أخذه قوي تركه ضعيف

part 22

بارت 22

مر اليوم واحنا واحد يتفادى الثاني
كعدت الصبح مشفتها بالفراش وين راحت اجتي ابالي هواية افكار من ضمنها هربت طلعت من الغرفة طلعت برة للحديقة دورت ماكو اي اثر الها
مشيت مسافة بعيدة قريب على بركة مي جانت كاعدة اتقربت جنت كلش عصبي بس من اتقربت شفت بصفها بزونة صغيرة حيل وهي حاطتلها حليب من حست علية
حطت اصبعها على حلكها
- اشششش
عبالك اسمع كلامها ضليت هادئ ضلينا هيج الى راحت هي بوحدها
- شطلعج
-اه اه ظهري
- ياذيج !!
- ايييي
- مو علية هلسوالف
ضحكت
- هيج عجبني اطلع
- ماكو هيج شي متتحركين خطوة بدون متكليلي سمعنا لو لا
-جاوبي
- عوفني لتحجي وياية
- اني شدااحجي لتضوجيني جاوبي سمعتي لو لا
- سمعت سمعت خلص
- يلى كدامي دنطب
- ما اريد روح وحدك اريد اتنفس شوية
بدون ما اطول بالحجي شلتها ضلت تتصارع وياية
- اذا ما تثبتين راح اشمرج بالكاع والله وتعرفيني اسويها
دخلتها للغرفة
-هدني متتحكم بحياتي انت هدني بحالي ما اريد ابقى هنا اريد ارجع لاهلي
- نصي صوتج
-مالك علاقة بية
- اتريدين اتروحين هاي الباب مفتوحة روحي مدكومين روحيي
بس اتحملي الي يصيرلج
الشغلة يرادلها صبر
- انت مدتبينلي انو دتخطط لشي او اي شي يساعدني
- الشغلة يرادلها صبر اكعدي
باوعي علية اني منتظرج يطيب جرحج حتى نكدر نتحرك براحتنا بدون ما اخاف انو ينزف او ينفتح او يصير بيج شي وانتي كل الي هامج اتكومين واتكعدين واتعبين جرحج بايدج
- ورة ما اطيب ؟
- كلشي بوكتة
- اني بعد ما عدي صبر
عفتها وطلعت غبية

سمعت الباب انفتحت عبالي هو رجع
- ايفين ماما ليش طالع حسكم شبيكم
- سلامتج
اجتي يمي
- اني مو حجيت وياج وفهمتج شنو اتسوين
- خالة انتي وين واني وين
- زين لنفرض رجعتي لبيتكم وكلشي انحل واطلكتي من سيف ورجعتي للمدرسة وكلشي رجع لمحلة شنو راح يصير خلي نتخيل سوة
- شنو
- انتي صالج شكد مختفية ومن صارت الرصاصة والعالم تحجي ماما العالم تموت على الحجي انتي لازم تقتنعين انو سيف ملجائج الوحيد وهذا الي الله كاتبة عليج
- بس
- بدون بس انتي مو صغيرة جبيرة وواعية للي دا اكولة انتي من اليوم الي انخطفتي بي
- مالي علاقة بالناس
-انتي ويامن عايشة انتي عايشة وية الناس
-زين شتنصحيني
- اسمعي كلامة هو راح يحلج المشكلة الجبيرة بس لتخلي يباوع على غيرج
- عوفينا من هلموضوع اني جوعانة
خالة الشغلات الي تحجيها احسها غريبة اتريدني اخلي يحبني اني ما افكر بهاي السوالف صح اني متعلقة بي واخاف اذا مموجود بس اكيد لان هو الوحيد الي وياية  بهلفترة الطويلة صفنت بالي صار من البداية اتذكرت كل الصار كل الي سوا وياية اتغير هواية عن البداية جان عصبي ميتحاجة ودائما يضرب ويهين اتغير من اتعرف علية اكثر من شافني اشبه منى يعني لوما اشبها جان مساعدني من البداية
بهل اثناء طب
-نامي على ظهرج
نمت مثل مكال بدة ينظف الجرح فكرت بفكرة سيئة بس احسن من انو اضل ساكتة وافكر وحدي
-سيف
- همم
- اني بشنو اشبه منى
- ليش
- هيج
- متخافين وجريئة وقوية
- شوكت هلصافت اختفت عندي
- مختفت ضعفتي بس بعدج قوية
- بعدني اشبه منى
- لا
- من البداية متشبهية انتي اقوى منى بسرعة عافتني وراحت
- زين عادي سؤال لاخ
- لا
- انت بعدك اتحبها ؟ يعني قصدي
- عوفي الموضوع
- اريد اتجاوبني
- ايفين اني راح اروح فترة
- شنو دقيقة مراح اسال اذا متريد اتجاوب بس لتعوفني
- مو شغلة اعوفج بس عدي شغلة لازم اروح خالتي راح اتتنظفلج الجرح وتشربج ادويتج
التفت ديطلع
- سيف من كل عقلك دتحجي مدتشاقة وين وين رايح
- ايفين ترة خالتي مو سيف مو مال عناد وراس يابس يلى ديري بالج على نفسج

- سيف شنو شبيك على غفلة وين
- لا مو على غفلة كلت ورة ما انظفلج جرحج بس انتي استلمتيني اسالة غريبة
- زين اخذني وياك  ما ابقى هنا ما ابقى
جلبت بظهرة
- افففف ايفين شنو طفلة انتي هديني كتلج فترة وارجع عندي شغلة
- ما متعوفني
فك ايدي وجرني كعدني على الجرباية
- باوعيلي زين وافهي الي دا اكولة تمام؟
هزيت راسي
- ايفين اسبوع احسبيلي بس واكون يمج راح تبقين يم خالتي  هنا 
- ترجع ؟
- ارجع اني وعدتج من البداية راح اوصلج لاهلج سالمة متثقين بحجيي ؟
- اثق
- تمام بيباي ايفين الحلوة
لعب بشعري وراح ضليت كاعدة ما اعرف ليش دمعت عيوني طلعت اشوفة من رحت لكيتة رايح
اجتي خالة حضنتني
- ادعيلة يرجع بالسلامة
- ان شاء الله

ماكو اي طريقة تواصل ويا لازم ننتظرة الى ان هو يرجع  
صار الليل رحت للفراش هنا حسيت انو هو ماكو صالي شهرين هو اخر واول من اشوفة  حاولت انام بس مكدرت ضليت سهرانة

فززني صوت الباب
- ايفين ماما اكعدي كافي نوم صارت ال١١
فتحت عيوني زين هاي شوكت نمت اوف نومة كلش مو مريحة كمت على كيفي ورحت للمطبخ
شفت ولد غريب  فزيت ورجعت ليورة 
- تعاي ماما تعاي لتخافين هذا ادهم
عدلت

شعري ردت ارجع للغرفة بس خالة كعدتني
هو يبتسملي 
- اني مرت سيف تعرفة سيف
- هههه اي اعرفة
ما اعرف ليش ردت اكلة هلجملة احس فاقدة الثقة بكل الولد حتى يوسف ما اتواجد ويا بنفس المكان الة اذا خالة او سيف موجودين  
اتريكت على السريع وطلعت برة بالحديقة ورحت شوية ابعد وكعدت على الحشيش
- على عنادك سيف طلعت هههههه محد كالك تروح مادري راح اسوي كلشي مترضة بي
- ليش هو ميقبل انو اطلعين ؟
فزيت هذا شبي كعد بصفي واني بعدت عنة
- انتي اسمج ايفين
مجاوبتة
- اسمج كلش حلو ممم انتضري دقيقة
باع هذا عساس راح انتظرة والله يا الله
مطول فترة ورجع بس ويا جلب صغير ابيض يجنن اجة
- متخافين من الجلاب مو ؟
- لا يجنن
- افتحي ايديج واهم شي لتخافين
حطة بحضني وهذا يتحرك يجنن بدة يلحس بوجهي فدوةة
ضليت اضحك ويا وهو يروح ويرجع علية مكرهني 
-شنو اسمة
- جوجو
- جوجو تعال تعال
- تعالي
- اوي ابنية
- انثى ههههه
- المهم
- حبتج هي هم 
- بقيها هنا
- قريب عليكم اني اجيبها
- كليومية ؟
- كليومية تدللين
ضليت العب وياها
- ايفين تعاي
كمت ورحت
- روحي للغرفة حتى انظفلج الجرح
رحت وهي اجتي نظفتة
- استعجلييييي
- شعدج ولج
- جوجو ينتظرني
- لا خاف جرحج يتلوث
- لا ميوصلة واكيد ملقح لان جلب زينة
خلص اليوم واني العب وية جوجو  على العشة
- مخابر سيف
- لا شنو اشتاقيتلة
- راح اروح انام
رحت بدون ما اسمع حجيها دخلت للغرفة شفت تيشرتة على الكرويتة رحت اخذتة اشتميتة ريحتة حلوة وغريبة  اخذتة ورحت للجرباية طفيت الاضوية وبقيت واحد صغير
- يا ترى شدسوي
جنت كاعدة بالحديقة العب وية جوجو شفت من بعيد سيف وية هاي اسماء متلازمين وجاين علية اتخبلت كمت رحت علي
-  سيف انت شدسوي وية هاي
اجتي ودفعتني وكعت باوعت على ايدي كلها دم
باوعت على سيف جان يباوعلي

فزيت بنص الليل كليي يدك سريع وعرك ماخذني
- خاف راح يتزوجون اوفف
- اعوذ بالله من هلحلم