أخذه قوي تركه ضعيف

part 23

بارت 23

مرت الايام وماكو اي خبر عن سيف قلقلت كلش بس اني متاكدة هو عد وعدة يرجع بعد اسبوع مرت خمس ايام بعد بس ثنين
جرحي طاب بعد يرادلة هواية بس احسن كمت اكدر اتحرك براحتي اكثر
جنت كاعدة قريب من الجدول اوكل البزونة ما اعرف مالتمن بس دائما تجي بهذا المكان ومن تشبع اتروح 
- ها هم كاعدة هنا
- ها هلو شوكت اجيت مسمعت خطواتك
- هلة بيج  اي على كيفي عساس افززج بس مصارت
- يمعود هدني بحالي
- ههههههه المهم شلونج اليوم
- ليش
- البارحة حسيت بيج ضايجة خاف على قلقانة على سيف
- اي طبعا مو رجلي اكيد اقلق
- لا حقج  بس سيف مينخاف علي
- انت صديقة
- يعني مو كلش سيف مو النوع الي يختلط بالعالم من النوع الي مكتفي باليعرفهم ويحبهم وبعيد عن الباقي اني احترم هذا الشي  ما الح ويا
- اها
سمعت صوت خالة
- اني راح اطب
- الله وياج اشوفج باجر
رحت اركض طبيت للمطبخ
- تعاي صار الاكل
ان - اي
- ويامن جنتي كاعدة
- ادهم
- شعدج ويا
انصدمت من سوالها ومحبيتة بنفس الوقت
- شنو هذا السوال خالة مجرد اجة ديسولف
- انتي مرت سيف زوجة سيييف يصير تحجين وية واحد ثاني؟؟ انتي جاوبيني هسة لنفرض اجة وشافج شنو تتوقعين ردت الفعل مالة ؟؟ ها شو سكتي
- هو اجة
- افهمج ماما بس انتي لازم تحفظين كرامة زوجج يلى تعاي اكلي حتى انظفلج جرحج ووراها عدي مفاجئة اتخبل
كملنا الاكل ونظفنا الجرح
- ها خالة شنو المفاجئة
- روحي لغرفتي اكو علاكة افتحيها وتعاي
رحت للغرفة طبيت غرفتها حلوة ومرتبة ونظيفة معلكة صور لسيف ويوسف ولرجال يمكن زوجها صح هي وين زوجها الهم رحت شوية شفت العلاكة فتحتها شفت سيتات نوم اوف منج خالة متبطل اسوالفها
رحت للمطبخ
- ها عجبتج
- خالة يعني حلوات بس وين اللبسها والمن
- لسيف الله يرجعة بالسلامة
- هههههههه والله ضحكتيني
- مدا اشاقة بالعكس من يجي عدلي نفسج والبسيلة
-وليش 
- ولج والله انتي متفتهمين  شي  بنتي انتي متزوجة هسة بعيدا على الظروف  بعيدا على كلشي انتي هسة متزوجة شنو عاجبج من ترجعين تتطلكين لنفرض احد خطبج عرف الخطف كال ميخالف مو بيدها وينصدم تطلعين مطلكة  منو يقبل بيج
-  حتى لو ما مجبورة ابقى ويا
- تكرهي ؟
فكرت بسوالها هواية اني ما اكرهة اذا اشوفة ضايج عدي فضول اعرف ليش واضل افكر واذا شفتة تعبان احاول اساعدة ما انفرة احب من يشاقة وياية ويضحك ومن يسوي بية مقالب
-وين رحتي انتي اذا هذا السؤال مكدرتي على جوابة كاعدة اتفكرين بالطلاك
- ما اكرهة وبنفس الوقت ما احبة
- متحبي ؟ متاكدة ؟ اني اشوف غير شي من  راح ليهسة انتي تنتضري ومكدرتي تنامين ودائما شاردة زين شنو شعورج من يتقرب عليج
اذكرت اخر مرة من اتقرب علية وشلون كلبي شلون رجف علي وشكد مكدرت اسوي اي شي
- لا واضح الكره
- اوف ما ادري ما ادري

المهم الموضوع كلش غريب شلون احب الي خطفني
-اليساعدج
-المهم 
- ماكو شلون..  كلشي يصير بهل حياة  لتستغربين شي
كمت من يمها كلامها خربطني اني مدا افكر مدا انطي لنفسي فترة افكر بيها مقتنعة انو غلط وميصير كلامها صح شنو مطلكة واني حتى ممسوية عرس او فدشي يدلل على زواجي العالم شراح تحجي وشراح اتكول بس بنفس الوقت هو عدة منى بكلبة وبعقلة وما اريد اجبرة  شلون يربي اوف شوف اني شفكر واني حياتي ما ضامنتها