بارت 4
- كومي اكعدي
كعدت وهو مقابيلي على الكرسي شكلة غاضب كلش ويخوف بس يحجي بهدوء
- عزيزتي ليش سوتي هيج اني مو شوفتج وجهي الطيب ليش دائما اتريدين تشوفين وجهي القاسي باعي باعي راح اوكف كلشي هسة وارجع اعاملج زين وارجعج للغرفة بس اذا كلتي بعد مسويها
-هه لو صارتلي فرصة ثانية راح اهرب مرة ثانية
جنت احجي وابتسم شفت ضحكتة الشيطانية
مد ايدة واني رجعت ليورة ثبتوني ثنين وراية مد ايدة لركبتي وبعدين لزمها من ورة بقوة لمساتة جانت تحركني جسمي كلة اتقشعر
لزمها بقوة وضل يباوع بعيني بتركيز سحبني الة
- لتجربيني (يحجي ويبتسم ) اني ما اريد ااذيج لهذا لتاذين نفسج
سحب ايدة
- كولي بعد ما اسويها
منطقت وهنا حسيت لاول مرة بطعم ايدة ضربني راشدي بقوة لدرجة اذاني صفرت وفقدت التوازن لثواني كام من الكرسي سحب البنطرون وكنبص كبالي لزم فكي بقوة
رفع حواجبة وابتسم
- كولي
- لو صارتلي فرصة ....اه
راشدي ثاني اها مراح يتساهل وياية هلمرة وكعت بالكاع من الضربة وحسيت بطعم الدم جرني من الكاع
- كولي
- راح اهرب اهرب اهرب
بدة يضربني ببطني برجلة الوجع كمت ما احس من كثر الالم
- كوليها ومراح اصدكها بس كوليها كوليها
ابتسمت
- عبالك هسة انت رجال وانو انت قوي انت لا شيء انت چلب شوارع مريض
ضل يضربني بشكل عشوائي وطلع من الغرفة
نمت على الكاع مدا اتحمل اتنفس من الوجع كل جسمي ياذيني اني مدا اكابر ولا دا اتحداه بس ما اريد ارضي ما اريد احسسة ان هو قوي اني ما اريدة ينتصر غفيت واني افكر
طلعت من الغرفة اعصابي فايرة
- وينة الحارس
- بغرفة ٣
طب الغرفة
- احترامي سيدي
راسا ضربتة
- كوم كوم لتصير مثل النسوان من ضربة توكع
- اسف سيدي
- وين جنت من هربت
- اني سيدي شفتك طبيت رحت بس اشرب مي وارجع
- تشرب مي تشرب مي
ضليت اضرب بي طلعت كل عصبيتي بي
- سيدي راح يموت
- اشمرة برة
رحت لغرفتي طبيت اسبح وبدلت ملابسي معقولة اذيتها هواية خاف صار بيها شي
لا لا مصار شيصير قابل ختولي كعدت اكل ونمت
فتحت عيني
- اه اه بطني
لا موكت الوجع هسة اني صار عدي فكرة عن المكان اكدر اهرب منهم حاولت اكعد كعدت بالكوة ورجلية مفتوحة مثل الجهال رحت للشباك الدنيا صبح لعد وين الاكل ليش ما اجة
انفتحت الباب بس هلمرة مو اكل شفتة واكف كارهتة وكارهة شكلة ويا ثنين بنات اجوي علية رجعت ليورة جرون وكعدوني على ركبي كدامة كعد على الكرسي جنت تقريبا يم رجلة اظاهر يحب يذلني
- شلونج
- جوعانة هذا وقت الريوك ليش اجيت ابدالة
ابتسم وحط مراية جبيرة مقابيلي باوعت لوجهي شصاير بي حلكي مشوك ووجهي احمر وحاجبي مشكوك
- اوه ههه هههه اووووه شنو هذا شمسوي بوجهي الحلو هههههه
- اني مسويت شي انتي الي سويتي
فجاءة رفعت الابنية الوراية السويتر عيطت
-شدسوين هديني
- باعي على المراية
- شنو اوه
بطني زركة على حمرة واكو مناطق بنفسجي
- شفت شفت نزلة شفتة كااافي
- عوفوها
غطيت نفسي بسرعة
- شنو شنو شنو شتريد هسة كول التريدة وفضني
-هذا چيس ادوية ابقي هادئة واتقبلي الوضع الي انتي بي حتى ما اذيج اكثر
- شلون شتريد مني
- اعرف دتفكرين بالهروب مرة ثانية مراح تنجحين وراح الزمج مرة ثانية وهلمرة راح يكون العقاب يختلف
- لا مراح اسوي
- مراح اتسوين شنو ؟
- مراح اهرب
- اوكي
طلع كم شغلة طبية وكام
- اكعدي على الكرسي
- شنو شتريد عوفني اني اعالج نفسي
طلع تلفونة وطكلي صورة
- عوفي عنادج لتخليني ادز هلصورة لاهلج وانتي اعلم بالي راح يصير
- لا لا اوكي اي شي تريدة يصير
- اي شي ؟
- ها
كعدت على الكرسي طلع وصلة مبللة وكعد ينضف وجهي
- اه اه
رفعت ايدي اريد اوخر ايدة لزم ايدي ونزلها
باوعت على وجهة جان عاض شفتة وهو مركز على وجهي الي هو سببها ضليت اباوع علي
اي اني ذيج الابنية الي ماكو ولد اتقرب منها وهسة اكو من لازم ايدي وكاعد يداويني طلعت من تفكيري هذا من حط شي يحرك
- لا تباوعيلي هيج اعتبريني طبيب وديعالجج
- خخخ اه اوكف ديحرك
- خلصت
رفع السويتر
نزلتة بسرعة رفع راسة وخلة عينة بعيني
- خليني اشوف
وخرت ايدي رفع السويتر وبدة يتلمس يضغط باماكن
- ماكو كسور
- شلون هيج متاكد شنو طبيب
- يجوز
- ههههه صح هاي دولة تاخذ بيها كلشي بالقوة حتى الشهادة
ابتسم ولزم فكي
- فديوم راح اكص اللسانج
عافني ومن وصل للباب
- اني جوعانة
- ماشي
أنت تقرأ
أخذه قوي تركه ضعيف
Mystery / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
