أخذه قوي تركه ضعيف

Part 47

❤

،اخذه_قوي_تركه_ضعيف

part 47
- ليش انتي تحبيني ؟
- لا والله 
- هههههه
- شكو تضحك انت مومريض
- صرت زين بس سمعت صوتج
- شفتهم من ججيك وين اني بالسما لو بالكاع
- انتي بكلبي
- سيف
- عيونة
- شلون بينا
- اي والله شلون بكلبي هذا ايفين اني مدا اكدر انسى شكلج وانتي بنص الدماية اذا صارلج شي بسببي اذبح روحي وراج
- عادي اني قابلة خلي اموت انت شلك علاقة  اني دا اموت باليوم مليون مرة اني عايشة بس بنفس الوقت ميتة
- اتهون وتنسين
- اي؟ وانت تنسى اشوفك بالمستشفى
- والله انتي فد وحدة حتذليني
- اذا اتحبني واني احبك خلص محد يفرقنا انت الي دتروح وتعوفني دير بالك هاي المرتين لكيتني موجودة المرة الجاية محنتظرك
- اتهدديني
- انت عرفتني واني قوية حبيتك واني قوية ما اسمحلك اتخليني بهل ضعف ما اسمحلك ادمرني واني اتفرج عليك 
- اكو احد ؟
- هذا الي فكرت بي هذا الي اجة على بالك اني لو اكو احد جان مشفتني بهاي الحالة اتكطع عليك بس اني دا اكلك ايفين اذا اتهدها مرة ثالثة ما تنتظرك مو شرط اتروح لاحد ثاني عادي اتضل وحدها بس متقبل ترجعلك
- ايفين
- اصبر خليني افرغ كل الي بكلبي انت اكثر انسان اناني شفتة بحياتي عبالك انت دتهدني واتروح لان عمود تحميني لا غلطان انت دتهدني عمود لتحس بالذنب اتخاف على نفسك  من هلشعور مفكرت من راح اكعد من الغيبوبة اريدك بصفي  مفكرت بمشاعري وشنو راح احس مفكرت بالعذاب الي احسة تجي فترة اتعودني عليك وبعدين تختفي على مزاجك والمفروض اني من ترجع استقبلك بضحكة وحضن مو ؟ كل الي فكرت بي نفسك ونفسك ونفسك تدري مرات افكر انك متخاف علية من الموت كثر متخاف انو اتكون انت السبب بموتي حتى كلامك قبل اشوية من كلت اذبح روحي اذا اني السبب موتج متذبح روحك لان اني ماكو بالحياة لا تذبح روحك من شعور الذنب سيف فكر مرتين بكلامي وبذيج اللحظة حتقرر ترجعلي او لا بس لتتاخر لان اني مو صبورة عدك العافية ومع السلامة 
سدت الخط كلامها صفني مكدرت اجاوب بشي ولا كدرت استوعب كل الي كالتة كل حرف كالتة وراه مية احساس هي حاستة
صح اني جنت افكر انو تتعود على غيابي وحتتعود احسن مما اتموت بسببي صح اني اناني اني جنت افكر بنفسي
اخاف احس بنفس الاحساس من ماتت منى اخاف على نفسي اكثر من الخوف عليها الخوف على خيبة الامل الي هي تحس بي بسببي
هي دائما تختارني على نفسها اختارني على حساب سمعتها وروحها عادي عدها الموت بس اكون اني موجود يمها
اني جبان هي تحتار الموت واني اختار الهروب هي تختارني واني ما اختارها
بهل لحظة اتمنيت الكاع تنشك وتبلعني اكتشفت شكد اني اناني وشكد اني جبان حتى كلام اسامة صح لو بية خير جان حميتها اني
- صح ايفين اني اخذت قراري

حتى الحجي ويا على مزاجة ساعة احس رجعلي وديضحك وياية ورة ثواني يرجع يفقدني الامل وارجع احس بنفس الشعور الحقير ويخيب املي  مليت من هذا الاحساس مليت انو اكون لعبة
حجيت كل الي بكلبي وبعد اكو كلام اكثر من هذا بعد اريد اشفي غليلي مليت مليت من روحتة ورجعتة  من سديت الخط
بجيت من كل كلبي خفت امي تسمعني خليت المخدة على حلكي شنو الي سويتة اني هاهية سيف محيرجعلي خلص
بجيت الى ان نشفت ادموعي
- احسن احسن ايفين الي سويتي احسن كافي خلي يحدد كافي لعب شيصير خلي يصير المهم تثبت حياتي
كمت غسلت وتوضيت
صليت ومليت سجادتي دموع هلمرة الوحيدة الي مطلبت من ربي انو يرجعلي سيف لا طلبت الخير منة طلبت اذا جان برجعتة خير الي خلي يرجع واذا لا ابعدة ونزل الصبر علية

نور
طبيت لغرفة سيف دا اشوفة بس شفتة غريب صافن  وملامحة ظلمة وشالع المغذي
- سيف شبيك  الو سيف شبيك
ميجاوب طب اسامة
- اسامة شوف سيف مدري شبي
- سيف شبيك شكو
- ابوية انسجن
- شنوووو!

قررت ارجع للعراق قررت اكون قوي عمودها اني مو جبان ولا ضعيف خلص اني حتحدى الكل مثلها  حتحدى الموت
دكيت على حسن
- الو حسن حضرلي تكت للعراق
- شنو ليش
- شبيك المفروض تفرح
- ها لا بس اتفاجئت
- اكو شي حسن كلي شكو
- لا ماكو انت شوكت اتريد
- اقرب طيارة
- ها
- حسن شبيك كلي
- اتريد الصراحة
- كول
- ابوك بالسجن
- شنو
- ما اكدر اشرحلك على التلفون تعال و احجيلك
- احجزلي على اقرب طيارة

-وشراح اتسوي هسة
-اسامة شسوي قابل هو حرجع للعراق واشوف شنو صاير
- احسن شي اتسوي
- اكو احد رزلني اقوة من رزالتك
- هههههههه احسن مرات الرزايل متهدك بالعكس اتقوية واتوجهك لصحيح بس هلابنية مو هينة عاجبني اشوفها
- تعال للعراق واتشوفها
- طبعا اجي بيوم عرسكم    شو ابتسمت من جبت طاري عرسكم
- ههههههه والله ما ادري

بالمطار
-سما حبيبتي لتخافين حرجع اخذج وانعيش سوة
-ملحكت اشبع منك
- انتي اهم شي ديري بالج على صحتج  وان شاء الله نلتقي عمري انتي
- سلملي على الي اخذت صحتك
- هههههههههه ماشي يوصل
- وبوسليها
- ام اللسان اخذوها لهاي وديروا بالكم لا السانها يطول
- توصل بالسلامة حبيبي
- الله يسلمج
- توصل بالسلامة سيوفي

- الله يسلمك اخوية

اول ما حطت الطيارة بالعراق حسيت بنشاط رغم تعب السفر
كومة افكار تاخذني واتجيبني بس شلتها كلها اريد عقلي صافي
- الحمدلله على السلامة سيدي
- الله يسلمك
- الحمدلله على السلامة سيف
- الله يسلمك حبيبي
- وين حتروح  لبيتنا مو لان امي مشتاقتلك
- لا والله عدي شغل هنا اكملة واجيكم
- مو مشكلة منتظريك احنا

كلمن صعد بسيارتة صعدت وية حسن بالطريق
- اي حسن سولفلي

- دفنتوا شيرين
- اي نعم
- ماشي  ما اريد احد يشم خبر انو سيف قتلها
- امرك بس الوحش معقولة ابوها محيدور عليها
- حيدور وحيضن احد خطفها وقتلها وانتو حترتبون الادلة حتى اتببن الصورة هيج
- امرك

🖤🖤