أخذه قوي تركه ضعيف

part 7

#اخذه_قوي_تركه_ضعيف -

part7

                                   
                                   

- سوي الي كتلك علي
- بس ابنك منطي اوامر محد يطخها
- اني رئيسك لو هو شنو اتريد اتموت على ايدي اليوم
- لا اسف سيدي الي تامر بي

                     

جنت كاعدة اكحكح ومتغطاية باللحاف وحسيت بالباب انفتحت عبالي اجة هو متحركت مسمعت اي حركة بالغرفة نغزني كلبي رفعت جسمي شفت واحد مينوصف ضخم وجبير وماكو رحمة بوجهة
- م منو انت ؟
- هسة راح اتعرفيني اني منو ومراح تنسيني طول عمرج
حسيت بكلامة كمت من الجرباية وكفت حاولت اكسب وقت على ما الكة شي ادافع بي عن نفسي
- وين رئيسك
-رئيسي ؟! ليش شسوين بي اني افيدج اكثر
- جاوبني على السؤال
- عبالي محلوة طلعتي اتجننين صدك راح اتونس اليوم
- كتلك وينة ؟
- ليش عبالج راح يدافع عنج ترة هو الي امرني بهل شي
هنا جانت الصدمة والاكبر ملكيت اي شي يساعدني بهل غرفة مشيت شوية وهو كعد ينزع حذاءة حاولت اعبرة
- وين وين يا حلوة ليلتنا طويلة اليوم
كام على طولة واجة اني رجعت ليورة الخوف مسيطر علية شسوي
- لتتقرب
- اوكي راح اسمع كلام
وصل يمي بديت اصيح بس منو يساعدني واني ابوكرهم
لزمني من ركبتي حاولت اضربة احمي روحي ماكو اي طريقة
خدشت ايدي عيط ولزكني بالحايط
-بزونة بس عجبتيني احب الوكحة
بدة يتقرب على وجهي يريد يبوسني  واني اتلوى واغير باتجاه وجهي بس حتى ليطخني حاولت اركلة
مكدرت علي
دقايق جانت الاصعب على كلبي حسيت روحي راح اموت سلمت امري لالله ثواني وشفتة مشمور على الكاع وهو فوكا نزلت بالكاع احاول اتنفس من خنكة الي جان خانكني بيها اباوع علي يريد يذبحة جنت ما اسمع شي اجة علية ضل يهز بية بس ما اسمع اجة على بالي من كال هو الي امرني عفتة واتهسترت ضليت اضرب بي واعيط الى ان كلشي اتحول لاسود بعيني

                     

هستوني طبيت للبناية
-شتريد
- سيدي ترة امر انو يغتصبوها اليوم
- شنو !! وين هي هسة
طبيت على الغرفة من جنت اضربة مدا احس لدرجة فقدت علي من شفتة تقريبا مات عفتة ورحتلها ترجف حاولت اسمع منها بس مترد علية عبالك متسمع من شافتني اتهسترت وما اعرف السبب ضلت تضرب بية وتعيط الى ان اتخربطت شلتها حطيتها على الجرباية عفتها وطلعت سديت الغرفة وقفلتها
طبيت  لمكتبة
- انت شلون اتسوي هيج !!؟
- ليش اني شنوسويت
- انت الي امرت انو ياذون ايفين
- وانت شلك علاقة ليش عصيت اوامري
- شنو هي تحت مسؤوليتي
- واذا . عمرك متاثرت بواحد اني خالك مسؤول علي شمعنة هسة
- وين اتريد توصل
- اريد انبهك اذا شفت ذرة مشاعر راح امحيها بطريقتي
- ماكو هيج شي ريح بالك
- انشوف اني مخسران شي المهم نبهتك
عفتة وطلعت طبيت للغرفة
جبت عطر وحاولت اكعدها
فتحت عينها  اتوقعت ردة فعل قوية بس مجرد دارت وجها على الجهة الثانية
- زين على الاقل شكرا
التفت وباوعتلي بنظرة
- اشكرك !
- مو المفروض
- ههههههههه زين سؤال ليش غيرت رايك
- على شنو غيرت
- وبعدين ليش ضربت الولد هو ما اسوة اكثر من اوامرك ها يجوز ما عجبتك طريقتة
- شدتحجين انتي
- لتسوي روحك (بصيحة)
لزمتة من ياختة
- لتسوي روحك متعرف (بهمس )
- هديني واحجي عدل لا عبالج راح اعذرج لان انتي بهل حالة
- اوكي راح احاول اصدك انو انت متعرف وراح اكلك
انت الي امرتة يسوي هيج بس ليش اني ما هربت معصيت اي امر انت كلتة وانت كلتلي انو راح اطلع اذا سمعت كلام بعد شكو ليش ليش هيج سويت وشراح اتسوي بية اكثر  اصلا اني شنو ذنبي اني هنا ليش ليش
جانت تبجي وتحجي حسيتها بدت تتهستر
لزمتها من جتفها وجنت اباوع بعينها
- اهدئي واسمعيني زين اني ما اعرف انتي على شنو تحجين بس اني ماكلت  لاحد يسويلج شي غير انو وصيتهم يجيبولج اكل  اتريدين اتصدكين صدكي متريدين كيفج
- لعد لعد هو كال هو كال انت
- مو اني وانتهى الموضوع هيج شي مراح يصير وياج
- راح تحميني مثل اليوم
- احميج
حسيتها هدأت لزمت راسها صخونتها عالية كلش احسها جانت تهذي ممعقولة هي هاي ايفين
- باردة باردة
- هسة اغطيج اصبري
غطيتها باللحاف وجبت كمادات ضلت اتصيح باردة واني ما عدي غير هلغطة نزعت حذائي ودخلت للفراش وحضنتها ضليت افرك بجسمها بايدها وظهرها ردتها تدفى شفتها نامت كمت جبت التلفون
- دزلي على الطبيب خلي يجيب مغذي وخافض حرارة
- امرك
جبت كرسي وكعدت يمها فتحت دكم القميص احس روحي مخنوك شلون وعدتها بهيج شي اني اعرف نهايتها شلون هيج سويت لو بية خير جان جان نفذت وعدي القديم
شلون ليش هيج دا احس ليش احس الماضي ديتكرر وكلشي دينعاد والي اريد احميهم ينضرون  واني السبب
اخ يا بوية
صير اناني لتهتم لاحد اهم شي تطلع وخلص مترجع لهل مكان مو مهم اي احد هي اصلا متقربلي ولا اعرفهاا شيصير بيها خلي يصير مو مهم المهم اني اطلع من هلمكان وما ارجعلة مرة ثانية بحياتي

كعدت اذكرت الي صار جسمي احسة مكسر شفت الكانونة بايدي التفت شفتة نايم كاعد على الكرسي وراسة على الجرباية الدنيا ظلمة وضوة بصفي خفيف
اريد اروح للحمام كمت بس مكدرت اتحرك بسبب المغذي
- وين اتريدين اتروحين
- للحمام
كام ساعدني وصلني للحمام سديت الباب
اذكرت كلمتة" احميج "  معقولة كلامة صح وراح يحميني ممكن اثق بي
لا ايفين لا اهربي باقرب فرصة تجيج مو ثقة وهذا المكان خطر عليج لازم ترجع صحتي حتى اكدر اهرب
طلعت من الحمام ورحت للجرباية شفتة امدد عليها وبايدة تلفونة
كعدت على الجرباية
- جوعانة
- لا
- شلون اتحسين نفسج
- زينة
مد ايدة رجعت
- شبيج جنتي مريضة والليل كلة اني اداريج هسة اجت على هاي
كعدت على الجرباية واتغطيت مجان عدي نوم اصلا عدي نشاط حرت شسوي هو جان يكلب بالفون ضليت ابوك نظرة كلساع عرفت اسم احسابة الي بالانستغرام تقريبا ضليت اباوع ويا
اكو شي مو واضح وهو شوية حرك التلفون بعيد فحاولت اقرب راسي اريد اشوف
- بعد طبي بالتلفون
رجعت راسي
- مجنت اباوع لتتخيل
- ترة جنت مركز بيج واعرف دا اتباوعين لتجذبين
- مدا اجذب مجنت اشوف
- والله؟
- اي 
- تمام لعد خلي اسدة حتى انام تعبان
- شلي علاقة
-مدا احجي وياج 
-اي وية الهوى تحجي
- شلون اتريد الزكها بالحايط بهل ليل
سكتت عنة
- اففف
- لتضلين تتأففين
- شنو حرام
- اريد انام سدي لحلكج
طفة الضوة
اني اخاف من الظلام كلش ومن اتظلم ابدي اتخيل شغلات ما موجودة   وبدت هلتخيلات تجيني
باوعت علي نام فتقربت علي شوية اريد احس اكو احد وياية بالغرفة
وبهل هدوء والتخيلات صار صوت قوي من الفزة لزمت ايدة وعيطت سوة
- ههههههههه حتى بعد لطولين  السانج وياية
فتحت حلكي ما اعرف شاكول هلاصوات جانت منة
فتحت الضوة
-ههههههههههه والله شكلج يضحك
- هةهةهة متضحك ترة
- اوكي المهم ضحكتني  
- راح اطلع فلم اتريدين اتشوفين
- اي