلون ما اشوفة
- بربج واحد مثلة هم يداوم من اول يوم

- هاي ما اجت على بالي
- اي طبعا لان خبلة
- اتمنى اشوفة بس اخاف اشوفة والله
- عوفي هلحجي اصلا باجر محيداوم الله وكيلج انتضري اسبوع على الاكثر يلى يداوم
- ان شاء الله لا لا عفية اريدة اريد اشتم ريحتة اريد اسمع صوتة
- انجبي لج صايرة ادبسزز
- شكو رجلي ترة
- مطلقة طليقج طلييييقج
- انجبييييييييي
- اسفة بس هاي الحقيقة
- اوفففف الله كريم الة اخلي يرجعني
- والله ياريت لان منو حيمشي سوكج
- انجبي
- هههههههههههه والله على هلجمال هسة كلها تركض وراج وحتى طلاكج محد يهتملة بس ايفين للحقيقة اذا صارت ورجعلج مثلا اهلج حيقبلون ؟
- ميدرون ابو
- اوك ميدرون ابو بس يدرون منهم
- صح بس اتوقع يتمنون اي احد يزوجني ويستر علية مو ؟
- اهلج ناس مثقفين ابوج مهندس راقي وامج استاذة جامعية ناس واعية ما عدهم هيج نوع من التفكير ميذبوج على احد وابسط دليل انو لا زوجج غصب ولا اذوج ولا جرحوج ترة غير اهل غير شكل يتصرفون
- الله كريم

شربت ضليت اتنفس  بقوة احس اريد ادخل كل الاوكسجين الي بالدنيا
- شنو صار ليش مرحتي الة
- ولج شافني بس مهتم حتى ما اجة  علية وانوبة انوبة اكو وحدة ويا حتى لزمها ويحجي وياها
- متاكدة ؟ خاف منتبهتي صح
- لا متاكدة والله
- اكلج يجوز زميلة ترة هو مرحلة ٣ يعني صالة سنتين هنا اكيد عندة صديقات
- لا كلبي يكول غير شي والله هو مالة علاقة باحد شمعنة هسة
-يولي شمدريج انتي صح الفترة الي ويا هواية بس لتنسين المكان الي جنتي بي مو مكان تعرفين بي هيج تفاصيل عنة
- هسة شسوي
- كلشي متسوين ترجعين لنفس وضعج الطبيعي ومن اتشوفي سوي روحج ممهتمة هم الولد يجون هيج والله
- دروحي 
راحت هي للمحاضرة مالتها واني ضليت كاعدة اخاف ارجع لقسمي لا اشوفة  كمت ورحت للقسم طبيت وكلبي يدك يدك قوي مر اليوم ومشفتة
خلص الدوام ورجعت للبيت بعدني مصدومة بي كلش ليش سوة روحة ميعرفني ليش وبعدين منو هاي معقولة ارتبط بيها ولهذا ميريدها تدري مثلا يخاف اكللها اني اعرفة لا لا ممعقولة  على شنو يخاف وسيف يخاف لا لا غلط ماكو هيج  شي
صبحت ثاني يوم
بالكوة جريت ووحي للدوام ساعة اي والف ساعة اكول لا ما اداوم

🖤🖤🖤🖤