أخذه قوي تركه ضعيف

Part 55

🤗❤🤩❤

،خذه_قوي_تركه_ضعيف

بارت 55

اول مفتحت الباب امي بوجهي
- وين جنتي
- بالخط
- ليش اتاخريتي
- اتاخرنا بالدوام شبيج ماما شنو تحقيق
- اي تحقيق نبهتج وبعد لتكرريها ترة احبسج هنا
اخذت غراضي وصعدت مو مال اتعارك وياها او ازعلها مني
شفت تلفوني اشعارات من يارا خابرتها وكعدنا انسولف
- يلى يويو خلي اروح اقرة باجر عندي امتحان
- اوكي عيني بيباي
- باي
بدلت ومسحت المكياج وطلعت الملازم وكعدت اقرة

- السلام عليكم
- هلة يمة اصبلك غدة
- لا متغدي
- اكلك سيف اليوم خلي نطلع انروح نشتري ملابس عمود الحفلة
- اي تدللين من عيني لعد يوسف وين
- يوسف راح للبيت يجيب غراض مناك
- ماشي
طبيت لغرفتي سديت الباب طلعت التلفون دك التلفون مرة وجاوبت
- سما
- هلووو شلونك وينك ناسيني
- اششش راسا عتب شبيج
- مشتاقتلك
- اني اكثر حبيبتي
- رحتي الفحص البارحة ؟
- اي رحت
- شكالوا
- هاهية جسمي نظيف ١٠٠٪؜ مثل الطفلة
- يعمري الحمدلله الف الحمدلله والله جنت خايف من الفحص هذا الحمدلله اكلج حبيبتي مشتاقيتي لخالة
- اي طبعا ذاك اليوم حجيت وياها
- اذا كتلج حضري جنطتج شتسوين
- يا جنطة يااا صدك والله
- اي حتجين هذا الاسبوع
- الله سيف يا يوم
- الثلاثاء انتي ونور وايفين واسامة
- كلنا هم يدرون لو مفاجئة
- ههههههه لا يدرون
- بيباي خلي اروح احضر جنطتي
- ههههههههه ماشي حبيبتي
طبيت للحمام سبحت وبدلت اول محطيت راسي على المخدة اجت ابالي امي شكلها تصرفاتها طيبتها
- الله يرحمج يمة

باوعت على الساعة صارت ال١٢
-يبو راسي حينفجرر شوكت تخلص هلدراسة ياربي وخرت الملازم ونمت

- ولج ايفين
-ها يمة شكو بسم الله
فزيت من النوم كلبي يركض
- ولج الساعة ب٧:٣٠ اخذتج النومة الخط واكفلج شلون
- خربب شلون هسة دقيقة
دكيت علي
- هلو هيثم عفية تكدر تنتظرني ... ها متكدر اوكي اسفة اخرتكم ...تمام
-ها شكال
- راح اكلج ابوية وين
- هم طالع
- يوههه خلي اشوف سيف
- يا سيف ولج
- عدج حل ثاني عدي امتحان بعد ساعة يا دوب اوصل قبلة
سدت الباب وطلعت
دكيت ميجاوب يوه خاف ديبدل دكيت مرة لخ جاوب
- هلو سيف
- شبيج كولي
- الخط عافني وعدي امتحان وبعدني ممبدلة وماكو احد يوصلني سييف
- ههههههههه تمام حبيبي بدلي على ما اجيج اني بالسيارة
- اوكي اوكي
كمت اركض انوبة ممحضرة ملابس شفت بدي وبنطرون كابوي لبستهن عزة حتى ممغسلة ركضت على الحمام غسلت
-باااع شعريييي
ركضت ليفوك ادور اجواريب ماكو
-هاي تكين يلى محد حيشوف
لبستهن ولبست الحذاء شلت شعري ذيل حصان عالي
باوعت على الساعة صارت ٧:٤٥
سيف دك هورن واني وجهي مشفتة يربي شلت جنطة المكياج وحطيتها بجنطتي اخذت الملزمة والدفتر وقلم ونزلت اركض
- يمة رايحة
- ولج هاج
- شنو
- اتريكي انتي وسيف
- فدوة لعينج احبجججج
فتحت الباب وصعدت بالسيارة بس منطية ظهري
- شبيج
-لتباوعلي ابد كانو مموجودة
- ههههههه ايفين
- بعد اعدل شكل وعود باوع
-هههههههه يالله زين وخري اريد اشوف المراية خاف سيارة وراية
شسوي كعدت عدل وهو يضحك فتحت المراية
سويت مكياج كلش خفيف بس حواجبي ومسكارا وشوية حمرة
- هاك هاي ريوك
- فدوة لعمتي
- شمدريك مو اني
- ههههههههه ما اريد احجي
-لوما ملتهية جان عرفت شكلت
طلعت الملزمة اخذت وحدة من المعجنات وكعدت اراجع
- شوكت امتحانج
- لو ٨:٣٠ لو ٩
- شلون مكعدتي الصبح راجعتي
- البارحة من ٥ لل١٢ اقرة شبيك
- اكول البارحة مالج حس
- خليني اقرة
ورة شوية انتبهت السيارة واكفة باوعت على سيف كاعد يكلب بالتلفون
- سيف ليش واكفين
- وصلنا شبيج
- ليش مكلت
- احسن ابقي راجعي هنا وقبل خمس دقايق روحي
- شكرا حبيبي
- يدلل الحلو
ضليت اراجع المادة جافة كلش وبالكوة تنحفظ وهذا الامتحان كلش مهم
- يلى ايفين  امشي
نزلنا اني ويا  مركزة بالملزمة حتى ما اباوع على الطريق لزم ايدي هو واني سلمت روحي الة هو يحركني
- وصلنا للقاعة كافي ذبيها قريتي انتي هواية
- سيف اذا منجحت تحجي وياية مو
- حتنجحين لتخافين يلى طبي بسرعة يلى
-ادعيلي
- تدللين عمري روحي يلى
طبيت للامتحان
خلصت الامتحان وطلعت منة
ضليت اباوت ادور على سيف ادري هو هم عندة محاضرة بس هيج كلبي جان محتاج اروح يمة ملكيتة كعدت على مسطبة
- ها شلون جاوبتي
- اوه يمعودة شدعوة هلكد صعبة بس الحمدلله جاوبت الي اعرفة كلشي ما اريد اريد بس انجح
- ان شاء الله حبيبتي اكلج يمعودة روحي اسئلي مرحلة ثانية كلها طالعة اكمال بي وبالكوة نجحوا منة
- اوه اسم الله الله ليكولها ان شاء الله مو اكمال
- اكلج صدك كلت للبنات وكالوا اي نجي
- ان شاء الله اني هسة بس خلي يطلعون واكللهم هم
- بس منين جبيتي هلورطة تدرين لازم هسة اندور فساتين يبو هاي عندي ازمة
- ولج هاي انتي وهيج تحجين لعد واني تدرين لحد هسة حمرة ممشترية يعني كلشي ممشترية ولا شعراية وما ادري الحك لو لا 
- يمعودة اتلحكين
- ايفين
- سيف !! انت مو عندك محاضرة
- اي

عفتها رحت
اجيب هاي هاج اكليها
باوع على صديقتي
- هاي قدميها لصديقتج
اخذتة وانطيتهيا
- اعرفج سيف خطيبي سيف هاي صديقتي يارا
- اهلا وسهلا شلون جاوبتوا
- زين الحمدلله
- يلى ايفين اني رايح
راح هو واني ضليت وية  صديقيتي
-باعي لتاخذيها جديات بس عزةة ولج يجنن شنو هاي
- ههههههههه شنو اول مرة تشوفي ترة معروف هنا
- اكلج اني انطيني كتب دراسة مالي علاقة بالولد  بس والله ما شاء الله يجنن رجولي كلش
- اعذريني ما اكدر اكلج كدامج 
- اي ههههه اكيد 

مر الوقت سريع بين السوالف وبين المحاضرات
جنت  كاعدة وية البنات ودك تلفوني
- ها سيوف
-يلى منتضرج يم السيارة
- تمام عيني
-يلى بنات بيباي رايحة
- باي حب

كلش فرحانة بالطريق كلة افكرشنو حشتري يالون حختار شنو المكياج الي احطة كلش متحمسة عزة
فتحت الجنطة
-اوففف الحمدلله
عبالي نسيت الفلوس بس جايبتها الحمدلله 
شفتة من بعيد رفعت ايدي سويتلة هلو ضل هو يضحك اني هم ضحكت على ضحكتة 
- تعاي تعاي اصعدي
- شبيك تضحك
- لان اني حبيت وحدة خبلة
- هههههههههه  احسن متحب وحدة عاقلة صدكني
- سيف شنو حتشتري
- ششتري عدي كلشي
- لا والله انت لازم ملابسك نفس تقريبا ملابسي  اللون كلشي .. شو متجاوب
-يا مول اتريدين
- اكبر واحد خلي انشوف شنو بي واذا ما بي الي اريدة حاخذ   من غير مكان
- منين
-يعني المنصور الرواد هيج
- ماشي
- هو فستان ميدوخ
- حتتندم على هاي الحجاية
  -يلى كومي
نزلنا من السيارة
- سيف اول شي الفستان شفت محل بي فساتين وشغلات حفلات
- شوف هذا حلو 
- حلو
شفت واحد فضي كلش يجذب اتخيلت ويا حُمرة حمرة وايلاينر حطلع اجنن
- سيف باوع باوع يموتت
- لا شوفي غيرة
- ليش
اجة يمي ونصة صوتة 
- ايفين شوية مشلح
حبيت استفزة
- شلون يعني
- شبيج شوفي الصدر الظهر عبالك فستان نوم
ابتسمت علي شلون يحجيها يحاول ميعصب وبصوت ناصي رجعت الفستان  وجريت ايدة وطلعنا
- انت ناوي تلبس قميص اسود وبنطرون اسود وحذاء اسود مو ؟
- شمدريج
- اي مو اعرفك والله لو شيصير ما اخليك تلبس هيج
- حلو شبيج
- طبعا حلو اصلا يجنن لهذا ما اخليك تلبسة بنات خالي وبنات عمي ومدري منو يشوفنك حلو غير اموت
- ههههههههههه لعد مو الكلية
- غير على اعصابي 
- هههههههههه
- تعال هنا
طبينا هم دورنا دورنا ماكو شي شوية مزاجي اتعكر لان مدا الكة شي الي يعجبني وكلشي على معتمد على الفستان
- تعاي خلي انشوف هذا
- تمام رحت ويا واني مقتنعة هم محلكة شي طبيت الة شفت عدة اللوان حلوة شوية صار عدي امل شفت واحد لونة كلش حلو  
- سيف هذا اريدة
- براحتج
- يجنن مو
- حلو والله 
- هاهية اريددددددة
اشتريتة من طلعنا من المحل
-سيف انت بالمحل كلت برة نحجي هسة احنا برة اخذ فلوس الفستان حباب والله اهلي يزعلون واني هم ازعل
- امشي خلي انكمل اتاخر الوقت
- سيييييف
- - باعي المكياج والباقي ما ادخل بي تمام بس الفستان اعتبري هدية خطوبتنا
- ما اخذهن هواية كلش غالي
- يوووه ايفين يلى
يمة هذا شبي رحنا على محل المكياج بس شنو كلشش جبير
- اني حكعد فوك اشربلي شي وانتي اشتري الي يعجبج
- تمام حبيبي
طبيت اركض احلى مكان واهم شي ماكو احد فوك راسي بديت اختار الي اريدهن واجرب دفعت كلشي وطلعت كلت ليش اتعبة خلي اكمل واروحلة رحت اشتريت الحذاء فضي طلعت من المحل ميتة من الفرح احس حطير حطير
ركضت للدرج صعدت فوك دورت علي شفتة رحت ركضتلة
- سيف باوع اشتريت كلشي اريدة
- هههههه بالعافية
- اكلك بقيت انت... باوعلي شبيك
- ايفين تاكلين شي لو انروح
- سيف
- كافي
نظرة متخليني احجي شي عفت الموضوع شال العلاليك وكمنا

🔥🔥♥️♥️