أخذه قوي تركه ضعيف

part 6

بارت 6          

طلعت من مكتبة عصبي وعقلي مشغول
اتعاطف ؟! اني مدا اتعاطف وياها مجرد اتذكرني بيها هواية وكل ما اشوفها تطلع كبالي كانوا هي بقوتها بجرأتها بتحديها الي
بس لا اني مدا اتعاطف وراح اثبت هذا الشي
قررت اعوف التلفون كدامها وراح ادمرها اذا فكرت تعصيني
طبيت للغرفة
عفت التلفون والمحفظة على الميز ورحت للحمام طبيت جوة الشاور سبحت على السريع لبست وطلعت
واكفة كبالي قريبة على الميز شفت التلفون ماكو اني اعلمج
ضليت اتقرب عليها جانت ترجف وعيونها مرعوبة  اخذت التلفون منها وهي مسوت شي جانت كل الافكار الشيطانية بعقلي بس من شفت ادموعها كلهن اتبخرن هاي ثاني مرة اضعف كدام ادموعها
ليش
  اوف لو بيدي اكتلك يا بوية بايدية ذني على السويتة بية 
خليتها تتصل باهلها وتطمن عليهم
انطتني التلفون
- ارتاحيتي هسة ؟
- طبعا شكرا ولو هو واجبك
- متوبين انتي
عدلت كعدتها ووجهت كل جسمها علية
- بس فهمني شوكت اطلع منا شوكت اصير حرة
- جاوبني ليش مدا اجاوبني (بصوت عالي)
سمعت الباب انفتحت
كمزت عليها ولزمت فكها بكل قوة
- انتي شوكت تفهمين شوكت اتخافين اكسر راسج اذا اتعانديني من اكلج تسكتين اتسكتين تفهمين لو لا
- مخبل هدني
- اني مخبل
ضربتها راشدي قوي لدرجة ايدي اذتني
وجريتها من شعرها الطريق كلة الى الغرفة ذيج شمرتها هناك
- انتي مو مال احترام انتي حتى معاملة الحيوان زايدة عليج

                     

على غفلة انكلب وصار انسان ثاني لان رفعت صوتي اذاني ومجرد كلتلة مخبل ضربني بقوة وسحلني لذيج الغرفة الغضب الي جان بعينة فضيع  شمرني بالكاع  اقترب يم  راسي  كالي كلماتة حسيت الغضب ملة كلبي وعمة عيني عن الشخص والوضع الي اني بي بصوت ناصي
- انت الحيوان محد غيرك
- ناوية على موتج اليوم
ضربني ضربة وحدة فقدت وراها

                     

اتقصدت اضربها ضربة وحدة
- غبية
كمت وطلعت من الغرفة
- لتنطوها اكل خلوها تتربى
- امرك سيدي
عفتها ورحت لغرفتي

                     

فتحت عيني راسي احسة راح ينفجر كمت غسلت وجهي وكعدت يم الحايط شنو الي صار اني مسويت شي غلط ليش فجاءة صار مثل الوحش هلمريض هذا مريض ولازم يتعالج هسة اني لو سادة حلكي اكيد بعد ميخليني اخابر اهلي
راسي مدا اتحمل الوجع كمت دكيت الباب
- اريد حباية مال صداع راسي راح ينفجر
- هي احد يسمعني
كلت من يجيبون الاكل اكللهم اجة وكت العشة ومحد جاب شي  رجعت دكيت الباب
- حتى اكل ماكو شعجب المهم ما اريد اكل اريد حباية مال صداع دا اكللكم راسي حينفجر
محد يرد علية
رجعت غسلت وكعدت على الكاع جسمي احسة مكسر واكو برودة ورة كم ساعة بديت اكح معقولة اتمرضت حاولت انام بس مكدرت من الالم ومن التفكير
اذكرت اغنية اني حافضتها كعدت اغنيها بعد ما اتحمل كورت روحي عمود ادفة لزمت كصتي اوه مصخنة يا ربي حلها ما عندي غيرك
ضليت افرك بجسمي نمت

                     

-منووو
- اني سيدي
- طب شكو حتى نوم ما انام
- بس سيدي ردت ابلغك ترة صالها فترة اتريد حباية للصداع
- روح
رحت لغرفة المراقبة شفت حالتها عفتها الفجر فتحت الباب وطبيت
حطيت ايدي على كصتها
- نار
شلتها وهي جانت تهذي بكلمات امي امي حطيتها على الجرباية ورحت جبت كمادات شفت حرارتها متنزل جبت ابرة وضربتها
غطيتها بكل الاغطية الي عندي

                     

كعدت شفت نفسي بنفس غرفتة ها اظاهر رجع من حيوان لبشر كمت من الفراش جسمي مكسر وبردانة  كلش باوعت بعيوني ما موجود رحلت لكنتورة طلعت ملابس ورحت للحمام طبيت جوة الدوش سبحت وطلعت وبدلت اثناء مدا امشط باوعت على المراية هاي مو اني وجهي احمرعلى ازرك واكو من الضربات القديمة اثار  جسمي بعدة مزورك احس كلبي انعصر ليش اني من دون الناس هيج يصير بية طلعت من الحمام
الملابس جانت دافية رجعت للفراش غطيت نفسي
صفنت بحياتي الي دتدمر وتتحول من جنة لجحيم وينج ايفين وين حياتج وين ضحكتج ماما مشتاقتلج مشتاقة لحضنج شكد محتاجة اشكي لبابا شكد محتاجتة حتى خبالات اخوية  بجيت سمعت الباب انفتحت مسحت ادموعي اجة كعد يمي على الجرباية
مد ايدة طخ كصتي
- بعدج مصخنة
-بس وخر عني كلشي ميصير بية
اخذ نفس
- شلون صرتي هسة
-  عادي
- لعد ليش تبجين
- بس فهمني شوكت ينتهي كل هذا
لزمت ملابسة
- كلي حتى اكدر اصبر احس عقلي راح ينقسم نصين والله
- مطولين فترة واتعدي
- صدك يعني راح اتعوفوني زين زين شوكت
كام
-احجي وياية
كمت اني هم شفتة مشة رحت ركضت وكفت كبالة
-لتسكت فهمني شوكت اكدر اطلع منا
-وخري
عينة اختلفت وكلة غضب وظلمة وخرت عنة
شفتة وصل للباب
-جوعانة
سد الباب وطلع
رجعت للجرباية
-هاهية فترة واتعدي اكيد مراح يجذب علية اكيد ميسويها

متحملت اجذب كمت دا اطلع وكفت كبالي نظرتها حركت شي بداخلي مكدرت اجذب ومكدرت اكللها الحقيقة عفتها وطلعت
- الو دزلها اكل
-امرك سيدي

                     

ركبت السيارة رحت على النهر
- الو الحلوة شلونها
- الحمدلله انت شلونك
-صحتج شلونها 
- الحمدلله بس مشتاقتلك كلش
-اني هم كلش تعرفين شغلة اكو بنية تشبهج
- زعلت شنو تشبهني
-هههههههه انتي احلى بس هي اقوى
-سولفلي عنها
-امممم شفتها بالجامعة وصار كم موقف واياها السانها حاد ومتعرف الخوف
-حلوة
-اي صغيرة وناعمة
-بديت اغار عليك ميصير اتسولف عن ابنية كبالي
-ههههههههه اي غاري علية ترة شاب ووسيم
- بديت اخاف على مستقبلي
- اهم شي اديرين بالج على صحتج
- انت هم لتضوج ابد شوكت تجي
- مو قريب
- مشتاقتلك هواية دا احسب الايام  حتى اشوفك
- ان شاء الله خير يلى روحي ارتاحي
- بيباي حبيبي

🖤🖤🖤