أخذه قوي تركه ضعيف

Part 52

part 52
-انتي شتريدين
- ممم خلي ناكل هنا
- ماشي
صعدنا لطابق الاكل  كعدت وهو كعد مقابيلي جان يكلب بالتلفون ضليت اباوع على الناس الي رايحة والي جاية
- محتطلب ؟
- اطلبيلي انتي
-مشتهي شي
- اي شي بكيفج
استغربت انو حتى ميباوعلي يجوز اكو شي مهم بالتلفون ما ادري
اكو مطعم اعرف اكلة طيب رحت علي  طلبت ورجعت مليت كلش وبنفس الوقت ضجت طلعت تلفوني وكتبتلة رسالة

- مليت وحدي ... يلخاين ويامن دتحجي
دزيتها رفع راسة علية ابتسمتلة
- شبيك حبيبي ليش حزين
- لا ما بية
-لتكولي مابية ولتنزل راسك باوعلي واحجي وياية
باوعلي بس احسة حزين كلش مديت ايدي ولزمت ايدة
- سيف شنو مضوجك شنو بيك كلي اني موجودة وياك اذا خايف من بابا فحكلك شغلة بابا عمرة محاسب احد على غلط احد 
-ايفين الموضوع مو
- لتكلي مو هذا الموضوع اني متاكدة هذا الي شاغلك
- الي شاغلني اكبر منهيج ايفين انتي تعرفيني ؟ انتي كلشي ماتعرفين عني  الي شفتي وياية موكلشي اني سويتة  هاي الايد الي انتي هسة
لازمتها قتلت قتلت انسان وعذبت بشر رغم جنت اسمعهم يعيطيون ويريدوني اوكف جنت استمر واستمر الى ان اتعب الى ان
ايفين اني من اشوفج وياية من اشوف برائتج اكول ما استاهلج ما استحق وحدة مثلج
-سيف  اسمعني  منو كتلت ؟ منوعذبت ؟ ها كلهم سيئين كلهم اذوا احد  ماكو احد دخل لهناك الة وهو يشتغل بنفس هذا المجال هاي ايدك نقذتني نقذت حياتي وحياة اهلي شوكت تفهم هذا الشي ماكو قاتل عندة ضمير ويحاسب نفسة مثلك  سيف مثل مكلتلي انسي كلشي مر وكلشي صار انت هم انسى كلشي راح ابدي من جديد ابدي وياية حياتك الجديدة اني وياك محد حيذكر الي صار  المهم هسة انت شنو  والمهم احنا وين 
شيل هذا الحزن من كلبك شيلة حتى اشوف عيونك تلمع مثل قبل حتى اشوف ضحكتك وابتسامتك  حتى اكدر اتنفس براحة
- ايفين
-اني احبك سيف هذا اليوم خلي اول صفحة بحياتك اول صفحة انت وحدك الي تقرر شنو تكتب بيها وابيش اتلونها 
شو وينها ابتسامتك وينها شو
ابتسملي حطيت ايدي على خدة
-اي هاي احلى ابتسامة بالدنيا هاي عافيتي
- احبج 
- اني احبك اكثر
-هههههههه محينتهي هذا النقاش وياج مو
-اي طبعا اني احبك اكثر بهواية هواية هواية 
باوعتلة لعيونة لخشمة لحلكة لكل تفاصيل وجهة كلها احبها ما اريد اشوف الحزن بعيونة ابد ما اريد يحس للحظة انو ميناسبني او هو اقل مني بشي اخذت نفس جبير
-حروح اجيب الاكل اني
كمت بدون ما اسمع ردة ورحت للحمام جنت بحاجة انو ابجي ما اعرف ليش بس اكو شي جان ياذيني توتر خوف حزن كلامة اني متاكدة هو بعدة يفكر بهل موضوع وعمرة محيتجاوزة بجيت الى ان حسيت فرغت كلشي طلعت من المرحاض رحت للمراية جانت اكو نسوان اتباوعلي منطيتهم اهمية غسلت وعدلت وجهي دا التفت اطلع
مرية حطت ايدها على جتفي
- المرة الجاية اذا الدنيا جانت صعبة عليج  ابجي شلون بجيتي  هسة لتخليها بداخلج بس اطلبي كلينكس من الشخص الصحيح  لتعتمدين على نفسج هواية 
- شكرا
طلعت من الحمام رحت اخذت الاكل ورحت للميز وعلى وجهي اكبر ابتسامة
- اكيد جوعان خلي ناكل
- وين اتاخرتي 
فتحت العلبة مال البيتزا
- علي ازدحام جان
لزم ايدي
-ايفين باوعيلي شو اني اسف خلص  مراح افكر بهل موضوع ابد  لضوجين لتزعلين نفسج ابد انتي مثل مكلتي خلي نبدي صفحة جديدة  اليوم  خلي ننسى كلشي راح كل الي راح ننساه ونبدي من جديد اريدج تنسين ذيج الصورة عني
- تعرف شنو الصورة الي عندي عليك انو انت بطلي  اتريد امسحها ؟
- تمام هاهية لتمسحيها 
- خلي ناكل لان جوعانة كلش كلش
اخذت قطعة واكلتها شفتة هو هم اكل  خلصنا وكمنا
جان لازم ايدي واني شايلة علاكة و ملتهية بيها انخبصت هي والجنطة
-ايفين ؟
رفعت راسي شفت بنات من مرحلتي باوعت لسيف هو هم جان مصدوم
- عبالنا غايبة طلعتي جاية للمول وو
باوعن على ايدي اني وسيف 
-هههه لا اعرفكم سيف وسيف ذني بنات قسمي
- طبعا سيف نعرفة شلون منعرفة بس شنو علاقتكم 
- ما اتوقع اني او ايفين مجبورين انجاوبكم  خلوا فضولكم لنفسكم
جر ايدي ورحنا بسرعة
نزلنا بالدرج
-يوه سيف هسة يخبصون الكلية خبص
- عادي اهم شي متحترميهم واتجاوبيهم
- شمدريك علاقتي مو شي  وياهم
- مرة كلتيلي ما عندج صديقات وامبين من حجيهم
- فدوة للي يذكر كلامي فدوووووة
-لتهز براسك 
-  ابوج لازم يوافق اليوم لان من باجر حتسمعين خوش حجي
- انت السبب شدعوة هلكد مشهور
- هههههههه من ورة وحدة نزلت صورتي مصلخ
- والله من وراها
- يعني هو قبلها هم بس ما اعرف منو اخذها ونشرها بكل كروبات الكلية
- خرب لو ادري جان مسويتها
صعدنا بالسيارة حطيت الفستان وعلبة السوار بحظني
-خليهن ليورة
- لا ذني حبيباتي يبقن يمي
-خبلة
- شكرا
-جيبي ايدج
-اي متعرف اتسوق بدون متلزم ايدي مو اعترف
-همممم 
-هههههه لتهمهم  اعترف
-اعترف اعترف والله
باسها لايدي
-هههههههه هاي المفروض اصورها وانشرها على حسابك
-والله لوما  دا اسوق جان عرفت شسوي
-شسوي
- شغلات متتخيليها يلى وصلنا  انزلي بسرعة دا اخلص منج
-اي اخلص مني بس اليوم حتجي حتى تلزك بية العمر كلة
مديت الساني الة ونزلت من السيارة  طبيت للبيت على اطراف اصابعي بسرعة صعدت فوك اول مفتحت الباب شفت امي كبالي حاولت ما افز
- هلة هلة عيني  هاي شنو الغراض
- ها لا طلعت اشتري ملابس عمود اليوم شبيج
احجي وامشي  رحت لميز التواليت نزعت التراجي
- ادري اشتريتي ملابس عيني بس ويامن طالعة ولتكليلي يارا خابرتها قبل دقايق الابنية  وسمعت هوسة ناس وهي يمها اهلها فلتحجين ولا حجاية
- منو كالج وية يارا واني اصلا ما اجذب ليش هيج اتكولين
- لتلوفين الموضوع
- ماما وية صديقات الكلية
- حعبرها هلمرة بس لان مشغولين بس اياج اشوفج نازلة من سيارة رجال 
طلعت من الغرفة واني كلبي يدك يدك كعدت على الجرباية اريد اهدئ بس عزة والله عرفت كم مرة كتلة نزلني بعيد
طبيت للحمام حتى اسبح سبحت وكملت بدلت ولفيت شعري ونزلت ليجوة   البيت يلمع   طبيت للمطبخ الميز مليان حلويات واكلات
-شدسوين هنا
اخذت قطعة وكعدت
- هاي كارهة العريس وهيج لعد لو حابتة
- الاصول اصول اذا احبة واذا اكرهة ولتمدين ايدج
- حبيبتي ليش زعلانة مني شبيج  اليوم خطوبتي عمرج مزعلتي مني شمعنة بيوم خطوبتي
- مزعلانة بس ايفين انتي بنتي عمرج مسويتي الغلط لهذا عمري مزعلت بس بيوم الي اشوفج ملتي عن الطريق لازم اعدل طريقج لنفرض الجيران شافوج ولنفرض طلاب الكلية بالكلية شافوج تمشين ويا ها شنو حيكون كلامهم عنج
- بس
- لتكليلي مخطوبة او حنخطب ورة الخطوبة شي وقبل الخطوبة شي ثاني حتى المخطوبين المفروض مو كلش تلتقون نسامح بهل شغلة لان طلاب بنفس الكلية فاكيد تلتقون بس قبلها ميصير
واكو شغلة انتي ناسيتها انتي بنتي ما محجبة تعرفين الناس اتفكر تفكير كلش مو زين بالي ما محجبة ليش اتجيبين السمعة الموزينة لنفسج وانتي ممسوية شي اني لان احبج وامج الي تخاف عليج لازم انبهج وازعل منج
- اسفة والله موقصدي
- مو مشكلة المهم الغلط ميتكرر
- امرج تدللين
- يلى كومي عدلي غرفة الضيوف على ما اكمل الغدة حجي ابوج
- ماشي

-الو سيف وينك
-ها يوسف
-شنو ها يوسف تعال صال يقرن منتضر الغدة من وراك
-اتغديت اني
-ايا نذل
-هههههههه  شمسوية امي
-امي مو امك امسوية بانيا ولحم كارثة الريحة زرفتة لخشمي
-ديلى جاي خمس دقايق

فتحت باب الشقة حطيت المفتاح على ميز الله يا هلريحة شكد حلو اطب للبيت تلكة ريحة الاكل تتلكاك
-هلة يمة هلة شلونك شلونة يومك
- الحمدلله احلى يوم بشوفتج وبشم ريحة اكلج
-اهم شي عدك بطنك
-هههههههههه
كعدنا على الميز وهي اتصب
- شوكت انروح للجماعة
- اهل ايفين انروحلهم فد بالخمسة هيج شي
- اها بس مو متاخر
- لا كلش زين ساعة بالزايد ونطلع
- ان شاء الله خير
-اكلك سيف هم يدرون بيك
-يوسف شنو قصدك يدرون بي شبي سيوفي كلشي ما بي جنة البخت
-حشة ابنج مو اني ابنج
-اي ابني
-يمة مكال شي غلط  واي يدرون بكلشي
-همزين هيج سويت احسن من انو اتضم
-  اي
كملنا اكلنا وكمت طبيت سبحت ورحت للغرفة اتمددت  دك التلفون
- هلة
- هلة بيك عيني
- ورة عيني اكو شغلة
- لبست الفستان وكملت طلعت اجنن   
-ههههههههه بالعافية هسة اكوم ابدل حتى اجيكم
- اي والله امي مسوية حلويات اتجنن
- ماشي يلى خلي اكوم لان لازم ازين وابدل 
-ماشي حبيبي بيباي
-باي

كمت بدلت وكفت كدام المراية  اخذت نفس جبير
وطلعت من الغرفة
-ها يمة خلصتي
- اي
-هاي شنو شنو هلكشخة
-لعد شعبالك عيني اني اخبل 
-واني هم اخبل
-يوسف ترة اني العريس
- اي واني اخو العريس بلكت عندهم بنية ثانية
-دمشي امشي
صعدنا بالسيارة اول موصلت بيتهم احس اول مرة شايف بيتهم نزلت من السيارة
دكت الجرس

💓💓