اتأخرو شديد وانا خلاص فاض بي قلت معناها مشو بيتهم زي ما قلت ليهم قمت عايزة اطلع برة اشوفهم سمعت صوتهم وهم بتكلمو مع بعض جو داخلين واي واحد راسم في وجهو ابتسامة اهبل من التاني صريت ليهم وشي وقلت ليهم خلاص خلافاتكم انتهت
مزمل: ممكن تقولي كدا سوء فهم واتحلى بكم بنية وكم شلوت
"علام وهو بضحك قال لي "_ما تصدقي هو برضو اضرب كم ضربة
_انتو مجانين والله
مزمل: شكرا ليك ي دبدوبة مع انو انتي اصغر مننا بس اعقل وحدة فينا لو ما عملتي العملتي اسي ما كان في واحد عندو الجُرءة عشان يواجه التاني عاين لعلام وقال ليهو اعذرني ي صحبي
علام: اصلا راسها ما كبير ساي اتاريهو فيهو مخ جوة
"عاينت ليهو بطرف عيني وقلت ليهم "_ممكن تبطلو تنمر علي اصلا الحسنة في الملعون ما بتنفع
علام :اسي خلينا من الفارغة قدرت احل موضوع التلفون
_يعني عرفت الكان السبب
علام: لسى لاكن شغال في الموضوع وح نعرف قريب
مزمل: في شنو ي اخوانا دخلوني معاكم في الصورة
"ابوي جا طالع من الغرفة مزمل مشا سلم عليهو وانا طلعت فوق خليتهم معاهو دخلت لقيت مرام راقدة في السرير وبتبكي بحرقة مشيت عليها
_مرام مالك بسم الله بتبكي مالك
_ماف حاجة ي مريم خليني
_مرام انا حاسة بيك من كنتي تحت ما على ما يرام مالك في شنو اتكلمي
_مريم عليك الله خليني "وبقت تبكي زيادة "_مزمل ليهو علاقة ببكاك دا ي مرام
"عيونها اتوسعت وبقت تعاين لي "_في شنو بينك وبين مزمل هو الكنتي بتتكلمي معاهو بالتلفون صاح
"سكتت وما ردت علي "_اتكلمي ي مرام واوعك تكذبي علي لانو انا ح اعرف ح اعرف واحسن اعرف منك انتي
_ما ح تزعلي مني وتكوركي فيني لو كلمتك
_انتي قولي اول كدي
_اي مزمل هو الكنت بتكلم معاهو بالتلفون انا ومزمل بنحب بعض
"بنبرة حادة قلت ليها: مرام انتي بتقولي في شنو انتي عارفة عمرك كم متين بقيتي لحاجات زي دي انا ما بلومك انتي بلوم مزمل الكبير وواعي كيف يفكر فيك بطريقة زي دي مفترض هو يكون اكتر زول يحافظ علينا وعلى عرضنا كيف يسمح لنفسو انو يعاين ليك انتي حسابك معاي بعدين اسي انا كلامي مع مزمل وطلعت خليتها بتكورك لي نزلت تحت وانا ما شايفة قدامي من الزعل لقيت الصالة فاضية ماف زول دخلت الغرفة لقيت يمة وعمتو محاسن بتونسو من شافوني عمتو نادتني "
_مريم تعالي مالك طالعة طوالي اقعدي معانا
_دخلت وقعدت جنبها
