مزمل: انت اوسخ انسان انا شفتو في حياتي أمنتك على بيتنا المفترض يكون بيتك ي ود خالتي المصون اتفو على البعرفك ياخ "فكى علام واتحرك عشان يمشي"
_مزمل اقيف ماشي وين
مزمل: معليش ي مريم اعذريني... مع السلامة وقولي لناس البيت اني مشيت واعتذري لي منهم وطلع طوالي
"علام كان واقف وبعاين بعيونو بس ما قال ولا كلمة تاني "
_اها ماشي وين انت كمان
علام: احسن امشي ي مريم
_ما ح تمشي لو ما قلت لي الحصل شنو
_مريم دا ما وقتو
_لا وقتو ونص لازم اعرف
"مشيت وقعدت في واحد من الكراسي الفي الجنينة وبقيت بعاين ليهو وهو واقف في مكانو "_منتظراك انا تعال اقعد
"قعد جنبي سرح مسافة حتى بدا يحكي الكلام دا كان في 2 ثانوي مشيت مع مزمل بيتهم زي كل مرة دخلت الصالون وبقيت راقد في السرير مسافة مزمل يجيب لينا موية نشرب وانا مغمض حسيت بحركة في رجليني فتحت بخلعة قايلو دا مزمل عايز يتعاور بس لقيتها مناسك بتكلكل في رجلي وفي ابتسامة في وشها قمت من رقدتي وقعدت في السرير صريت وشي وقلت ليها بتعملي في شنو هنا ودا شنو اللابسة دا اطلعي امشي بهناك ضحكت ضحكة مستفزة وقالت لي شنو ي علام عامل فيها خلاص كبرت وبقيت راجل وعايز تتأمر علي قمت على حيلي ورفعت ليها اصبعي وقلت ليها مناسك احسن تمشي من قدامي عشان ما اغلط فيك قالت لي خلاص خلاص ما تكورك هدي طالعة بعد طلعت قعدت في السرير وبقيت بفكر في بت الناس دي اتكلم مع مزمل ولا احسم تصرفاتها دي براي اخترت اني اتكلم معاها وانبها براي بصفتي زي اخوها ودا الكنت مفتكرو بعد مسافة مزمل جا داخل وهو شايل فلينتو في يدو شكلو كان في الحمام عاين لي وقال مالك ي زول عامل كدا سرحان وين انتبهت لنفسي رسمت ابتسامة مزيفة وقلت ليهو لالا ماف حاجة بس ح ارجع البيت في حاجات مفترض اجيبها لإمي ونسيتها قال لي خلاص ي زول لحدي بكرة وسلم على خالتي قلت ليهو يوصل ان شاء الله وسلم على خالتو اميمة كمان ما ح امشي ليهم بهناك ودعتو وطلعت بعد كم يوم مشيت معاهو واتكرر نفس الموقف بس المرة دي انا كنت صارم معاها مسكت يدها ولويتها ليها كنت ح اديها كيف بس جا مزمل داخل مناسك طوالي قعدت تبكي ومشت لاخوها وقالت ليهو انو امها رسلتها تجيب لي موية بس انا مسكتها كنت ح اعتدي عليها مزمل عيونو بقت شرار من قبل ما ابرر واتكلم وقع فيني ضرب حتى ما سألني من الحصل شنو مناسك جرت لإمها وهي بتكورك خالتو اميمة جات وحجزتو مني وبقت تسأل فينا الحصل شنو مزمل برر ليها بسبب تاني انا شلت شنطتي وقبل ما اطلع قلت ليهو شكرا ي صحبي بس هو تف لي في وشي طلعت منهم وانا مليان شديد منو كيف خطر في بالو انو انا ممكن اعمل كدا اختو اللهي بت خالتي وزي ما هي عرضو عرضي انا كمان مزمل ما كلم زول بالحصل قال لي ما عشان خاطري عشان امي وخالتو اميمة ما يتآثرو بالحصل ولحدي يوم الليلة هو مفتكر اني انا المذنب ...علام سكت وبقى سرحان انا غلبني ارد اقول ليهو شنو صدمني شديد بكلامو كيف ممكن مناسك تكون كدا واصلا كيف قدرت تعمل كدا حسيت راسي لمن وجعني من السمعتو عاينت لعلام وقلت ليهو : طيب ي علام انت ما حاولت تبرر ليهو
