دا شنو البقولو فيهو دا حقيقة شنو يعني يمة كذبت علينا الموضوع طلع اكبر من القصة الحكتها لينا مستحيل الفي بالي يكون حقيقة مستحيل مزمل لالا كيف يعني
مرام: مريم مالك واقفة هنا في شنو
"انتبهت ليها بس ما كنت قادرة اتكلم وبقيت بعاين فيها "
مرام: مريم انتي سامعاني مالك ساكتة
_اي ي مرام ماف حاجة "مشيت منها مريت بالصالة لقيت رغد ماف ومناسك قاعدة وشاردة شكلها بتفكر في حاجة ما عندي حل غير مناسك احتمال تكون عارفة حاجة بس هل ح تتكلم معاي وتقدر تحكي لي بس برضو ح اسألها واجرب حظي مشيت عليها"
_مناسك "انتبهت من شرودها ورفعت راسها عاينت لي " عايزاك دقيقة ممكن
مناسك: قولي في شنو
"ما ينفع هنا ارح برة مناسك وافقت وطلعنا برة قعدنا في الجنينة"
_انا عارفة انو انا وانتي ما بنتفق وخلافاتنا كتيرة وما عشان اسي قاعدة معاك معناها انا نسيت العملتي فينا وفي مهرة بالاخص
"مناسك عاينت لي بخلعة"_اسي انا ما عايزة افتح المواضيع دي ولا عايزة نتناقش فيها وخليها ورانا
مناسك: طيب جبتيني من جوة لشنو شكلك ما عندك موضوع وعايزة تموضعي بي
_انتي اصلا الكلام بهدوء ما بنفع معاك
مناسك: عايني انا الفيني مكفيني عليك الله ي مريم ما ناقصة هترشتك دي
"استغفر الله العظيم ي ربي "_مناسك ح اسألك سؤال سبب تعاملك معاي كدا علام ولا عندك سبب تاني انا ما عارفة
"سكتت مسافة حسيت العبرة قفلت حلقها "_اصلا كل العملتو عشان علام طلع على الفاضي
"عاينت ليها بإستغراب"_كيف يعني
"عقدت حواجبها وقالت : وانتي الخصك شنو زاتي غلطانة اني جيت وقعدت معاك ومشت خلتني
"انا يوم ح اقتلها وارتاح منها البت دي زاتو كان ما قلة فهم مني مناسك منو البتحكي لي الحقيقة دا لو هي اصلا عارفة حاجة... قمت عايزة ادخل جوة رغد جات طالعة جيت مارة بجنبها عايزة اتجاوزها بس مسكتني وقالت لي مريم ممكن تسمعيني عليك الله مريم انا محتاجة ليك "
"اتلفت عليها "_رغد ماف حاجة ح تغير حقيقة الحصل
_انتي بس اسمعيني انا كلمت مؤيد بالحقيقة وحكيت ليهو كل الحصل وكلمتو انو انا الغلطانة انا بستحمل اي عقاب منك حتى لو عايزة تكلمي ناس بيتنا كلو الا اني افقدك وتسكتي مني ي مريم ما عندي غيرك عشان احكي ليهو همي "
_تعالي اقعدي طيب واهدي شوية "قعدت جنبها بعد هدت قالت لي : مريم عليك الله سامحيني"
_انا سامحتك ي رغد بس ما تتوقعي انو ممكن انسى الحصل واتجاوزو بسهولة وانا ما شايلة في قلبي اتجاهك انتي بت عمتي وح تفضلي الزمن بيدو يمحي كل الجروح وح يجي اليوم وانسى الحصل واحتمال وقتها نرجع اصحاب تاني
