أخذه قوي تركه ضعيف

part 17

بارت 17

انفتح باب المكتب بقوة
- سيدي !! اطلاق نار بمنطقة سكنية
- حرك الدوريات مال مركز الشرطة اريد اوصل الكة المطلق مقبوض علي
- امرك سيدي
اخذ اسلحتة وكاسكيتة العسكرية وركبوا الهمرات

- ها نفذتوا العملية
- مثل مردت بالضبط
- عاشت ايدك
اتمنى يا سيف انو اتمتعت وياها بهل اسبوع واتمنى انو متحاول تخدعني مرة لخ

وصلت الهمرات لبيت ايفين وجانت هوسة وناس وسيارة اسعاف وشرطة
اتحركت سيارة الاسعاف
- احترامي سيدي
- انطيني الاحداثيات
- المصاب بسيارة الاسعاف وحالة مجهولة الى الان و و
- والمهاجم ؟
- اسف سيدي
- احجييي
ضل يبلع بريكة - قناص وهرب بنفس اللحظة قبل متوصل الشرطة
- شلون عرفت قناص
- اكو شهود كالو ماكو احد بالشارع فجاءة رصاصة ووكع المصاب على الكاع  واتصلوا بالاسعاف
اتحرك العقيد وراه الضباط والحرس لداخل البيت شاف ماكو احد طلع من البيت
- وين اهل البيت
- والله ما اعرف سيدي
شال الاسلاح وحطة براسة
- متعرف متعرف شنو متعرف
ضل يصيح
- مجايبك هنا حتى تلحك وراية روح اعرف شنو يقربون للمصاب وحققوا وية الجيران يلى
نهى كلامة بصيحة عالية هزت كلوب الحرس والضباط الي تحت امرتة
ركبوا الهمرات واتوجهوا للمستشفى
- سيدي ليش هيج اعصابك شنو الي بهاي القضية نرفزك هلكد
- قناص بمنطقة سكنية فكر بيها زين منو الي عدة هيج قابلية
- قصدك الوحش!
- بس خلي يوكع بايدي شي الة اسوي حشرة مو وحش
وصلوا للمستشفى نزلوا ودخلوا وصلوا للعناية المركزة
-سيدي
رفع راسة شاف شاب كاعد على كرسي يم العناية المركزة الي بيها المصاب ملابسة كلها دماية جان حاط ايدة على راسة وامبين اكو مصيبة
- من اهل المصاب ؟
- اسف سيدي
- شتعرفون انتوا
- السلام عليكم اني العقيد محمد
مدلة ايدة بس الشاب ما رفع راسة
- سيدي وصل الطبيب الي طلبتة 
- السلام عليكم اني العقيد محمد
- وعليكم السلام اني الطبيب المسوؤل عن الحالة
راحوا لمكتب الطبيب
- المصابة
-المصابة ؟
- اي ليش حضرتك متعرف هي بنية
- كمل
- عمرها ١٨
انصابت بالظهر اصابة خطيرة والطلقة كدرنا انطلعها 
ضل يشرحلهم على الاصابة وجاب الرصاصة
طلعوا من غرفة الطبيب 
- سيدي شنو راح اتسوي 
- خلي هسة نحقق وية المصابة والي اجة وياها وبعدين انشوف شنو القصة 
راحوا للعناية المركزة ماكو ماكوا بس امها برة تراقبها من الشباك وتبجي
-ها سيدي
-عوفها هسة منا لباجر الله كريم 
طلعوا وبقوا حارس واحد يمها

الساعة 4:30am
- الو سيدي
- كول
- المصابة كعدت وهسة ديفحصوها دقيقة الطبيب طلع ...... سيدي يكول حالتها زينة نكدر نستجوبها
- عوفوها ترتاح وعوفوا اهلها  هم يرتاحون باجر اجي احقق وياهم
- احترامي سيدي

اتوجهنا بالسيارات العسكرية للمستشفى طبوا الحراس  استقبلوهم
-سيدي جنا اندك عليك بس محد يجاوب

- احجي شكو
- سيدي بس رحنا نحجي وية الدكتور رجعنا ماكو لا الابنية ولا ابوها ولا الشاب الي جان وياها بالحادثة
- انت من كل عقلك تحجي انت مخبل  اني شكلت اني شكلت مو كلت اتراقبوها المفروض واحد يروح واحد يبقى
يحجي بصياح
- امها وين
- سيدي من الصبح  رجعوها للبيت
- بسرعة بسرعة لبيت اهلها 
وصلوا
دخل شاف الوضع طبيعي وجانت المرة دتطلع
- نعم ؟!
- وين رايحة
- ليش تسال
- خالة بس اعصابج  على كيفج ادخلي دنحجي وياج
- وين لا اريد اروح اشوف بنتي بنتي بالمستشفى
- ليش انتوا مرجعتوها هنا
- شنو بنتي بالمستشفى بنتي ايفين انت متعرفها
- اعرف بنتج ايفين ايفين مو بالمستشفى
- خطفوها رجعوا خطفوها
ضلت اتصيح الى ان اتخربطت
-دخلوها جوه ولتسدون الباب وصيحوا الجوارين بسرعة
اجني النسوان كعدوها
ورة فترة
- كعدت ؟!
- اي
- هاهية لعد خلي يطلعون ما اريد احد خلي انشوف شنو هلمصيبة

هاي العائلة وراها مصيبة مضمومة
- ها خالة شلون صرتي
- بنتي بنتي
- على كيفج والله ارجعها الج بس فهميني بنتج جانت مخطوفة
- اي اي اه يا بنتي
- شكد صاللها مخطوفة
- اكثر من شهرين
- اكثر من شهرين ومحد امبلغ ليش
- هسة بنتي وين ملحكت اشبع منها يربي 
- بسرعة سووا بلاغ على كل الدوريات بموصفاتها وكلشي عنها  اريد الكاها اليوم قبل باجر
- بنتي ما مخطوفة
التفت ليورة
- منو انت ؟!
- اني ابو ايفين بنتي ما مخطوفة بنتي وية رجلها 
- شنو

- اتفضل خلي افهمك
كعدوا بغرفة وحدهم
- مرتي عدها حالة نفسية اذا غابت بنتها عبالها مخطوفة هي هيج ماكو اي شي عن الخطف  حقيقي  
- والي صار لبنتك
- طلقة تايهة محد يعرف مصدرها
- وليش طلعت من المستشفى
- الطبيب سمح الها تطلع ورجلها كلش غيور ميقبل تبقى بالمستشفى  هواية
- وين العقد مال زواجها
- اتفضل هذا العقد
- مصالة هواية
- شهر وكم يوم
-بعدها عروس
- اي 
- تمام بهيج حالة ماكو خطف والرصاصة تايهة وماكو شي  والابنية يم رجلها
- اي نعم
- ماشي مع السلامة

- اريد بدون محد يدري تسال اهل المنطقة عن هاي العائلة اريد اعرف قبل شهر صار عدهم عرس او لا شي ثاني اريدك اتحط مراقبة عليهم ٢٤ ساعة عينك ما اريد اتفارقهم  
- امرك سيدي