🛑
part 45
خلصت اليومين الي بالمستشفى بالكوة كوة لازم روحي احاول اتناساها احاول ابتعد احاول ما افكر بيها بس شلون وهي متملكتني من اكل من اشرب كل تفكيري بيها شنو صار عليها وشتحس يوصلولي اخبارها بس احس هي دتوجع
- اليوم انطلع الاميرة من البرج المحبوسة بي
- واتودوها للقصر ؟
- وانوديها للقصر
- وتلبسوها فستان
- انلبسها
حضنتني
- حبيبي انت احلى اخ بالدنيا
- ههههه هسة صرت احسن اخ
- اي خوب اذا اشتريلتي ايس كريم اتصير احلى واحلى واحسن اخ
- تدللين كم سما عدنا
شلت الجنطة
- يلى يا اميرة
لزمتني ومشينا طلعنا من المستشفى صعدت بالسيارة طلعت تلفوني
طلعت صورة الها احس حفظت كل تفاصيل للصورة من كثر ما اشوفها
- سيف وصلنا
- ماشي حبيبتي
نزلت واخذت الجنطة
- ايدج
لزمتها وصعدنا بالمصعد
- حشوفك غرفتي والرسوم الي راسمتها والصور الي صورتها هنا
- ان شاء الله حبيبتي
دكيت الجرس
- هلة هلة
نور هلهلت وطشت جكليت على راس سما فرحت من شفت ضحكتها وفرحتها عفتهم وطبيت جوة شفت طفلة تزحف كلش صغيرة شلتها كلش حلوة وجهة ابيض واتسوي حركات حلوة فجاءة باوعت علية كلت اكيد حتبجي لان اول مرة اتشوفني بس هي ازمت خشمي وضلت تلعب بي مثل
- ايفين عمري اشتاقيتلج
- منو ؟
اتفاجئت من الاسم
سما - ايفين اسمها
نور - من جنت حامل وعرفنا ابنية جنا حايرين بالاسم من كلت لامي كالت سموها ايفين وصلت توصفلنا جمالها وكلش اتمنينا تطلع حلوة مثلها
بلعت غصتي وباوعت عليها شلون تبتسم وتضحك رحت اخذتها من سما
- لايكلج الاسم و اتحبين خشمي مثلها اظاهر ايفين حتلاحكني بكل مكان
- كلش اسفة
- على شنو الحظ حظي
اول مفتحت عيني شفت الدنيا سودة
- اخ راسيي
شفت ضوة خفيف حاولت اذكر اني وين وشنو صار اخر شي جان صوت سيف من كالي تعاي
- سيف سيف
- ايفين ماما
انفتح الضوة راسا كلش عالي غمضت
- يمة كعدتي حبيبتي
- ماما
- خلي اصيح الطبيب
راحت باوعت لكيت روحي بالمستشفى اني شنو الي صارلي وسيف وينة
اجة الدكتور وحط ضوة بعيني
- ايفين شلونج
- الحمدلله بس راسي كلش يوجعني
- اي عادي هاي هسة نطيج مسكنات تذكرين شنو صار ؟
- لا ما اعرف
- شنو احر شي تذكري
- اااا الجامعة جنت طالعة من محاظرة
- اي وراها اتعرضتي لحادث واجيتي هنا
- يس اني ؟
- شنو
- بس اني اتعرضت لحادث وحدي
- اي بس انتي
- اي شي اتحسة المريضة تعالوا بلغوني والف الحمدلله على السلامة ايفين بنتي انتي انكتبلج عمر جديد رجعتي بصعوبة
- الله يسلمك
اذا هيج الحادث جبير سيف وين ليش هدني
- ماما هما بيج شي شتحسين ايدج اشلونها رجلج
- شوية ايدي توجعني
- اي هاي لان مخلوعة ورجعوها الله لاينطي الي سووها
- ماما احد كاللكم على الحادث شلون صار
- اي جنتي دتعبرين الشارع مقابيل الجامعة ودعمتج السيارة
لذكرت سيف جان كبالي وجنت اسويلة هلو اريد اسالها بس شلون شنو اسالها كلبي ممرتاح سيف ميخليني بوحدي شلون شنو صار
- ماما تلفوني وين
- عوفي مو وكتة ارتاحي هسة شربوج مسكنات نامي وباجر انطيجيا
- ماما محتاجتة
- لا
أنت تقرأ
أخذه قوي تركه ضعيف
Mystery / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
