أخذه قوي تركه ضعيف

Part 56

part 56
- سيف
- كولي
- ممممم تعرف احنا شنو نسينا
- شنو
- الحلقات
- هاي عوفيها علية
- شلون يعني
- يعني اني حشتريها
- ماشي
- شعجب مكلتي اني واني
- ههههههههه لا احب ذوقك شوف السوار لحد هسة منزعتة يجنن كلش حلو
- ههههههه اوكي
- يلى بيباي حبيبي
- باي
طبيت للبيت
- ماما تعاي فوك اشوفج الشغلات
- شوفينيها هنا
- لا حتى البسها تعاي يلىىى
صعدت وكدرت الملابس
- شبيج ماما كولي شنو رايج
- الف مبروك يماما يجنن
- والله
- اي متوقعت حياتج حتمشي طبيعي ورة الي صارلج الله يتممها عليج

حظنتها بجيت مدري من السعادة مدري من الحزن ومدري من الخوف اول مرة احس امي ارتاحت بجيها جان سعادة وراحة
- يلى كافي بجي كافي كومي خلي انروح للصالون نتفق ويا
وانشوف الكوشة ومدري شنو
- والله يمة
- طبعا نور عيني حبيبتي مبقى هواية ايام لازم نحضر كلشي
خلص هذا الاسبوع هوسة امتحانات وتحضيرات كملنا كلشي تقريبا
- ايفين
- ها عمري
- باجر نعقد شيخ هم
- شنو سيف
- شبيج عمري نجمعهن سوة احسن
- سيف
- بلغي اهلج اني حجيب الشيخ وياية نعقد قبل الحفلة الحفلة تبدي ب٥ بالاربعة اني والشيخ يمكم
- سيف هاي حفلة خطوبة
- ايفين اسالي احد مو اني الي يسون حفلة خطوبة ذولة يطولون هواية احنا اخطبج نعقد هلاسبوع والاسبوع الجاي محكمة وحنة وزواج هذا الصح
- ماما يكول نعقد باجر
- انطينيا اني احجي ويا
- هلو سيف ماما شلونك
- هلو خالة الحمدلله يخير انتي شلونج
- الحمدلله عيني هاهية باجر عقد
- يمةة
- اششش كلامة صح صدكيني محتلحكين اتعقدين شيخ ومحكمة باسبوع يادوب الاسبوع الجاي تتحضرين للحنة والعرس
- شنو هاي كلة بسرعة والله ميصير
- خالة انطينياها
- هاج اخذي يريد يحجي وياج
اخذت التلفون وصعدت فوك
- ايفين ليش هلكد متوترة
- سيف هو مرة بالعمر احس هوسة هوسة
- طبعا هوسة لان عقلج هوسة اتفكرين شلبس شحط شسوي متفكرين اني يمة اني حكون وية الي احبة محد حياخذني من يمة
- سيف
- ولج والله لو اتفكرين شعراية بذني جان هسة انتي بقمة السعادة
بجيت بدون صوت كلش مقهورة احس كلامة صح معقولة اني ما احبة بكثر ماهو يحبني
- ايفين عمري لتبجين وينج
- اسفة اسفة
- كافي مزعلان والله لتبجين ترة اموتج والله
- ماشي هاهية باجر نعقد ونسوي الحفلة
- - ماشي حبيبتي هاهية شسويتي مسويتي اليوم
- اني والله الكوشة كملت الاكل كمل الملابس محضرة الصالون متفقة ويا ووصيت يارا عدى كامرة لان هي اصلا تموت على التصوير اممم بقة شنو
- شبقة يمعودة
- سيف هاي سوالف بنات لتضل تحجي علية
- ماشي ماشي اكلج اني رايح عمود اروح للحلاق ارتب نفسي هما بس انتي
- اي عفية برجلي

سدينا الخط ورحت استقبلت يارا اليوم اتبات يمي منا لحد باجر
- ايفين كلش متحمسة الج شحنسوي باجر
- اسكتي اني شكول ولج الحماس يقرة الف يمي

مشة اليوم وكملنا كلشي اجة اليوم الموعد كعدت الصبح اذكرت اليوم حفلتي
- يارا كوميييييي اليوم اليوم
- والله افتهمت خليني نايمة
- كومي لا كومي لازم انعدل الشغلات وانروح للصالون يلى
- خلي نتريك اول شي
- يلى يلى
جريتها ونزلنا جوة لكيت امي محضرة الريوك
- يلى بنات استعجلوا وانتي اخوج ترة منتضرج عمود يوديج
- اي اي ههههههه
- يمة يمة اشوية استحي اذا شافج هلكد فرحانة شيكول ممصدكة
- اي ممصدكة والله ممصدكة
شمرت علية الخاولي
- اثكلي اثكلي
- يمة ديري بالج ليصير بية اثر شبيجج
-هههههههه خالة عوفيها ممصدكة احد كلبها ثولة
- ولي لج
اتريكنا وكمنا لبسنا عباياتنا ورحنا للصالون بالسيارة ضلت يارا ادزلي مسجات
- ها ولج عبالي حتكمزين بالسيارة شو هادئة
- اسكتي ترة اذبج هنا
- يمة يمة المستحي
- يلى ايفين وصلنا وقبل متخلصون دزيلي مسج عود حتى الحك اجي
- ماشي عيني
نزلنا من السيارة
- ولج فدوة اخوج شلون كبران وصاير رجال
- انجبي ميفيدج ترة اصغر منج
- اي شكو بيها كومة متزوجين نسوان اكبر منهم
- اس يلى اس خلي انطب
طبيت للصالون
- السلام عليكم اني ايفين وصديقتي يارا حاجزين شعر ومكياج
- وبدكير ومنكير اتفضلي حبيبتي منا
اول شي طبينا على قسم العناية بالبشرة
- حبيبتي هسة لازم يحضرون وجهج للمكياج وبعدين اتكملين ايدج ورجلج وتجين على المكياج
- ماشي حبيبي
كل وحدة نامت المسؤلات مدري وين راحن باوعت على يارا
- هسة حتعيشين مثل الملكة
- اي ولججج
- هههههههههه
بدوا يشتغلون بوجه يارا واني صورتها واحاول اضحكها حتى يخرب الماسك
وانتقلوا علية
- ولج كافي
احجي وياها واني سادة حلكي كاعدة اتكركرني
كملنا العناية وكمنا رحنا على الرجلين والايدين
- ايفين باوعي هنا دنطك صورة
باوعت على الساعة صارت الوحدةما بقى هواية واشوفة واكون مرتة
بدوا يسون وجهي والمكياج كلساع اشوف روحي احلى اكثر
دك التلفون حطيت السماعة باذني
- الو
- ها حبيبتي وين انتي
- بالصالون
- بعدج؟
- ههههه اي بعد هواية
- ماشي منو حيرجعج
- علاوي
- مو توكفيلة برة خلي من يجي يدك عليج وانتي اطلعيلة
- ماشي عمري انت وين وشدسوي
- هستوني اتفقت وية الشيخ عمود العقد
ورجعت للبيت عمود اشوف اهلي خاف محتاجين شي واحضر نفسي
- ماشي حبيبي .... سيف
- نعم
- سيف رجلي
- ههههههههه نعم

- احبك
- اني هم هواية
- بيباي
- باي عمري
سديت الخط
- العريس ؟
- اي ههه
- الله يحفظكم ويتمم عليكم
- تسلمين كلبي
- باوعي على نفسج بالمراية
باوعت شفت شكلي كلشي حلو كلش حلوة
- يا حمرة اتحطين اني اكول بما انو مكياجج ثكيل والفستان لونة غامق الحمرة اتكون خفيفة وشعرج هم تسريحتة بسيطة
- اي صح حطيلي بكيفج لان كلش حلو وعجبني
كملت وجهي وبدوا بشعري طول الوقت اباوع على وجهي بالمراية فرحانة بسيف وبنفسي وبكل شي
مر الوقت دزيت مسج لاخوية انو خلصت رحت شفت يارا
- اتجننين
- ايفين عزة اتخبلين طالعة والله
- صدك
- اي كلش يعمري يجنن
- انتي هم كلش
لبسنا عبينا وضلت يارا اطكطك صور

بكل الوضعيات
- يلى دك علي امشي
- ماشي
صعدنا بالسيارة
- اسف اختي اني مو تكسي منتضر اختي هنا
- علي بلة شقة هاي اني
- منو ايفين والله
- انجببببببب
- ههههههههه والله طالعة بنية اقصد عروسة
- شكد مكروه
- ههههههههه
- لتضحكين يارا ترة قاصدج بالحجي
- ترة اذبحك علي لا عبالك صرت طويل
- ههههههههه

اول مطبيت للبيت
- ولج هاي شنو اتجننين فدوة كلش حلو
- والله
- اي يلى بنات اصعدوا بسرعة لان بعد متلحكون
- ماشي ماما
صعدت لغرفتي بدلت ولبست الفستان ويارا هم
- ها ؟
- ايفين كلش حلو
-مو
- اي حبيبتي فدوة
- اش لج اتبجين ترة اذبحج ما اريد يخرب المكياج مالتنا
باوعت على المراية
حسب اوامر امي ضليت بغرفتي اجتني رسالة
- اني ابيتكم وياية الشيخ انتي وين
- بغرفتي امي متقبل انزل الة هي اتصيحني
- هسة صعدت حصيحج اكيد
- ايفين يلى انزلي اجوي
عفت التلفون وكمت وصلت يم امي
- اطبين اتسلمين على النسوان وبعدين اتروحين عمود تعقدين
- نسوان ؟
- اي خالتة واختة وبنت خالتة
- هاي شوكت جابهم فدوة
- لج اثكلي سلمي عدل وبعدين كومي روحي ماشي
- ماشي اي
نزلت من الدرج على كيفي احس كلبي دنابك ونار يطلع من وجهي

- هلو خالة
- هلة يمة بسم الله ما شاء الله كلللللوش
سلمت على البنات وصلت لبنية حلوة بس ضعيفة عرفتها اختة
- حلوة اختيار اخوية حلو
- ههههههه حبيبتي عيونج الحمدلله على السلامة
- الله يسلمج
ضحكت علها شكد كيوت تاخذ دور الحماة بس ميلوكلها تناكل شكد ما لطيفة
رحنا على غرفة الخطار بالكوة ادفع بية واني مدا اكدر اطب دخلت على كيفي
-السلام عليكم
- هلة بابا اتفضلي
- دخلت كعدت اني وامي رفعت عيني وباوعتلة صارت عيني بعينة هو مبتسم واني بالكوة لازمة نفسي
حسب تعالم الشيخ بابا وكيلي لزم ايد سيف وحطوا وصلة علي
جنت مغيبة عن الوعي ما اسمع غير دكات كلبي عيوني معلكة علي شلون يحجي وشيسوي الى ان سمعت
- اني زوجتك ابنتي
عرفت انو اني صرت مرتة وكلشي تم بارك الشيخ النا وطلع وطلع ويا ابوية وسيف
ضلوا يباركولي كلهم واني جنت منتضرتة هو طب واجة صار كبالي
باوعتلة من فوك ليجوة ضحكت على ملابسة كلعادة سيف يدخل منا ويطلع منا
باس راسي
- الف مبروك ايفين
- الله يبارك بيك سيف هههه
رحنا كعدنا على الكوشة

👄👄👄