أخذه قوي تركه ضعيف

part 26

بارت26
كعدت ماكو شي اشوفة دنيا ليل باوعت بصفي سيف نايم كمت وطلعت على كيفي للمطبخ شربت وباوعت الساعة ب3:30 الفجر نمت نومة ثكيلة كلش بس احس بعد اريد انام رجعت للغرفة وصعدت على الجرباية نمت اكو ضوة خفيف على راسة صاير كلش عجبني الزم شعرة مديت ايدي ومسدت علي ملمس شعرة كلش ناعم شوية والهوى كام يحرك بالباب ويصير اصوات بالغرفة لزمت ايدة جانت على بطنة لزمتها
شوية وجرني صرت بحظنة
-اريد انام لتضلين اتحوصين
- سيف هدني اوف عوفني وخر
- اشش ما اسمع صوت
ضليت احاول بس ماكو مجال
ريحتة كلش طيبة وانفاسة دافية كلش هادئ بنومة نمت بهدوء واني اشتم ريحتة
مر الليل علينا ومن كعدت الصبح التفت علي شفتة نايم  احب شكلة من هو نايم  حسيت بنسمة هوة باردة غطيت روحي وشفتة هو ممتغطي فغطيتة هو هم
منين ما اشوفها اشوف حجي خالة صح سيف باسني وحضني ونام يمي ولمسني شلون اذا اطلكت وين اروح وين انطي وجهي اهلي شلون بيهم العالم شراح تحجي علية وعلى اهلي
بس حتى اذا افكر بي هو اصلا ميحبني وميردني شنو الحل لعد ليش هيج سوة بية
اه با حياتي كلها راحت برمشة عين
-صباح الخير
باوعتلة اتمنى يفهم الي بية اتمنى احد يساعدني اي احد يفهم
- شعجب ما كمتي ماطول كاعدة
- معاجبني اكوم
وخر شعر عن وجهي
- بيج شي
- لتلمسني
-ها
جانت كل علامات الصدمة على وجهة وبعدين باوعلي بطريقة تختلف كعد على الجرباية وعدل تشيرتة وكام
- يلى كومي نتريك تلكين خالتي كاعدة
طلع من الغرفة ومحجة اي شي وياية كمت بدلت وطلعت جانوا كاعدين يتريكون كعدت وياهم
ورة دقايق
- ايفين مريضة شبيج ماما شو مو على بعضج
- لا سلامتج ما بية شي
- اذا بيج شي كليلي
- لا
- على راحتج
كام سيف وطلع واني ضليت كاعدة كل ما تسالني احس البجية ببلعومي بس حتى اذا سولفت الها هم مراح تفهمني راح اضل اتكول رجلج وحلال ومدري شنو
-ايفين
- نعم
-تعاي
كمت ورحت وراه شوية وسمعت صوت نباح مال جوجو من شفتة ردت روحي رحت احضن والعب ويا نسيت حتى بشنو جنت افكر
-هذا شلون جبتة
-بعد جبتة
راح الجلب وعافني راح على سيف وسيف لعب ويا شوية
وبعدني راح دا اكوم الحك ورا لزمني سيف وكعدني
- خاف يتيه
- انتي اتيهين وهو وميتيه
- صالة شكد هنا
- هذا من اختي عاشت اهنا اخر سنة الها جبنا عمود تتونس لان وحدها ويوسف جان يدرس ببغداد فمحد وياها بس اتمرضت وطلعناها
- لعد ليش يم ادهم
- مو يمة عدنا بيت باني للجلب وهذا المنطقة كلها ترعاه مو احد
- بس او انسى انت عدك هواية ذكريات هنا
- كلش .... هنا عاشت امي وهنا ماتت الكل يعرف اني ما اجي هنا بسبب هلذكرى خالتي جانت تجيني زيارة اذا رادت اتشوفني لهذا اختاريت هذا المكان ابوية مراح يفكر ابد انو اني اجي هنا
- عمودي ؟ دتحمل وتذكر حتى تحميني
- لتنسين اني السبب
- انت مو سبب بشي سيف ليش دسوي هيج ليش دتاذة بسببي
- اني هم ما اعرف ليش باقي هنا وليش اساعدج
شنو قصدة شنو ميعرف
- يعني شنو الي متعرفة اني مو زوجتك صدك حتى تحميني هلكد وبهل اصرار
- كرمي خلي انطب
- سيف لتغير الموضوع وجاوبني

- شجاوبج على شنو اجاوب بالضبط
ورة فترة
طبينا للبيت سوة وهو اختفى على غفلة اني طبيت للغرفة ورة فترة اجة
-باجر العصر نروح لبغداد اوديج لاهلج
- ها ! دتحجي صدك ؟؟
- لعد اجذب عليج
ضليت صافنة شنو شلون
- ما اموت هلمرة
- متموتين وايفين لتخافين اني كتلج اوصلج واني عد وعدي ترجعين سالمة للبيت  وعلى الطلاك فترة وتجيج الورقة للبيت
حجة هلحجايتين وراح اني فرحانة ومستغربة كلش بنفس الوقت احس جذب او فد شي

- شبيك ماما ضايج وكاعد وحدك برة
- باجر راح اودي ايفين ادعيلنا كلشي يمضي على خير
- ليش شلون
- صارت بعد
- ماما لتستعجل لتاذي روحك مرة ثانية اني اشوفك تبتسم وتضحك هواية وياهة ومهتم بادق التفاصيل يومها اني متاكدة انت اتحبها او على الاقل عدك مشاعر اتجاها

من سمعتهم يحجون هيج رحت للغرفة اركض معقولة سيف يحبني يحبني اني ؟؟ زين ليش ميكلي شكد غبية ليش مسمعت كل الحجي اجيت اركض مثل الثولة هسة شلون راح افهم طلعت من الغرفة انضربت بشي باوعت صدر سيف
-وين رايحة
-ولا مكان هيج
-طبي للغرفة
- اريد اطلع شلك علاقة انت
- اللهم طولج يا روح طبي جوة
- اني اصلا ما حابة اطلع بس لان انت اصريت اني راح اطلع وخر
- انتي مو بعيني واغاتي
شالني وشمرني على الجرباية
- لتعاندين واتسوين مشكلة لا اربطج والله هنا
- شكد مكروه
راح بدل من راح اني ركضت طلعت من الغزفة هيج بس عناد ما احب يمشي كلامة علية
باوعت وراية ماكو احد معقولة عافني الاضوية مطفية ماكو شي رجعت بقيت دقايق ورجعت للغرفة الباب مسدودة فتحت الباب منفتحت فتحته مرة لخ هم ما انفتحت
- سيف بتسوي هلحركات وافتح الباب
- سيف
وادك بالباب
- سيييف افتح الباب
شفت الدنيا ظلمة وصوت الجلاب برة
- سيف اسفة مراح اعيدها والله راح اسمع كلامك سيف
- سيووفي بربك
سمعت القفل انفتح فتحت الباب بسرعة وطبيت الغرفة ظلمة ضليت واكفة هو نايم على الجرباية رحت على كيفي للجرباية وخرت الغطة ودخلت بهدوء
- لتسوين صوت ونامي
- زعلت مني
- زعطوطة ما اهتم لسوالفج اصلا
رفعت جسمي - هاي شن
جرني
- اني مو كلت بدون صوت
ريحتة ريحتة اتجنن هدئت وحاولت انام

🖤🖤🖤🖤🖤