أخذه قوي تركه ضعيف

part 13

#اخذه_قوي_تركه_ضعيف -

#part 13

#rafed9

                                   
                                         

- ليش امبقيها يمك ؟
- لان اعرف شراح اتسوي من انت تاخذها
- سمعت مّطلع وحشك عليها
- تستاهل الي سويتة واصلا قليل بحقها اني تعبت واتعاركت وياك عمودها وتاليها تهرب متثق بية خليها تستاهل
- كايلك البنات مو ثقة انت تثق بيهن ليش
- اي البنات كلهن هيج
- جيبها اليوم
- اجيبها بس بشرط الشغلة الي ابالك متسويها نهائيا تنطيني وعد بهل شي ؟
- ماشي لتخاف
- ماشي

                     

سديت المكالمة وباوعت عليها دتباوع علية عيونها كلها اسالة
- ها
- كملي اكلج
- فهمني شصار
- ليش الخوف لتخافين كتلج راح احلها الج اكلي وبعدين انروح لهناك
- سيف بس فهمني
- اليوم يا اما ترجعين لاهلج او اضطر ادور حل جديد
كامت
- وين
- للحمام
راحت رحت وراها شفتها طبت للحمام وطلعت لفت الجرجف عليها وكعدت اصلي
عفتها براحتها وطلعت 

                     

ضليت ادعي ارجع لامي وترجعلي حياتي  كمت وطلعت من الغرفة شفتة كاعد على الكرويتة ضليت واكفة ما اكدر اكلة كوم انروح لان ما اريد اروح بس بنفس الوقت اريد يتحدد مصيري اريد ارتاح
كام شفت فرق الطول بيني وبينة اول مرة انتبه على هيج شغلات
- يلى ايفين
طلعت وهو طلع مشيت وهو وراية صعدت بالسيارة وهو صعد
حرك السيارة
- ايفين
- نعم
- شنو معناة اسمج ؟
- الحب   
- ههههههه
- شبيك تضحك شنو نكتة
- مو مال هيج اسم انتي مال جاسمية باسمية
- ليش !!!
- ماكو مشاعر
- هههههههههه
- انت اسمك حلو
- اي امي الله يرحمها هي سمتني كالت حتى اتصير السيف الي يحميني من ابوك
- الله يرحمها
- انت ابد ما مسولف على اهلك
- هسة انتي عرفتي امي متوفية ابوية قتلها
- ها
- جان مسافر  تسع اشهر بهل فترة هي حامل من رجع عرف ابنية وعرف متكدر اتنزل الطفل لان جبير فراد يقتل الطفل ماتت هي والطفلة النولدت خذوها كرايب امي جنت اروحلها هواية من كبرت اني ضليت ادافع عنها جان يجبرني على الشغل ويا  واني ارفض بس من عرفت هي مريضة ومرضها مكلف اتفقت انو اشتغل ويا وهي تتعالج وافق واشتغلت
- عدك اسلاح بالسيارة
- ليش
- هسة دكول
- اي
- انطينيا اقتل ابوك اليوم
- ههههههههه
- مجرمة
- والله لازم واحد يكتلة مو حالة هاي
ضلينا ساكتين فترة
- انت راح تستمر تشتغل ويا
- لا اتفاقي انو انتي اخر شي  اسوي
وصلنا للبناية واني كلبي بدة يرجف من شفت الباب والمكان نفسة اختنكت مكمت اسمع شي العالم صار ساكت فجاءة فجاءة حسيت بي بايدة
- ايفين تسمعيني
اشرتلة باي
- لتخافين  احنا شحجينا
لزمت ايدة بقوة جرها مني وغمض بعيونة الاثنين ونزل من السيارة واجة من جهتي جرني من ملابسي
-انزلي كدامي (بصيحة)
دخلت نفس الممرات ونفس الغرف نفس الاماكن  دخلنا لغرفتة و كعدت على الكرسي
باوعلي وراح
اخذت نفس وكمت رحت للباب وبديت اصيح
- افتحوا الباب هدوني انذال حيوانات هدوني افتحوا البااااااب
ضليت فترة التفت شفت تيبلام رحت كسرتةوضليت ادور اي شي اكسرة