أخذه قوي تركه ضعيف

part 16

اخذه قوي وتركه ضعيف

تعريف بالشخصيات
بما انو هواية كالوا مدنعرف الشخصيات ودا اندوخ راح احاول افهمكم شوية

1-الوحش ( ابو سيف ) صاحب عصابة متجارة بالمخدرات والممنوعات والاسلحة عصابة خطف وتعذيب وتقريبا تشتغل وية الحكومة
2-سيف بطل القصة يشتغل وية ابو مجبور لاسباب موضحة بالرواية
3-ايفين بطلة القصة
4-العقيد محمد عقيد بالجيش يحاول يقبض على الوحش ويدمر عصابتة ذكي وفطن ومدعوم من الوزارة
5-المخبر شخص سري محد يعرف منو يوصل معلومات للعقيد محمد يساعدة على القبض على العصابة
6-يارا صديقة ايفين المقربة
7-ابو ياسر وزير يشتغل وية الوحش
8- حسن يشتغل وية سيف

بارت 16

كعدت الصبح رحت للصالة دورت علي ماكو
-سيف سيف سيف
خفت كلش وكلبي يدك قوي وين راح خاف عافني شلون دقايق وانفتحت الباب شفتة رحت ركض علي لزم وجهي
- شبيج ليش وجهج اصفر
- وين رحت مو كتلك متعوفني
- طلعت اذب الزبل وين قابل اروح
-اف
عفتة ورجعت للغرفة شلون يا ربي منين اجاني هذا الخوف مدا اكدر اتحكم بروحي
اجة وكعد بصفي
- احجيلي شبيج
- سيف دا اخاف اذا ما اشوفك بصفي احس اختنك وكلبي يدك قوي كلش  تدري تدري انو افز بالليل ما ارجع انام اذا ما اجي اشوفك موجود والله حتى من تدخل للحمام اضل يم الباب ووين متروح اروح وراك شلون اني هاي الايام وارجع لاهلي خاف هم يصير بية هيج
- لا لتخافين ميصير شي من اتروحين اتاكدي انو بعد محد يطخج انتي مو تثقين بحجي ؟
- اي
- هاهية لعد اني كتلج راح اسلمج لاهلج وكلشي ميصير عليج ومن تروحين هناك بعد هاهية تنسين هلايام وتبدين من جديد
- هم لو يكدرون يحموني جان حموني من البداية
- لا يكدرون وها احنا راح نضل نتواصل فترة الى ان تطلع هلخوفة من كلبج وتتطمنين انو رجعت حياتج مثل قبل
- ان شاء الله
- يلى كومي خلي ناكل واشتريت شغلة حلوة
- شنو
- يلى كومي  يلى اريد ريوك مرتب حتى انطيجياها
رحت سوينا ريوك سوة وكعدنا ناكل
- شنو شنو
- كملي اكلج كلة هذا وبعدين اشوفج
- هاهية شبعت
- ايفين كملي اكلج
ورة مكملنا ثنينا
- ها
- غسلي المواعين وبعدين
- هاي شنو
- ها هيج
- لا لا اغسلهن
غسلتهن ورحت 
- ها
- افتحي ذاك الكومدي وتلكي
فتحتة ولكيت علاكة بيها  حلويات اخذتها ورحت
- هههههه هاي شنو
طلعت منها كومة حلويات واكو كارتونة
- هاي شنو
- ورق حتى نلعب
- بس ما اعرف
- اني اعلمج
-تمام

- اخذتوا المعلومات؟
-سيدي ذولة يفضلون الموت على انو يطون معلومات
التفت وكعد على المكتب وضل يدك علي
- شراح اتسوي هسة
- حاولوا وياهم مرة ثانية واغروهم انو يطلعون من القضية اذا ساعدونا واذا مفاد نرجع على طرقنا القديمة المخبر ما اتصل مرة ثانية
- لا سيدي
- هاي المرة هم مكدرتوا تتعقبون اثرة
- لا تلفونة ما مسجل منكدر نوصل الة
- هذا يشتغل وياهم لان المعلومات الي دينطيها كلش خطيرة بس الي بداخل الشغلة يعرفوهاا
- راح انحاول نوصلة
- لا لتخوفوه خلي ويانا مو علينا
- بس سيدي هو دينطينا معلومات محدودة يعني دنضرهم قليل هو يكدر ينطينا معلومات اكبر من هيج
- صح بس هذا الوحش عندة علاقات وية الدولة يعني اكثر من وزير ويا اذا لزمنا من بلاغ او بدون ميكون بمسرح الجريمة راح يطلع منها
- لعد هذا ناوي يطولها علينا
- بالعكس هو ديكسر ايدين الوحش لان الي داعمي وديشوفون انو كام ميدبرها والشحنات مدتوصل والخسارة جبيرة راح يفقدون الثقة ويهدوا وبهيج مجال ماكو صديق او كرايب اهم شي المصالح لهذا تلكا مخبل هسة وديحاول يكتلني او يوكعني بتهمة حتى يخلص مني
- وشراح اتسوي
- لتخاف علية اني ذيب وما اوكع قبل مااوكعة
- ان شا الله احنا وياك
- روح هسة كمل الي كتلك علي وشغلة ثانية اريد تتاكلي من عمليات الخطف عدة لو ما عندة خطف بنات وكذالك الديسكوات والبارات الي فاتحهن اريد تندلوها كلها 
- احترامي سيدي
اذا ما الزمك ما اطلع محمد الذيب
وانت يا مخبر شنو قصتك وياية

-ها شنو اخبار هذا العقيد الكلب
- ماكو اي شي منكدر نوصلة ابد
- مكدرتوا اتزعون جاسوس بين العسكر الي تحت امرتة
- لا سيدي هو يختارهم اختيار
- خلي اشوف هذا االزمال الي  عساس وصيتة
...... الو ها ابو ياسر شصار وياك على وزير الدفاع
- والله يا وحش حجيت ويا اني علاقتي ويا صداقة بس مو اكثر يعني ميعرف بشغلي المهم كتلة على هذا العقيد ضل يمدح بي وداعمة كلش لدرجة وواثق بي لان ديحسن صورة الوزارة كلش
- اي براسنة
- شراح اتسوي
- اسوي ابو ياسر لتنسى انت وياية بهاي الشغلة ومصالحنا سوة
- دتهددني
- لا معاذ الله بس دا اذكرك حتى لتنسى
- راح احاول اوصل لهذا العقيد واشوف حل انت استمر بشغلك هلشهر الفلوس ماكو وانت تعرف فلوس ماكو يعني مشكلة
- الفلوس تجيك المهم تضمن حريتي

ورة ساعة من اللعب والونسة والهوسة كلمن كعد وحدة هو ملتهي بالتلفون اني مليت وحدي رحت بصفة وضليت اباوع شيسوي من شفتة ما طرندي اتقربت اكثر وكمت اشوف زين شفتة تجي رسائل بكروب هو ميحجي بس هم يحجون كومة واكو مسبة واكو حجي كومة رفعت راسي باوعت علي
- منو ذولة
- جماعتي .... شبيج ليش اتباوعين هيج
- يغلطون هواية
- اي كروب مو للزعاطيط
- شنو قصدك اني زعطوطة
- كلمن يعرف نفسة
- اكون زعطوطة احسن ما افشر
لعب بشعري وكام 

مرت الايام علية طبيعية ومرحة وية سيف الى اليوم الموعود اليوم اشوف اهلي
كعدت الصبح رحت ركض على سيف
-كوم سيف كوم
-شبيج
-مابية بس كوم اريد حتى انروح
-عوفيني
شكلة كلش تعبان يمكن منايم
رحت غسلت وعدلت نفسي وصليت وكمت سويت ريوك
جنت واكفة على الطباخ طب للمطبخ وكف بصفي
- يعني اليوم اخر يوم اشوفج
- اي انت موكلت انضل على تواصل
- اي انضل الى ان ينتهي خوفج
صبينا الريوك
-هذا اخر ريوك
- راح اتضلين هيج
خلصنا الاكل ومن دا اروح اسبح
- سيف
- ها
- هاي اخر مرة اسبح هنا
ركضت وهو شمر المخدة علية
طبيت اسبح وكلش فرحانة راح ترجع حياتي مثل مجانت هادئة وسعيدة
طلعت لكيتة امبدل
اجة يمي لبسني الكلاو وشد الحبل مالتة
- حتى لتتمرضين 
مشينا وصعدت بالسيارة
الطريق هادئ كلش
- عود نزل كليومية على الانستا حتى اشوفك
-ليش شتسوين بية
- يعني اعرف انت حي مصار بيك شي
- تمام اكو اوامر ثانية
-لا سلامتك وسلملي على اختك الحلوة عود
- ماشي
وصلنا لمنطقتي كلبي بدة يرفرف واخيرا وبدينا اطب لشارع بيتنا
-سيف باوع هذا بيتنا سيف
- اي هذا
- انزل ؟
-انزلي هسة انزل وياج 
نزلت وكفت يم الباب التفت دا اشوفة نزل وكف بصفي انتيهت اكو ضوة احمر على جسمة  رفعت راسي شفت قناص فوك البيت
-سييييييف

  🖤🖤🖤