أخذه قوي تركه ضعيف

Part 36

. بارت 36

- انسى ؟ شنسى حضنك ؟ كلامك؟ ريحتك ؟ الاحساس الي احسة واني يمك شنسى اريدك سيف تعرف شنو اريدك اريدك
- انسي كلشي
-انت
داحجي ودك تلفونة
يباوعلي بعيني
-ها حبيبتي اي بعدني بالكلية هسة جايج خليج بمكانج
سد التلفون
- انت اكثر انسان نذل شفتة بحياتي 
ابتسم وراح
-حقير حقير حقير
كعدت بالكاع ابجي كلبي انشلع حتى نفس ما اكدر اخذة ليش هيج اتسوي ليش ليش تاخذ كلبي واتشمرة علية ليش والله احبك والله احبك والله هلشعور حيموتني والله حموت

ضليت امشي والدنيا ما اشوفها احس مخنوك مخنوك احد لازم ركبتي مدا اكدر اتنفس صعدت بالسيارة
انصدمت من دموعي الي نزلت
- ههه سيف ابجي ابجي هو مكتوبلك البجي
حركت السيارة تلفوني ضل يدك
سديتة شحيخلصني منها 
دك مرة لخ
- ها حسن
- سيدي لكينا الجاسوس
- جاي

دست بانزين وسقت باعلى سرعة  وصلت للمقر
- وينة
- بالتحقيق
- شلون عرفت
- من جنة انصدر الشحنة اخذنا الموبايلات من الكل الموجودين فاني جنت دا افتر واراقب شفتة خاتل وكاعد يراسل
طبيت شفت واحد ضعيف ومبين صغير بالعمر
- شسمك
- والله سيدي اني مو الجاسوس والله
- اسمك
- علي سيدي مالي دخل والله
- ليش مسلمت تلفونك
- سلمتة بس بقيت مال الاهل والله
ضربتة راسا
- مال الاهل هي كو.... عليمن اتجذب فضها المن تابع وكم مرة وصلت معلومات وشنو المعلومات الي وصلتها
- سيدي والله جنت احجي وية حبيبتي والله متابع لاحد والله اني محد مكلبني لا يدري بية اني اهلي ميدرون ششتغل والله
ضربتة مرة لخ
- شنو حتقرالي اليتيمة فضهة
- والله دا اراسل حبيبتي والله
- حسن التلفون
شفت الرسائل كلها حبيات وسوالف باوعت  لحسن
- سيدي شفرات كلها اكيد محيحجون واضح
- اي صح يكللها مشتاق لحضنج معناها البضاعة حتفارك حضنة مو امشي من وجهي مو صوجك صوجي اني الي خليتك مسؤول على هيج شغلة
عفتهم وطلعت
رجعت للشقة
اني شسويت شلون اعترفتلها شلون احلها بس بس هي اتحبني الكلام الي اتمنيت اسمعة سمعتة بس شنو الفايدة بس اذيتها واذيت نفسي لو صابر على نفسي ومتحمل مثل كل مرة بس الي يشوفها هم يتحمل بس الله يصبرني عليها هلفترة
كوة سحبت روحي من الجامعة وطلعت تلفوني اتفجر مكالمات من يارا عبالك حست بية ما جاوبت على احد ولا اريد اجاوب على احد
اول مطبيت البيت
- ايفين ! شبيج يمة شنو باجية
-لا ما يية
- مكياجج سايح
- حارة يمة حصعد انام احد يصيحني
صعدت قبل ما اسمع حتى جوابها اعرف ما اقتنعت بس شسويلها شمرت روحي على الجرباية واحس تعب الدنيا بيا اعترفلي احبج كالي مو هذا الي جنتي رايدتة وتنتظري صار بس شنو استفاديتي شنو الي حصلتي هسة كلبي اخ يا كلبي

-ايفين ايفين ماما اكعدي
- ها ماما
- ماما مصخنة كومي
- الساعة ابيش
- بالسبعة عبالي دتبدلين صعدت لكيتج حتى مكاعدة شنو شبيج
- ما ادري
-لداومين خلي انشوف اصخونتج
-لا اداوم
- ماما وين مداومة اكعدي هسة اكعد ابوج ينطيج ابرة علاج شو شنو
بلة هاي منين اجتني