"الصوت قطع اللحظة الحلوة الكنت حاسة بيها وخلاني افتح عيوني بخلعة"
_هندية معقولة دي انتي" من غير ما احس لقيت دموعي بتنزل من عيوني كنت مشتاقة ليها شديد جات علي وضمتني عليهاوبقت تبكي معاي "
_كيفكم ي مريم والحاصل عليكم ولي ما اتصلتو علي
_والله ي هند مع الحصل ليمة بقينا عايشين في توتر والحمد لله بس اعفي لينا
_العفو حبيبتي حمدلله على سلامتها وما عليها شر ان شاء الله وكفارة ليك كمان
_الله يسلمك ي رب بس عرفتي كيف
_قلبي كان قابضني وليكم كم يوم انتو في بالي وقلت اجي اشوفكم عشان اطمن اتصلت عليك بس تلفونك في البداية كان مقفول تاني فتح لاكن ماف رد انا قلقت عشان كدا مشيت ليكم في البيت لاقتني عمتكم محاسن وحكت لي الحصل شنو طوالي جيتكم بجاي
_الله يديك العافية ي هند ما بتقصري والله ...تلفوني خسران كان ووديتو للصيانة بس ما كان عندي علم انو اتفتح وبالمناسبة انتي محظوظة لانو ابوي وعمتو محاسن كانو معانا هنا لو كان بدرتي شوية كان ح تلقي البيت فاضي
_اي سبحان الله محاسن برضو قالت لي كدا اسي جيت معاهم عمتك مع يمة اسي ح تجيك
"ابوي فتح الستارة وقال لي سلامتك ي مريم هندية استأذنت مني وطلعت دخل وبقى قاعد جنبي في طرف السرير كان باين القلق في عيونو ختى يدو في جبيني "
_انا كويسة ي ابوي ما تخاف
_الحمد لله "دنقر باسني في جبيني وقال لي خلي بالك من نفسك ي بتي رفع راسو وعاين للدرب وقال لي خلاص قرب يخلص ح انادي الممرضة تجي تشوفك "
_ابوي ما تمشي "مسحت دموعي" وقلت ليهو:بتجي براها خليك قاعد جنبي
_بناديها وبجيك ما ماشي
"نده ليها وجا قعد جنبي "_ابوي اعفي لي والله ي ابوي انا ما غلطت في حاجة والله ما عملت غلط
_انا عارف ي مريم انك ما غلطتي ي بتي انا الاسف عشان ما صدقتك من البداية ما كان مفترض اشك فيك... انا بفتخر بيك ي مريم قدام اي زول خليك دايما رافعة راسي
_يعني انت صدقتني ي ابوي
"مسح دمعتو من عينو"_اي مصدقك ي مريم والفضل يرجع لعلام
_علام ؟!"عاينت ليهو بإستغراب "
_علام شال تلفونك وقدر يصل للزول العمل كدا وجاني اتكلم معاي وقال لي انت قلت عايز دليل من بتك عشان تصدقها ودا الدليل ي خالي انو مريم ما عملت حاجة تخليك تخجل منها في اللحظة ديك انا خجلت من نفسي على العملتو فيك والظلم الظلمتك ليهو وندمت عشان ما سمعتك وصدقتك معليش ي مريم ي بتي "ضميتو علي وقلت ليهو كفاية انو عرفت اني مستحيل اعمل كدا مستحيل اكسر ثقتك فيني ي ابوي "
