مزمل: احكي ي مريم قصتك شنو معاهو وصحبتك منو الساعدتو
_علمي علمكم وانا اول مرة اسمع الكلام دا بكون بكذب عليكم عشان يطلع نفسو ما اكتر
مرام: عاينت لمزمل وقالت ليهو مريم ما عندها صحبة غير اختك هل ممكن تعمل ليها حاجة تأذيها "قالتها بصورة استفزازية"
مزمل عقد حواجبو وقال قصدك شنو ي مرام اختي ما بتعمل حاجة تأذي مريم انا عارفها بتحبها لياتو درجة احتمال زي ما قالت مريم بكذب علينا
مرام: ما ح تعرفني على اخواتك الليلة ي مزمل وسكتت اتلفتت علي وقالت "مريم انا طالعة فوق عن اذنكم ي جماعة "
"مزمل زعل من كلام مرام والطريقة الكانت بتتكلم بيها معاهو وقف على حيلو وقال لينا انا استأذن بعد دا لانو الزمن إتاخر
_مزمل مالك اقعد معانا الليلة
مزمل:مرة تاني ي مريم ان شاء الله يلا سلام
"علام قال ليهو ارح انا ح اقدمك مزمل ودعنا وطلع هندية قالت لي الحمد لله اننا اطمنا عليهم اتثائبت وقالت لي مريم انا تعبانة ونعست شديد ح امشي انوم يلا تصبحي على خير ...انتظرت علام لحدي ما رجع من برة قلت ليهو قفلت باب الشارع
_اي قفلتو ما تشيلي هم مالك ما طلعتي تنومي
"بعد مسافة رديت عليهو وقلت ليهو يلا تصبح على خير "
_مريم اقيفي دقيقة
_مالك في شنو
_انا اسف لانو قبيل اتجرحتي بسببي واسف عشان ما وقفت لمن ناديتيني
_ما مشكلة بسيطة ما تشغل بالك
"اتقدم وبقى جاي على اتجاهي وكل مرة بنقص في المسافة بينا "_علام انت جاي وين
"ابتسم "_مسك يدي المجروحة طلع مرهم من جيبو وختاهو فيها وقال : دا تمسحيهو صباح ومساء الجرح ح يبرى سريع
"سحبت يدي منو وقلت ليهو شكرا ما كان في داعي وممكن ما تعاين لي كدا ي علام لانو انا بتعقد من نظراتك "
_يا ريت لو بقدر اتحكم في عيوني انا خايف نظراتي ليك يوم تفضحني ولو علي اكون طول اليوم بعاين ليك وما ح امل منك ولا ح اكتفي منك
"عقدت حواجبي وعاينت ليهو بزعل وقلت ليهو"_انا ما كنت متخيلاك زول لعوب وبتحب تلعب ببنات الناس بس انا مستحيل اخليك تتلاعب بمشاعري ي علام
_بسم الله ي بت لعب شنو اسي الكلام دا الداعي ليهو شنو
_الداعي ليهو مناسك وحبك ليها وكيف تكون مرتبط بمناسك وفي نفس الوقت بتقول لي انا كلامك دا حدد اول حاجة انت بتحب منو
_مناسك شنو ي مريم الانا بحبها انتي بتتكلمي كيف انا حكيت ليك انا البت دي عملت فيني شنو وانتي اكتر زول عارف اني ما بطيق وجودها
