أخذه قوي تركه ضعيف

part 12

#اخذه قوي تركه ضعيف -
#part 12
                                  

فتح الباب وشمرني كمت ورحت اخذت سجينة ووكفت
- وخر خليني اطلع
- ها راح اذبحين نفسج
مشفت بعينة اهتمام بارد ولا كانوا ديصير شي
- لا هلمرة ما اذي نفسي راح اقتل اي احد يوكف بوجهي وخر من الباب
-هههههههه تعاي تعاي اكتليني
مشيت وبديت اسرع وصلت يمة صدها ولوة ايدي وكعتها رجع دفعني للكاع
كمت ورجعت حاولت اضربة بس مديت ايدي ضربني ووكعت بالكاع رجعت وكفت ورحت دا اضربة برجلي  لزمها ورجع دفعني كمت ورجعت ضربني بوكس ببطني  اكثر من مرة الى ان وكعت
- اه
-متعبتي اذا اتريدين انضل هيج طول الليل عادي
ضليت كاعدة وهو راح كعد على الكرويتة كلهم موجودين
كعد رجل على رجل ويدخن
- كومي اكعدي
متحركت اجة وسحلني من شعري وكعدني غصب على الكرويتة
ضل يفر بشعري
- اذا كلت شغلة اتنفذيها افتهمتي ؟
- افتهمت هدني
هدني ورجع لمكانة 
- اني كتلج كبل وين متروحين تلزمين ليش اتعبين نفسج
- اتونست شوية ميصير اتونس ؟ وتعرف هسة هم راح اتونس خاصة من تعصب انت احس بانجاز
جنت احجي واضحك
- صدك اني هم راح اتونس بس باسلوبي  واني شوية اسلوبي عنيف وكف وفتح حزام البنطرون يباوعلي وينزع بي  لفة على ايدة
ضربة على الهوى سوة صوت فضيع اجة جرني من ايدي وضل يدفع الى ان طبيت للغرفة وحسيت باول ضربة وكعت بالكاع وبدة يضرب بالبداية جان الالم فضيع بس بديت ما احس احس جسمي حار 
وية كل ضربة صيحة جنت اعيط بكل قوتي 
- ها اتونستي
جان يحجي وينهت
التفت علي جان ديلبس بالحزام افتر وصل للباب
- الي اعرفة الموتى يراقبون اهلهم والي يحبوهم من فوك اتوقع منى اتونست بالي شافتة
وكف والتفت علية  اجة يمي عيونة غريبة نظرتها جانت لزم حلكي

                     

بالبداية جان بحجي بهدوء بس بعدين وية كل كلمة جان يضربني اكثر واكثر 
- كافي كافي كافي كافي اتجيبين طاريها
هدني وطلع قفل الباب
اتمددت على الكاع 
- اه ظهري  ملحكت اطيب حتى ارجع اتعذب هيج اه وجهي الجميل اتشوه يمة هسة منو ياخذ بنتج هي ووجهة المتشوه
بجيت بدون صوت  من اتذكرت اسوالفي وية امي على الرجال الي ياخذني دائما اكللها راح اخذ واحد يحبني ولازم واحد حلو  لان اني حلوة كمت من الكاع اجر بروحي جر للفراش اتغطيت وكعدت

                     

سيف شنو الخطة الي دسويها  ويا ترى راح تنجح

                     

من طلعت منها ركبت سيارتي ورحت اريد اضل وحدي
راح اتخبل والله احس روحي مخنوك والنفس بالكوة اخذة  ضليت افتر بالسيارة 
رجعت للشقة متاخر فتحت الباب شفت الحرس بالصالة كاعدين
- اطلعوا روحوا للمركز
- امرك سيدي
قفلت الباب وراهم ورحت للغرفة فتحتها على كيفي  وطبيت جانت نايمة طبيت للحمام غسلت وبدلت وطلعت شفتها كاعدة باوعتلها عفتها وضليت انشف بشعري 
- اسفة بس انت بس منى تستفزك لهذا استغليتها اسفة لان اني انانية
- شلون عرفتي خطة
- عينك وتصرفاتك
- شلون ظهرج
- شتتوقع يوجعني كلش
- جبتلج دهن حطي ويصير زين
- تتوقع نجحنا
- انتظر اتصال منة وراح انشوف اذا نجحنا 
طلعت من الغرفة ورحت للصالة اتمددت شكلها متاذي حيل وجهة ليش الوحش الي بداخلي طلع عليها

                     

- يا رب تنجح ويهدني  الكلب بحالي
من غمض عيني ثنينهن عرفت ان كل هذا خطة لان سيف ميسوي هيج جان  ساعدني بالهرب ضليت استفزة كدامهم حتى يضربني اكثر ويبين انو ماكو شي بينا
من دخلنا للشقة بدة بدة يهدئ ضليت استفزة صح اني اعرف خطة وكلشي بس اناذيت من ضربني بهل قوة وفقدت اعصابي واستخدمت منى
من عافني ضليت افكر انو كلش اذيتة الكلمة الي كلتها كلت من يجي اعتذر منة وبنفس الوقت اطمن على الخطة 
حاولت انام بس مكدرت جوعانة وظهري يوجعني وخايفة كلش خايفة
خايفة من الي راح يصير خايفة انو ياخذني وينطيني للمجهول ليش حط راسة وياية
طلعت من الغرفة شفتة نايم على الكرويتة مردت ازعج نومتة بس محتاجتة محتاجة احجي ويا
بصوت ناصي
- سيف سيف
مكعد عرفتة نايم فدمرة كعدت جوة الكرويتة يمة
- ظهري يوجعني وكلبي يوجعني واحس روحي دترجف من الخوف باجر شراح يصير راح ارجع لامي والله مشتاقة الها والله مشتاقة لببتنا سيف ساعدني ما عندي غيرك حباب لتهدني
حسيت بدفو حضني من ورة وضل يمسح على شعري التفت وحضنتة
- لتخافين ما راح اخليج صح انتي هربتي وما وثقتي بية بس يجوز خيرة لان هسة الخطة مثل ما اريد
- اني كعدت ملكيتك شتتوقع افكر
كام وراح شغل الاضوية واجة بيدة علاكة  كعدت على الكرويتة
- انطيني ظهرج
-لا اني اسوي
- شلون يعني شلون انتي اتسوي
- عوفة لعد
- لتخليني اربطج واسويها غصب