أخذه قوي تركه ضعيف

part 5

بارت 5

مستفزة  اتوقع هلمرة راح اتونس هنا
ركبت سيارتي وطلعت 
- هلو
- هلة بالغايب شنو من لكة احبابة نسة اصحابة
- اي لكيت ابوية
- هههههه المهم شلونك شلونك وية ابوك
- لتخليني ابدي اترجاك
- ليش هم رجع يجبرك على الشغل ويا
- اخ ياريت مثل كل مرة يا ريت يجبرني اضرب واخذ اعترافات مثل قبل هلمرة مرة بركبتي
- مرة ؟!
- طفلة مو مرة طفلة صغيرة وقوية
- حلوة ؟؟؟
- هذا الي يهمك
- دا اشوف ابتسامتك  من دتحجي بطاريهة فتوقعت صاحبي وكع بالحب
- هههههههه والله ضحكتني اني مو مال حب وانت اعلم بهل شي
- لتكول هيج
- سد الموضوع  المهم الشباب شوكت يجون
- مراح يجون احنا انروح يمهم هناك انشوف اللعبة
- لعد يلى اتوكلنا

ضليت امددة على الكاع اباوع على السكف الوصخ بس بالي كلة بطريقة للهرب منا

- هههههههه صدك مراح اهرب بطران لو اكو فرصة بمقدار 0% هم اهرب 
سمعت اصوات حجي افتهمت انو بين الحارس وبين الي يجيب الاكل انفتحت الباب حط الاكل وراح رحت ورة الباب عساس اجيب الاكل بس جنت اتصنت اشوف اذا بس حارس واحد
وصدك بس واحد اكو ماكو اي صوت برة
والكامرة مشتغلة شلون راح اهرب
- اه جوعانة خلي اكل وبعدين افكر

جنت انشف وجهي واجتي ابالي فكرة  اكيد تنجح بس احتاج سرعة واحتاج قوة خلي اطيب وانفذها
اتمددت وضليت اباوع لنفس السكف واني اخطط بدقة للهروب
مر اليوم الثامن والتاسع واني اخطط واخطط واحاول اضبط الموضوع
حياتي اكل وتفكير هو ما اجة نهائيا ومحد يحجي وياية ابد
اليوم وقت التنفيذ
سمعت صوت وصل الاكل اخذت ماعون ثكيل كزاز ووكفت ورة الباب قبل متنفتح الباب بثواني هو شايل الصينية بايدي الاثنين ضربتة بكل قوتي  وكع بالكاع
نجحت نجحت نجحت
سحبتة جوة وطلعت ركض اعرف هسة راح يبدون لان الكامرة شافتني اكيد  وصلت للباب
دنيا مغرب ماكو احد عبرت بهدوء وصلت لباب الخارجي وذولة بدوا يطلعون عرفوا بس ما شافوني  ضليت ارجع ليورة حتى اشوفهم اذا شافوني او لا
ضليت ارجع ليورة الى ان انطخيت بشي
لا لا مو الي ابالي اكيد لا التفت هو هو واكف اني يم صدرة ما عندي جراءة ارفع وجهي هاي اخر فرصة التفت اريد اركض لزمني وشالني على جتفة ضليت اعيط
-ساعدوني ساعدوني هذا خاطفني ساعدوني عوفني عوفني جانت ايدي جوة جسمي وراسي على ظهرة كلشي ما اكدر اسوي ضليت اركل برجلي بس ضل يمشي الى ان عبرنا الباب الخارجية اجوي الحراس  شمر عليهم السويج
- حسابكم بعدين
اني استمريت اعيط
- سدي حلكج
سكتت نبرتة ما اطمن دخلنا للغرفة وشمرني
هاي غرفتة هاي جربايتة شراح يسوي
- ليش هنا وديني لذيج الغرفة اضربني هناك
ضل يباوعلي بنظرة غريبة
- شنو اني مجذبت عليك كلتلك راح اهرب
نزع حذائة بدون ايدة وهو مركز بعيني وبعدين نزع الكوت كمت من الفراش ودا اركض لزمني وجرني رجعني على الجرباية وهو صار فوكي حاولت ادفعة لزم ايدي اثنينهن وصعدهن فوك راسي وهو كاعد على رجلي ماكو مجال اهرب من ايدة
- راح اشوفج شنو قصدي من كلتلج العقاب يختلف
-لا لا لتسوي شي
بدة يفتح دكم قميصة بايد وحدة
- لا لا الله يخليك لا لتسوي شي لا عوفنييييي
ابجي وابجي ما عندي حل غير التوسل والبجي
بدة يتقرب لركبتي
- اسويلك اي شي اسمع كلامك ما اتنفس بس لتسوي هيج الله يخليك
احجي وابجي احس راح تطلع روحي وهو يم ركبتي لمساتة تحرك روحي
غمضت وبعد محسيت بثكل على جسمي فتحت عيني مجان فوكي جان كاعد على الجرباية بصفي
ضليت على وضعي متحركت ولا شعراية
- اذا حاولتي تهربين مرة لخ ولو محاولة وحدة راح اسوي الي مسويتة هسة افتهمتي؟ دا اسالج جاوبيني افتهمتي؟
- افتهمت اي اي
- هه اخيرا صرتي ابنية وشفتج تبجين بس تدرين انتي حلوة وانتي تبجين  اسف خليتج تبجين بحركة بس شسوي انتي عنيدة والضرب ميجيب نتيجة وياج لهذا هسة لكيت غير طريقة وياج  ديري بالج على جسمج المرة الجاية القرار بايدج
بعدين اتمدد بصفي
حاولت اكوم بس خلة ايدة
- ابقي مثل ما انتي شنو شو مدا اسمع جواب
- اي
صوتي بي شهكة بجي 
استمريت ابجي بدون صوت كل الافكار السيئة مرت على مخي امي وابوية مستقبلي واحلامي وحياتي وصديقاتي كلشي جنت ابجي علي وابجي على الموقف الي اني بي هسة
- بعدج تبجين شلون تكدرين تبجين هلكد بدون صوت لو اني جان اختنكت
مسحت ادموعي
- رجعني لذيج لغرفة اريد اروح هسة
- راح تبقين هنا
- ما اريد متسمع ما اريد ابقى
باوع علية
- ها اتريدين تستفزيني هسة ؟
- لا لا مو هيج اني ما اريد اضوجك بكعدتي هنا
- اي اسكتي حتى لا اضوج تعبان واريد انام
حاولت انام بس مكدرت بعدين غفيت ما اعرف شلون هو جان امدد بصفي بس بعيد اني جنت لازكة روحي بالحايط

فتحت عيني انصدمت شوية جانت قريبة علية حيل وجهة بوجهي باوعت لوجهة اتذكرني بفد وحدة مشتاقلها وخرت ايدها وكمت غسلت وبدلت وطلعت
- صباح الخير سيدي
- الحراس مال البارحة كلهم اتحاسبهم وخاصة مال البوابة الخارجية
- امرك سيدي بس سيدي الرئيس يريدك
- هسة ؟
-اي سيدي
- خلي انشوف شعدة
طبيت للمكتب وكعدت على الكرويتة
- احد كلك تكعد
- نعم ؟!
- انت شغلة وحدة وصيتك عليها شغلة وحدة ويا ريت صعبة ومدبرتها
وكفت
- اسمعني زين اذا منفذت هلمهمة مضبوط احسب لا وعد ولا اي شي اتحصلة مني سمعتني لو لا ؟
- حاضر
- اكعد
كعدت
- ابنية هلابنية مهمة كلش ابوها متخبل ديشتغل بايدة وبرجلة للمشروع مثل منريد احنا وبدونها مراح نكدر انحصل الي انريدة
- هه ما عدها اخ تخطفة اذا هربت
- لتستفزني
- اني ميهمني شغلك ولا يهمني مشروعك الي يهمني الوعد الي منطينيا عدة هذا ما اسويلك شي ومن ناحية الابنية لتخاف عدي استعداد اكسّرها وما اخليها تهرب

- هاي يمك بس اذا شفت اي تعاطف منك صدكني راح اسوي شي متحبة
- تعاطف ؟!
- تهرب مرتين وكلشي ممسويلها شتسمي هذا
- المرة الاولى كسرتها والثاني الة شوية اغتصبها شتريد اكثر
- اتريدني اصدك انك ممتعاطف وياها انت الي جان يتنفس غلط ادمرة وهاي اتعيط وتغلط وتهرب ولحد هسة مميتة
- الفرق ابنية
- هذا الي دا احجي عليّ . المخبل الي بدون رحمة فجاءة كام يرحم والحجة شنو بنية !! هههههههه المهم انت سمعتني زين اي شي اشوفة غلط انت اعلم بالي اسوي
عفتة وكمت

اتوقعت من افتح عيني راح يكون موجود بس ماكو الغرفة فارغة غسلت وجهي وكعدت صافنة اني شنو راح يصير وياية شنو ممكن يسون بية ذولة ماكو شي يمنعهم اني لازم اهرب بس هذا شلون بي اذا يلزمني مرة ثانية راح يموتني بايدة فزيت على صوت الباب شفتة اجة نزلت عيني ما اريد اشوفة راح للحمام واخذ ملابسة رحت وراه للحمام حاولت اسمع سمعت المي ديسبح رجعت لغراضة شفت تلفون من هذا الصغير كلش جان مغلق فتحتة بسرعة كلبي يدك بقوة حتى عركت
اذا لكفني شلون
انفتح بالكوة بس سوة صوت من سمعت الصوت دفنتة بجسمي بس اريد الصوت يروح
لتخافين اكيد ديسبح مسمع مسمع دكيت الارقام وهستوني دا ادك فتح الباب راسا ضميتة ورة ظهري
ضل يباوعلي من جوة ليفوك بعدين ضل يتقدم وهو دينشف شعرة  وكف مقابيلي
الخوف مسيطر على كل شعراية بجسمي ما اعرف شسوي شاكول
وهو جان مركز بعيوني
مد ايدة على التلفون مكدرت اتحرك شعراية ولا كدرت اسوي اي شي
عينة بعيني وايدة اخذت التلفون مني
وخر عينة وباوع على التلفون رجع عينة علية
ضليت ابلع بريكي رفع ايدة اني راسا رجعت ليورة
دموعي نزلت بدون ما احس بجيت
- اسمع صوتهم بس الله يخليك
اتقرب اكثر ورفع ايدة اتوقعت راح يضربني غمضت بس محسيت بشي فتحت عيني
لكيتة كاعد على الكرويتة رجل على رجل
اشرلي اجي اكعد بصفة
رحت واني بالكوة امشي
- هاج دكي عليهم
- ها
- مو اتريدين تسمعين صوتهم
- اي اي
-  اسمعي لعد
اخذتة وايدي ترجف دكيت الارقام واتصلت دكة اثنين محد رد
باوعت علي ودموعي صبت مرة ثانية بدون صوت جنت اترجى يسمحلي مرة ثانية
- ارجعي دكي عليهم
دكيت
- الو
- الو منو
- ااا اني ايفين
- ايفين يمة ايفين شلونج هاي انتي صدك يمة شسووا بيج يمة
- يمة على كيفج ما بية شي هاي دسمعين صوتي كلشي ما بية المكان حلو ودافي والاكل طيب وكلش مرتاحة حتى تلفزيون منطيني انتوا شلونكم
-صدك يمة صدك ما بيج شي
- اي ماما اطمني كلشي ما بية بس من اطلع اريدكم انتوا هم ما بيكم شي
- اي ماما ابوج ديركض عمودج لتخافين كلشي انسوي حتى انرجعج لحضنا يمة
- ماما مشتاقتلج راح اروح بيباي 
- ديري بالج على نفسج يمة
سديتة احس اطمنت بس كلبي محترك نار

🖤🖤🖤🖤💋