أخذه قوي تركه ضعيف

part 30

,اخذه_قوي_تركه_ضعيف

بليلتها منمت مو من الخوف لا من الحزن اول مسديت التلفون بجيت بقوة احس كلبي حينقسم نصين

محسيت بروحي للصبح كعدت تعبانة واحس جسمي مكسر نزلت من شافتني امي اجتني تركض
- شبيج ماما شنو مريضة
- لا ما بية
- يمة جسمج حار تعاي ارتاحي ماكو لداومين اليوم
اني هم فقدت نمت على الجرباية وامي ضلت اتسويلي كمادات
من كعدت باوعت دنيا ليل صايرة سمعت امي تبجي وتدعي وابوية نايم على الكرويتة بطريقة مو مريحة حسيت روحي اني عذابهم
كلت لا مراح اسببلهم اذة اكثر من اليسببتة كمت ورحت حضنت امي
- ايفين يمة شلون صرتي
- الحمدلله شبيج خايفة هي افلاونزة
- مو انتي مشفتي وجهج شلون انكلب يمة اني اموت بدونكم والله
- الله يحفظج الية
خليتهم يروحون طبعا ورة ما اطمنوا عليه
- ايفين خلص كلشي لتاذين اهلج عمود مصالحج
قررت ادرس هاي اخر سنة واني راحت علية نص كامل يادوب الحك اقرة المواد السبب الي راد يكسرني خلاني اصير اقوة
خلاني ادرس دراسة فضيعة اخذت اجازة وكعدت بالبيت اقرة كلومية الى ان يجي الليل اذكرة وابجي بيوم متحملت حسيت روحي اذا محجيت ويا حموت
لزمت التلفون شفت اخر اتصال بالنت نفس اليوم الي اتفاركنة بي
اتصلت مرة واثنين ماكو اتصال
دكيت على الرصيد سمعت
- هذا الرقم خارج الخدمة
دكيت ودكيت ماكو اي شي بجيت اكثر واكثر اذا جان اكو تمل بنسبة ١٪؜ هسة ماكو اي امل حسيت فقدت روحي
اتذكرت حسابة بالانستا فتحت التلفون واني حتى ما اباوع من كثر دموعي بحثت ويحثت ماكو اني متاكدة اسمة هيج ليش مديطلع عرفت ماسح حسابة
انتهى كلشي هاهية معقولة
مرت الايام واني اراقب تلفونة بلكت يفتح الخط اقرة النهار كلة وبالليل ما اكدر انام بسببة لا نهاري نهار ولا ليلي ليل حتى اكل بالكوة اكل
مرت الاشهر علية واقترب موعد الامتحان باجر اول امتحان الية
فتحت التلفون ودزيتلة رسالة
" سيف اعرف محتقرة الرسالة بس اريد اكلك اني كلش محتاجتك بصفي اني كلش خايفة اني مقرت بكد البنات شلون شسوي اكيد حرسب اتمنى لو انت بصفي جان حضنتني وكلتلي انتي ايفين مينخاف عليج سيف مشتاقتلك "
سديت التلفون ورحت نمت
مشى اسبوعين الامتحانات واني كلش تعبانة احس روحي متكيرة كل الي بالمدرسة يسالوني ليش ضعفت هلكد وليش وجهي اصفر من طلعت من المدرسة دا تمشي باوعت دا ادور امي بين الاهالي لمحت سيف فجاءة اختفة رحت اركض ادور علي مثل المخبلة بين الناس واحاول الكاة لزمني احد من ورة عبالي هوة التفت
- شبيج يمة ليش تركضين هيج
- ماما
- شبيج ماما
- لا مابية
مشينا واني ادور علي مثل الطفل الي يدور على امة رجعت للبيت ومر شهر علية اصعب شهر اذا جانت الدراسة اتلهيني هسة ماكو شي يلهيني عن التفكير حسيت روحي متاكلة من التعب والتفكير
طلعت المعدلات ومعدلي جان زين اول شي خطر ابالي قسم سيف اترددت كلش بس قدمت علي اول واحد
ورة التقديم سافرت هدية بابا شهر ارتاحيت وحسيت التهيت اطلع ٢٤ ساعة اشتريت ملابس واهلي يجبروني على الاكل حتى اترد صحتي اني فكرت اذا انقبلت هنا اريد اكون احلى وحدة حتى هلمرة اخذة صدك
ضليت متاملة على هذا الشي الى ان طلعت القبولات

من كالتلي كلامها حسيت كل الغضب اتملكني ليش هلكد كارهتني لدرجة انو اتكلي روح بعد ما احتاجك واني خابص روحي واذي بروحي عمودها بالبداية الغضب امتلاني كسرت وفلشت كلشي وبنفس اليوم شلت بس ورة فترة بردت حسيت ببرود غريب برود ياذي ميريح نفسيتي كلش تعبت ضعفت واتاذيت كلش لحيتي صارت عالية مهتميت بنفسي ابد التهيت بالشغل وبالهدف الي اريد اوصلة
- حسن كملت الي كتلك علي
- اي طبعا
- ماشي اطلع انت
سعلت جكارة وبديت ادخن ودا اشرب جاي
- سيدي بسرعة اطلع من الباب الخلفي بسرعة
- شبيك شكو
-هجموا علينا جماعة ابو ذهب الطلبق الاول كلة صار جماعتة اكو سيارة تنتضرك برة استعجل
-امشي وياية
طلعنا نركض اسمع الرمي وراية والهوسة اكو ممر محد يندلة من مكتبي راسا للدرج وبعدين ليبرة صعدنا السيارات وانطلقنا ٦ سيارات
- هلة بوحشي
كعدت
-الحمدلله على السلامة
-ابوك ديحجي وياك جاوبة
اجة على بالي الفايلات والادلة كلها علي
- الملفات كلها بمكتبي ابسط واحد بيهن يذبك بالسجن مؤبد
- ههههههههههههههههههه والله ضحكتني انت من كل عقلك اكو ملفات ضدي واعوفهن هههههههههههه اظاهر بعدك متعرفني ذني كلهن ادلة وهمية متودي ولة اتجيب
-يعني جنت تختبرني
- والف مبروك النجاح
كمت دا اروح وكل مشاعر الغضب ماليتني
-اوكف
وكفت والتفتلة
- الي متعرفة اكو جاسوس بيناتنة وكاعد يطلع كل اسرارنا
-واني هذا الجاسوس ؟
-شكيت بيك وبحسن لان هو تابع الك ومحد يأمرة غيرك انت

ابتسمت بداخلي والله طلعت مو بس وحش ثعلب مكار بس انت عبالك الجاسوس غبي حتى يوكع بشغلة تافهة مثل هاي غلطان الي مثل هلجاسوس ميلكف بهل سهولة
مرت الاشهر علية صعبة لهيت روحي بالشغل المستمر حتى ما ارجع للشقة واذا رجعت اكضيها نوم
جنت كاعد بالمكتب واكلب بالفون شفت خبر الامتحانات مال البكلوريا  عرفت ايفين عدها امتحان اتمنيت اخابرها واطمنها اتمنيت اوكف وياها بهيج موقف
بس مكدرت باخر يوم قررت اروح اشوفها انتضرتها اباب المدرسة صليت واكف وابدور عليها بوجوه البنات شفتها بس انصدمت منها من شفتها انتبهت  راسا اختفيت صعدت سيارتي  ورحت  شكلها ما فارقني هاي مو ايفين ضعيفة كلش وجهة اصفر وشفتها بيضة مريضة كلش معقولة من ورة الدراسة بلكت تنجح وتفرح بنجاحها
اخ لو يمي جان اوكلها بايدي وارجع اخدودها الحلوة
بس اوف اوف

💓