"طلعت وقفلت الباب بقيت بتكلم مع نفسي اكيد دي الحرباية دي بتكلم معاها ما عارفة ح اخلص منها متين وقفت مسافة برة ما طلع المرة دي فتحت الباب بزهج ومن غير ما استأذن كان بلبس في جزمتو وعاقد حواجبو وباين عليهو مضايق مع فتحتي للباب اتخلع
_انا منتظراك بالمناسبة
_وقف على حيلو وبنفس تعابير الغضب قال: معليش ي مريم نسيتك
_اقيف طيب اسي انت ماشي وين
_عندي حساب ماشي اصفيهو
"اتذكرت مؤيد اكيد ح يكون ماشي ليهو "_علام انتظر انا عايزة اتكلم معاك ضروري تسمعني
_مريم ما اسي خليني بعد ارجع
_انا عارفة انت ماشي وين علام الاتصرف التصرف دا معاي اسمو مؤيد وهو زميلي في الجامعة
"علام اتلفت على وقال بحدة"_بتعرفي من وين وعرفتي كيف انو دا هو
_انا عرفت وخلاص ما مهم عرفت من وين بس اسي انت ما ح تمشي ليهو
_انتي واعية بتقولي في شنو عايزاني اخلي الموضوع بالبساطة دي وح اسألك سؤال لي ما عايزاني امشي ليهو الزول دا بتربطك بيهو علاقة وانا ما عارف
"عليت صوتي عليهو"_علام انت بقول في شنو علاقة شنو البتربطني مع مؤيد انا ما عايزاك تمشي عشان ما تغلط والموضوع ح يكبر
_مريم اسمعي هنا انا وعدت خالي انو انا ح اتصرف وانا ح احل الموضوع لانو لو كان عرف مكان الزول دا كان ح يقتلو وانا ما عايز الشرف دا يمشي لغيري
_علام انت مجنون بتقول في شنو انا ما ح اخليك تطلع من البيت
_ح اطلع ي مريم ح اطلع مسك يدي شديد وبقى بحاول يفكني من الباب
_علام عليك الله خليك هنا عليك الله ما تمشي لو عندي خاطر عندك الموضوع بتحلا بالرواقة
"علام بقى بتكلم بصوت عالي"_مريم رواقة شنو الزول دا مسى عرضك عارفة يعني شنو الكلام دا كيف ح اتفاهم مع زول اتخطى حدودو معاك كل ضربة انتي اتضربتيها من خالي انا ح ارجعها ليهو الضعف مستحيل اتفاهم مع زول سبب ليك اذى واسي زحي قلت ليك جرا يدي شديد من الباب لدرجة اتجرحت بالباب
"مسكت يدي علام كان ح يجي على بس غير رايو وطلع من الباب اتلاقى مع مرام وهند الجو مخلوعين بسبب اصواتنا كنت بكورك ليهو عشان يقيف بس ما سمعني "
هند: في شنو ي مريم والجرحك كدا شنو
"مرام مشت جابت شاش من علبة الإسعافات هند نضفتها ولفتها لي "
مرام: ما عايزة تقولي في شنو
_رغد صديقة عمري هي المسؤولة عن الحصل معاي حتى لو علام اسي حاسب مؤيد ما ح يستفيد شي
مرام: كيف يعني مؤيد دا منو انا ما فاهمة حاجة ي مريم
"حكيت لمرام وهند الحصل كلو لحدي طلعت علام من البيت هند بقت تتحسبن وما قدرت تتكلم تاني مرام قالت الا تمشي لرغد في بيتهم وتأدبها كانت زعلانة شديد هندية قالت ليها الحاجات دي بتتحلا بالعقل ي مرام ما تتسرعي للمشاكل اي زول فينا عندو جانب سئ رغد اتصرفت غلط مع اختك وحست بالذنب عشان كدا اعترفت بغلطها تاني بيد اختك تسامحها او تعاقبها القرار قرارها
